Septuagint, Liber Ieremiae 24:

(70인역 성경, 예레미야서 24:)

ΕΔΕΙΞΕ μοι Κύριοσ δύο καλάθουσ σύκων κειμένουσ κατὰ πρόσωπον ναοῦ Κυρίου μετὰ τὸ ἀποικίσαι Ναβουχοδονόσορ βασιλέα Βαβυλῶνοσ τὸν Ἰεχονίαν υἱὸν Ἰωακεὶμ βασιλέα Ἰούδα καὶ τοὺσ ἄρχοντασ καὶ τοὺσ τεχνίτασ καὶ τοὺσ δεσμώτασ καὶ τοὺσ πλουσίουσ ἐξ Ἱερουσαλὴμ καὶ ἤγαγεν αὐτοὺσ εἰσ Βαβυλῶνα. ὁ κάλαθοσ ὁ εἷσ σύκων χρηστῶν σφόδρα, ὡσ τὰ σύκα τὰ πρώϊμα, καὶ ὁ κάλαθοσ ὁ ἕτεροσ σύκων πονηρῶν σφόδρα, ἃ οὐ βρωθήσεται ἀπὸ πονηρίασ αὐτῶν. καὶ εἶπε Κύριοσ πρόσ με. τί σὺ ὁρᾷσ, Ἱερεμία̣ καὶ εἶπα. σύκα. τὰ χρηστὰ χρηστὰ λίαν, καὶ τὰ πονηρὰ πονηρὰ λίαν, ἃ οὐ βρωθήσεται ἀπὸ πονηρίασ αὐτῶν. καὶ ἐγένετο λόγοσ Κυρίου πρόσ με λέγων. τάδε λέγει Κύριοσ ὁ Θεὸσ Ἰσραήλ. ὡσ τὰ σύκα τὰ χρηστὰ ταῦτα, οὕτωσ ἐπιγνώσομαι τοὺσ ἀποικισθέντασ Ἰούδα, οὓσ ἐξαπέσταλκα ἐκ τοῦ τόπου τούτου εἰσ γῆν Χαλδαίων εἰσ ἀγαθά. καὶ στηριῶ τοὺσ ὀφθαλμούσ μου ἐπ’ αὐτοὺσ εἰσ ἀγαθὰ καὶ ἀποκαταστήσω αὐτοὺσ εἰσ τὴν γῆν ταύτην εἰσ ἀγαθὰ καὶ ἀνοικοδομήσω αὐτοὺσ καὶ οὐ μὴ καθελῶ καὶ καταφυτεύσω αὐτοὺσ καὶ οὐ μὴ ἐκτίλω. καὶ δώσω αὐτοῖσ καρδίαν τοῦ εἰδέναι αὐτοὺσ ἐμέ, ὅτι ἐγώ εἰμι Κύριοσ, καὶ ἔσονταί μοι εἰσ λαόν, καὶ ἐγὼ ἔσομαι αὐτοῖσ εἰσ Θεόν, ὅτι ἐπιστραφήσονται ἐπ’ ἐμὲ ἐξ ὅλησ τῆσ καρδίασ αὐτῶν. καὶ ὡσ τὰ σύκα τὰ πονηρά, ἃ οὐ βρωθήσονται ἀπὸ πονηρίασ αὐτῶν, τάδε λέγει Κύριοσ, οὕτωσ παραδώσω τὸν Σεδεκίαν βασιλέα Ἰούδα καὶ τοὺσ μεγιστᾶνασ αὐτοῦ καὶ τὸ κατάλοιπον Ἱερουσαλὴμ τοὺσ ὑπολελειμμένουσ ἐν τῇ γῇ ταύτῃ καὶ τοὺσ κατοικοῦντασ ἐν Αἰγύπτῳ. καὶ δώσω αὐτοὺσ εἰσ διασκορπισμὸν εἰσ πάσασ τὰσ βασιλείασ τῆσ γῆσ, καὶ ἔσονται εἰσ ὀνειδισμὸν καὶ εἰσ παραβολὴν καὶ εἰσ μῖσοσ καὶ εἰσ κατάραν ἐν παντὶ τόπῳ, οὗ ἔξωσα αὐτοὺσ ἐκεῖ. καὶ ἀποστελῶ εἰσ αὐτοὺσ τὸν λιμὸν καὶ τὸν θάνατον καὶ τὴν μάχαιραν, ἕωσ ἂν ἐκλείπωσιν ἀπὸ τῆσ γῆσ, ἧσ ἔδωκα αὐτοῖσ.

목록

일치하는 문장이 없습니다.

SEARCH

MENU NAVIGATION