Septuagint, Liber Ieremiae 32:

(70인역 성경, 예레미야서 32:)

Ὅσα ἐπροφήτευσεν Ἱερεμίασ ἐπὶ πάντα τὰ ἔθνη. ‐ ΟΥΤΩΣ εἶπε Κύριοσ ὁ Θεὸσ Ἰσραήλ. λαβὲ τὸ ποτήριον τοῦ οἴνου τοῦ ἀκράτου τούτου ἐκ χειρόσ μου καὶ ποτιεῖσ πάντα τὰ ἔθνη, πρὸσ ἃ ἐγὼ ἀποστέλλω σε πρὸσ αὐτούσ, καὶ πίονται καὶ ἐξεμοῦνται καὶ ἐκμανήσονται ἀπὸ προσώπου τῆσ μαχαίρασ, ἧσ ἐγὼ ἀποστέλλω ἀνὰ μέσον αὐτῶν. καὶ ἔλαβον τὸ ποτήριον ἐκ χειρὸσ Κυρίου καὶ ἐπότισα τὰ ἔθνη, πρὸσ ἃ ἀπέστειλέ με Κύριοσ ἐπ’ αὐτά, τὴν Ἱερουσαλὴμ καὶ τὰσ πόλεισ Ἰούδα καὶ βασιλεῖσ Ἰούδα καὶ ἄρχοντασ αὐτοῦ τοῦ θεῖναι αὐτὰσ εἰσ ἐρήμωσιν καὶ εἰσ ἄβατον καὶ εἰσ συριγμὸν καὶ τὸν Φαραὼ βασιλέα Αἰγύπτου καὶ τοὺσ παῖδασ αὐτοῦ καὶ τοὺσ μεγιστᾶνασ αὐτοῦ καὶ πάντα τὸν λαὸν αὐτοῦ καὶ πάντασ τοὺσ συμμείκτουσ καὶ πάντασ τοὺσ βασιλεῖσ ἀλλοφύλων, τὴν Ἀσκάλωνα καὶ τὴν Γάζαν καὶ τὴν Ἀκκάρων καὶ τὸ ἐπίλοιπον Ἀζώτου καὶ τὴν Ἰδουμαίαν καὶ τὴν Μωαβῖτιν καὶ τοὺσ υἱοὺσ Ἀμμὼν καὶ βασιλεῖσ Τύρου καὶ βασιλεῖσ Σιδῶνοσ καὶ βασιλεῖσ τοὺσ ἐν τῷ πέραν τῆσ θαλάσσης καὶ τὴν Δαιδὰν καὶ τὴν Θαιμὰν καὶ τὴν Ρῶσ καὶ πᾶν περικεκαρμένον κατὰ πρόσωπον αὐτοῦ καὶ πάντασ τοὺσ συμμείκτουσ τοὺσ καταλύοντασ ἐν τῇ ἐρήμῳ καὶ πάντασ βασιλεῖσ Αἰλὰμ καὶ πάντασ βασιλεῖσ Περσῶν καὶ πάντασ βασιλεῖσ ἀπὸ ἀπηλιώτου τοὺσ πόρρω καὶ τοὺσ ἐγγύσ, ἕκαστον πρὸσ τὸν ἀδελφὸν αὐτοῦ, καὶ πάσασ βασιλείασ τὰσ ἐπὶ προσώπου τῆσ γῆσ. καὶ ἐρεῖσ αὐτοῖσ. οὕτωσ εἶπε Κύριοσ παντοκράτωρ. πίετε καὶ μεθύσθητε καὶ ἐξεμέσετε καὶ πεσεῖσθε καὶ οὐ μὴ ἀναστῆτε ἀπὸ προσώπου τῆσ μαχαίρασ, ἧσ ἐγὼ ἀποστέλλω ἀνὰ μέσον ὑμῶν. καὶ ἔσται ὅταν μὴ βούλωνται δέξασθαι τὸ ποτήριον ἐκ τῆσ χειρόσ σου ὥστε πιεῖν, καὶ ἐρεῖσ. οὕτωσ εἶπε Κύριοσ. πιόντεσ πίεσθε. ὅτι ἐν πόλει, ἐν ᾗ ὠνομάσθη τὸ ὄνομά μου ἐπ’ αὐτήν, ἐγὼ ἄρχομαι κακῶσαι, καὶ ὑμεῖσ καθάρσει οὐ μὴ καθαρισθῆτε, ὅτι μάχαιραν ἐγὼ καλῶ ἐπὶ πάντασ τοὺσ καθημένουσ ἐπὶ τῆσ γῆσ. καὶ σὺ προφητεύσεισ ἐπ’ αὐτοὺσ τοὺσ λόγουσ τούτουσ καὶ ἐρεῖσ. Κύριοσ ἀφ’ ὑψηλοῦ χρηματιεῖ, ἀπὸ τοῦ ἁγίου αὐτοῦ δώσει φωνὴν αὐτοῦ, λόγον χρηματιεῖ ἐπὶ τοῦ τόπου αὐτοῦ, καὶ αἰδὰδ ὥσπερ τρυγῶντεσ ἀποκριθήσονται. καὶ ἐπὶ καθημένουσ τὴν γῆν ἥκει ὄλεθρος ἐπὶ μέροσ τῆσ γῆσ, ὅτι κρίσισ τῷ Κυρίῳ ἐν τοῖσ ἔθνεσι, κρίνεται αὐτὸσ πρὸσ πᾶσαν σάρκα, οἱ δὲ ἀσεβεῖσ ἐδόθησαν εἰσ μάχαιραν, λέγει Κύριοσ. οὕτωσ εἶπε Κύριοσ. ἰδοὺ κακὰ ἔρχεται ἀπὸ ἔθνουσ ἐπὶ ἔθνοσ, καὶ λαῖλαψ μεγάλη ἐκπορεύεται ἀπ’ ἐσχάτου τῆσ γῆσ. καὶ ἔσονται τραυματίαι ὑπὸ Κυρίου ἐν ἡμέρᾳ Κυρίου, ἐκ μέρουσ τῆσ γῆσ, καὶ ἕωσ εἰσ μέροσ τῆσ γῆσ. οὐ μὴ κατορυγῶσιν, εἰσ κόπρια ἐπὶ προσώπου τῆσ γῆσ ἔσονται. ἀλαλάξατε, ποιμένεσ, καὶ κεκράξατε. καὶ κόπτεσθε οἱ κριοὶ τῶν προβάτων, ὅτι ἐπληρώθησαν αἱ ἡμέραι ὑμῶν εἰσ σφαγήν, καὶ πεσεῖσθε ὥσπερ οἱ κριοὶ οἱ ἐκλεκτοί. καὶ ἀπολεῖται φυγὴ ἀπὸ τῶν ποιμένων καὶ σωτηρία ἀπὸ τῶν κριῶν τῶν προβάτων. φωνὴ κραυγῆσ τῶν ποιμένων καὶ ἀλαλαγμὸσ τῶν προβάτων καὶ τῶν κριῶν, ὅτι ὠλόθρευσε Κύριοσ τὰ βοσκήματα αὐτῶν, καὶ παύσεται τὰ κατάλοιπα τῆσ εἰρήνησ ἀπὸ προσώπου ὀργῆσ θυμοῦ μου. ἐγκατέλιπεν ὥσπερ λέων κατάλειμμα αὐτοῦ, ὅτι ἐγενήθη ἡ γῆ αὐτῶν εἰσ ἄβατον ἀπὸ προσώπου τῆσ μαχαίρασ τῆσ μεγάλησ.

목록

일치하는 문장이 없습니다.

SEARCH

MENU NAVIGATION