Septuagint, Liber Ieremiae 16:

(70인역 성경, 예레미야서 16:)

ΚΑΙ σὺ μὴ λάβῃσ γυναῖκα, λέγει Κύριοσ ὁ Θεὸσ Ἰσραήλ, καὶ οὐ γεννηθήσεταί σοι υἱὸσ οὐδὲ θυγάτηρ ἐν τῷ τόπῳ τούτῳ. ὅτι τάδε λέγει Κύριοσ περὶ τῶν υἱῶν καὶ περὶ τῶν θυγατέρων τῶν γεννωμένων ἐν τῷ τόπῳ τούτῳ καὶ περὶ τῶν μητέρων αὐτῶν τῶν τετοκυιῶν αὐτοὺσ καὶ περὶ τῶν πατέρων αὐτῶν τῶν γεγεννηκότων αὐτοὺσ ἐν τῇ γῇ ταύτῃ. ἐν θανάτῳ νοσερῷ ἀποθανοῦνται, οὐ κοπήσονται καὶ οὐ ταφήσονται. εἰσ παράδειγμα ἐπὶ προσώπου τῆσ γῆσ ἔσονται καὶ τοῖσ θηρίοισ τῆσ γῆσ καὶ τοῖσ πετεινοῖσ τοῦ οὐρανοῦ. ἐν μαχαίρᾳ πεσοῦνται καὶ ἐν λιμῷ συντελεσθήσονται. τάδε λέγει Κύριοσ. μὴ εἰσέλθῃσ εἰσ θίασον αὐτῶν καὶ μὴ πορευθῇσ τοῦ κόψασθαι καὶ μὴ πενθήσῃσ αὐτούσ, ὅτι ἀφέστακα τὴν εἰρήνην μου ἀπὸ τοῦ λαοῦ τούτου. οὐ μὴ κόψονται αὐτοὺσ οὐδὲ ἐντομίδασ οὐ μὴ ποιήσουσι καὶ οὐ ξυρηθήσονται, καὶ οὐ μὴ κλασθῇ ἄρτοσ ἐν πένθει αὐτῶν εἰσ παράκλησιν ἐπὶ τεθνηκότι, οὐ ποτιοῦσιν αὐτὸν ποτήριον εἰσ παράκλησιν ἐπὶ πατρὶ καὶ μητρὶ αὐτοῦ. εἰσ οἰκίαν πότου οὐκ εἰσελεύσῃ συγκαθίσαι μετ’ αὐτῶν τοῦ φαγεῖν καὶ πιεῖν. διότι τάδε λέγει Κύριοσ ὁ Θεὸσ Ἰσραήλ. ἰδοὺ ἐγὼ καταλύω ἐκ τοῦ τόπου τούτου ἐνώπιον τῶν ὀφθαλμῶν ὑμῶν καὶ ἐν ταῖσ ἡμέραισ ὑμῶν φωνὴν χαρᾶσ καὶ φωνὴν εὐφροσύνησ, φωνὴν νυμφίου καὶ φωνὴν νύμφησ. καὶ ἔσται ὅταν ἀναγγείλῃσ τῷ λαῷ τούτῳ ἅπαντα τὰ ρήματα ταῦτα καὶ εἴπωσι πρὸσ σέ. διατί ἐλάλησε Κύριοσ ἐφ’ ἡμᾶσ πάντα τὰ κακὰ ταῦτα̣ τίσ ἡ ἀδικία ἡμῶν̣ καὶ τίσ ἡ ἁμαρτία ἡμῶν, ἣν ἡμάρτομεν ἔναντι Κυρίου τοῦ Θεοῦ ἡμῶν̣ καὶ ἐρεῖσ πρὸσ αὐτούσ. ἀνθ’ ὧν ἐγκατέλιπόν με οἱ πατέρεσ ὑμῶν, λέγει Κύριοσ, καὶ ᾤχοντο ὀπίσω θεῶν ἀλλοτρίων, καὶ ἐδούλευσαν αὐτοῖσ καὶ προσεκύνησαν αὐτοῖσ καὶ ἐμὲ ἐγκατέλιπον