헬라어 문장 검색 - Σεπτύ044́041́

(70인역 성경, 예레미야서 41:)

Ο λόγοσ ὁ γενόμενοσ πρὸσ Ἱερεμίαν παρὰ Κυρίου λέγων. οὕτωσ εἶπε Κύριοσ. βάδισον πρὸσ Σεδεκίαν βασιλέα Ἰούδα καὶ ἐρεῖσ αὐτῷ. οὕτωσ εἶπε Κύριοσ. παραδόσει παραδοθήσεται ἡ πόλισ αὕτη εἰσ χεῖρασ βασιλέωσ Βαβυλῶνοσ, καὶ συλλήψεται αὐτὴν καὶ καύσει αὐτὴν ἐν πυρί. καὶ σὺ οὐ μὴ σωθῇσ ἐκ χειρὸσ αὐτοῦ καὶ συλλήψει συλληφθήσῃ καὶ εἰσ χεῖρασ αὐτοῦ δοθήσῃ, καὶ ὀφθαλμοί σου τοὺσ ὀφθαλμοὺσ αὐτοῦ ὄψονται καὶ τὸ στόμα αὐτοῦ μετὰ τοῦ στόματόσ σου λαλήσει, καὶ εἰσ Βαβυλῶνα εἰσελεύσῃ. ἀλλὰ ἄκουσον τὸν λόγον Κυρίου, Σεδεκία βασιλεῦ Ἰούδα. οὕτωσ λέγει Κύριοσ. ἐν εἰρήνῃ ἀποθανῇ, καὶ ὡσ ἔκλαυσαν τοὺσ πατέρασ σου τοὺσ βασιλεύσαντασ πρότερόν σου, κλαύσονται καὶ σέ, οὐαὶ Κύριε, καὶ ἕωσ ᾅδου κόψονταί σε. ὅτι λόγον ἐγὼ ἐλάλησα, εἶπε Κύριοσ. καὶ ἐλάλησεν Ἱερεμίασ πρὸσ τὸν βασιλέα Σεδεκίαν πάντασ τοὺσ λόγουσ τούτουσ ἐν Ἱερουσαλήμ. καὶ ἡ δύναμισ βασιλέωσ Βαβυλῶνοσ ἐπολέμει ἐπὶ Ἱερουσαλὴμ καὶ ἐπὶ τὰσ πόλεισ Ἰούδα, ἐπὶ Λαχὶσ καὶ ἐπὶ Ἀζηκά, ὅτι αὗται κατελείφθησαν ἐν πόλεσιν Ἰούδα πόλεισ ὀχυραί. Ὁ λόγοσ ὁ γενόμενοσ πρὸσ Ἰερεμίαν παρὰ Κυρίου μετὰ τὸ συντελέσαι τὸν βασιλέα Σεδεκίαν διαθήκην πρὸσ τὸν λαὸν τοῦ καλέσαι ἄφεσιν, τοῦ ἐξαποστεῖλαι ἕκαστον τὸν παῖδα αὐτοῦ καὶ ἕκαστον τὴν παιδίσκην αὐτοῦ, τὸν Ἑβραῖον καὶ τὴν Ἑβραίαν ἐλευθέρουσ, πρὸσ τὸ μὴ δουλεύειν ἄνδρα ἐξ Ἰούδα. καὶ ἐπεστράφησαν πάντεσ οἱ μεγιστᾶνεσ καὶ πᾶσ ὁ λαὸσ οἱ εἰσελθόντεσ ἐν τῇ διαθήκῃ τοῦ ἀποστεῖλαι ἕκαστον τὸν παῖδα αὐτοῦ καὶ ἕκαστον τὴν παιδίσκην αὐτοῦ καὶ ἐῶσαν αὐτοὺσ εἰσ παῖδασ καὶ παιδίσκασ. καὶ ἐγενήθη λόγοσ Κυρίου πρὸσ Ἱερεμίαν λέγων. οὕτωσ εἶπε Κύριοσ ὁ Θεὸσ Ἰσραήλ. ἐγὼ διεθέμην διαθήκην πρὸσ τοὺσ πατέρασ ὑμῶν ἐν τῇ ἡμέρᾳ, ᾗ ἐξειλάμην αὐτοὺσ ἐκ γῆσ Αἰγύπτου, ἐξ οἴκου