Septuagint, Liber Ieremiae 42:

(70인역 성경, 예레미야서 42:)

Ο λόγοσ ὁ γενόμενοσ πρὸσ Ἱερεμίαν παρὰ Κυρίου ἐν ἡμέραισ Ἰωακεὶμ βασιλέωσ Ἰούδα λέγων. βάδισον εἰσ οἶκον Ἀρχαβεὶν καὶ ἄξεισ αὐτοὺσ εἰσ οἶκον Κυρίου, εἰσ μίαν τῶν αὐλῶν, καὶ ποτιεῖσ αὐτοὺσ οἶνον. καὶ ἐξήγαγον τὸν Ἰεζονίαν υἱὸν Ἱερεμίου υἱοῦ Χαβασὶν καὶ τοὺσ ἀδελφοὺσ αὐτοῦ καὶ τοὺσ υἱοὺσ αὐτοῦ καὶ πᾶσαν τὴν οἰκίαν Ἀρχαβεὶν καὶ εἰσήγαγον αὐτοὺσ εἰσ οἶκον Κυρίου εἰσ τὸ παστοφόριον υἱῶν Ἀνανίου, υἱοῦ Γοδολίου ἀνθρώπου τοῦ Θεοῦ, ὅ ἐστιν ἐγγὺσ τοῦ οἴκου τῶν ἀρχόντων τῶν ἐπάνω τοῦ οἴκου Μαασαίου υἱοῦ Σελώμ, τοῦ φυλάσσοντοσ τὴν αὐλήν, καὶ ἔδωκα κατὰ πρόσωπον αὐτῶν κεράμιον οἴνου καὶ ποτήρια καὶ εἶπα. πίετε οἶνον. καὶ εἶπαν. οὐ μὴ πίωμεν οἶνον, ὅτι Ἰωναδὰβ υἱὸσ Ρηχὰβ ὁ πατὴρ ἡμῶν ἐνετείλατο ἡμῖν λέγων. οὐ μὴ πίετε οἶνον, ὑμεῖσ καὶ οἱ υἱοὶ ὑμῶν ἕωσ αἰῶνοσ. καὶ οἰκίασ οὐ μὴ οἰκοδομήσητε καὶ σπέρμα οὐ μὴ σπείρητε, καὶ ἀμπελὼν οὐκ ἔσται ὑμῖν, ὅτι ἐν σκηναῖσ οἰκήσετε πάσασ τὰσ ἡμέρασ ὑμῶν, ὅπωσ ἂν ζήσητε ἡμέρασ πολλὰσ ἐπὶ τῆσ γῆσ, ἐφ’ ἧσ διατρίβετε ὑμεῖσ ἐπ’ αὐτῆσ. καὶ ἠκούσαμεν τῆσ φωνῆσ Ἰωναδὰβ τοῦ πατρὸσ ἡμῶν πρὸσ τὸ μὴ πιεῖν οἶνον πάσασ τὰσ ἡμέρασ ἡμῶν, ἡμεῖσ καὶ αἱ γυναῖκεσ ἡμῶν καὶ οἱ υἱοὶ ἡμῶν καὶ αἱ θυγατέρεσ ἡμῶν, καὶ πρὸσ τὸ μὴ οἰκοδομεῖν οἰκίασ τοῦ κατοικεῖν ἐκεῖ, καὶ ἀμπελὼν καὶ ἀγρὸσ καὶ σπέρμα οὐκ ἐγένετο ἡμῖν, καὶ ᾠκήσαμεν ἐν σκηναῖσ καὶ ἠκούσαμεν καὶ ἐποιήσαμεν κατὰ πάντα, ἃ ἐνετείλατο ἡμῖν Ἰωναδὰβ ὁ πατὴρ ἡμῶν. καὶ ἐγενήθη ὅτε ἀνέβη Ναβουχοδονόσορ ἐπὶ τὴν γῆν, καὶ εἴπαμεν. εἰσέλθατε καὶ εἰσέλθωμεν εἰσ Ἱερουσαλὴμ ἀπὸ προσώπου τῆσ δυνάμεωσ τῶν Χαλδαίων καὶ ἀπὸ προσώπου τῆσ δυνάμεωσ τῶν Ἀσσυρίων, καὶ ᾠκοῦμεν ἐκεῖ. καὶ ἐγένετο λόγοσ Κυρίου πρόσ με λέγων. οὕτωσ λέγει Κύριοσ. πορεύου καὶ εἰπὸν ἀνθρώπῳ Ἰούδα καὶ τοῖσ κατοικοῦσιν Ἱερουσαλήμ. οὐ μὴ λάβητε παιδείαν τοῦ ἀκούειν τοὺσ λόγουσ μου̣ ἔστησαν ρῆμα υἱοὶ Ἰωναδάβ, υἱοῦ Ρηχάβ, ὃ ἐνετείλατο τοῖσ τέκνοισ αὐτοῦ πρὸσ τὸ μὴ πιεῖν οἴνον, καὶ οὐκ ἐπίοσαν. καὶ ἐγὼ ἐλάλησα πρὸσ ὑμᾶσ ὄρθρου, καὶ οὐκ ἠκούσατε. καὶ ἀπέστειλα πρὸσ ὑμᾶσ τοὺσ παῖδάσ μου τοὺσ προφήτασ λέγων. ἀποστράφητε ἕκαστοσ ἀπὸ τῆσ ὁδοῦ αὐτοῦ τῆσ πονηρᾶσ καὶ βελτίω ποιήσατε τὰ ἐπιτηδεύματα ὑμῶν καὶ οὐ πορεύσεσθε ὀπίσω θεῶν ἑτέρων τοῦ δουλεύειν αὐτοῖσ, καὶ οἰκήσετε ἐπὶ τῆσ γῆσ, ἧσ ἔδωκα ὑμῖν καὶ τοῖσ πατράσιν ὑμῶν. καὶ οὐκ ἐκλίνατε τὰ ὦτα ὑμῶν καὶ οὐκ εἰσηκούσατε. καὶ ἔστησαν υἱοὶ Ἰωναδὰβ υἱοῦ Ρηχὰβ τὴν ἐντολὴν τοῦ πατρὸσ αὐτῶν, ὁ δὲ λαὸσ οὗτοσ οὐκ ἤκουσέ μου. διὰ τοῦτο οὕτωσ εἶπε Κύριοσ. ἰδοὺ ἐγὼ φέρω ἐπὶ Ἰούδαν καὶ ἐπὶ τοὺσ κατοικοῦντασ Ἱερουσαλὴμ πάντα τὰ κακά, ἃ ἐλάλησα ἐπ’ αὐτούσ. διὰ τοῦτο οὕτωσ εἶπε Κύριοσ. ἐπειδὴ ἤκουσαν υἱοὶ Ἰωναδὰβ υἱοῦ Ρηχὰβ τὴν ἐντολὴν τοῦ πατρὸσ αὐτῶν ποιεῖν καθότι ἐνετείλατο αὐτοῖσ ὁ πατὴρ αὐτῶν, οὐ μὴ ἐκλίπῃ ἀνὴρ τῶν υἱῶν Ἰωναδὰβ υἱοῦ Ρηχὰβ παρεστηκὼσ κατὰ πρόσωπόν μου πάσασ τὰσ ἡμέρασ τῆσ γῆσ.

목록

일치하는 문장이 없습니다.

SEARCH

MENU NAVIGATION