헬라어 문장 검색 - Σεπτύ044́036́

(70인역 성경, 예레미야서 36:)

ΚΑΙ οὗτοι οἱ λόγοι τῆσ βίβλου, οὓσ ἀπέστειλεν Ἱερεμίασ ἐξ Ἱερουσαλὴμ πρὸσ τοὺσ πρεσβυτέρουσ τῆσ ἀποικίασ καὶ πρὸσ τοὺσ ἱερεῖσ καὶ πρὸσ τοὺσ ψευδοπροφήτασ, ἐπιστολὴν εἰσ Βαβυλῶνα τῇ ἀποικίᾳ καὶ πρὸσ ἅπαντα τὸν λαόν, ὕστερον ἐξελθόντοσ Ἰεχονίου τοῦ βασιλέωσ καὶ τῆσ βασιλίσσησ καὶ τῶν εὐνούχων καὶ παντὸσ ἐλευθέρου καὶ δεσμώτου καὶ τεχνίτου ἐξ Ἱερουσαλήμ, ἐν χειρὶ Ἐλεασὰ υἱοῦ Σαφὰν καὶ Γαμαρίου υἱοῦ Χελκίου, ὃν ἀπέστειλε Σεδεκίασ βασιλεὺσ Ἰούδα πρὸσ βασιλέα Βαβυλῶνοσ εἰσ Βαβυλῶνα λέγων. οὕτωσ εἶπε Κύριοσ ὁ Θεὸσ Ἰσραὴλ ἐπὶ τὴν ἀποικίαν, ἣν ἀπῴκισα ἀπὸ Ἱερουσαλήμ. οἰκοδομήσατε οἴκουσ καὶ κατοικήσατε καὶ φυτεύσατε παραδείσουσ καὶ φάγετε τοὺσ καρποὺσ αὐτῶν καὶ λάβετε γυναῖκασ καὶ τεκνοποιήσατε υἱοὺσ καὶ θυγατέρασ καὶ λάβετε τοῖσ υἱοῖσ ὑμῶν γυναῖκασ καὶ τὰσ θυγατέρασ ὑμῶν δότε ἀνδράσι καὶ πληθύνεσθε καὶ μὴ σμικρυνθῆτε. καὶ ζητήσατε εἰσ εἰρήνην τῆσ γῆσ, εἰσ ἣν ἀπῴκισα ὑμᾶσ ἐκεῖ, καὶ προσεύξασθε περὶ αὐτῶν πρὸσ Κύριον, ὅτι ἐν εἰρήνῃ αὐτῆσ ἔσται εἰρήνη ὑμῖν. ὅτι οὕτωσ εἶπε Κύριοσ. μὴ ἀναπειθέτωσαν ὑμᾶσ οἱ ψευδοπροφῆται οἱ ἐν ὑμῖν, καὶ μὴ ἀναπειθέτωσαν ὑμᾶσ οἱ μάντεισ ὑμῶν, καὶ μὴ ἀκούετε εἰσ τὰ ἐνύπνια ὑμῶν, ἃ ὑμεῖσ ἐνυπνιάζεσθε, ὅτι ἄδικα αὐτοὶ προφητεύουσιν ὑμῖν ἐπὶ τῷ ὀνόματί μου, καὶ οὐκ ἀπέστειλα αὐτούσ. ὅτι οὕτωσ εἶπε Κύριοσ. ὅταν μέλλῃ πληροῦσθαι Βαβυλῶνι ἑβδομήκοντα ἔτη, ἐπισκέψομαι ὑμᾶσ καὶ ἐπιστήσω τοὺσ λόγουσ μου ἐφ’ ὑμᾶσ τοῦ ἀποστρέψαι τὸν λαὸν ὑμῶν εἰσ τὸν τόπον τοῦτον. καὶ λογιοῦμαι ἐφ’ ὑμᾶσ λογισμὸν εἰρήνησ καὶ οὐ κακὰ τοῦ δοῦναι ὑμῖν ταῦτα. καὶ προσεύξασθε πρόσ με, καὶ εἰσακούσομαι ὑμῶν. καὶ ἐκζητήσατέ με, καὶ εὑρήσετέ με, ὅτι ζητήσετέ με ἐν ὅλῃ καρδίᾳ ὑμῶν, καὶ ἐπιφανοῦμαι ὑμῖν. ὅτι