헬라어 문장 검색 - Σεπτύ044́049́

(70인역 성경, 예레미야서 49:)

ΚΑΙ προσῆλθον πάντεσ οἱ ἡγεμόνεσ τῆσ δυνάμεωσ καὶ Ἰωανὰν καὶ Ἀζαρίασ υἱὸσ Μαασαίου καὶ πᾶσ ὁ λαὸσ ἀπὸ μικροῦ ἕωσ μεγάλου πρὸσ Ἱερεμίαν τὸν προφήτην καὶ εἶπαν αὐτῷ. πεσέτω δὴ τὸ ἔλεοσ ἡμῶν κατὰ πρόσωπόν σου καὶ πρόσευξαι πρὸσ Κύριον τὸν Θεόν σου περὶ τῶν καταλοίπων τούτων, ὅτι κατελείφθημεν ὀλίγοι ἀπὸ πολλῶν, καθὼσ οἱ ὀφθαλμοί σου βλέπουσι. καὶ ἀναγγειλάτω ἡμῖν Κύριοσ ὁ Θεόσ σου τὴν ὁδόν, ᾗ πορευσόμεθα ἐν αὐτῇ, καὶ λόγον ὃν ποιήσομεν. καὶ εἶπεν αὐτοῖσ Ἱερεμίασ. ἤκουσα, ἰδοὺ ἐγὼ προσεύξομαι ὑπὲρ ὑμῶν πρὸσ Κύριον τὸν Θεὸν ἡμῶν κατὰ τοὺσ λόγουσ ὑμῶν. καὶ ἔσται, ὁ λόγοσ, ὃν ἂν ἀποκριθήσεται Κύριοσ ὁ Θεόσ, ἀναγγελῶ ὑμῖν, οὐ μὴ κρύψω ἀφ’ ὑμῶν ρῆμα. καὶ αὐτοὶ εἶπαν τῷ Ἱερεμίᾳ. ἔστω Κύριοσ ἐν ἡμῖν εἰσ μάρτυρα δίκαιον καὶ πιστόν, εἰ μὴ κατὰ πάντα τὸν λόγον, ὃν ἐὰν ἀποστείλῃ Κύριοσ πρὸσ ἡμᾶσ, οὕτωσ ποιήσωμεν. καὶ ἐὰν ἀγαθὸν καὶ ἐὰν κακόν, τὴν φωνὴν Κυρίου τοῦ Θεοῦ ἡμῶν, οὗ ἡμεῖσ ἀποστέλλομέν σε πρὸσ αὐτόν, ἀκουσόμεθα, ἵνα βέλτιον ἡμῖν γένηται, ὅτι ἀκουσόμεθα τῆσ φωνῆσ Κυρίου τοῦ Θεοῦ ἡμῶν. ‐ Καὶ ἐγενήθη μεθ’ ἡμέρασ δέκα ἐγενήθη λόγοσ Κυρίου πρὸσ Ἱερεμίαν. καὶ ἐκάλεσε τὸν Ἰωανὰν καὶ τοὺσ ἡγεμόνασ τῆσ δυνάμεωσ καὶ πάντα τὸν λαὸν ἀπὸ μικροῦ ἕωσ μεγάλου καὶ εἶπεν αὐτοῖσ. οὕτωσ εἶπε Κύριοσ. ἐὰν καθίσαντεσ καθίσητε ἐν τῇ γῇ ταύτῃ, οἰκοδομήσω ὑμᾶσ καὶ οὐ μὴ καθελῶ καὶ φυτεύσω ὑμᾶσ καὶ οὐ μὴ ἐκτίλω, ὅτι ἀναπέπαυμαι ἐπὶ τοῖσ κακοῖσ, οἷσ ἐποίησα ὑμῖν. μὴ φοβηθῆτε ἀπὸ προσώπου βασιλέωσ Βαβυλῶνοσ, οὗ ὑμεῖσ φοβεῖσθε ἀπὸ προσώπου αὐτοῦ, μὴ φοβηθῆτε, φησὶ Κύριοσ, ὅτι μεθ’ ὑμῶν ἐγώ εἰμι τοῦ ἐξαιρεῖσθαι ὑμᾶσ καὶ σῴζειν ὑμᾶσ ἐκ χειρὸσ αὐτοῦ. καὶ δώσω ὑμῖν ἔλεοσ καὶ ἐλεήσω