Septuagint, Liber Ieremiae 13:

(70인역 성경, 예레미야서 13:)

ΤΑΔΕ λέγει Κύριοσ. βάδισον καὶ κτῆσαι σεαυτῷ περίζωμα λινοῦν καὶ περίθου περὶ τὴν ὀσφύν σου, καὶ ἐν ὕδατι οὐ διελεύσεται. καὶ ἐκτησάμην τὸ περίζωμα κατὰ τὸν λόγον Κυρίου καὶ περιέθηκα περὶ τὴν ὀσφύν μου. καὶ ἐγενήθη λόγοσ Κυρίου πρόσ με λέγων. λαβὲ τὸ περίζωμα τὸ περὶ τὴν ὀσφύν σου καὶ ἀνάστηθι καὶ βάδισον ἐπὶ τὸν Εὐφράτην καὶ κατάκρυψον αὐτὸ ἐκεῖ ἐν τῇ τρυμαλιᾷ τῆσ πέτρασ. καὶ ἐπορεύθην καὶ ἔκρυψα αὐτὸ ἐν τῷ Εὐφράτῃ, καθὼσ ἐνετείλατό μοι Κύριοσ. καὶ ἐγένετο μεθ’ ἡμέρασ πολλὰσ καὶ εἶπε Κύριοσ πρόσ με. ἀνάστηθι, βάδισον ἐπὶ τὸν Εὐφράτην καὶ λαβὲ ἐκεῖθεν τὸ περίζωμα, ὃ ἐνετειλάμην σοι τοῦ κατακρύψαι ἐκεῖ. καὶ ἐπορεύθην ἐπὶ τὸν Εὐφράτην ποταμὸν καὶ ὤρυξα καὶ ἔλαβον τὸ περίζωμα ἐκ τοῦ τόπου, οὗ κατώρυξα αὐτὸ ἐκεῖ, καὶ ἰδοὺ διεφθαρμένον ἦν, ὃ οὐ μὴ χρησθῇ εἰσ οὐθέν. καὶ ἐγενήθη λόγοσ Κυρίου πρόσ με λέγων. τάδε λέγει Κύριοσ. οὕτω φθερῶ τὴν ὕβριν Ἰούδα καὶ τὴν ὕβριν Ἱερουσαλήμ, τὴν πολλὴν ταύτην ὕβριν, τοὺσ μὴ βουλομένουσ ὑπακούειν τῶν λόγων μου καὶ πορευθέντασ ὀπίσω θεῶν ἀλλοτρίων τοῦ δουλεύειν αὐτοῖσ καὶ τοῦ προσκυνεῖν αὐτοῖσ, καὶ ἔσονται ὥσπερ τὸ περίζωμα τοῦτο, ὃ οὐ χρησθήσεται εἰσ οὐθέν. ὅτι καθάπερ κολλᾶται τὸ περίζωμα περὶ τὴν ὀσφὺν τοῦ ἀνθρώπου, οὕτωσ ἐκόλλησα πρὸσ ἐμαυτὸν τὸν οἶκον τοῦ Ἰσραὴλ καὶ πάντα οἶκον Ἰούδα τοῦ γενέσθαι μοι εἰσ λαὸν ὀνομαστὸν καὶ εἰσ καύχημα καὶ εἰσ δόξαν, καὶ οὐκ εἰσήκουσάν μου. καὶ ἐρεῖσ πρὸσ τὸν λαὸν τοῦτον. πᾶσ ἀσκὸσ πληρωθήσεται οἴνου. καὶ ἔσται ἐὰν εἴπωσι πρόσ σε. μὴ γνόντεσ οὐ γνωσόμεθα ὅτι πᾶσ ἀσκὸσ πληρωθήσεται οἴνου̣ καὶ ἐρεῖσ πρὸσ αὐτούσ. τάδε λέγει Κύριοσ. ἰδοὺ ἐγὼ πληρῶ τοὺσ κατοικοῦντασ τὴν γῆν ταύτην καὶ τοὺσ βασιλεῖσ αὐτῶν τοὺσ καθημένουσ υἱοὺσ τοῦ Δαυὶδ ἐπὶ τοῦ θρόνου αὐτοῦ καὶ τοὺσ ἱερεῖσ καὶ τοὺσ προφήτασ καὶ τὸν Ἰούδαν καὶ πάντασ τοὺσ κατοικοῦντασ ἐν Ἱερουσαλὴμ μεθύσματι καὶ διασκορπιῶ αὐτοὺσ ἄνδρα καὶ τὸν ἀδελφὸν αὐτοῦ καὶ τοὺσ πατέρασ αὐτῶν καὶ τοὺσ υἱοὺσ αὐτῶν ἐν τῷ αὐτῷ. οὐκ ἐπιποθήσω, λέγει Κύριοσ, καὶ οὐ φείσομαι, καὶ οὐκ οἰκτειρήσω ἀπὸ διαφθορᾶσ αὐτῶν. Ἀκούσατε, καὶ ἐνωτίσασθε καὶ μὴ ἐπαίρεσθε, ὅτι Κύριοσ ἐλάλησε. δότε τῷ Κυρίῳ Θεῷ ὑμῶν δόξαν πρὸ τοῦ συσκοτάσαι καὶ πρὸ τοῦ προσκόψαι πόδασ ὑμῶν ἐπ’ ὄρη σκοτεινά, καὶ ἀναμενεῖτε εἰσ φῶσ, καὶ ἐκεῖ σκιὰ θανάτου, καὶ τεθήσονται εἰσ σκότοσ. ἐὰν δὲ μὴ ἀκούσητε, κεκρυμμένωσ κλαύσεται ἡ ψυχὴ ὑμῶν ἀπὸ προσώπου ὕβρεωσ, καὶ κατάξουσιν οἱ ὀφθαλμοὶ ὑμῶν δάκρυα, ὅτι συνετρίβη τὸ ποίμνιον Κυρίου. εἴπατε τῷ βασιλεῖ καὶ τοῖσ δυναστεύουσι. ταπεινώθητε καὶ καθίσατε, ὅτι καθῃρέθη ἀπὸ κεφαλῆσ ὑμῶν στέφανοσ δόξησ ὑμῶν. πόλεισ αἱ πρὸσ νότον συνεκλείσθησαν. καὶ οὐκ ἦν ὁ ἀνοίγων. ἀπῳκίσθη Ἰούδασ, συνετέλεσεν ἀποικίαν τελείαν. ‐ Ἀνάλαβε ὀφθαλμούσ σου, Ἱερουσαλήμ, καὶ ἴδε τοὺσ ἐρχομένουσ ἀπὸ βορρᾶ. ποῦ ἐστι τὸ ποίμνιον, ὃ ἐδόθη σοι, πρόβατα δόξησ σου̣ τί ἐρεῖσ ὅταν ἐπισκέπτωνταί σε̣ καὶ σὺ ἐδίδαξασ αὐτοὺσ ἐπὶ σὲ μαθήματα εἰσ ἀρχήν. οὐκ ὠδῖνεσ καθέξουσί σε καθὼσ γυναῖκα τίκτουσαν̣ καὶ ἐὰν εἴπῃσ ἐν τῇ καρδίᾳ σου. διατί ἀπήντησέ μοι ταῦτα̣ διὰ τὸ πλῆθοσ τῆσ ἀδικίασ σου ἀνεκαλύφθη τὰ ὀπίσθιά σου παραδειγματισθῆναι τὰσ πτέρνασ σου. εἰ ἀλλάξεται Αἰθίοψ τὸ δέρμα αὐτοῦ καὶ πάρδαλισ τὰ ποικίλματα αὐτῆσ, καὶ ὑμεῖσ δυνήσεσθε εὖ ποιῆσαι μεμαθηκότεσ τὰ κακά. καὶ διέσπειρα αὐτοὺσ ὡσ φρύγανα φερόμενα ἀπὸ ἀνέμου εἰσ ἔρημον. οὕτωσ ὁ κλῆρόσ σου καὶ μερὶσ τοῦ ἀπειθεῖν ὑμᾶσ ἐμοί, λέγει Κύριοσ, ὡσ ἐπελάθου μου καὶ ἤλπισασ ἐπὶ ψεύδεσι. κἀγὼ ἀποκαλύψω τὰ ὀπίσω σου ἐπὶ τὸ πρόσωπόν σου, καὶ ὀφθήσεται ἡ ἀτιμία σου. καὶ ἡ μοιχεία σου καὶ ὁ χρεμετισμόσ σου καὶ ἡ ἀπαλλοτρίωσισ τῆσ πορνείασ σου ἐπὶ τῶν βουνῶν, καὶ ἐν τοῖσ ἀγροῖσ ἑώρακα τὰ βδελύγματά σου. οὐαί σοι, Ἱερουσαλήμ, ὅτι οὐκ ἐκαθαρίσθησ ὀπίσω μου. ἕωσ τίνοσ ἔτι̣

목록

일치하는 문장이 없습니다.

SEARCH

MENU NAVIGATION