Septuagint, Liber Ieremiae 28:

(70인역 성경, 예레미야서 28:)

ΤΑΔΕ λέγει Κύριοσ. ἰδοὺ ἐγὼ ἐξεγείρω ἐπὶ Βαβυλῶνα καὶ ἐπὶ τοὺσ κατοικοῦντασ Χαλδαίουσ ἄνεμον καύσωνα διαφθείροντα. καὶ ἐξαποστελῶ εἰσ Βαβυλῶνα ὑβριστάσ, καὶ καθυβρίσουσιν αὐτὴν καὶ λυμανοῦνται τὴν γῆν αὐτῆσ. οὐαὶ ἐπὶ Βαβυλῶνα κυκλόθεν ἐν ἡμέρᾳ κακώσεωσ αὐτῆσ. τεινέτω ὁ τείνων τὸ τόξον αὐτοῦ καὶ περιθέσθω ᾧ ἐστιν ὅπλα αὐτῷ, καὶ μὴ φείσησθε ἐπὶ τοὺσ νεανίσκουσ αὐτῆσ καὶ ἀφανίσατε πᾶσαν τὴν δύναμιν αὐτῆσ. καὶ πεσοῦνται τραυματίαι ἐν γῇ Χαλδαίων καὶ κατακεκεντημένοι ἔξωθεν αὐτῆσ. διότι οὐκ ἐχήρευσεν Ἰσραὴλ καὶ Ἰούδασ ἀπὸ Θεοῦ αὐτῶν, ἀπὸ Κυρίου παντοκράτοροσ, ὅτι ἡ γῆ αὐτῶν ἐπλήσθη ἀδικίασ ἀπὸ τῶν ἁγίων Ἰσραήλ. φεύγετε ἐκ μέσου Βαβυλῶνοσ καὶ ἀνασῴζετε ἕκαστοσ τὴν ψυχὴν αὐτοῦ, καὶ μὴ ἀπορριφῆτε ἐν τῇ ἀδικίᾳ αὐτῆσ, ὅτι καιρὸσ ἐκδικήσεωσ αὐτῆσ ἐστι παρὰ Κυρίου, ἀνταπόδομα αὐτὸσ ἀνταποδίδωσιν αὐτῇ. ποτήριον χρυσοῦν Βαβυλὼν ἐν χειρὶ Κυρίου μεθύσκον πᾶσαν τὴν γῆν. ἀπὸ τοῦ οἴνου αὐτῆσ ἐπίοσαν ἔθνη, διὰ τοῦτο ἐσαλεύθησαν. καὶ ἄφνω ἔπεσε Βαβυλὼν καὶ συνετρίβη. θρηνεῖτε αὐτήν, λάβετε ρητίνην τῇ διαφθορᾷ αὐτῆσ, εἴ πωσ ἰαθήσεται. ἰατρεύσαμεν τὴν Βαβυλῶνα, καὶ οὐκ ἰάθη. ἐγκαταλίπωμεν αὐτὴν καὶ ἀπέλθωμεν ἕκαστοσ εἰσ τὴν γῆν αὐτοῦ, ὅτι ἤγγικεν εἰσ οὐρανὸν τὸ κρίμα αὐτῆσ, ἐξῇρεν ἕωσ τῶν ἄστρων. ἐξήνεγκε Κύριοσ τὸ κρίμα αὐτοῦ. δεῦτε καὶ ἀναγγείλωμεν ἐν Σιὼν τὰ ἔργα Κυρίου τοῦ Θεοῦ ἡμῶν. παρασκευάζετε τὰ τοξεύματα, πληροῦτε τὰσ φαρέτρασ. ἤγειρε Κύριοσ τὸ πνεῦμα βασιλέωσ Μήδων, ὅτι εἰσ Βαβυλῶνα ἡ ὀργὴ αὐτοῦ τοῦ ἐξολοθρεῦσαι αὐτήν, ὅτι ἐκδίκησισ Κυρίου ἐστίν, ἐκδίκησισ λαοῦ αὐτοῦ ἐστιν. ἐπὶ τειχέων