헬라어 문장 검색 - Σεπτύ044́052́

(70인역 성경, 예레미야서 52:)

ΟΝΤΟΣ εἰκοστοῦ καὶ ἑνὸσ ἔτουσ Σεδεκίου ἐν τῷ βασιλεύειν αὐτόν, καὶ ἕνδεκα ἔτη ἐβασίλευσεν ἐν Ἱερουσαλήμ, καὶ ὄνομα τῇ μητρὶ αὐτοῦ Ἀμειτάαλ, θυγάτηρ Ἱερεμίου, ἐκ Λοβενά. καὶ ἐγένετο ἐν τῷ ἔτει τῷ ἐνάτῳ τῆσ βασιλείασ αὐτοῦ, ἐν μηνὶ τῷ δεκάτῳ, δεκάτῃ τοῦ μηνόσ, ἦλθε Ναβουχοδονόσορ βασιλεὺσ Βαβυλῶνοσ καὶ πᾶσα ἡ δύναμισ αὐτοῦ ἐπὶ Ἱερουσαλὴμ καὶ περιεχαράκωσαν αὐτὴν καὶ περιῳκοδόμησαν αὐτὴν τετραπέδοισ λίθοισ κύκλῳ. καὶ ἦλθεν ἡ πόλισ εἰσ συνοχὴν ἕωσ ἑνδεκάτου ἔτουσ τῷ βασιλεῖ Σεδεκίᾳ. ἐν τῇ ἐνάτῃ τοῦ μηνὸσ καὶ ἐστερεώθη ὁ λιμὸσ ἐν τῇ πόλει, καὶ οὐκ ἦσαν ἄρτοι τῷ λαῷ τῆσ γῆσ. καὶ διεκόπη ἡ πόλισ, καὶ πάντεσ οἱ ἄνδρεσ οἱ πολεμισταὶ ἐξῆλθον νυκτὸσ κατὰ τὴν ὁδὸν τῆσ πύλησ ἀναμέσον τοῦ τείχουσ καὶ τοῦ προτειχίσματοσ, ὃ ἦν κατὰ τὸν κῆπον τοῦ βασιλέωσ, καὶ οἱ Χαλδαῖοι ἐπὶ τῆσ πόλεωσ κύκλῳ. καὶ ἐπορεύθησαν ὁδὸν τὴν εἰσ Ἄραβα, καὶ κατεδίωξεν ἡ δύναμισ τῶν Χαλδαίων ὀπίσω τοῦ βασιλέωσ καὶ κατέλαβον αὐτὸν ἐν τῷ πέραν Ἱεριχώ, καὶ πάντεσ οἱ παῖδεσ αὐτοῦ διεσπάρησαν ἀπ’ αὐτοῦ. καὶ συνέλαβον τὸν βασιλέα καὶ ἤγαγον αὐτὸν πρὸσ τὸν βασιλέα Βαβυλῶνοσ εἰσ Δεβλαθά, καὶ ἐλάλησεν αὐτῷ μετὰ κρίσεωσ. καὶ ἔσφαξε βασιλεὺσ Βαβυλῶνοσ τοὺσ υἱοὺσ Σεδεκίου κατ’ ὀφθαλμοὺσ αὐτοῦ, καὶ πάντασ τοὺσ ἄρχοντασ Ἰούδα ἔσφαξεν ἐν Δεβλαθά. καὶ τοὺσ ὀφθαλμοὺσ Σεδεκίου ἐξετύφλωσε καὶ ἔδησεν αὐτὸν ἐν πέδαισ, καὶ ἤγαγεν αὐτὸν βασιλεὺσ Βαβυλῶνοσ εἰσ Βαβυλῶνα καὶ ἔδωκεν αὐτὸν εἰσ οἰκίαν μύλωνοσ ἕωσ ἡμέρασ ἧσ ἀπέθανε. καὶ ἐν μηνὶ πέμπτῳ, δεκάτῃ τοῦ μηνόσ, ἦλθε Ναβουζαρδὰν ὁ ἀρχιμάγειροσ ὁ ἑστηκὼσ κατὰ πρόσωπον τοῦ βασιλέωσ Βαβυλῶνοσ εἰσ Ἱερουσαλήμ, καὶ ἐνέπρησε τὸν οἶκον Κυρίου καὶ τὸν οἶκον τοῦ βασιλέωσ καὶ πάσασ τὰσ οἰκίασ τῆσ πόλεωσ, καὶ πᾶσαν οἰκίαν μεγάλην ἐνέπρησεν ἐν πυρί. καὶ πᾶν τεῖχοσ Ἱερουσαλὴμ κύκλῳ καθεῖλεν ἡ δύναμισ τῶν Χαλδαίων, ἡ μετὰ τοῦ ἀρχιμαγείρου. καὶ τοὺσ καταλοίπουσ τοῦ λαοῦ κατέλιπεν ὁ ἀρχιμάγειροσ εἰσ ἀμπελουργοὺσ καὶ εἰσ γεωργούσ. καὶ τοὺσ στύλουσ τοὺσ χαλκοῦσ τοὺσ ἐν οἴκῳ Κυρίου καὶ τὰσ βάσεισ καὶ τὴν θάλασσαν τὴν χαλκῆν τὴν ἐν οἴκῳ Κυρίου συνέτριψαν οἱ Χαλδαῖοι καὶ ἔλαβον τὸν χαλκὸν αὐτῶν καὶ ἀπήνεγκαν εἰσ Βαβυλῶνα. καὶ τὴν στεφάνην καὶ τὰσ φιάλασ καὶ τὰσ κρεάγρασ καὶ πάντα τὰ σκεύη τὰ χαλκᾶ, ἐν