Septuagint, Liber Ieremiae 27:

(70인역 성경, 예레미야서 27:)

ΛΟΓΟΣ Κυρίου ὃν ἐλάλησεν ἐπὶ Βαβυλῶνα. ‐ Ἀναγγείλατε ἐν τοῖσ ἔθνεσι καὶ ἀκουστὰ ποιήσατε καὶ μὴ κρύψητε, εἴπατε. ἑάλωκε Βαβυλών, κατῃσχύνθη Βῆλοσ ἡ ἀπτόητοσ, ἡ τρυφερὰ παρεδόθη Μαρωδάχ. ὅτι ἀνέβη ἐπ’ αὐτὴν ἔθνοσ ἀπὸ βορρᾶ. οὗτοσ θήσει τὴν γῆν αὐτῆσ εἰσ ἀφανισμόν, καὶ οὐκ ἔσται ὁ κατοικῶν ἐν αὐτῇ ἀπὸ ἀνθρώπου καὶ ἕωσ κτήνουσ. ἐν ταῖσ ἡμέραισ ἐκείναισ καὶ ἐν τῷ καιρῷ ἐκείνῳ ἥξουσιν οἱ υἱοὶ Ἰσραήλ, αὐτοὶ καὶ οἱ υἱοὶ Ἰούδα ἐπὶ τὸ αὐτό. βαδίζοντεσ καὶ κλαίοντεσ πορεύσονται τὸν Κύριον Θεὸν αὐτῶν ζητοῦντεσ. ἕωσ Σιὼν ἐρωτήσουσι τὴν ὁδόν, ὧδε γὰρ τὸ πρόσωπον αὐτῶν δώσουσι. καὶ ἥξουσι καὶ καταφεύξονται πρὸσ Κύριον τὸν Θεόν, διαθήκη γὰρ αἰώνιοσ οὐκ ἐπιλησθήσεται. πρόβατα ἀπολωλότα ἐγενήθη ὁ λαόσ μου, οἱ ποιμένεσ αὐτῶν ἔξωσαν αὐτούσ, ἐπὶ τὰ ὄρη ἀπεπλάνησαν αὐτούσ, ἐξ ὄρουσ ἐπὶ βουνὸν ᾤχοντο, ἐπελάθοντο κοίτησ αὐτῶν. πάντεσ οἱ εὑρίσκοντεσ αὐτοὺσ ἀνήλισκον αὐτούσ, οἱ ἐχθροὶ αὐτῶν εἶπαν. μὴ ἀνῶμεν αὐτούσ. ἀνθ’ ὧν ἥμαρτον τῷ Κυρίῳ νομὴ δικαιοσύνησ τῷ συναγαγόντι τοὺσ πατέρασ αὐτῶν. ἀπαλλοτριώθητε ἐκ μέσου Βαβυλῶνοσ καὶ ἀπὸ γῆσ Χαλδαίων καὶ ἐξέλθατε καὶ γένεσθε ὥσπερ δράκοντεσ κατὰ πρόσωπον προβάτων. ὅτι ἰδοὺ ἐγὼ ἐγείρω ἐπὶ Βαβυλῶνα συναγωγὰσ ἐθνῶν ἐκ γῆσ βορρᾶ, καὶ παρατάξονται αὐτῇ. ἐκεῖθεν ἁλώσεται, ὡσ βολὶσ μαχητοῦ συνετοῦ οὐκ ἐπιστρέψει κενή. καὶ ἔσται ἡ Χαλδαία εἰσ προνομήν, πάντεσ οἱ προνομεύοντεσ αὐτὴν ἐμπλησθήσονται, ὅτι ηὐφραίνεσθε καὶ κατεκαυχᾶσθε διαρπάζοντεσ τὴν κληρονομίαν μου, διότι ἐσκιρτᾶτε ὡσ βοί̈δια ἐν βοτάνῃ καὶ ἐκερατίζετε ὡσ ταῦροι. ᾐσχύνθη ἡ μήτηρ ὑμῶν σφόδρα, ἐνετράπη ἡ τεκοῦσα ὑμᾶσ μήτηρ ἐπ’ ἀγαθὰ ἐσχάτη ἐθνῶν ἔρημοσ. ἀπὸ ὀργῆσ Κυρίου οὐ κατοικηθήσεται. καὶ ἔσται εἰσ ἀφανισμὸν πᾶσα, καὶ πᾶσ ὁ διοδεύων διὰ Βαβυλῶνοσ σκυθρωπάσει καὶ συριοῦσιν ἐπὶ πᾶσαν τὴν πληγὴν αὐτῆσ. παρατάξασθε ἐπὶ Βαβυλῶνα κύκλῳ, πάντεσ τείνοντεσ τόξον. τοξεύσατε ἐπ’ αὐτήν, μὴ φείσησθε ἐπὶ τοῖσ τοξεύμασιν ὑμῶν. κατακρατήσατε αὐτήν. παρελύθησαν αἱ χεῖρεσ αὐτῆσ, ἔπεσαν αἱ ἐπάλξεισ αὐτῆσ καὶ κατεσκάφη τὸ τεῖχοσ αὐτῆσ, ὅτι ἐκδίκησισ παρὰ Θεοῦ ἐστιν. ἐκδικεῖτε ἐπ’ αὐτήν. καθὼσ ἐποίησε, ποιήσατε αὐτῇ. ἐξολοθρεύσασθε σπέρμα ἐκ Βαβυλῶνοσ, κατέχοντα δρέπανον ἐν καιρῷ θερισμοῦ. ἀπὸ προσώπου μαχαίρασ Ἑλληνικῆσ ἕκαστοσ εἰσ τὸν λαὸν αὐτοῦ ἀποστρέψουσι καὶ ἕκαστοσ εἰσ τὴν γῆν αὐτοῦ φεύξεται. Πρόβατον πλανώμενον Ἰσραήλ, λέοντεσ ἔξωσαν αὐτόν. ὁ πρῶτοσ ἔφαγεν αὐτὸν βασιλεὺσ Ἀσσοὺρ καὶ οὗτοσ ὕστερον τὰ ὀστᾶ αὐτοῦ βασιλεὺσ Βαβυλῶνοσ. διὰ τοῦτο τάδε λέγει Κύριοσ. ἰδοὺ ἐγὼ ἐκδικῶ ἐπὶ τὸν βασιλέα Βαβυλῶνοσ καὶ ἐπὶ τὴν γῆν αὐτοῦ, καθὼσ ἐξεδίκησα ἐπὶ τὸν βασιλέα Ἀσσούρ. καὶ ἀποκαταστήσω τὸν Ἰσραὴλ εἰσ τὴν νομὴν αὐτοῦ, καὶ νεμήσεται ἐν τῷ Καρμήλῳ καὶ ἐν ὄρει Ἐφραὶμ καὶ ἐν τῷ Γαλαὰδ καὶ πλησθήσεται ἡ ψυχὴ αὐτοῦ. ἐν ταῖσ ἡμέραισ ἐκείναισ καὶ ἐν τῷ καιρῷ ἐκείνῳ ζητήσουσι τὴν ἀδικίαν Ἰσραήλ, καὶ οὐχ ὑπάρξει, καὶ τὰσ ἁμαρτίασ Ἰούδα, καὶ οὐ μὴ εὑρεθῶσιν, ὅτι ἵλεωσ ἔσομαι τοῖσ ὑπολελειμμένοισ ἐπὶ τῆσ γῆσ, λέγει Κύριοσ. ‐ Πικρῶσ ἐπίβηθι ἐπ’ αὐτὴν καὶ ἐπὶ τοὺσ κατοικοῦντασ ἐπ’ αὐτήν. ἐκδίκησον, μάχαιρα, καὶ ἀφάνισον, λέγει Κύριοσ, καὶ ποίει κατὰ πάντα, ὅσα ἐντέλλομαί σοι. φωνὴ πολέμου καὶ συντριβὴ μεγάλη ἐν γῇ Χαλδαίων. πῶσ ἐκλάσθη καὶ συνετρίβη ἡ σφῦρα πάσησ τῆσ γῆσ̣ πῶσ ἐγενήθη εἰσ ἀφανισμὸν Βαβυλὼν ἐν ἔθνεσιν̣ ἐπιθήσονταί σοι, καὶ ἁλώσῃ, ὦ Βαβυλών, καὶ οὐ γνώσῃ. εὑρέθησ καὶ ἐλήφθησ, ὅτι