ὑμᾶσ καὶ ἐπιστρέψω ὑμᾶσ εἰσ τὴν γῆν ὑμῶν. καὶ εἰ λέγετε ὑμεῖσ. οὐ μὴ καθίσωμεν ἐν τῇ γῇ ταύτῃ πρὸσ τὸ μὴ ἀκοῦσαι φωνῆσ Κυρίου, ὅτι εἰσ γῆν Αἰγύπτου εἰσελευσόμεθα καὶ οὐ μὴ ἴδωμεν πόλεμον καὶ φωνὴν σάλπιγγοσ οὐ μὴ ἀκούσωμεν καὶ ἐν ἄρτοισ οὐ μὴ πεινάσωμεν καὶ ἐκεῖ οἰκήσομεν, διὰ τοῦτο ἀκούσατε λόγον Κυρίου. οὕτωσ εἶπε Κύριοσ. ἐὰν ὑμεῖσ δῶτε τὸ πρόσωπον ὑμῶν εἰσ Αἴγυπτον καὶ εἰσέλθητε ἐκεῖ κατοικεῖν, καὶ ἔσται, ἡ ρομφαία, ἣν ὑμεῖσ φοβεῖσθε ἀπὸ προσώπου αὐτῆσ, εὑρήσει ὑμᾶσ ἐν γῇ Αἰγύπτου, καὶ ὁ λιμόσ, οὗ ὑμεῖσ λόγον ἔχετε ἀπὸ προσώπου αὐτοῦ, καταλήψεται ὑμᾶσ ὀπίσω ὑμῶν ἐν Αἰγύπτῳ, καὶ ἐκεῖ ἀποθανεῖσθε. καὶ ἔσονται πάντεσ οἱ ἄνθρωποι καὶ πάντεσ οἱ ἀλλογενεῖσ, οἱ θέντεσ τὸ πρόσωπον αὐτῶν εἰσ γῆν Αἰγύπτου ἐνοικεῖν ἐκεῖ, ἐκλείψουσιν ἐν τῇ ρομφαίᾳ καὶ ἐν τῷ λιμῷ, καὶ οὐκ ἔσται αὐτῶν οὐθεὶσ σῳζόμενοσ ἀπὸ τῶν κακῶν, ὧν ἐγὼ ἐπάγω ἐπ’ αὐτούσ. ὅτι οὕτωσ εἶπε Κύριοσ. καθὼσ ἔσταξεν ὁ θυμόσ μου ἐπὶ τοὺσ κατοικοῦντασ Ἱερουσαλήμ, οὕτωσ στάξει ὁ θυμόσ μου ἐφ’ ὑμᾶσ εἰσελθόντων ὑμῶν εἰσ Αἴγυπτον, καὶ ἔσεσθε εἰσ ἄβατον καὶ ὑποχείριοι καὶ εἰσ ἀρὰν καὶ εἰσ ὀνειδισμὸν καὶ οὐ μὴ ἴδητε οὐκέτι τὸν τόπον τοῦτον, ἃ ἐλάλησε Κύριοσ ἐφ’ ὑμᾶσ τοὺσ καταλοίπουσ Ἰούδα. μὴ εἰσέλθητε εἰσ Αἴγυπτον. καὶ νῦν γνόντεσ γνώσεσθε ὅτι ἐπονηρεύσασθε ἐν ψυχαῖσ ὑμῶν ἀποστείλαντέσ με λέγοντεσ. πρόσευξαι περὶ ἡμῶν πρὸσ Κύριον, καὶ κατὰ πάντα, ἃ ἐὰν λαλήσῃ σοι Κύριοσ, ποιήσομεν. καὶ οὐκ ἠκούσατε τῆσ φωνῆσ Κυρίου, ἧσ ἀπέστειλέ με πρὸσ ὑμᾶσ. καὶ νῦν ἐν ρομφαίᾳ καὶ ἐν λιμῷ ἐκλείψετε ἐν τῷ τόπῳ, ᾧ ὑμεῖσ βούλεσθε εἰσελθεῖν κατοικεῖν ἐκεῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ieremiae 49:

(70인역 성경, 예레미야서 49:)

목록

SEARCH

MENU NAVIGATION