οἷσ ἐλειτούργουν ἐν αὐτοῖσ, καὶ τὰ σαφφὼθ καὶ τὰ μασμαρὼθ καὶ τοὺσ ὑποχυτῆρασ καὶ τὰσ λυχνίασ καὶ τὰσ θυί̈σκασ καὶ τοὺσ κυάθουσ, ἃ ἦν χρυσᾶ χρυσᾶ καὶ ἃ ἦν ἀργυρᾶ ἀργυρᾶ, ἔλαβεν ὁ ἀρχιμάγειροσ. καὶ οἱ στῦλοι δύο καὶ ἡ θάλασσα μία καὶ οἱ μόσχοι δώδεκα χαλκοῖ ὑποκάτω τῆσ θαλάσσησ, ἃ ἐποίησεν ὁ βασιλεὺσ Σαλωμὼν εἰσ οἶκον Κυρίου. οὐκ ἦν σταθμὸσ τοῦ χαλκοῦ αὐτῶν. καὶ οἱ στῦλοι, τριακονταπέντε πηχῶν. ὕψοσ τοῦ στύλου τοῦ ἑνόσ, καὶ σπαρτίον δώδεκα πήχεων περιεκύκλου αὐτόν, καὶ τὸ πάχοσ αὐτοῦ δακτύλων τεσσάρων κύκλῳ, καὶ γεῖσοσ ἐπ’ αὐτοῖσ χαλκοῦν, καὶ πέντε πήχεων τὸ μῆκοσ ὑπεροχὴ τοῦ γείσουσ τοῦ ἑνόσ, καὶ δίκτυον καὶ ρόαι ἐπὶ τοῦ γείσουσ κύκλῳ, τὰ πάντα χαλκᾶ. καὶ κατὰ ταῦτα τῷ στύλῳ τῷ δευτέρῳ, ὀκτὼ ρόαι τῷ πήχει τοῖσ δώδεκα πήχεσι. καὶ ἦσαν αἱ ρόαι ἐνενηκονταὲξ τὸ ἓν μέροσ, καὶ ἦσαν αἱ πᾶσαι ρόαι ἑκατὸν ἐπὶ τοῦ δικτύου κύκλῳ. καὶ ἔλαβεν ὁ ἀρχιμάγειροσ τὸν ἱερέα τὸν πρῶτον καὶ τὸν ἱερέα τὸν δευτεροῦντα καὶ τοὺσ τρεῖσ τοὺσ φυλάττοντασ τὴν ὁδὸν καὶ εὐνοῦχον ἕνα, ὃσ ἦν ἐπιστάτησ τῶν ἀνδρῶν τῶν πολεμιστῶν, καὶ ἑπτὰ ἄνδρασ ὀνομαστοὺσ τοὺσ ἐν προσώπῳ τοῦ βασιλέωσ, τοὺσ εὑρεθέντασ ἐν τῇ πόλει, καὶ τὸν γραμματέα τῶν δυνάμεων, τὸν γραμματεύοντα τῷ λαῷ τῆσ γῆσ, καὶ ἑξήκοντα ἀνθρώπουσ ἐκ τοῦ λαοῦ τῆσ γῆσ, τοὺσ εὑρεθέντασ ἐν μέσῳ τῆσ πόλεωσ. καὶ ἔλαβεν αὐτοὺσ Ναβουζαρδὰν ὁ ἀρχιμάγειροσ τοῦ βασιλέωσ καὶ ἤγαγεν αὐτοὺσ πρὸσ βασιλέα Βαβυλῶνοσ εἰσ Δεβλαθά, καὶ ἐπάταξεν αὐτοὺσ βασιλεὺσ Βαβυλῶνοσ ἐν Δεβλαθά, ἐν γῇ Αἰμάθ. καὶ ἐγένετο ἐν τῷ τριακοστῷ καὶ ἑβδόμῳ ἔτει, ἀποικισθέντοσ τοῦ Ἰωακεὶμ βασιλέωσ Ἰούδα ἐν τῷ δωδεκάτῳ μηνί, ἐν τῇ τετράδι καὶ εἰκάδι τοῦ μηνόσ, ἔλαβεν Οὐλαιμαραδὰχ βασιλεὺσ Βαβυλῶνοσ ἐν τῷ ἐνιαυτῷ, ᾧ ἐβασίλευσε, τὴν κεφαλὴν Ἰωακεὶμ βασιλέωσ Ἰούδα καὶ ἐξήγαγεν αὐτὸν ἐξ οἰκίασ, ἧσ ἐφυλάσσετο. καὶ ἐλάλησεν αὐτῷ χρηστὰ καὶ ἔδωκε τὸν θρόνον αὐτοῦ ἐπάνω τῶν βασιλέων τῶν μετ’ αὐτοῦ ἐν Βαβυλῶνι. καὶ ἤλλαξε τὴν στολὴν τῆσ φυλακῆσ αὐτοῦ καὶ ἤσθιεν ἄρτον διὰ παντὸσ κατὰ πρόσωπον αὐτοῦ πάσασ τὰσ ἡμέρασ, ἃσ ἔζησε. καὶ ἡ σύνταξισ αὐτῷ ἐδίδοτο διὰ παντὸσ παρὰ τοῦ βασιλέωσ Βαβυλῶνοσ ἐξ ἡμέρασ εἰσ ἡμέραν ἕωσ ἡμέρασ, ἧσ ἀπέθανεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ieremiae 52:

(70인역 성경, 예레미야서 52:)

목록

SEARCH

MENU NAVIGATION