Septuagint, Liber Ieremiae 23:

(70인역 성경, 예레미야서 23:)

Ω οἱ ποιμένεσ οἱ διασκορπίζοντεσ καὶ ἀπολλύοντεσ τὰ πρόβατα τῆσ νομῆσ μου. διὰ τοῦτο τάδε λέγει Κύριοσ ἐπὶ τοὺσ ποιμαίνοντασ τὸν λαόν μου. ὑμεῖσ διεσκορπίσατε τά πρόβατά μου καὶ ἐξώσατε αὐτὰ καὶ οὐκ ἐπεσκέψασθε αὐτά, ἰδοὺ ἐγὼ ἐκδικῶ ἐφ’ ὑμᾶσ κατὰ τὰ πονηρὰ ἐπιτηδεύματα ὑμῶν. καὶ ἐγὼ εἰσδέξομαι τοὺσ καταλοίπουσ τοῦ λαοῦ μου ἐπὶ πάσησ τῆσ γῆσ, οὗ ἔξωσα αὐτοὺσ ἐκεῖ, καὶ καταστήσω αὐτοὺσ εἰσ τὴν νομὴν αὐτῶν, καὶ αὐξηθήσονται καὶ πληθυνθήσονται. καὶ ἀναστήσω αὐτοῖσ ποιμένασ, οἳ ποιμανοῦσιν αὐτούσ, καὶ οὐ φοβηθήσονται ἔτι οὐδὲ πτοηθήσονται, λέγει Κύριοσ. ἰδοὺ ἡμέραι ἔρχονται, λέγει Κύριοσ, καὶ ἀναστήσω τῷ Δαυὶδ ἀνατολὴν δικαίαν, καὶ βασιλεύσει βασιλεὺσ καὶ συνήσει καὶ ποιήσει κρίμα καὶ δικαιοσύνην ἐπὶ τῆσ γῆσ. ἐν ταῖσ ἡμέραισ αὐτοῦ σωθήσεται Ἰούδασ, καὶ Ἰσραὴλ κατασκηνώσει πεποιθώσ, καὶ τοῦτο τὸ ὄνομα αὐτοῦ, ὃ καλέσει αὐτὸν Κύριοσ Ἰωσεδέκ. Ἐν τοῖσ προφήταισ συνετρίβη ἡ καρδία μου, ἐν ἐμοὶ ἐσαλεύθη πάντα τὰ ὀστᾶ μου, ἐγενήθην ὡσ ἀνὴρ συντετριμμένοσ καὶ ὡσ ἄνθρωποσ συνεχόμενοσ ἀπὸ οἴνου ἀπὸ προσώπου Κυρίου καὶ ἀπὸ προσώπου εὐπρεπείασ δόξησ αὐτοῦ. ὅτι ἀπὸ προσώπου τούτων ἐπένθησεν ἡ γῆ, ἐξηράνθησαν αἱ νομαὶ τῆσ ἐρήμου, καὶ ἐγένετο ὁ δρόμοσ αὐτῶν πονηρὸσ καὶ ἡ ἰσχὺσ αὐτῶν οὐχ οὕτωσ. ὅτι ἱερεὺσ καὶ προφήτησ ἐμολύνθησαν καὶ ἐν τῷ οἴκῳ μου εἶδον πονηρίασ αὐτῶν. διὰ τοῦτο γενέσθω ἡ ὁδὸσ αὐτῶν αὐτοῖσ εἰσ ὀλίσθημα ἐν γνόφῳ, καὶ ὑποσκελισθήσονται καὶ πεσοῦνται ἐν αὐτῇ. διότι ἐπάξω ἐπ’ αὐτοὺσ κακὰ ἐν ἐνιαυτῷ ἐπισκέψεωσ αὐτῶν, φησὶ Κύριοσ. καὶ ἐν τοῖσ προφήταισ Σαμαρείασ εἶδον ἀνομήματα. ἐπροφήτευσαν διὰ τῆσ Βάαλ καὶ ἐπλάνησαν τὸν λαόν μου Ἰσραήλ. καὶ ἐν τοῖσ προφήταισ Ἱερουσαλὴμ ἑώρακα φρικτά, μοιχωμένουσ καὶ πορευομένουσ ἐν ψεύδεσι καὶ ἀντιλαμβανομένουσ χειρῶν πονηρῶν τοῦ μὴ ἀποστραφῆναι ἕκαστον ἀπὸ τῆσ ὁδοῦ αὐτοῦ τῆσ πονηρᾶσ. ἐγενήθησάν μοι