Septuagint, Liber Ieremiae 34:

(70인역 성경, 예레미야서 34:)

. ‐ ΟΥΤΩΣ εἶπε Κύριοσ. ποίησον σεαυτῷ δεσμοὺσ καὶ κλοιοὺσ καὶ περίθου περὶ τὸν τράχηλόν σου. καὶ ἀποστελεῖσ αὐτοὺσ πρὸσ βασιλέα Ἰδουμαίασ καὶ πρὸσ βασιλέα Μωὰβ καὶ πρὸσ βασιλέα υἱῶν Ἀμμὼν καὶ πρὸσ τὸν βασιλέα Τύρου καὶ πρὸσ βασιλέα Σιδῶνοσ ἐν χερσὶν ἀγγέλων αὐτῶν τῶν ἐρχομένων εἰσ ἀπάντησιν αὐτῶν εἰσ Ἱερουσαλὴμ πρὸσ Σεδεκίαν βασιλέα Ἰούδα. καὶ συντάξεισ αὐτοῖσ πρὸσ τοὺσ κυρίουσ αὐτῶν εἰπεῖν. οὕτωσ εἶπε Κύριοσ ὁ Θεὸσ Ἰσραήλ. οὕτωσ ἐρεῖτε πρὸσ τοὺσ κυρίουσ ὑμῶν. ὅτι ἐγὼ ἐποίησα τὴν γῆν ἐν τῇ ἰσχύϊ μου τῇ μεγάλῃ καὶ ἐν τῷ ἐπιχείρῳ μου τῷ ὑψηλῷ καὶ δώσω αὐτὴν ᾧ ἐὰν δόξῃ ἐν ὀφθαλμοῖσ μου. ἔδωκα τὴν γῆν τῷ Ναβουχοδονόσορ βασιλεῖ Βαβυλῶνοσ δουλεύειν αὐτῷ καὶ τὰ θηρία τοῦ ἀγροῦ ἐργάζεσθαι αὐτῷ. καὶ τὸ ἔθνοσ καὶ ἡ βασιλεία, ὅσοι ἐὰν μὴ ἐμβάλωσι τὸν τράχηλον αὐτῶν ὑπὸ τὸν ζυγὸν βασιλέωσ Βαβυλῶνοσ, ἐν μαχαίρᾳ καὶ ἐν λιμῷ ἐπισκέψομαι αὐτούσ, εἶπε Κύριοσ, ἕωσ ἐκλίπωσιν ἐν χειρὶ αὐτοῦ. καὶ ὑμεῖσ μὴ ἀκούετε τῶν ψευδοπροφητῶν ὑμῶν καὶ τῶν μαντευομένων ὑμῖν καὶ τῶν ἐνυπνιαζομένων ὑμῖν καὶ τῶν οἰωνισμάτων ὑμῶν καὶ τῶν φαρμακῶν ὑμῶν τῶν λεγόντων. οὐ μὴ ἐργάσησθε τῷ βασιλεῖ Βαβυλῶνοσ, ὅτι ψευδῆ αὐτοὶ προφητεύουσιν ὑμῖν πρὸσ τὸ μακρῦναι ὑμᾶσ ἀπὸ τῆσ γῆσ ὑμῶν. καὶ τὸ ἔθνοσ, ὃ ἐὰν εἰσαγάγῃ τὸν τράχηλον αὐτοῦ ὑπὸ τὸν ζυγὸν βασιλέωσ Βαβυλῶνοσ καὶ ἐργάσηται αὐτῷ, καὶ καταλείψω αὐτὸν ἐπὶ τῆσ γῆσ αὐτοῦ, καὶ ἐργᾶται αὐτῷ καὶ ἐνοικήσει ἐν αὐτῇ. ‐ Καὶ πρὸσ Σεδεκίαν βασιλέα Ἰούδα ἐλάλησα κατὰ πάντασ τοὺσ λόγουσ τούτουσ λέγων. εἰσαγάγετε τὸν τράχηλον ὑμῶν καὶ ἐργάσασθε τῷ βασιλεῖ Βαβυλῶνοσ, ὅτι ἄδικα αὐτοὶ προφητεύουσιν ὑμῖν. ὅτι οὐκ ἀπέστειλα αὐτούσ, φησὶ Κύριοσ, καὶ προφητεύουσι τῷ ὀνόματί μου ἐπ’ ἀδίκῳ πρὸσ τὸ ἀπολέσαι ὑμᾶσ, καὶ ἀπολεῖσθε ὑμεῖσ καὶ οἱ προφῆται ὑμῶν οἱ προφητεύοντεσ ὑμῖν ἐπ’ ἀδίκῳ ψευδῆ. ὑμῖν καὶ παντὶ τῷ λαῷ τούτῳ καὶ τοῖσ ἱερεῦσιν ἐλάλησα λέγων. οὕτωσ εἶπε Κύριοσ. μὴ ἀκούετε τῶν λόγων τῶν προφητῶν τῶν προφητευόντων ὑμῖν λεγόντων. ἰδοὺ σκεύη οἴκου Κυρίου ἐπιστρέψει ἐκ Βαβυλῶνοσ, ὅτι ἄδικα αὐτοὶ προφητεύουσιν ὑμῖν, οὐκ ἀπέστειλα αὐτούσ. εἰ προφῆταί εἰσι καὶ εἰ ἔστι λόγοσ Κυρίου ἐν αὐτοῖσ, ἀπαντησάτωσάν μοι. ὅτι οὕτωσ εἶπε Κύριοσ. καὶ τῶν ἐπιλοίπων σκευῶν, ὧν οὐκ ἔλαβε βασιλεὺσ Βαβυλῶνοσ, ὅτε ἀπῴκισε τὸν Ἰεχονίαν ἐξ Ἱερουσαλήμ, εἰσ Βαβυλῶνα εἰσελεύσεται, λέγει Κύριοσ.

목록

일치하는 문장이 없습니다.

SEARCH

MENU NAVIGATION