Septuagint, Liber Ieremiae 29:

(70인역 성경, 예레미야서 29:)

Ἐπὶ τοὺσ ἀλλοφύλουσ. ‐ ΤΑΔΕ λέγει Κύριοσ. ἰδοὺ ὕδατα ἀναβαίνει ἀπὸ βορρᾶ καὶ ἔσται εἰσ χειμάρρουν κατακλύζοντα καὶ κατακλύσει γῆν καὶ τὸ πλήρωμα αὐτῆσ, πόλιν καὶ τοὺσ κατοικοῦντασ ἐν αὐτῇ. καὶ κεκράξονται οἱ ἄνθρωποι, καὶ ἀλαλάξουσιν ἅπαντεσ οἱ κατοικοῦντεσ τὴν γῆν. ἀπὸ φωνῆσ ὁρμῆσ αὐτοῦ, ἀπὸ τῶν ὁπλῶν τῶν ποδῶν αὐτοῦ καὶ ἀπὸ σεισμοῦ τῶν ἁρμάτων αὐτοῦ, ἤχου τροχῶν αὐτοῦ οὐκ ἐπέστρεψαν πατέρεσ ἐφ’ υἱοὺσ αὐτῶν ἀπὸ ἐκλύσεωσ χειρῶν αὐτῶν ἐν τῇ ἡμέρᾳ τῇ ἐπερχομένῃ τοῦ ἀπολέσαι πάντασ τοὺσ ἀλλοφύλουσ. καὶ ἀφανιῶ τὴν Τύρον καὶ τὴν Σιδῶνα καὶ πάντασ τοὺσ καταλοίπουσ τῆσ βοηθείασ αὐτῶν, ὅτι ἐξολοθρεύσει Κύριοσ τοὺσ καταλοίπουσ τῶν νήσων. ἥκει φαλάκρωμα ἐπὶ Γάζαν, ἀπερρίφη Ἀσκάλων καὶ οἱ κατάλοιποι Ἐνακίμ. ἕωσ τίνοσ κόψεισ, ἡ μάχαιρα τοῦ Κυρίου̣ ἕωσ τίνοσ οὐχ ἡσυχάσεισ̣ ἀποκατάστηθι εἰσ τὸν κολεόν σου, ἀνάπαυσαι καὶ ἐπάρθητι. πῶσ ἡσυχάσει̣ καὶ Κύριοσ ἐνετείλατο αὐτῇ ἐπὶ τὴν Ἀσκάλωνα καὶ ἐπὶ τὰσ παραθαλασσίουσ, ἐπὶ τὰσ καταλοίπουσ, ἐπεγερθῆναι. ̀ρ̀ν̀ρ̀ν̀ρ̀ν̀ρ̀νΤῇ Ἰδουμαίᾳ . ‐ Τάδε λέγει Κύριοσ. οὐκ ἔστιν ἔτι σοφία ἐν Θαιμάν, ἀπώλετο βουλὴ ἐκ συνετῶν, ᾤχετο σοφία αὐτῶν, ἠπατήθη ὁ τόποσ αὐτῶν. βαθύνατε εἰσ κάθισιν οἱ κατοικοῦντεσ ἐν Δαιδάν, ὅτι δύσκολα ἐποίησεν. ἤγαγον ἐπ’ αὐτὸν ἐν χρόνῳ, ᾧ ἐπεσκεψάμην ἐπ’ αὐτόν. ὅτι τρυγηταὶ ἦλθόν σοι, οἳ οὐ καταλείψουσί σοι κατάλειμμα. ὡσ κλέπται ἐν νυκτὶ ἐπιθήσουσι χεῖρα αὐτῶν. ὅτι ἐγὼ κατέσυρα τὸν Ἡσαῦ, ἀνεκάλυψα τά κρυπτὰ αὐτῶν, κρυβῆναι οὐ μὴ δύνωνται. ὤλοντο διά χεῖρα ἀδελφοῦ αὐτοῦ καὶ γείτονοσ αὐτοῦ, καὶ οὐκ ἔστιν ὑπολείπεσθαι ὀρφανόν σου, ἵνα ζήσητε. καὶ ἐγὼ ζήσομαι, καὶ αἱ χῆραι ἐπ’ ἐμὲ πεποίθασιν. ὅτι τάδε εἶπε Κύριοσ. οἷσ οὐκ ἦν νόμοσ πιεῖν τὸ ποτήριον, ἔπιον. καὶ σὺ ἀθῳωμένη οὐ μὴ ἀθῳωθῇσ, ὅτι πίνων πίεσαι. ὅτι κατ’ ἐμαυτοῦ ὤμοσα, λέγει Κύριοσ, ὅτι εἰσ ἄβατον καὶ εἰσ ὀνειδισμὸν καὶ εἰσ κατάρασιν ἔσῃ ἐν μέσῳ αὐτῆσ, καὶ πᾶσαι αἱ πόλεισ αὐτῆσ ἔσονται ἔρημοι εἰσ αἰῶνα. ἀκοὴν ἤκουσα παρὰ Κυρίου, καὶ ἀγγέλουσ εἰσ ἔθνη ἀπέστειλε. συνάχθητε καὶ παραγένεσθε εἰσ αὐτήν, ἀνάστητε εἰσ πόλεμον. μικρὸν ἔδωκά σε ἐν ἔθνεσιν, εὐκαταφρόνητον ἐν ἀνθρώποισ. ἡ παιγνία σου ἐνεχείρησέ σοι, ἰταμία καρδίασ σου κατέλυσε τρυμαλιὰσ πετρῶν, συνέλαβεν ἰσχὺν βουνοῦ ὑψηλοῦ. ὅτι ὕψωσεν ὥσπερ ἀετὸσ νοσσιὰν αὐτοῦ, ἐκεῖθεν καθελῶ σε. καὶ ἔσται ἡ Ἰδουμαία εἰσ ἄβατον, πᾶσ ὁ παραπορευόμενοσ ἐπ’ αὐτὴν συριεῖ. ὥσπερ κατεστράφη Σόδομα καὶ Γόμορρα καὶ αἱ πάροικοι αὐτῆσ, εἶπε Κύριοσ παντοκράτωρ, οὐ μὴ καθίσει ἐκεῖ ἄνθρωποσ, καὶ οὐ μὴ κατοικήσει ἐκεῖ υἱὸσ ἀνθρώπου. ἰδοὺ ὥσπερ λέων ἀναβήσεται ἐκ μέσου τοῦ Ἰορδάνου εἰσ τόπον Αἰθάμ, ὅτι ταχὺ ἐκδιώξω αὐτοὺσ ἀπ’ αὐτῆσ. καὶ τοὺσ νεανίσκουσ ἐπ’ αὐτὴν ἐπιστήσατε, ὅτι τίσ ὥσπερ ἐγώ̣ καὶ τίσ ἀντιστήσεταί μοι̣ καὶ τίσ οὗτοσ ποιμήν, ὃσ στήσεται κατὰ πρόσωπόν μου̣ διὰ τοῦτο ἀκούσατε βουλὴν Κυρίου, ἣν ἐβουλεύσατο ἐπὶ τὴν Ἰδουμαίαν, καὶ λογισμὸν αὐτοῦ, ὃν ἐλογίσατο ἐπὶ τοὺσ κατοικοῦντασ Θαιμάν. ἐὰν μὴ συμψηθῶσι τὰ ἐλάχιστα τῶν προβάτων, ἐὰν μὴ ἀβατωθῇ ἐπ’ αὐτοὺσ κατάλυσισ αὐτῶν. ὅτι ἀπὸ φωνῆσ πτώσεωσ αὐτῶν ἐφοβήθη ἡ γῆ, καὶ κραυγή σου ἐν θαλάσσῃ ἠκούσθη. ἰδοὺ ὥσπερ ἀετὸσ ὄψεται καὶ ἐκτενεῖ τὰσ πτέρυγασ ἐπ’ ὀχυρώματα αὐτῆσ. καὶ ἔσται ἡ καρδία τῶν ἰσχυρῶν τῆσ Ἰδουμαίασ ἐν τῇ ἡμέρᾳ ἐκείνῃ ὡσ καρδία γυναικὸσ ὠδινούσησ.

목록

일치하는 문장이 없습니다.

SEARCH

MENU NAVIGATION