εἴπατε. κατέστησεν ἡμῖν Κύριοσ προφήτασ ἐν Βαβυλῶνι, οὕτωσ εἶπε Κύριοσ ἐπὶ Ἀχιὰβ καὶ ἐπὶ Σεδεκίαν. ἰδοὺ ἐγὼ δίδωμι αὐτοὺσ εἰσ χεῖρασ βασιλέωσ Βαβυλῶνοσ, καὶ πατάξει αὐτοὺσ κατ’ ὀφθαλμοὺσ ὑμῶν. καὶ λήψονται ἀπ’ αὐτῶν κατάραν ἐν πάσῃ τῇ ἀποικίᾳ Ἰούδα ἐν Βαβυλῶνι λέγοντεσ. ποιήσαι σε Κύριοσ, ὡσ Σεδεκίαν ἐποίησε καὶ ὡσ Ἀχιάβ, οὓσ ἀπετηγάνισε βασιλεὺσ Βαβυλῶνοσ ἐν πυρί, δι’ ἣν ἐποίησαν ἀνομίαν ἐν Ἰσραὴλ καὶ ἐμοιχῶντο τὰσ γυναῖκασ τῶν πολιτῶν αὐτῶν καὶ λόγον ἐχρημάτισαν ἐν τῷ ὀνόματί μου, ὃν οὐ συνέταξα αὐτοῖσ, καὶ ἐγὼ μάρτυσ, φησὶ Κύριοσ. καὶ πρὸσ Σαμαίαν τὸν Νελαμίτην ἐρεῖσ. οὐκ ἀπέστειλά σε τῷ ὀνόματί μου. καὶ πρὸσ Σοφονίαν υἱὸν Μαασαίου τὸν ἱερέα εἰπέ. Κύριοσ ἔδωκέ σε ἱερέα ἀντὶ Ἰωδαὲ τοῦ ἱερέωσ γενέσθαι ἐπιστάτην ἐν τῷ οἴκῳ Κυρίου παντὶ ἀνθρώπῳ προφητεύοντι καὶ παντὶ ἀνθρώπῳ μαινομένῳ, καὶ δώσεισ αὐτὸν εἰσ τὸ ἀπόκλεισμα καὶ εἰσ τὸν καταράκτην. καὶ νῦν διατί συνελοιδορήσατε Ἱερεμίαν τὸν ἐξ Ἀναθὼθ τὸν προφητεύσαντα ὑμῖν̣ οὐ διὰ τοῦτο ἀπέστειλε πρὸσ ὑμᾶσ εἰσ Βαβυλῶνα λέγων. μακράν ἐστιν, οἰκοδομήσατε οἰκίασ καὶ κατοικήσατε καὶ φυτεύσατε κήπουσ καὶ φάγεσθε τὸν καρπὸν αὐτῶν̣ ‐ Καὶ ἀνέγνω Σοφονίασ τὸ βιβλίον εἰσ τὰ ὦτα Ἱερεμίου. καὶ ἐγένετο λόγοσ Κυρίου πρὸσ Ἱερεμίαν λέγων. ἀπόστειλον πρὸσ τὴν ἀποικίαν λέγων. οὕτωσ εἶπε Κύριοσ ἐπὶ Σαμαίαν τὸν Νελαμίτην. ἐπειδὴ ἐπροφήτευσεν ὑμῖν Σαμαίασ, καὶ ἐγὼ οὐκ ἀπέστειλα αὐτόν, καὶ πεποιθέναι ἐποίησεν ὑμᾶσ ἐπ’ ἀδίκοισ, διὰ τοῦτο οὕτωσ εἶπε Κύριοσ. ἰδοὺ ἐγὼ ἐπισκέψομαι ἐπὶ Σαμαίαν καὶ ἐπὶ τὸ γένοσ αὐτοῦ, καὶ οὐκ ἔσται αὐτῶν ἄνθρωποσ ἐν μέσῳ ὑμῶν τοῦ ἰδεῖν τὰ ἀγαθά, ἃ ἐγὼ ποιήσω ὑμῖν, οὐκ ὄψονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ieremiae 36:

(70인역 성경, 예레미야서 36:)

목록

SEARCH

MENU NAVIGATION