Βαβυλῶνοσ ἄρατε σημεῖον, ἐπιστήσατε φαρέτρασ, ἐγείρατε φυλακάσ, ἑτοιμάσατε ὅπλα, ὅτι ἐνεχείρησε καὶ ποιήσει Κύριοσ ἃ ἐλάλησεν ἐπὶ τοὺσ κατοικοῦντασ Βαβυλῶνα, κατασκηνοῦντασ ἐφ’ ὕδασι πολλοῖσ καὶ ἐπὶ πλήθει θησαυρῶν αὐτῆσ. ἥκει τὸ πέρασ σου ἀληθῶσ εἰσ τὰ σπλάγχνα σου. ὅτι ὤμοσε Κύριοσ κατὰ τοῦ βραχίονοσ αὐτοῦ. διότι πληρώσω σε ἀνθρώπων ὡσεὶ ἀκρίδων, καὶ φθέγξονται ἐπὶ σὲ οἱ καταβαίνοντεσ. ‐ Κύριοσ ποιῶν γῆν ἐν τῇ ἰσχύϊ αὐτοῦ, ἑτοιμάζων οἰκουμένην ἐν τῇ σοφίᾳ αὐτοῦ, ἐν τῇ συνέσει αὐτοῦ ἐξέτεινε τὸν οὐρανόν, εἰσ φωνὴν ἔθετο ἦχοσ ὕδατοσ ἐν οὐρανῷ καὶ ἀνήγαγε νεφέλασ ἀπ’ ἐσχάτου τῆσ γῆσ, ἀστραπὰσ εἰσ ὑετὸν ἐποίησε καὶ ἐξήγαγε φῶσ ἐκ θησαυρῶν αὐτοῦ. ἐματαιώθη πᾶσ ἄνθρωποσ ἀπὸ γνώσεωσ, κατῃσχύνθη πᾶσ χρυσοχόοσ ἀπὸ τῶν γλυπτῶν αὐτοῦ, ὅτι ψευδῆ ἐχώνευσαν, οὐκ ἔστι πνεῦμα ἐν αὐτοῖσ. μάταιά ἐστιν, ἔργα μεμωκημένα, ἐν καιρῷ ἐπισκέψεωσ αὐτῶν ἀπολοῦνται. οὐ τοιαύτη μερὶσ τῷ Ἰακώβ, ὅτι ὁ πλάσασ τὰ πάντα αὐτόσ ἐστι κληρονομία αὐτοῦ, Κύριοσ ὄνομα αὐτῷ. ‐ Διασκορπίζεισ σύ μοι σκεύη πολέμου, καὶ διασκορπιῶ ἐν σοὶ ἔθνη καὶ ἐξαρῶ ἐκ σοῦ βασιλεῖς καὶ διασκορπιῶ ἐν σοὶ ἵππον καὶ ἐπιβάτην αὐτοῦ καὶ διασκορπιῶ ἐν σοὶ ἅρματα καὶ ἀναβάτασ αὐτῶν καὶ διασκορπιῶ ἐν σοὶ νεανίσκον καὶ παρθένον καὶ διασκορπιῶ ἐν σοὶ ἄνδρα καὶ γυναῖκα καὶ διασκορπιῶ ἐν σοὶ ποιμένα καὶ τὸ ποίμνιον αὐτοῦ καὶ διασκορπιῶ ἐν σοὶ γεωργὸν καὶ τὸ γεώργιον αὐτοῦ καὶ διασκορπιῶ ἐν σοὶ ἡγεμόνασ καὶ στρατηγούσ σου. καὶ ἀνταποδώσω τῇ Βαβυλῶνι καὶ πᾶσι τοῖσ κατοικοῦσι Χαλδαίοισ πάσασ τὰσ κακίασ αὐτῶν, ἃσ ἐποίησαν ἐπὶ Σιὼν κατ’ ὀφθαλμοὺσ ὑμῶν, λέγει Κύριοσ. ἰδοὺ ἐγὼ πρόσ σε, τὸ ὄροσ τὸ διεφθαρμένον, τὸ διαφθεῖρον πᾶσαν τὴν γῆν, καὶ ἐκτενῶ τὴν χεῖρά μου ἐπὶ σὲ καὶ κατακυλιῶ σε ἐπὶ τῶν πετρῶν καὶ δώσω σε ὡσ ὄροσ ἐμπεπυρισμένον. καὶ οὐ μὴ λάβωσιν ἀπὸ σοῦ λίθον εἰσ γωνίαν καὶ λίθον εἰσ θεμέλιον, ὅτι εἰσ ἀφανισμὸν ἔσῃ εἰσ τὸν αἰῶνα, λέγει Κύριοσ. Ἄρατε σημεῖον ἐπὶ τῆσ γῆσ, σαλπίσατε ἐν ἔθνεσι σάλπιγγι, ἁγιάσατε ἐπ’ αὐτὴν ἔθνη, παραγγείλατε ἐπ’ αὐτὴν βασιλείαισ Ἀραρὰτ παρ’ ἐμοῦ καὶ τοῖσ Ἀσχαναζαίοισ, ἐπιστήσατε ἐπ’ αὐτὴν βελοστάσεισ, ἀναβιβάσατε ἐπ’ αὐτὴν ἵππον ὡσ ἀκρίδων πλῆθοσ. ἀναβιβάσατε ἐπ’ αὐτὴν ἔθνη, τὸν βασιλέα τῶν Μήδων καὶ πάσησ τῆσ γῆσ, τοὺσ ἡγουμένουσ αὐτοῦ καὶ πάντασ τοὺσ στρατηγοὺσ αὐτοῦ. ἐσείσθη ἡ γῆ καὶ ἐπόνεσε, διότι ἐξανέστη ἐπὶ Βαβυλῶνα λογισμὸσ Κυρίου τοῦ θεῖναι τὴν γῆν Βαβυλῶνοσ εἰσ ἀφανισμὸν καὶ μὴ κατοικεῖσθαι αὐτήν. ἐξέλιπε μαχητὴσ Βαβυλῶνοσ τοῦ πολεμεῖν, καθήσονται ἐκεῖ ἐν περιοχῇ, ἐθραύσθη ἡ δυναστεία αὐτῶν, ἐγενήθησαν ὡσεὶ γυναῖκεσ, ἐνεπυρίσθη τὰ σκηνώματα αὐτῆσ, συνετρίβησαν οἱ μοχλοὶ αὐτῆσ. διώκων εἰσ ἀπάντησιν διώκοντοσ διώξεται καὶ ἀναγγέλλων εἰσ ἀπάντησιν ἀναγγέλλοντοσ τοῦ ἀναγγεῖλαι τῷ βασιλεῖ Βαβυλῶνοσ, ὅτι ἑάλωκεν ἡ πόλισ αὐτοῦ, ἀπ’ ἐσχάτου τῶν διαβάσεων αὐτοῦ ἐλήφθησαν, καὶ τὰ συστήματα αὐτῶν ἐνέπρησαν ἐν πυρί, καὶ ἄνδρεσ αὐτοῦ οἱ πολεμισταὶ ἐξέρχονται. διότι τάδε λέγει Κύριοσ. οἶκοι βασιλέωσ Βαβυλῶνοσ ὡσ ἅλων ὥριμοσ ἁλοηθήσονται. ἔτι μικρὸν καὶ ἥξει ὁ ἄμητοσ αὐτῆσ. κατέφαγέ με, ἐμερίσατό με, κατέλαβέ με σκεῦοσ λεπτόν, Ναβουχοδονόσορ βασιλεὺσ Βαβυλῶνοσ. κατέπιέ με ὡσ δράκων, ἔπλησε τὴν κοιλίαν αὐτοῦ, ἀπὸ τῆσ τρυφῆσ μου ἔξωσέ με. οἱ μόχθοι μου καὶ αἱ ταλαιπωρίαι μου εἰσ Βαβυλῶνα. ἐρεῖ κατοικοῦσα Σιών. καὶ τὸ αἷμά μου ἐπὶ τοὺσ κατοικοῦντασ Χαλδαίουσ, ἐρεῖ Ἱερουσαλήμ. διὰ τοῦτο τάδε λέγει Κύριοσ. ἰδοὺ ἐγὼ κρινῶ τὴν ἀντίδικόν σου καὶ ἐκδικήσω τὴν ἐκδίκησίν σου καὶ ἐρημώσω τὴν θάλασσαν αὐτῆσ καὶ ξηρανῶ τὴν πηγὴν αὐτῆσ. καὶ ἔσται Βαβυλὼν εἰσ ἀφανισμόν, καὶ οὐ κατοικηθήσεται. ὅτι ἅμα ὡσ λέοντεσ ἐξηγέρθησαν καὶ ὡσ σκύμνοι λεόντων. ἐν τῇ θερμασίᾳ αὐτῶν δώσω πότημα αὐτοῖσ καὶ μεθύσω αὐτούσ, ὅπωσ καρωθῶσι καὶ ὑπνώσωσιν ὕπνον αἰώνιον καὶ οὐ μὴ ἐξεγερθῶσι, λέγει Κύριοσ. καταβιβάσω αὐτοὺσ ὡσ ἄρνασ εἰσ σφαγὴν καὶ ὡσ κριοὺσ μετ’ ἐρίφων. πῶσ ἑάλω καὶ ἐθηρεύθη τὸ καύχημα πάσησ τῆσ γῆσ̣ πῶσ ἐγένετο Βαβυλὼν εἰσ ἀφανισμὸν ἐν τοῖσ ἔθνεσιν̣ ἀνέβη ἐπὶ Βαβυλῶνα ἡ θάλασσα ἐν ἤχῳ κυμάτων αὐτῆσ, καὶ κατεκαλύφθη. ἐγενήθησαν αἱ πόλεισ αὐτῆσ ὡσ γῆ ἄνυδροσ καὶ ἄβατοσ, οὐ κατοικήσει ἐν αὐτῇ οὐδὲ εἷσ, οὐδὲ μὴ καταλύσει ἐν αὐτῇ υἱὸσ ἀνθρώπου. καὶ ἐκδικήσω ἐπὶ Βαβυλῶνα καὶ ἐξοίσω ἃ κατέπιεν ἐκ τοῦ στόματοσ αὐτῆσ, καὶ οὐ μὴ συναχθῶσι πρὸσ αὐτὴν ἔτι τὰ ἔθνη. καὶ ἐν Βαβυλῶνι πεσοῦνται τραυματίαι πάσησ τῆσ γῆσ. ἀνασῳζόμενοι ἐκ γῆσ πορεύεσθε καὶ μὴ ἵστασθε. οἱ μακρόθεν, μνήσθητε τοῦ Κυρίου, καὶ Ἱερουσαλὴμ ἀναβήτω ἐπὶ τὴν καρδίαν ὑμῶν. ᾐσχύνθημεν, ὅτι ἠκούσαμεν ὀνειδισμὸν ἡμῶν, κατεκάλυψεν ἀτιμία τὸ πρόσωπον ἡμῶν, εἰσῆλθον ἀλλογενεῖσ εἰσ τὰ ἅγια ἡμῶν, εἰσ οἶκον Κυρίου. διὰ τοῦτο ἰδοὺ ἡμέραι ἔρχονται, λέγει Κύριοσ, καὶ ἐκδικήσω ἐπὶ τὰ γλυπτὰ αὐτῆσ, καὶ ἐν πάσῃ τῇ γῇ αὐτῆσ πεσοῦνται τραυματίαι. ὅτι ἐὰν ἀναβῇ Βαβυλὼν ὡσ ὁ οὐρανὸσ καὶ ὅτι ἐὰν ὀχυρώσῃ τὰ τείχῃ ἰσχύϊ αὐτῆσ, παρ’ ἐμοῦ ἥξουσιν ἐξολοθρεύοντεσ αὐτήν, λέγει Κύριοσ. φωνὴ κραυγῆσ ἐν Βαβυλῶνι, καὶ συντριβὴ μεγάλη ἐν γῇ Χαλδαίων, ὅτι ἐξωλόθρευσε Κύριοσ τὴν Βαβυλῶνα καὶ ἀπώλεσεν ἀπ’ αὐτῆσ φωνὴν μεγάλην ἠχοῦσαν ὡσ ὕδατα πολλά, ἔδωκεν εἰσ ὄλεθρον φωνὴν αὐτῆσ. ὅτι ἦλθεν ἐπὶ Βαβυλῶνα ταλαιπωρία, ἑάλωσαν οἱ μαχηταὶ αὐτῆσ, ἐπτόηται τὸ τόξον αὐτῶν, ὅτι ὁ Θεὸσ ἀνταποδίδωσιν αὐτοῖσ. Κύριοσ ἀνταποδίδωσιν αὐτῷ τὴν ἀνταπόδοσιν. καὶ μεθύσει μέθῃ τοὺσ ἡγεμόνασ αὐτῆσ καὶ τοὺσ σοφοὺσ αὐτῆσ καὶ τοὺσ στρατηγοὺσ αὐτῆσ, λέγει ὁ βασιλεύσ, Κύριοσ παντοκράτωρ ὄνομα αὐτῷ. τάδε λέγει Κύριοσ. τεῖχοσ Βαβυλῶνοσ ἐπλατύνθη, κατασκαπτόμενον κατασκαφήσεται, καὶ αἱ πύλαι αὐτῆσ αἱ ὑψηλαὶ ἐμπυρισθήσονται, καὶ οὐ κοπιάσουσι λαοὶ εἰσ κενόν, καὶ ἔθνη ἐν ἀρχῇ ἐκλείψουσιν. Ὁ λόγοσ, ὃν ἐνετείλατο Κύριοσ Ἱερεμίᾳ τῷ προφήτῃ εἰπεῖν τῷ Σαραίᾳ υἱῷ Νηρίου, υἱοῦ Μαασαίου, ὅτε ἐπορεύετο παρὰ Σεδεκίου βασιλέωσ Ἰούδα εἰσ Βαβυλῶνα, ἐν τῷ ἔτει τῷ τετάρτῳ τῆσ βασιλείασ αὐτοῦ, καὶ Σαραίασ ἄρχων δώρων. καὶ ἔγραψεν Ἱερεμίασ πάντα τὰ κακά, ἃ ἥξει ἐπὶ Βαβυλῶνα, ἐν βιβλίῳ ἑνί, πάντασ τοὺσ λόγουσ τούτουσ τοὺσ γεγραμμένουσ ἐπὶ Βαβυλῶνα. καὶ εἶπεν Ἱερεμίασ πρὸσ Σαραίαν. ὅταν ἔλθῃσ εἰσ Βαβυλῶνα, καὶ ὄψῃ καὶ ἀναγνώσῃ πάντασ τοὺσ λόγουσ τούτους καὶ ἐρεῖσ. Κύριε Κύριε, σὺ ἐλάλησασ ἐπὶ τὸν τόπον τοῦτον τοῦ ἐξολοθρεῦσαι αὐτὸν καὶ τοῦ μὴ εἶναι ἐν αὐτῷ κατοικοῦντασ ἀπὸ ἀνθρώπου ἕωσ κτήνουσ, ὅτι ἀφανισμὸσ εἰσ τὸν αἰῶνα ἔσται. καὶ ἔσται ὅταν παύσῃ τοῦ ἀναγινώσκειν τὸ βιβλίον τοῦτο, καὶ ἐπιδήσεισ ἐπ’ αὐτὸ λίθον καὶ ρίψεισ αὐτὸ εἰσ μέσον τοῦ Εὐφράτου καὶ ἐρεῖσ. οὕτωσ καταδύσεται Βαβυλὼν καὶ οὐ μὴ ἀναστῇ ἀπὸ προσώπου τῶν κακῶν, ὧν ἐγὼ ἐπάγω ἐπ’ αὐτήν.

목록

일치하는 문장이 없습니다.

SEARCH

MENU NAVIGATION