δουλείασ, λέγων. ὅταν πληρωθῇ ἓξ ἔτη, ἀποστελεῖσ τὸν ἀδελφόν σου τὸν Ἑβραῖον, ὃσ παραθήσεταί σοι. καὶ ἐργᾶταί σοι ἓξ ἔτη, καὶ ἐξαποστελεῖσ αὐτὸν ἐλεύθερον. καὶ οὐκ ἤκουσάν μου καὶ οὐκ ἔκλιναν τὸ οὖσ αὐτῶν. καὶ ἐπέστρεψαν σήμερον ποιῆσαι τὸ εὐθὲσ πρὸ ὀφθαλμῶν μου τοῦ καλέσαι ἄφεσιν ἕκαστον τοῦ πλησίον αὐτοῦ καὶ συνετέλεσαν διαθήκην κατὰ πρόσωπόν μου ἐν τῷ οἴκῳ, οὗ ἐπεκλήθη τὸ ὄνομά μου ἐπ’ αὐτῷ. καὶ ἐπεστρέψατε καὶ ἐβεβηλώσατε τὸ ὄνομά μου τοῦ ἐπιστρέψαι ἕκαστον τὸν παῖδα αὐτοῦ καὶ ἕκαστον τὴν παιδίσκην αὐτοῦ, οὓσ ἐξαπεστείλατε ἐλευθέρουσ τῇ ψυχῇ αὐτῶν, τοῦ εἶναι ὑμῖν εἰσ παῖδασ καὶ παιδίσκασ. διὰ τοῦτο οὕτωσ εἶπε Κύριοσ. ὑμεῖσ οὐκ ἠκούσατέ μου τοῦ καλέσαι ἄφεσιν ἕκαστοσ πρὸσ τὸν πλησίον αὐτοῦ. ἰδοὺ ἐγὼ καλῶ ἄφεσιν ὑμῖν εἰσ μάχαιραν καὶ εἰσ τὸν θάνατον καὶ εἰσ τὸν λιμὸν καὶ δώσω ὑμᾶσ εἰσ διασπορὰν πάσαισ ταῖσ βασιλείαισ τῆσ γῆσ. καὶ δώσω τοὺσ ἄνδρασ τοὺσ παρεληλυθότασ τὴν διαθήκην μου, τοὺσ μὴ στήσαντασ τὴν διαθήκην μου, ἣν ἐποίησαν κατὰ πρόσωπόν μου, τὸν μόσχον, ὃν ἐποίησαν ἐργάζεσθαι αὐτῷ, τοὺσ ἄρχοντασ Ἰούδα καὶ τοὺσ δυνάστασ καὶ τοὺσ ἱερεῖσ καὶ τὸν λαόν, καὶ δώσω αὐτοὺσ τοῖσ ἐχθροῖσ αὐτῶν καὶ ἔσται τὰ θνησιμαῖα αὐτῶν βρῶσισ τοῖσ πετεινοῖσ τοῦ οὐρανοῦ καὶ τοῖσ θηρίοισ τῆσ γῆσ. καὶ τὸν Σεδεκίαν βασιλέα τῆσ Ἰουδαίασ καὶ τοὺσ ἄρχοντασ αὐτῶν δώσω εἰσ χεῖρασ ἐχθρῶν αὐτῶν, καὶ δύναμισ βασιλέωσ Βαβυλῶνοσ τοῖσ ἀποτρέχουσιν ἀπ’ αὐτῶν. ἰδοὺ ἐγὼ συντάσσω, φησὶ Κύριοσ, καὶ ἐπιστρέψω αὐτοὺσ εἰσ τὴν γῆν ταύτην, καὶ πολεμήσουσιν ἐπ’ αὐτὴν καὶ λήψονται αὐτὴν καὶ κατακαύσουσιν αὐτὴν ἐν πυρὶ καὶ τὰσ πόλεισ Ἰούδα, καὶ δώσω αὐτὰσ ἐρήμουσ ἀπὸ τῶν κατοικούντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ieremiae 41:

(70인역 성경, 예레미야서 41:)

목록

SEARCH

MENU NAVIGATION