Septuagint, Liber Ieremiae 46:

(70인역 성경, 예레미야서 46:)

ΚΑΙ ἐγένετο ἐν τῷ ἔτει τῷ ἐνάτῳ τοῦ Σεδεκία βασιλέωσ Ἰούδα ἐν τῷ μηνὶ τῷ δεκάτῳ παρεγένετο Ναβουχοδονόσορ βασιλεὺσ Βαβυλῶνοσ καὶ πᾶσα ἡ δύναμισ αὐτοῦ ἐπὶ Ἱερουσαλὴμ καὶ ἐπολιόρκουν αὐτήν. καὶ ἐν τῷ ἑνδεκάτῳ ἔτει τοῦ Σεδεκία, ἐν τῷ μηνὶ τῷ τετάρτῳ, ἐνάτῃ τοῦ μηνόσ, ἐρράγη ἡ πόλισ. καὶ εἰσῆλθον πάντεσ οἱ ἡγούμενοι βασιλέωσ Βαβυλῶνοσ καὶ ἐκάθισαν ἐν πύλῃ τῇ μέσῃ Ναργαλασὰρ καὶ Σαμαγὼθ καὶ Ναβουσαχὰρ καὶ Ναβουσαρεῖσ καὶ Ναγαργασνασὲρ Ραβαμὰγ καὶ οἱ κατάλοιποι ἡγεμόνεσ βασιλέωσ Βαβυλῶνοσ. καὶ ἀπέστειλαν καὶ ἔλαβον τὸν Ἱερεμίαν ἐξ αὐλῆσ τῆσ φυλακῆσ καὶ ἔδωκαν αὐτὸν πρὸσ τὸν Γοδολίαν υἱὸν Ἀχεικὰμ υἱοῦ Σαφάν. καὶ ἐξήγαγον αὐτόν, καὶ ἐκάθισεν ἐν μέσῳ τοῦ λαοῦ. ‐ Καὶ πρὸσ Ἱερεμίαν ἐγένετο λόγοσ Κυρίου ἐν τῇ αὐλῇ τῆσ φυλακῆσ λέγων. πορεύου καὶ εἰπὲ πρὸσ Ἀβδεμέλεχ τὸν Αἰθίοπα. οὕτωσ εἶπε Κύριοσ ὁ Θεὸσ Ἰσραήλ. ἰδοὺ ἐγὼ φέρω τοὺσ λόγουσ μου ἐπὶ τὴν πόλιν ταύτην εἰσ κακὰ καὶ οὐκ εἰσ ἀγαθά, καὶ σώσω σε ἐν τῇ ἡμέρᾳ ἐκείνῃ καὶ οὐ μὴ δώσω σε εἰσ χεῖρασ τῶν ἀνθρώπων, ὧν σὺ φοβῇ ἀπὸ προσώπου αὐτῶν, ὅτι σώζων σώσω σε, καὶ ἐν ρομφαίᾳ οὐ μὴ πέσῃσ. καὶ ἔσται ἡ ψυχή σου εἰσ εὕρημα, ὅτι ἐπεποίθεισ ἐπ’ ἐμοί, φησὶ Κύριοσ.

목록

일치하는 문장이 없습니다.

SEARCH

MENU NAVIGATION