πάντεσ ὡσ Σόδομα καὶ οἱ κατοικοῦντεσ αὐτὴν ὥσπερ Γόμορρα. διὰ τοῦτο τάδε λέγει Κύριοσ. ἰδοὺ ἐγὼ ψωμιῶ αὐτοὺσ ὀδύνην καὶ ποτιῶ αὐτοὺσ ὕδωρ πικρόν, ὅτι ἀπὸ τῶν προφητῶν Ἱερουσαλὴμ ἐξῆλθε μολυσμὸσ πάσῃ τῇ γῇ. οὕτωσ λέγει Κύριοσ παντοκράτωρ. μὴ ἀκούετε τοὺσ λόγουσ τῶν προφητῶν, ὅτι ματαιοῦσιν ἑαυτοῖσ ὅρασιν, ἀπὸ καρδίασ αὐτῶν λαλοῦσι καὶ οὐκ ἀπὸ στόματοσ Κυρίου. λέγουσι τοῖσ ἀπωθουμένοισ τὸν λόγον Κυρίου. εἰρήνη ἔσται ὑμῖν. καὶ πᾶσι τοῖσ πορευομένοισ τοῖσ θελήμασιν αὐτῶν, παντὶ τῷ πορευομένῳ πλάνῃ καρδίασ αὐτοῦ εἶπαν. οὐχ ἥξει ἐπὶ σὲ κακά. ὅτι τίσ ἔστη ἐν ὑποστήματι Κυρίου καὶ εἶδε τὸν λόγον αὐτοῦ̣ τίσ ἠνωτίσατο καὶ ἤκουσεν̣ ἰδοὺ σεισμὸσ παρὰ Κυρίου καὶ ὀργὴ ἐκπορεύεται εἰσ συσσεισμόν, συστρεφομένη ἐπὶ τοὺσ ἀσεβεῖσ ἥξει. καὶ οὐκ ἔτι ἀποστρέψει ὁ θυμὸσ Κυρίου, ἕωσ ἂν ποιήσῃ αὐτὸ καὶ ἕωσ ἂν στήσῃ αὐτὸ ἀπὸ ἐγχειρήματοσ καρδίασ αὐτοῦ. ἐπ’ ἐσχάτου τῶν ἡμερῶν νοήσουσιν αὐτά. οὐκ ἀπέστελλον τοὺσ προφήτασ, καὶ αὐτοὶ ἔτρεχον. οὐδὲ ἐλάλησα πρὸσ αὐτούσ, καὶ αὐτοὶ ἐπροφήτευον. καὶ εἰ ἔστησαν ἐν τῇ ὑποστάσει μου καὶ εἰ ἤκουσαν τῶν λόγων μου, καὶ τὸν λαόν μου ἂν ἀπέστρεφον αὐτοὺσ ἀπὸ τῶν πονηρῶν ἐπιτηδευμάτων αὐτῶν. Θεὸσ ἐγγίζων ἐγώ εἰμι, λέγει Κύριοσ, καὶ οὐχὶ Θεὸσ πόρρωθεν. εἰ κρυβήσεταί τισ ἐν κρυφαίοισ, καὶ ἐγὼ οὐκ ὄψομαι αὐτόν̣ μὴ οὐχὶ τὸν οὐρανὸν καὶ τὴν γῆν ἐγὼ πληρῶ̣ λέγει Κύριοσ. ἤκουσα ἃ λαλοῦσιν οἱ προφῆται, ἃ προφητεύουσιν ἐπὶ τῷ ὀνόματί μου ψευδῆ λέγοντεσ. ἠνυπνιασάμην ἐνύπνιον. ἕωσ πότε ἔσται ἐν καρδίᾳ τῶν προφητῶν τῶν προφητευόντων ψευδῆ καὶ ἐν τῷ προφητεύειν αὐτοὺσ τὰ θελήματα τῆσ καρδίασ αὐτῶν̣ τῶν λογιζομένων τοῦ ἐπιλαθέσθαι τοῦ νόμου μου ἐν τοῖσ ἐνυπνίοισ αὐτῶν, ἃ διηγοῦντο ἕκαστοσ τῷ πλησίον αὐτοῦ, καθάπερ ἐπελάθοντο οἱ πατέρεσ αὐτῶν τοῦ ὀνόματόσ μου ἐν τῇ Βάαλ̣ ὁ προφήτησ, ἐν ᾧ τὸ ἐνύπνιόν ἐστι, διηγησάσθω τὸ ἐνύπνιον αὐτοῦ, καὶ ἐν ᾧ ὁ λόγοσ μου πρὸσ αὐτόν, διηγησάσθω τὸν