헬라어 문장 검색 - Σεπτύ044́037́

(70인역 성경, 예레미야서 37:)

Ο λόγοσ ὁ γενόμενοσ πρὸσ Ἱερεμίαν παρὰ Κυρίου εἰπεῖν. οὕτωσ εἶπε Κύριοσ ὁ Θεὸσ Ἰσραὴλ λέγων. γράψον πάντασ τοὺσ λόγουσ, οὓσ ἐχρημάτισα πρόσ σε, ἐπὶ βιβλίου. ὅτι ἰδοὺ ἡμέραι ἔρχονται, φησὶ Κύριοσ, καὶ ἀποστρέψω τὴν ἀποικίαν λαοῦ μου Ἰσραὴλ καὶ Ἰούδα, εἶπε Κύριοσ, καὶ ἀποστρέψω αὐτοὺσ εἰσ τὴν γῆν, ἣν ἔδωκα τοῖσ πατράσιν αὐτῶν, καὶ κυριεύσουσιν αὐτῆσ. ‐ Καὶ οὗτοι οἱ λόγοι, οὓσ ἐλάλησε Κύριοσ ἐπὶ Ἰσραὴλ καὶ Ἰούδα. οὕτωσ εἶπε Κύριοσ. φωνὴν φόβου ἀκούσεσθε. φόβοσ, καὶ οὐκ ἔστιν είρήνη. ἐρωτήσατε καὶ ἴδετε εἰ ἔτεκεν ἄρσεν, καὶ περὶ φόβου, ἐν ᾧ καθέξουσιν ὀσφὺν καὶ σωτηρίαν. διότι ἑώρακα πάντα ἄνθρωπον καὶ αἱ χεῖρεσ αὐτοῦ ἐπὶ τῆσ ὀσφύοσ αὐτοῦ, ἐστράφησαν πρόσωπα, εἰσ ἴκτερον ἐγενήθη. ὅτι μεγάλη ἡ ἡμέρα ἐκείνη καὶ οὐκ ἔστιν τοιαύτη, καὶ χρόνοσ στενόσ ἐστι τῷ Ἰακώβ, καὶ ἀπὸ τούτου σωθήσεται. ἐν τῇ ἡμέρᾳ ἐκείνῃ, εἶπε Κύριοσ, συντρίψω τὸν ζυγὸν ἀπὸ τοῦ τραχήλου αὐτῶν καὶ τοὺσ δεσμοὺσ αὐτῶν διαρρήξω, καὶ οὐκ ἐργῶνται αὐτοὶ ἔτι ἀλλοτρίοισ. καὶ ἐργῶνται τῷ Κυρίῳ Θεῷ αὐτῶν, καὶ τὸν Δαυὶδ βασιλέα αὐτῶν ἀναστήσω αὐτοῖσ. ‐ Οὕτωσ εἶπε Κύριοσ. ἀνέστησα σύντριμμα, ἀλγηρὰ ἡ πληγή σου. οὐκ ἔστι κρίνων κρίσιν σου, εἰσ ἀλγηρὸν ἰατρεύθησ, ὠφέλειά σοι οὐκ ἔστι. πάντεσ οἱ φίλοι σου ἐπελάθοντό σου, οὐ μὴ ἐπερωτήσωσιν. ὅτι πληγὴν ἐχθροῦ ἔπαισά σε, παιδείαν στερεάν. ἐπὶ πᾶσαν ἀδικίαν σου ἐπλήθυναν αἱ ἁμαρτίαι σου. διὰ τοῦτο πάντεσ οἱ ἔσθοντέσ σε βρωθήσονται, καὶ πάντεσ οἱ ἐχθροί σου κρέασ αὐτῶν πᾶν ἔδονται. ἐπὶ πλῆθοσ ἀδικιῶν σου ἐπληθύνθησαν αἱ ἁμαρτίαι σου, ἐποίησαν ταῦτά σοι. καὶ ἔσονται οἱ διαφοροῦντέσ σε εἰσ διαφόρημα, καὶ πάντασ τοὺσ προνομεύσαντάσ σε δώσω εἰσ προνομήν. ὅτι ἀνάξω τὸ ἴαμά σου, ἀπὸ πληγῆσ ὀδυνηρᾶσ ἰατρεύσω σε, φησὶ Κύριοσ, ὅτι Ἐσπαρμένη ἐκλήθησ. θήρευμα ὑμῶν ἐστιν, ὅτι ζητῶν οὐκ ἔστιν αὐτήν. οὕτωσ εἶπε Κύριοσ. ἰδοὺ ἐγὼ ἀποστρέψω τὴν ἀποικίαν Ἰακὼβ καὶ τὴν αἰχμαλωσίαν αὐτοῦ ἐλεήσω. καὶ οἰκοδομηθήσεται πόλισ ἐπὶ τὸ ὕψοσ αὐτῆσ, καὶ ὁ ναὸσ κατὰ τὸ κρίμα αὐτοῦ καθεδεῖται. καὶ ἐξελεύσονται ἀπ’ αὐτῶν ᾄδοντεσ καὶ φωνὴ παιζόντων. καὶ πλεονάσω αὐτούσ, καὶ οὐ μὴ ἐλαττωθῶσι. καὶ εἰσελεύσονται οἱ υἱοὶ αὐτῶν ὡσ τὸ πρότερον, καὶ τὰ μαρτύρια αὐτῶν κατὰ πρόσωπόν μου ὀρθωθήσεται. καὶ ἐπισκέψομαι τοὺσ θλίβοντασ αὐτούσ. καὶ ἔσονται ἰσχυρότεροι αὐτοῦ ἐπ’ αὐτούσ, καὶ ὁ ἄρχων αὐτοῦ ἐξ αὐτοῦ ἐξελεύσεται. καὶ συνάξω αὐτούσ, καὶ ἀποστρέψουσι πρόσ με, ὅτι τίσ ἐστιν οὗτοσ, ὃσ ἔδωκε τὴν καρδίαν αὐτοῦ ἀποστρέψαι πρόσ με̣ φησὶ Κύριοσ. ὅτι ὀργὴ Κυρίου ἐξῆλθε θυμώδησ, ἐξῆλθεν ὀργὴ στρεφομένη, ἐπ’ ἀσεβεῖσ ἥξει. οὐ μὴ ἀποστραφῇ ὀργὴ θυμοῦ Κυρίου, ἕωσ ποιήσῃ καὶ ἕωσ καταστήσῃ ἐγχείρημα καρδίασ αὐτοῦ. ἐπ’ ἐσχάτων τῶν ἡμερῶν γνώσεσθε αὐτά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ieremiae 37:

(70인역 성경, 예레미야서 37:)

목록

SEARCH

MENU NAVIGATION