Septuagint, Liber Ieremiae 20:

(70인역 성경, 예레미야서 20:)

ΚΑΙ ἤκουσε Πασχὼρ ὁ υἱὸσ Ἐμμὴρ ὁ ἱερεύσ ‐ καὶ οὗτοσ ἦν καθεσταμένοσ ἡγούμενοσ οἴκου Κυρίου ‐ τοῦ Ἱερεμίου προφητεύοντοσ τοὺσ λόγουσ τούτουσ. καὶ ἐπάταξεν αὐτὸν καὶ ἐνέβαλεν αὐτὸν εἰσ τὸν καταρράκτην, ὃσ ἦν ἐν πύλῃ οἴκου ἀποτεταγμένου τοῦ ὑπερῴου, ὃσ ἦν ἐν οἴκῳ Κυρίου. καὶ ἐξήγαγε Πασχὼρ τὸν Ἱερεμίαν ἐκ τοῦ καταρράκτου, καὶ εἶπεν αὐτῷ Ἱερεμίασ. οὐχὶ Πασχὼρ ἐκάλεσε Κύριοσ τὸ ὄνομά σου, ἀλλ’ ἢ Μέτοικον. διότι τάδε λέγει Κύριοσ. ἰδοὺ ἐγὼ δίδωμί σε εἰσ μετοικίαν σὺν πᾶσι τοῖσ φίλοισ σου, καὶ πεσοῦνται ἐν μαχαίρᾳ ἐχθρῶν αὐτῶν, καὶ οἱ ὀφθαλμοί σου ὄψονται, καὶ σὲ καὶ πάντα Ἰούδαν δώσω εἰσ χεῖρασ βασιλέωσ Βαβυλῶνοσ, καὶ μετοικιοῦσιν αὐτοὺσ καὶ κατακόψουσιν ἐν μαχαίραισ. καὶ δώσω τὴν πᾶσαν ἰσχὺν τῆσ πόλεωσ ταύτησ καὶ πάντασ τοὺσ πόνουσ αὐτῆσ καὶ πάντασ τοὺσ θησαυροὺσ τοῦ βασιλέωσ Ἰούδα εἰσ χεῖρασ ἐχθρῶν αὐτοῦ, καὶ ἄξουσιν αὐτοὺσ εἰσ Βαβυλῶνα. καὶ σὺ καὶ πάντεσ οἱ κατοικοῦντεσ ἐν τῷ οἴκῳ σου πορεύσεσθε ἐν αἰχμαλωσίᾳ, καὶ ἐν Βαβυλῶνι ἀποθανῇ καὶ ἐκεῖ ταφήσῃ, σὺ καὶ πάντεσ οἱ φίλοι σου, οἷσ ἐπροφήτευσασ αὐτοῖσ ψευδῆ. Ἠπάτησάσ με, Κύριε, καὶ ἠπατήθην, ἐκράτησασ καὶ ἠδυνάσθησ. ἐγενόμην εἰσ γέλωτα, πᾶσαν ἡμέραν διετέλεσα μυκτηριζόμενοσ. ὅτι πικρῷ λόγῳ μου γελάσομαι, ἀθεσίαν καὶ ταλαιπωρίαν ἐπικαλέσομαι, ὅτι ἐγενήθη λόγοσ Κυρίου εἰσ ὀνειδισμὸν ἐμοὶ καὶ εἰσ χλευασμὸν πᾶσαν ἡμέραν μου. καὶ εἶπα. οὐ μὴ ὀνομάσω τὸ ὄνομα Κυρίου καὶ οὐ μὴ λαλήσω ἔτι ἐπὶ τῷ ὀνόματι αὐτοῦ. καὶ ἐγένετο ὡσ πῦρ καιόμενον φλέγον ἐν τοῖσ ὀστέοισ μου, καὶ παρεῖμαι πάντοθεν καὶ οὐ δύναμαι φέρειν. ὅτι ἤκουσα ψόγον πολλῶν συναθροιζομένων κυκλόθεν. ἐπισύστητε καὶ ἐπισυστῶμεν αὐτῷ, πάντεσ ἄνδρεσ φίλοι αὐτοῦ. τηρήσατε τὴν ἐπίνοιαν αὐτοῦ, εἰ ἀπατηθήσεται καὶ δυνησόμεθα αὐτῷ καὶ ληψόμεθα τὴν ἐκδίκησιν ἡμῶν ἐξ αὐτοῦ. ὁ δὲ Κύριοσ μετ’ ἐμοῦ καθὼσ μαχητὴσ ἰσχύων. διὰ τοῦτο ἐδίωξαν καὶ νοῆσαι οὐκ ἠδύναντο. ᾐσχύνθησαν σφόδρα, ὅτι οὐκ ἐνόησαν ἀτιμίασ αὐτῶν, αἳ δι’ αἰῶνοσ οὐκ ἐπιλησθήσονται. Κύριε, δοκιμάζων δίκαια, συνίων νεφροὺσ καὶ καρδίασ, ἴδοιμι τὴν παρὰ σοῦ ἐκδίκησιν ἐν αὐτοῖσ, ὅτι πρὸσ σὲ ἀπεκάλυψα τὰ ἀπολογήματά μου. ‐ ᾌσατε τῷ Κυρίῳ, αἰνέσατε αὐτῷ, ὅτι ἐξείλατο ψυχὴν πένητοσ ἐκ χειρὸσ πονηρευομένων. ‐ Ἐπικατάρατοσ ἡ ἡμέρα, ἐν ᾗ ἐτέχθην ἐν αὐτῇ. ἡ ἡμέρα, ἐν ᾗ ἔτεκέ με ἡ μήτηρ μου, μὴ ἔστω ἐπευκτή. ἐπικατάρατοσ ὁ ἄνθρωποσ ὁ εὐαγγελισάμενοσ τῷ πατρί μου λέγων. ἐτέχθη σοι ἄρσην, εὐφραινόμενοσ. ἔστω ὁ ἄνθρωποσ ἐκεῖνοσ ὡσ αἱ πόλεισ, ἃσ κατέστρεψε Κύριοσ ἐν θυμῷ καὶ οὐ μετεμελήθη. ἀκουσάτω κραυγῆσ τῷ πρωί̈ καὶ ἀλαλαγμοῦ μεσημβρίασ, ὅτι οὐκ ἀπέκτεινέ με ἐν μήτρᾳ μητρὸσ καὶ ἐγένετό μοι ἡ μήτηρ μου τάφοσ μου καὶ ἡ μήτρα συλλήψεωσ αἰωνίασ. ἱνατί τοῦτο ἐξῆλθον ἐκ μήτρασ τοῦ βλέπειν κόπουσ καὶ πόνουσ, καὶ διετέλεσαν ἐν αἰσχύνῃ αἱ ἡμέραι μου̣

목록

일치하는 문장이 없습니다.

SEARCH

MENU NAVIGATION