λόγον μου ἐπ’ ἀληθείασ. τί τὸ ἄχυρον πρὸσ τὸν σῖτον̣ οὕτωσ οἱ λόγοι μου, λέγει Κύριοσ. οὐκ ἰδοὺ οἱ λόγοι μου ὥσπερ πῦρ φλέγον, λέγει Κύριοσ, καὶ ὡσ πέλυξ κόπτων πέτραν̣ ἰδοὺ ἐγὼ διὰ τοῦτο πρὸσ τοὺσ προφήτασ, λέγει Κύριοσ ὁ Θεόσ, τοὺσ κλέπτοντασ τοὺσ λόγουσ μου ἕκαστον παρὰ τοῦ πλησίον αὐτοῦ. ἰδοὺ ἐγὼ πρὸσ τοὺσ προφήτασ τοὺσ ἐκβάλλοντασ προφητείασ γλώσσησ καὶ νυστάζοντασ νυσταγμὸν ἑαυτῶν. ἰδοὺ ἐγὼ πρὸσ τοὺσ προφήτασ τοὺσ προφητεύοντασ ἐνύπνια ψευδῆ καὶ διηγοῦντο αὐτὰ καὶ ἐπλάνησαν τὸν λαόν μου ἐν τοῖσ ψεύδεσιν αὐτῶν καὶ ἐν τοῖσ πλάνοισ αὐτῶν καὶ ἐγὼ οὐκ ἀπέστειλα αὐτοὺσ καὶ οὐκ ἐνετειλάμην αὐτοῖσ καὶ ὠφέλειαν οὐκ ὠφελήσουσι τὸν λαὸν τοῦτον. καὶ ἐὰν ἐρωτήσωσί σε ὁ λαὸσ οὗτοσ ἢ ἱερεὺσ ἢ προφήτησ λέγων. τί τὸ λῆμμα Κυρίου̣ καὶ ἐρεῖσ αὐτοῖσ. ὑμεῖσ ἐστε τὸ λῆμμα καὶ ράξω ὑμᾶσ, λέγει Κύριοσ. ὁ προφήτησ καὶ οἱ ἱερεῖσ καὶ ὁ λαόσ, οἳ ἂν εἴπωσι. λῆμμα Κυρίου, καὶ ἐκδικήσω τὸν ἄνθρωπον ἐκεῖνον καὶ τὸν οἶκον αὐτοῦ. ὅτι οὕτωσ ἐρεῖτε ἕκαστοσ πρὸσ τὸν πλησίον αὐτοῦ καὶ ἕκαστοσ πρὸσ τὸν ἀδελφὸν αὐτοῦ. τί ἀπεκρίθη Κύριοσ, καὶ τί ἐλάλησε Κύριοσ̣ καὶ λῆμμα Κυρίου μὴ ὀνομάζετε ἔτι, ὅτι τὸ λῆμμα τῷ ἀνθρώπῳ ἔσται ὁ λόγοσ αὐτοῦ. καὶ διατί ἐλάλησε Κύριοσ ὁ Θεὸσ ἡμῶν̣ διὰ τοῦτο τάδε λέγει Κύριοσ ὁ Θεὸσ ἡμῶν. ἀνθ’ ὧν εἴπατε τὸν λόγον τοῦτον. λῆμμα Κυρίου, καὶ ἀπέστειλα πρὸσ ὑμᾶσ λέγων. οὐκ ἐρεῖτε. λῆμμα Κυρίου, διὰ τοῦτο ἰδοὺ ἐγὼ λαμβάνω καὶ ράσσω ὑμᾶσ καὶ τὴν πόλιν, ἣν ἔδωκα ὑμῖν καὶ τοῖσ πατράσιν ὑμῶν, καὶ δώσω ἐφ’ ὑμᾶσ ὀνειδισμὸν αἰώνιον καὶ ἀτιμίαν αἰώνιον, ἥτισ οὐκ ἐπιλησθήσεται. ‐ Διὰ τοῦτο ἰδοὺ ἡμέραι ἔρχονται, λέγει Κύριοσ, καὶ οὐκ ἐροῦσιν ἔτι. ζῇ Κύριοσ, ὃσ ἀνήγαγε τὸν οἶκον Ἰσραὴλ ἐκ γῆσ Αἰγύπτου, ἀλλά. ζῇ Κύριοσ, ὃσ συνήγαγε πᾶν τὸ σπέρμα Ἰσραὴλ ἀπὸ γῆσ βορρᾶ καὶ ἀπὸ πασῶν τῶν χωρῶν, οὗ ἔξωσεν αὐτοὺσ ἐκεῖ. καὶ ἀποκατέστησεν αὐτοὺσ εἰσ τὴν γῆν αὐτῶν.

목록

일치하는 문장이 없습니다.

SEARCH

MENU NAVIGATION