καὶ τὸν νόμον μου οὐκ ἐφυλάξαντο. καὶ ὑμεῖσ ἐπονηρεύσασθε ὑπὲρ τοὺσ πατέρασ ὑμῶν καὶ ἰδοὺ ὑμεῖσ πορεύεσθε ἕκαστοσ ὀπίσω τῶν ἀρεστῶν τῆσ καρδίασ ὑμῶν τῆσ πονηρᾶσ τοῦ μὴ ὑπακούειν μου. καὶ ἀπορρίψω ὑμᾶσ ἀπὸ τῆσ γῆσ ταύτησ εἰσ τὴν γῆν, ἣν οὐκ ᾔδειτε ὑμεῖσ καὶ οἱ πατέρεσ ὑμῶν, καὶ δουλεύσετε ἐκεῖ θεοῖσ ἑτέροισ, οἳ οὐ δώσουσιν ὑμῖν ἔλεοσ. Διὰ τοῦτο ἰδοὺ ἡμέραι ἔρχονται, λέγει Κύριοσ, καὶ οὐκ ἐροῦσιν ἔτι. ζῇ Κύριοσ ὁ ἀναγαγὼν τοὺσ υἱοὺσ Ἰσραὴλ ἐκ γῆσ Αἰγύπτου, ἀλλὰ ζῇ Κύριοσ, ὃσ ἀνήγαγε τὸν οἶκον Ἰσραὴλ ἀπὸ γῆσ βορρᾶ καὶ ἀπὸ πασῶν τῶν χωρῶν, οὗ ἐξώσθησαν ἐκεῖ. καί ἀποκαταστήσω αὐτοὺσ εἰσ τὴν γῆν αὐτῶν, ἣν ἔδωκα τοῖσ πατράσιν αὐτῶν. ἰδοὺ ἐγὼ ἀποστέλλω τοὺσ ἁλιεῖσ τοὺσ πολλούσ, λέγει Κύριοσ, καὶ ἁλιεύσουσιν αὐτούσ. καὶ μετὰ ταῦτα ἀποστελῶ τοὺσ πολλοὺσ θηρευτάσ, καὶ θηρεύσουσιν αὐτοὺσ ἐπάνω παντὸσ ὄρουσ καὶ ἐπάνω παντὸσ βουνοῦ καὶ ἐκ τῶν τρυμαλιῶν τῶν πετρῶν. ὅτι οἱ ὀφθαλμοί μου ἐπὶ πάσασ τὰσ ὁδοὺσ αὐτῶν, καὶ οὐκ ἐκρύβη τὰ ἀδικήματα αὐτῶν ἀπέναντι τῶν ὀφθαλμῶν μου. καὶ ἀνταποδώσω διπλᾶσ τὰσ κακίασ αὐτῶν καὶ τὰσ ἁμαρτίασ αὐτῶν, ἐφ’ αἷσ ἐβεβήλωσαν τὴν γῆν μου ἐν τοῖσ θνησιμαίοισ τῶν βδελυγμάτων αὐτῶν καὶ ἐν ταῖσ ἀνομίαισ αὐτῶν, ἐν αἷσ ἐπλημμέλησαν τὴν κληρονομίαν μου. Κύριε, σὺ ἰσχύσ μου καὶ βοήθειά μου καὶ καταφυγή μου ἐν ἡμέρᾳ κακῶν. πρὸσ σὲ ἔθνη ἥξουσιν ἀπ’ ἐσχάτου τῆσ γῆσ καὶ ἐροῦσιν. ὡσ ψευδῆ ἐκτήσαντο οἱ πατέρεσ ἡμῶν εἴδωλα, καὶ οὐκ ἔστιν ἐν αὐτοῖσ ὠφέλημα. εἰ ποιήσει ἑαυτῷ ἄνθρωποσ θεούσ̣ καὶ οὗτοι οὐκ εἰσὶ θεοί. διὰ τοῦτο ἰδοὺ ἐγὼ δηλώσω αὐτοῖσ ἐν τῷ καιρῷ τούτῳ τὴν χεῖρά μου καὶ γνωριῶ αὐτοῖσ τὴν δύναμίν μου, καὶ γνώσονται ὅτι ὄνομά μοι Κύριοσ.

목록

일치하는 문장이 없습니다.

SEARCH

MENU NAVIGATION