Septuagint, Liber Ieremiae 17:

(70인역 성경, 예레미야서 17:)

ΕΠΙΚΑΤΑΡΑΤΟΣ ὁ ἄνθρωποσ, ὃσ τὴν ἐλπίδα ἔχει ἐπ’ ἄνθρωπον καὶ στηρίζει σάρκα βραχίονοσ αὐτοῦ ἐπ’ αὐτόν, καὶ ἀπὸ Κυρίου ἀποστῇ ἡ καρδία αὐτοῦ. καὶ ἔσται ὡσ ἡ ἀγριομυρίκη ἡ ἐν τῇ ἐρήμῳ, οὐκ ὄψεται ὅταν ἔλθῃ τὰ ἀγαθά, καὶ κατασκηνώσει ἐν ἁλίμοισ καὶ ἐν ἐρήμῳ, ἐν γῇ ἁλμυρᾷ, ἥτισ οὐ κατοικεῖται. καὶ εὐλογημένοσ ὁ ἄνθρωποσ, ὃσ πέποιθεν ἐπὶ τῷ Κυρίῳ καὶ ἔσται Κύριοσ ἐλπὶσ αὐτοῦ. καὶ ἔσται ὡσ ξύλον εὐθηνοῦν παρ’ ὕδατα, καὶ ἐπὶ ἰκμάδα βαλεῖ ρίζαν αὐτοῦ καὶ οὐ φοβηθήσεται ὅταν ἔλθῃ καῦμα, καὶ ἔσται ἐπ’ αὐτῷ στελέχη ἀλσώδη, ἐν ἐνιαυτῷ ἀβροχίασ οὐ φοβηθήσεται καὶ οὐ διαλείψει ποιῶν καρπόν. βαθεῖα ἡ καρδία παρά πάντα, καὶ ἄνθρωπόσ ἐστι. καὶ τίσ γνώσεται αὐτόν̣ ἐγὼ Κύριοσ ἐτάζων καρδίασ καὶ δοκιμάζων νεφροὺσ τοῦ δοῦναι ἑκάστῳ κατὰ τὰσ ὁδοὺσ αὐτοῦ καὶ κατὰ τοὺσ καρποὺσ τῶν ἐπιτηδευμάτων αὐτοῦ. ἐφώνησε πέρδιξ, συνήγαγεν ἃ οὐκ ἔτεκε. ποιῶν πλοῦτον αὐτοῦ οὐ μετὰ κρίσεωσ, ἐν ἡμίσει ἡμερῶν αὐτοῦ ἐγκαταλείψουσιν αὐτόν, καὶ ἐπ’ ἐσχάτων αὐτοῦ ἔσται ἄφρων. θρόνοσ δόξησ ὑψωμένοσ, ἁγίασμα ἡμῶν, ὑπομονὴ Ἰσραήλ, Κύριε, πάντεσ οἱ καταλιπόντεσ σε καταισχυνθήτωσαν, ἀφεστηκότεσ ἐπὶ τῆσ γῆσ γραφήτωσαν, ὅτι ἐγκατέλιπον πηγὴν ζωῆσ, τὸν Κύριον. ἴασαί με, Κύριε, καὶ ἰαθήσομαι. σῶσόν με, καὶ σωθήσομαι. ὅτι καύχημά μου σὺ εἶ. ἰδοὺ αὐτοὶ λέγουσι πρόσ με. ποῦ ἐστιν ὁ λόγοσ Κυρίου̣ ἐλθέτω. ἐγὼ δὲ οὐκ ἐκοπίασα κατακολουθῶν ὀπίσω σου καὶ ἡμέραν ἀνθρώπου οὐκ ἐπεθύμησα, σὺ ἐπίστῃ. τὰ ἐκπορευόμενα διὰ τῶν χειλέων μου πρὸ προσώπου σού ἐστι. μὴ γενηθῇσ μοι εἰσ ἀλλοτρίωσιν φειδόμενόσ μου ἐν ἡμέρᾳ πονηρᾷ. καταισχυνθήτωσαν οἱ διώκοντέσ με, καὶ μὴ καταισχυνθείην ἐγώ. πτοηθείησαν αὐτοί, καὶ μὴ πτοηθείην ἐγώ. ἐπάγαγε ἐπ’ αὐτοὺσ ἡμέραν πονηράν, δισσὸν σύντριμμα σύντριψον αὐτούσ. Τάδε λέγει Κύριοσ. βάδισον καὶ στῆθι ἐν ταῖσ πύλαισ υἱῶν λαοῦ σου, ἐν αἷσ εἰσπορεύονται ἐν αὐταῖσ βασιλεῖσ Ἰούδα καὶ ἐν αἷσ ἐκπορεύονται ἐν αὐταῖσ, καὶ ἐν πάσαισ ταῖσ πύλαισ Ἱερουσαλὴμ καὶ ἐρεῖσ αὐτοῖσ. ἀκούσατε τὸν λόγον Κυρίου, βασιλεῖσ Ἰούδα, καὶ πᾶσα Ἰουδαία καὶ πᾶσα Ἱερουσαλήμ, οἱ εἰσπορευόμενοι ἐν ταῖσ πύλαισ ταύταισ. τάδε λέγει Κύριοσ. φυλάσσεσθε τὰσ ψυχὰσ ὑμῶν καὶ μὴ αἴρετε βαστάγματα ἐν τῇ ἡμέρᾳ τῶν σαββάτων καὶ μὴ ἐκπορεύεσθε ταῖσ πύλαισ Ἱερουσαλὴμ καὶ μὴ ἐκφέρετε βαστάγματα ἐξ οἰκιῶν ὑμῶν ἐν τῇ ἡμέρᾳ τῶν σαββάτων καὶ πᾶν ἔργον οὐ ποιήσετε. ἁγιάσατε τὴν ἡμέραν τῶν σαββάτων, καθὼσ ἐνετειλάμην τοῖσ πατράσιν ὑμῶν, καὶ οὐκ ἤκουσαν καὶ οὐκ ἔκλιναν τὸ οὖσ αὐτῶν καὶ ἐσκλήρυναν τὸν τράχηλον αὐτῶν ὑπὲρ τοὺσ πατέρασ αὐτῶν τοῦ μὴ ἀκοῦσαί μου καὶ τοῦ μὴ δέξασθαι παιδείαν. καὶ ἔσται ἐὰν ἀκοῇ ἀκούσητέ μου, λέγει Κύριοσ, τοῦ μὴ εἰσφέρειν βαστάγματα διὰ τῶν πυλῶν τῆσ πόλεωσ ταύτησ ἐν τῇ ἡμέρᾳ τῶν σαββάτων καὶ ἁγιάζειν τὴν ἡμέραν τῶν σαββάτων τοῦ μὴ ποιεῖν πᾶν ἔργον, καὶ εἰσελεύσονται διὰ τῶν πυλῶν τῆσ πόλεωσ ταύτησ βασιλεῖσ καὶ ἄρχοντεσ καθήμενοι ἐπὶ θρόνου Δαυὶδ καὶ ἐπιβεβηκότεσ ἐφ’ ἅρμασι καὶ ἵπποισ αὐτῶν, αὐτοὶ καὶ οἱ ἄρχοντεσ αὐτῶν, ἄνδρεσ Ἰούδα καὶ οἱ κατοικοῦντεσ ἐν Ἱερουσαλήμ, καὶ κατοικισθήσεται ἡ πόλισ αὕτη εἰσ τὸν αἰῶνα. καὶ ἥξουσιν ἐκ τῶν πόλεων Ἰούδα καὶ κυκλόθεν Ἱερουσαλὴμ καὶ ἐκ γῆσ Βενιαμὶν καὶ ἐκ γῆσ πεδινῆσ καὶ ἐκ τοῦ ὄρουσ καὶ ἐκ τῆσ πρὸσ νότον φέροντεσ ὁλοκαυτώματα καὶ θυσίασ καὶ θυμιάματα καὶ μαναὰ καὶ λίβανον, φέροντεσ αἴνεσιν εἰσ οἶκον Κυρίου. καὶ ἔσται ἐὰν μὴ ἀκούσητέ μου τοῦ ἁγιάζειν τὴν ἡμέραν τῶν σαββάτων, τοῦ μὴ αἴρειν βαστάγματα καὶ μὴ εἰσπορεύεσθαι ταῖσ πύλαισ Ἱερουσαλὴμ ἐν τῇ ἡμέρᾳ τῶν σαββάτων, καὶ ἀνάψω πῦρ ἐν ταῖσ πύλαισ αὐτῆσ, καὶ καταφάγεται ἄμφοδα Ἱερουσαλὴμ καὶ οὐ σβεσθήσεται.

목록

일치하는 문장이 없습니다.

SEARCH

MENU NAVIGATION