Septuagint, Liber Ieremiae 38:

(70인역 성경, 예레미야서 38:)

ΕΝ τῷ χρόνῳ ἐκείνῳ, εἶπε Κύριοσ, ἔσομαι εἰσ Θεὸν τῷ γένει Ἰσραήλ, καὶ αὐτοὶ ἔσονταί μοι εἰσ λαόν. οὕτωσ εἶπε Κύριοσ. εὗρον θερμὸν ἐν ἐρήμῳ μετὰ ὀλωλότων ἐν μαχαίρᾳ. βαδίσατε καὶ μὴ ὀλέσητε τὸν Ἰσραήλ. Κύριοσ πόρρωθεν ὤφθη αὐτῷ. ἀγάπησιν αἰώνιον ἠγάπησά σε, διὰ τοῦτο εἵλκυσά σε εἰσ οἰκτείρημα. ἔτι οἰκοδομήσω σε, καὶ οἰκοδομηθήσῃ, παρθένοσ Ἰσραήλ. ἔτι λήψῃ τύμπανόν σου καὶ ἐξελεύσῃ μετὰ συναγωγῆσ παιζόντων. ἔτι φυτεύσατε ἀμπελῶνασ ἐν ὄρεσι Σαμαρείασ, φυτεύσατε καὶ αἰνέσατε. ὅτι ἐστὶν ἡμέρα κλήσεωσ ἀπολογουμένων ἐν ὄρεσιν Ἐφραίμ. ἀνάστητε καὶ ἀνάβητε εἰσ Σιὼν πρὸσ Κύριον τὸν Θεὸν ἡμῶν. ὅτι οὕτωσ εἶπε Κύριοσ τῷ Ἰακώβ. εὐφράνθητε καὶ χρεμετίσατε ἐπὶ κεφαλὴν ἐθνῶν. ἀκουστὰ ποιήσατε καὶ αἰνέσατε. εἴπατε. ἔσωσε Κύριοσ τὸν λαὸν αὐτοῦ, τὸ κατάλοιπον τοῦ Ἰσραήλ. ἰδοὺ ἐγὼ ἄγω αὐτοὺσ ἀπὸ βορρᾶ καὶ συνάξω αὐτοὺσ ἀπ’ ἐσχάτου τῆσ γῆσ ἐν ἑορτῇ φασέκ. καὶ τεκνοποιήσει ὄχλον πολύν, καὶ ἀποστρέψουσιν ὧδε. ἐν κλαυθμῷ ἐξῆλθον, καὶ ἐν παρακλήσει ἀνάξω αὐτοὺσ αὐλίζων ἐπὶ διώρυγασ ὑδάτων ἐν ὁδῷ ὀρθῇ, καὶ οὐ μὴ πλανηθῶσιν ἐν αὐτῇ. ὅτι ἐγενόμην τῷ Ἰσραὴλ εἰσ πατέρα, καὶ Ἐφραὶμ πρωτότοκόσ μού ἐστιν. Ἀκούσατε λόγουσ Κυρίου, ἔθνη, καὶ ἀναγγείλατε εἰσ νήσουσ τὰσ μακρόθεν. εἴπατε. ὁ λικμήσασ τὸν Ἰσραὴλ καὶ συνάξει αὐτὸν καὶ φυλάξει αὐτὸν ὡσ ὁ βόσκων ποίμνιον αὐτοῦ. ὅτι ἐλυτρώσατο Κύριοσ τὸν Ἰακώβ, ἐξείλατο αὐτὸν ἐκ χειρὸσ στερεωτέρων αὐτοῦ. καὶ ἥξουσι καὶ εὐφρανθήσονται ἐν τῷ ὄρει Σιών. καὶ ἥξουσιν ἐπ’ ἀγαθὰ Κυρίου, ἐπὶ γῆν σίτου καὶ οἴνου καὶ καρπῶν καὶ κτηνῶν καὶ προβάτων, καὶ ἔσται ἡ ψυχὴ αὐτῶν ὥσπερ ξύλον ἔγκαρπον. καὶ οὐ πεινάσουσιν ἔτι. τότε χαρήσονται παρθένοι ἐν συναγωγῇ νεανίσκων, καὶ πρεσβύται χαρήσονται, καὶ στρέψω τὸ πένθοσ αὐτῶν εἰσ χαρμονὴν καὶ ποιήσω αὐτοὺσ εὐφραινομένουσ. μεγαλυνῶ καὶ μεθύσω τὴν ψυχὴν τῶν ἱερέων υἱῶν Λευί, καὶ ὁ λαόσ μου τῶν ἀγαθῶν μου