헬라어 문장 검색 - Σεπτύ044́038́

(70인역 성경, 예레미야서 38:)

ΕΝ τῷ χρόνῳ ἐκείνῳ, εἶπε Κύριοσ, ἔσομαι εἰσ Θεὸν τῷ γένει Ἰσραήλ, καὶ αὐτοὶ ἔσονταί μοι εἰσ λαόν. οὕτωσ εἶπε Κύριοσ. εὗρον θερμὸν ἐν ἐρήμῳ μετὰ ὀλωλότων ἐν μαχαίρᾳ. βαδίσατε καὶ μὴ ὀλέσητε τὸν Ἰσραήλ. Κύριοσ πόρρωθεν ὤφθη αὐτῷ. ἀγάπησιν αἰώνιον ἠγάπησά σε, διὰ τοῦτο εἵλκυσά σε εἰσ οἰκτείρημα. ἔτι οἰκοδομήσω σε, καὶ οἰκοδομηθήσῃ, παρθένοσ Ἰσραήλ. ἔτι λήψῃ τύμπανόν σου καὶ ἐξελεύσῃ μετὰ συναγωγῆσ παιζόντων. ἔτι φυτεύσατε ἀμπελῶνασ ἐν ὄρεσι Σαμαρείασ, φυτεύσατε καὶ αἰνέσατε. ὅτι ἐστὶν ἡμέρα κλήσεωσ ἀπολογουμένων ἐν ὄρεσιν Ἐφραίμ. ἀνάστητε καὶ ἀνάβητε εἰσ Σιὼν πρὸσ Κύριον τὸν Θεὸν ἡμῶν. ὅτι οὕτωσ εἶπε Κύριοσ τῷ Ἰακώβ. εὐφράνθητε καὶ χρεμετίσατε ἐπὶ κεφαλὴν ἐθνῶν. ἀκουστὰ ποιήσατε καὶ αἰνέσατε. εἴπατε. ἔσωσε Κύριοσ τὸν λαὸν αὐτοῦ, τὸ κατάλοιπον τοῦ Ἰσραήλ. ἰδοὺ ἐγὼ ἄγω αὐτοὺσ ἀπὸ βορρᾶ καὶ συνάξω αὐτοὺσ ἀπ’ ἐσχάτου τῆσ γῆσ ἐν ἑορτῇ φασέκ. καὶ τεκνοποιήσει ὄχλον πολύν, καὶ ἀποστρέψουσιν ὧδε. ἐν κλαυθμῷ ἐξῆλθον, καὶ ἐν παρακλήσει ἀνάξω αὐτοὺσ αὐλίζων ἐπὶ διώρυγασ ὑδάτων ἐν ὁδῷ ὀρθῇ, καὶ οὐ μὴ πλανηθῶσιν ἐν αὐτῇ. ὅτι ἐγενόμην τῷ Ἰσραὴλ εἰσ πατέρα, καὶ Ἐφραὶμ πρωτότοκόσ μού ἐστιν. Ἀκούσατε λόγουσ Κυρίου, ἔθνη, καὶ ἀναγγείλατε εἰσ νήσουσ τὰσ μακρόθεν. εἴπατε. ὁ λικμήσασ τὸν Ἰσραὴλ καὶ συνάξει αὐτὸν καὶ φυλάξει αὐτὸν ὡσ ὁ βόσκων ποίμνιον αὐτοῦ. ὅτι ἐλυτρώσατο Κύριοσ τὸν Ἰακώβ, ἐξείλατο αὐτὸν ἐκ χειρὸσ στερεωτέρων αὐτοῦ. καὶ ἥξουσι καὶ εὐφρανθήσονται ἐν τῷ ὄρει Σιών. καὶ ἥξουσιν ἐπ’ ἀγαθὰ Κυρίου, ἐπὶ γῆν σίτου καὶ οἴνου καὶ καρπῶν καὶ κτηνῶν καὶ προβάτων, καὶ ἔσται ἡ ψυχὴ αὐτῶν ὥσπερ ξύλον ἔγκαρπον. καὶ οὐ πεινάσουσιν ἔτι. τότε χαρήσονται παρθένοι ἐν συναγωγῇ νεανίσκων, καὶ πρεσβύται χαρήσονται, καὶ στρέψω τὸ πένθοσ αὐτῶν εἰσ χαρμονὴν καὶ ποιήσω αὐτοὺσ εὐφραινομένουσ. μεγαλυνῶ καὶ μεθύσω τὴν ψυχὴν τῶν ἱερέων υἱῶν Λευί, καὶ ὁ λαόσ μου τῶν ἀγαθῶν μου ἐμπλησθήσεται. οὕτωσ εἶπε