τῷ Κυρίῳ ἀντέστησ. ἤνοιξε Κύριοσ τὸν θησαυρὸν αὐτοῦ καὶ ἐξήνεγκε τὰ σκεύη ὀργῆσ αὐτοῦ, ὅτι ἔργον τῷ Κυρίῳ Θεῷ ἐν γῇ Χαλδαίων, ὅτι ἐληλύθασιν οἱ καιροὶ αὐτῆσ. ἀνοίξατε τὰσ ἀποθήκασ αὐτῆσ, ἐρευνήσατε αὐτὴν ὡσ σπήλαιον καὶ ἐξολοθρεύσατε αὐτήν, μὴ γενέσθω αὐτῆσ κατάλειμμα. ἀναξηράνατε αὐτῆσ πάντασ τοὺσ καρπούσ, καὶ καταβήτωσαν εἰσ σφαγήν. οὐαὶ αὐτοῖσ, ὅτι ἥκει ἡ ἡμέρα αὐτῶν καὶ καιρὸσ ἐκδικήσεωσ αὐτῶν. φωνὴ φευγόντων καὶ ἀνασῳζομένων ἐκ γῆσ Βαβυλῶνοσ τοῦ ἀναγγεῖλαι εἰσ Σιὼν τὴν ἐκδίκησιν παρὰ Κυρίου Θεοῦ ἡμῶν. παραγγείλατε ἐπὶ Βαβυλῶνα πολλοῖσ, παντὶ ἐντείνοντι τόξον. παρεμβάλλετε ἐπ’ αὐτὴν κυκλόθεν, μὴ ἔστω αὐτοῖσ ἀνασῳζόμενοσ. ἀνταπόδοτε αὐτῇ κατὰ τὰ ἔργα αὐτῆσ, κατὰ πάντα, ὅσα ἐποίησε, ποιήσατε αὐτῇ, ὅτι πρὸσ Κύριον ἀντέστη Θεὸν ἅγιον τοῦ Ἰσραήλ. διὰ τοῦτο πεσοῦνται οἱ νεανίσκοι αὐτῆσ ἐν ταῖσ πλατείαισ αὐτῆσ, καὶ πάντεσ οἱ ἄνδρεσ οἱ πολεμισταὶ αὐτῆσ ριφήσονται, εἶπε Κύριοσ. ἰδοὺ ἐγὼ ἐπὶ σὲ τὴν ὑβρίστριαν, λέγει Κύριοσ, ὅτι ἥκει ἡ ἡμέρα σου καὶ ὁ καιρὸσ ἐκδικήσεώσ σου. καὶ ἀσθενήσει ἡ ὕβρισ σου καὶ πεσεῖται, καὶ οὐδεὶσ ἔσται ὁ ἀνιστῶν αὐτήν. καὶ ἀνάψω πῦρ ἐν τῷ δρυμῷ αὐτῆσ, καὶ καταφάγεται πάντα τὰ κύκλῳ αὐτῆσ. Τάδε λέγει Κύριοσ. καταδεδυνάστευνται οἱ υἱοὶ Ἰσραὴλ καὶ οἱ υἱοὶ Ἰούδα ἅμα, πάντεσ οἱ αἰχμαλωτεύσαντεσ αὐτοὺσ κατεδυνάστευσαν αὐτούσ, ὅτι οὐκ ἠθέλησαν ἐξαποστεῖλαι αὐτούσ. καὶ ὁ λυτρούμενοσ αὐτοὺσ ἰσχυρόσ, Κύριοσ παντοκράτωρ ὄνομα αὐτῷ. κρίσιν κρινεῖ πρὸσ τοὺσ ἀντιδίκουσ αὐτοῦ, ὅπωσ ἐξάρῃ τὴν γῆν, καὶ παροξυνεῖ τοῖσ κατοικοῦσι Βαβυλῶνα. μάχαιραν ἐπὶ τοὺσ Χαλδαίουσ καὶ ἐπὶ τοὺσ κατοικοῦντασ Βαβυλῶνα καὶ ἐπὶ τοὺσ μεγιστᾶνασ αὐτῆσ καὶ ἐπὶ τοὺσ συνετοὺσ αὐτῆσ. μάχαιραν ἐπὶ τοὺσ μαχητὰσ αὐτῆσ, καὶ παραλυθήσονται. μάχαιραν ἐπὶ τοὺσ ἵππουσ αὐτῶν καὶ ἐπὶ τὰ ἅρματα αὐτῶν. μάχαιραν ἐπὶ τοὺσ μαχητὰσ αὐτῶν καὶ ἐπὶ τὸν σύμμεικτον τὸν ἐν μέσῳ αὐτῆσ, καὶ ἔσονται ὡσεὶ γυναῖκεσ. μάχαιραν ἐπὶ τοὺσ θησαυροὺσ αὐτῆσ, καὶ διασκορπισθήσονται. ἐπὶ τῷ ὕδατι αὐτῆσ ἐπεποίθει καὶ καταισχυνθήσονται, ὅτι γῆ τῶν γλυπτῶν ἐστι, καὶ ἐν ταῖσ νήσοισ, οὗ κατεκαυχῶντο. διὰ τοῦτο κατοικήσουσιν ἰνδάλματα ἐν ταῖσ νήσοισ, καὶ κατοικήσουσιν ἐν αὐτῇ θυγατέρεσ σειρήνων. οὐ μὴ κατοικηθῇ οὐκέτι εἰσ τὸν αἰῶνα. καθὼσ κατέστρεψεν ὁ Θεὸσ Σόδομα καὶ Γόμορρα καὶ τὰσ ὁμορούσασ αὐταῖσ, εἶπε Κύριοσ, οὐ μὴ κατοικήσει ἐκεῖ ἄνθρωποσ, καὶ οὐ μὴ παροικήσει ἐκεῖ υἱὸσ ἀνθρώπου. ἰδοὺ λαὸσ ἔρχεται ἀπὸ βορρᾶ, καὶ ἔθνοσ μέγα καὶ βασιλεῖσ πολλοὶ ἐξεγερθήσονται ἀπ’ ἐσχάτου τῆσ γῆσ, τόξον καὶ ἐγχειρίδιον ἔχοντεσ. ἰταμόσ ἐστι καὶ οὐ μὴ ἐλεήσῃ. ἡ φωνὴ αὐτῶν ὡσ θάλασσα ἠχήσει, ἐφ’ ἵπποισ ἱππάσονται παρεσκευασμένοι, ὥσπερ πῦρ, εἰσ πόλεμον πρὸσ σέ, θύγατερ Βαβυλῶνοσ. ἤκουσε βασιλεὺσ Βαβυλῶνοσ τὴν ἀκοὴν αὐτῶν, καὶ παρελύθησαν αἱ χεῖρεσ αὐτοῦ. θλῖψισ κατεκράτησεν αὐτοῦ, ὠδῖνεσ ὡσ τικτούσησ. ἰδοὺ ὥσπερ λέων ἀναβήσεται ἀπὸ τοῦ Ἰορδάνου εἰσ τόπον Αἰθάμ, ὅτι ταχέωσ ἐκδιώξω αὐτοὺσ ἀπ’ αὐτῆσ καὶ πάντα νεανίσκον ἐπ’ αὐτὴν ἐπιστήσω. ὅτι τίσ ὥσπερ ἐγώ̣ καὶ τίσ ἀντιστήσεταί μοι̣ καὶ τίσ οὗτοσ ποιμήν, ὃσ στήσεται κατὰ πρόσωπόν μου̣ διὰ τοῦτο ἀκούσατε τὴν βουλὴν Κυρίου, ἣν βεβούλευται ἐπὶ Βαβυλῶνα, καὶ λογισμοὺσ αὐτοῦ, οὓσ ἐλογίσατο ἐπὶ τοὺσ κατοικοῦντασ Χαλδαίουσ. ἐὰν μὴ διαφθαρῇ τὰ ἀρνία τῶν προβάτων αὐτῶν, ἐὰν μὴ ἀφανισθῇ νομὴ ἀπ’ αὐτῶν. ὅτι ἀπὸ φωνῆσ ἁλώσεωσ Βαβυλῶνοσ σεισθήσεται ἡ γῆ, καὶ κραυγὴ ἐν ἔθνεσιν ἀκουσθήσεται.

목록

일치하는 문장이 없습니다.

SEARCH

MENU NAVIGATION