ἐμπλησθήσεται. οὕτωσ εἶπε Κύριοσ. φωνὴ ἐν Ραμᾷ ἠκούσθη θρήνου καὶ κλαυθμοῦ καὶ ὀδυρμοῦ. Ραχὴλ ἀποκλαιομένη οὐκ ἤθελε παύσασθαι ἐπὶ τοῖσ υἱοῖσ αὐτῆσ, ὅτι οὐκ εἰσίν. οὕτωσ εἶπε Κύριοσ. διαλειπέτω ἡ φωνή σου ἀπὸ κλαυθμοῦ καὶ οἱ ὀφθαλμοί σου ἀπὸ δακρύων σου, ὅτι ἔστι μισθὸσ τοῖσ σοῖσ ἔργοισ, καὶ ἐπιστρέψουσιν ἐκ γῆσ ἐχθρῶν, μόνιμον τοῖσ σοῖσ τέκνοισ. ἀκοὴν ἤκουσα Ἐφραὶμ ὀδυρομένου. ἐπαίδευσάσ με καὶ ἐπαιδεύθην ἐγώ. ὥσπερ μόσχοσ οὐκ ἐδιδάχθην. ἐπίστρεψόν με, καὶ ἐπιστρέψω, ὅτι σὺ Κύριοσ ὁ Θεόσ μου. ὅτι ὕστερον αἰχμαλωσίασ μου μετενόησα καὶ ὕστερον τοῦ γνῶναί με ἐστέναξα ἐφ’ ἡμέρασ αἰσχύνησ καὶ ὑπέδειξά σοι, ὅτι ἔλαβον ὀνειδισμὸν ἐκ νεότητόσ μου. υἱὸσ ἀγαπητὸσ Ἐφραὶμ ἐμοί, παιδίον ἐντρυφῶν, ὅτι ἀνθ’ ὧν οἱ λόγοι μου ἐν αὐτῷ, μνείᾳ μνησθήσομαι αὐτοῦ. διὰ τοῦτο ἔσπευσα ἐπ’ αὐτῷ, ἐλεῶν ἐλεήσω αὐτόν, φησὶ Κύριοσ. Στῆσον σεαυτὴν Σιών, ποίησον τιμωρίαν, δὸσ καρδίαν σου εἰσ τοὺσ ὤμουσ. ὁδὸν ᾗ ἐπορεύθησ ἀποστράφηθι, παρθένοσ Ἰσραήλ, ἀποστράφηθι εἰσ τὰσ πόλεισ σου πενθοῦσα. ἕωσ πότε ἀποστρέψεισ, θυγάτηρ ἠτιμωμένη̣ ὅτι ἔκτισε Κύριοσ σωτηρίαν εἰσ καταφύτευσιν καινήν, ἐν σωτηρίᾳ περιελεύσονται ἄνθρωποι. ὅτι οὕτωσ εἶπε Κύριοσ. ἔτι ἐροῦσι τὸν λόγον τοῦτον ἐν γῇ Ἰούδα καὶ ἐν πόλεσιν αὐτοῦ, ὅταν ἀποστρέψω τὴν αἰχμαλωσίαν αὐτοῦ. εὐλογημένοσ Κύριοσ ἐπὶ δίκαιον ὄροσ τὸ ἅγιον αὐτοῦ καὶ ἐνοικοῦντεσ ἐν ταῖσ πόλεσιν Ἰούδα καὶ ἐν πάσῃ τῇ γῇ αὐτοῦ ἅμα γεωργῷ, καὶ ἀρθήσεται ἐν ποιμνίῳ. ὅτι ἐμέθυσα πᾶσαν ψυχὴν διψῶσαν καὶ πᾶσαν ψυχὴν πεινῶσαν ἐνέπλησα. διὰ τοῦτο ἐξηγέρθην καὶ εἶδον, καὶ ὁ ὕπνοσ μου ἡδύσ μοι ἐγενήθη. διὰ τοῦτο ἰδοὺ ἡμέραι ἔρχονται, φησὶ Κύριοσ, καὶ σπερῶ τὸν Ἰσραὴλ καὶ τὸν Ἰούδαν σπέρμα ἀνθρώπου καὶ σπέρμα κτήνουσ. καὶ ἔσται ὥσπερ ἐγρηγόρουν ἐπ’ αὐτοὺσ καθαιρεῖν καὶ κακοῦν, οὕτωσ γρηγορήσω ἐπ’ αὐτοὺσ τοῦ οἰκοδομεῖν καὶ καταφυτεύειν, φησὶ Κύριοσ. ἐν ταῖσ ἡμέραισ ἐκείναισ οὐ μὴ εἴπωσιν. οἱ πατέρεσ ἔφαγον ὄμφακα, καὶ οἱ ὀδόντεσ τῶν τέκνων ᾑμωδίασαν. ἀλλ’ ἢ ἕκαστοσ ἐν τῇ ἑαυτοῦ ἁμαρτίᾳ ἀποθανεῖται, καὶ τοῦ φαγόντοσ τὸν ὄμφακα αἱμωδιάσουσιν οἱ ὀδόντεσ αὐτοῦ. ἰδοὺ ἡμέραι ἔρχονται, φησὶ Κύριοσ, καὶ διαθήσομαι τῷ οἴκῳ Ἰσραὴλ καὶ τῷ οἴκῳ Ἰούδα διαθήκην καινήν, οὐ κατὰ τὴν διαθήκην, ἣν διεθέμην τοῖσ πατράσιν αὐτῶν ἐν ἡμέρᾳ ἐπιλαβομένου μου τῆσ χειρὸσ αὐτῶν ἐξαγαγεῖν αὐτοὺσ ἐκ γῆσ Αἰγύπτου, ὅτι αὐτοὶ οὐκ ἐνέμειναν ἐν τῇ διαθήκῃ μου, καὶ ἐγὼ ἠμέλησα αὐτῶν, φησὶ Κύριοσ. ὅτι αὕτη ἡ διαθήκη μου, ἣν διαθήσομαι τῷ οἴκῳ Ἰσραὴλ μετὰ τὰσ ἡμέρασ ἐκείνασ, φησὶ Κύριοσ. διδοὺσ δώσω νόμουσ εἰσ τὴν διάνοιαν αὐτῶν καὶ ἐπὶ καρδίασ αὐτῶν γράψω αὐτούσ. καὶ ἔσομαι αὐτοῖσ εἰσ Θεόν, καὶ αὐτοὶ ἔσονταί μοι εἰσ λαόν. καὶ οὐ μὴ διδάξωσιν ἕκαστοσ τὸν πολίτην αὐτοῦ καὶ ἕκαστοσ τὸν ἀδελφὸν αὐτοῦ λέγων. γνῶθι τὸν Κύριον. ὅτι πάντεσ εἰδήσουσί με ἀπὸ μικροῦ αὐτῶν ἕωσ μεγάλου αὐτῶν, ὅτι ἵλεωσ ἔσομαι ταῖσ ἀδικίαισ αὐτῶν καὶ τῶν ἁμαρτιῶν αὐτῶν οὐ μὴ μνησθῶ ἔτι. ‐ Ἐὰν ὑψωθῇ ὁ οὐρανὸσ εἰσ τὸ μετέωρον, φησὶ Κύριοσ, καὶ ἐὰν ταπεινωθῇ τὸ ἔδαφοσ τῆσ γῆσ κάτω, καὶ ἐγὼ οὐκ ἀποδοκιμῶ τὸ γένοσ Ἰσραήλ, φησὶ Κύριοσ, περὶ πάντων, ὧν ἐποίησαν. οὕτωσ εἶπε Κύριοσ ὁ δοὺσ τὸν ἥλιον εἰσ φῶσ τῆσ ἡμέρασ, σελήνην καὶ ἀστέρασ εἰσ φῶσ τῆσ νυκτόσ, καὶ κραυγὴν ἐν θαλάσσῃ καὶ ἐβόμβησε τὰ κύματα αὐτῆσ, Κύριοσ παντοκράτωρ ὄνομα αὐτῷ. ἐὰν παύσωνται οἱ νόμοι οὗτοι ἀπὸ προσώπου μου, φησὶ Κύριοσ, καὶ τὸ γένοσ Ἰσραὴλ παύσεται γενέσθαι ἔθνοσ κατὰ πρόσωπόν μου πάσασ τὰσ ἡμέρασ. ἰδοὺ ἡμέραι ἔρχονται, φησὶ Κύριοσ, καὶ οἰκοδομηθήσεται πόλισ τῷ Κυρίῳ ἀπὸ πύργου Ἀναμεὴλ ἕωσ πύλησ τῆσ γωνίασ. καὶ ἐξελεύσεται ἡ διαμέτρησισ αὐτῆσ ἀπέναντι αὐτῶν ἕωσ βουνῶν Γαρὴβ καὶ περικυκλωθήσεται κύκλῳ ἐξ ἐκλεκτῶν λίθων. καὶ πάντεσ Ἀσαρημὼθ ἕωσ Ναχὰλ Κέδρων, ἕωσ γωνίασ πύλησ ἵππων ἀνατολῆσ ἁγίασμα τῷ Κυρίῳ, καὶ οὐκέτι οὐ μὴ ἐκλίπῃ καὶ οὐ μὴ καθαιρεθῇ ἕωσ τοῦ αἰῶνοσ.

목록

일치하는 문장이 없습니다.

SEARCH

MENU NAVIGATION