Κύριοσ. φωνὴ ἐν Ραμᾷ ἠκούσθη θρήνου καὶ κλαυθμοῦ καὶ ὀδυρμοῦ. Ραχὴλ ἀποκλαιομένη οὐκ ἤθελε παύσασθαι ἐπὶ τοῖσ υἱοῖσ αὐτῆσ, ὅτι οὐκ εἰσίν. οὕτωσ εἶπε Κύριοσ. διαλειπέτω ἡ φωνή σου ἀπὸ κλαυθμοῦ καὶ οἱ ὀφθαλμοί σου ἀπὸ δακρύων σου, ὅτι ἔστι μισθὸσ τοῖσ σοῖσ ἔργοισ, καὶ ἐπιστρέψουσιν ἐκ γῆσ ἐχθρῶν, μόνιμον τοῖσ σοῖσ τέκνοισ. ἀκοὴν ἤκουσα Ἐφραὶμ ὀδυρομένου. ἐπαίδευσάσ με καὶ ἐπαιδεύθην ἐγώ. ὥσπερ μόσχοσ οὐκ ἐδιδάχθην. ἐπίστρεψόν με, καὶ ἐπιστρέψω, ὅτι σὺ Κύριοσ ὁ Θεόσ μου. ὅτι ὕστερον αἰχμαλωσίασ μου μετενόησα καὶ ὕστερον τοῦ γνῶναί με ἐστέναξα ἐφ’ ἡμέρασ αἰσχύνησ καὶ ὑπέδειξά σοι, ὅτι ἔλαβον ὀνειδισμὸν ἐκ νεότητόσ μου. υἱὸσ ἀγαπητὸσ Ἐφραὶμ ἐμοί, παιδίον ἐντρυφῶν, ὅτι ἀνθ’ ὧν οἱ λόγοι μου ἐν αὐτῷ, μνείᾳ μνησθήσομαι αὐτοῦ. διὰ τοῦτο ἔσπευσα ἐπ’ αὐτῷ, ἐλεῶν ἐλεήσω αὐτόν, φησὶ Κύριοσ. Στῆσον σεαυτὴν Σιών, ποίησον τιμωρίαν, δὸσ καρδίαν σου εἰσ τοὺσ ὤμουσ. ὁδὸν ᾗ ἐπορεύθησ ἀποστράφηθι, παρθένοσ Ἰσραήλ, ἀποστράφηθι εἰσ τὰσ πόλεισ σου πενθοῦσα. ἕωσ πότε ἀποστρέψεισ, θυγάτηρ ἠτιμωμένη̣ ὅτι ἔκτισε Κύριοσ σωτηρίαν εἰσ καταφύτευσιν καινήν, ἐν σωτηρίᾳ περιελεύσονται ἄνθρωποι. ὅτι οὕτωσ εἶπε Κύριοσ. ἔτι ἐροῦσι τὸν λόγον τοῦτον ἐν γῇ Ἰούδα καὶ ἐν πόλεσιν αὐτοῦ, ὅταν ἀποστρέψω τὴν αἰχμαλωσίαν αὐτοῦ. εὐλογημένοσ Κύριοσ ἐπὶ δίκαιον ὄροσ τὸ ἅγιον αὐτοῦ καὶ ἐνοικοῦντεσ ἐν ταῖσ πόλεσιν Ἰούδα καὶ ἐν πάσῃ τῇ γῇ αὐτοῦ ἅμα γεωργῷ, καὶ ἀρθήσεται ἐν ποιμνίῳ. ὅτι ἐμέθυσα πᾶσαν ψυχὴν διψῶσαν καὶ πᾶσαν ψυχὴν πεινῶσαν ἐνέπλησα. διὰ τοῦτο ἐξηγέρθην καὶ εἶδον, καὶ ὁ ὕπνοσ μου ἡδύσ μοι ἐγενήθη. διὰ τοῦτο ἰδοὺ ἡμέραι ἔρχονται, φησὶ Κύριοσ, καὶ σπερῶ τὸν Ἰσραὴλ καὶ τὸν Ἰούδαν σπέρμα ἀνθρώπου καὶ σπέρμα κτήνουσ. καὶ ἔσται ὥσπερ ἐγρηγόρουν ἐπ’ αὐτοὺσ καθαιρεῖν καὶ κακοῦν, οὕτωσ γρηγορήσω ἐπ’ αὐτοὺσ τοῦ οἰκοδομεῖν καὶ καταφυτεύειν, φησὶ Κύριοσ. ἐν ταῖσ ἡμέραισ ἐκείναισ οὐ μὴ εἴπωσιν. οἱ πατέρεσ ἔφαγον ὄμφακα, καὶ οἱ ὀδόντεσ τῶν τέκνων ᾑμωδίασαν. ἀλλ’ ἢ ἕκαστοσ ἐν τῇ ἑαυτοῦ ἁμαρτίᾳ ἀποθανεῖται, καὶ τοῦ φαγόντοσ τὸν ὄμφακα αἱμωδιάσουσιν οἱ ὀδόντεσ αὐτοῦ. ἰδοὺ ἡμέραι ἔρχονται, φησὶ Κύριοσ, καὶ διαθήσομαι τῷ οἴκῳ Ἰσραὴλ καὶ τῷ οἴκῳ Ἰούδα διαθήκην καινήν, οὐ κατὰ τὴν διαθήκην, ἣν διεθέμην τοῖσ πατράσιν αὐτῶν ἐν ἡμέρᾳ ἐπιλαβομένου μου τῆσ χειρὸσ αὐτῶν ἐξαγαγεῖν αὐτοὺσ ἐκ γῆσ Αἰγύπτου, ὅτι αὐτοὶ οὐκ ἐνέμειναν ἐν τῇ διαθήκῃ μου, καὶ ἐγὼ ἠμέλησα αὐτῶν, φησὶ Κύριοσ. ὅτι αὕτη ἡ διαθήκη μου, ἣν διαθήσομαι τῷ οἴκῳ Ἰσραὴλ μετὰ τὰσ ἡμέρασ ἐκείνασ, φησὶ Κύριοσ. διδοὺσ δώσω νόμουσ εἰσ τὴν διάνοιαν αὐτῶν καὶ ἐπὶ καρδίασ αὐτῶν γράψω αὐτούσ. καὶ ἔσομαι αὐτοῖσ εἰσ Θεόν, καὶ αὐτοὶ ἔσονταί μοι εἰσ λαόν. καὶ οὐ μὴ διδάξωσιν ἕκαστοσ τὸν πολίτην αὐτοῦ καὶ ἕκαστοσ τὸν ἀδελφὸν αὐτοῦ λέγων. γνῶθι τὸν Κύριον. ὅτι πάντεσ εἰδήσουσί με ἀπὸ μικροῦ αὐτῶν ἕωσ μεγάλου αὐτῶν, ὅτι ἵλεωσ ἔσομαι ταῖσ ἀδικίαισ αὐτῶν καὶ τῶν ἁμαρτιῶν αὐτῶν οὐ μὴ μνησθῶ ἔτι. ‐ Ἐὰν ὑψωθῇ ὁ οὐρανὸσ εἰσ τὸ μετέωρον, φησὶ Κύριοσ, καὶ ἐὰν ταπεινωθῇ τὸ ἔδαφοσ τῆσ γῆσ κάτω, καὶ ἐγὼ οὐκ ἀποδοκιμῶ τὸ γένοσ Ἰσραήλ, φησὶ Κύριοσ, περὶ πάντων, ὧν ἐποίησαν. οὕτωσ εἶπε Κύριοσ ὁ δοὺσ τὸν ἥλιον εἰσ φῶσ τῆσ ἡμέρασ, σελήνην καὶ ἀστέρασ εἰσ φῶσ τῆσ νυκτόσ, καὶ κραυγὴν ἐν θαλάσσῃ καὶ ἐβόμβησε τὰ κύματα αὐτῆσ, Κύριοσ παντοκράτωρ ὄνομα αὐτῷ. ἐὰν παύσωνται οἱ νόμοι οὗτοι ἀπὸ προσώπου μου, φησὶ Κύριοσ, καὶ τὸ γένοσ Ἰσραὴλ παύσεται γενέσθαι ἔθνοσ κατὰ πρόσωπόν μου πάσασ τὰσ ἡμέρασ. ἰδοὺ ἡμέραι ἔρχονται, φησὶ Κύριοσ, καὶ οἰκοδομηθήσεται πόλισ τῷ Κυρίῳ ἀπὸ πύργου Ἀναμεὴλ ἕωσ πύλησ τῆσ γωνίασ. καὶ ἐξελεύσεται ἡ διαμέτρησισ αὐτῆσ ἀπέναντι αὐτῶν ἕωσ βουνῶν Γαρὴβ καὶ περικυκλωθήσεται κύκλῳ ἐξ ἐκλεκτῶν λίθων. καὶ πάντεσ Ἀσαρημὼθ ἕωσ Ναχὰλ Κέδρων, ἕωσ γωνίασ πύλησ ἵππων ἀνατολῆσ ἁγίασμα τῷ Κυρίῳ, καὶ οὐκέτι οὐ μὴ ἐκλίπῃ καὶ οὐ μὴ καθαιρεθῇ ἕωσ τοῦ αἰῶνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ieremiae 38:

(70인역 성경, 예레미야서 38:)

목록

SEARCH

MENU NAVIGATION