헬라어 문장 검색 - Σεπτύ044́011́

(70인역 성경, 예레미야서 11:)

Ο λόγοσ ὁ γενόμενοσ παρὰ Κυρίου πρὸσ Ἱερεμίαν λέγων. ἀκούσατε τοὺσ λόγουσ τῆσ διαθήκησ ταύτησ. καὶ λαλήσεισ πρὸσ ἄνδρασ Ἰούδα καὶ πρὸσ τοὺσ κατοικοῦντασ ἐν Ἱερουσαλήμ. καὶ ἐρεῖσ πρὸσ αὐτούσ. τάδε λέγει Κύριοσ ὁ Θεὸσ Ἰσραήλ. ἐπικατάρατοσ ὁ ἄνθρωποσ, ὃσ οὐκ ἀκούσεται τῶν λόγων τῆσ διαθήκησ ταύτησ, ἧσ ἐνετειλάμην τοῖσ πατράσιν ὑμῶν ἐν ἡμέρᾳ, ᾗ ἀνήγαγον αὐτοὺσ ἐκ γῆσ Αἰγύπτου, ἐκ καμίνου τῆσ σιδηρᾶσ, λέγων. ἀκούσατε τῆσ φωνῆσ μου καὶ ποιήσατε πάντα, ὅσα ἐὰν ἐντείλωμαι ὑμῖν, καὶ ἔσεσθέ μοι εἰσ λαόν, καὶ ἐγὼ ἔσομαι ὑμῖν εἰσ Θεόν, ὅπωσ στήσω τὸν ὅρκον μου, ὃν ὤμοσα τοῖσ πατράσιν ὑμῶν, τοῦ δοῦναι αὐτοῖσ γῆν ρέουσαν γάλα καὶ μέλι καθὼσ ἡ ἡμέρα αὕτη. καὶ ἀπεκρίθην καὶ εἶπα. γένοιτο, Κύριε. καὶ εἶπε Κύριοσ πρόσ με. ἀνάγνωθι τοὺσ λόγουσ τούτουσ ἐν πόλεσιν Ἰούδα καὶ ἔξωθεν Ἱερουσαλὴμ λέγων. ἀκούσατε τοὺσ λόγουσ τῆσ διαθήκησ ταύτησ καὶ ποιήσατε αὐτούσ. καὶ οὐκ ἐποίησαν. καὶ εἶπε Κύριοσ πρόσ με. εὑρέθη σύνδεσμοσ ἐν ἀνδράσιν Ἰούδα καὶ ἐν τοῖσ κατοικοῦσιν ἐν Ἱερουσαλήμ. ἐπεστράφησαν ἐπὶ τὰσ ἀδικίασ τῶν πατέρων αὐτῶν τῶν πρότερον, οἳ οὐκ ἠθέλησαν εἰσακοῦσαι τῶν λόγων μου, καὶ ἰδοὺ αὐτοὶ πορεύονται ὀπίσω θεῶν ἀλλοτρίων τοῦ δουλεύειν αὐτοῖσ, καὶ διεσκέδασεν οἶκοσ Ἰσραὴλ καὶ οἶκοσ Ἰούδα τὴν διαθήκην μου, ἣν διεθέμην πρὸσ τοὺσ πατέρασ αὐτῶν. διὰ τοῦτο τάδε λέγει Κύριοσ. ἰδοὺ ἐγὼ ἐπάγω ἐπὶ τὸν λαὸν τοῦτον κακά, ἐξ ὧν οὐ δυνήσονται ἐξελθεῖν ἐξ αὐτῶν, καὶ κεκράξονται πρόσ με, καὶ οὐκ εἰσακούσομαι αὐτῶν. καὶ πορεύσονται πόλεισ Ἰούδα καὶ οἱ κατοικοῦντεσ Ἱερουσαλὴμ καὶ κεκράξονται πρὸσ τοὺσ θεούσ, οἷσ αὐτοὶ θυμιῶσιν αὐτοῖσ, οἳ μὴ σώσουσιν αὐτοὺσ ἐν τῷ καιρῷ τῶν κακῶν αὐτῶν. ὅτι κατ’ ἀριθμὸν τῶν πόλεών σου ἦσαν θεοί σου, Ἰούδα, καὶ κατ’ ἀριθμὸν ἐξόδων τῆσ Ἱερουσαλὴμ ἐτάξατε βωμοὺσ θυμιᾶν τῇ Βάαλ. καὶ σὺ μὴ προσεύχου περὶ τοῦ λαοῦ τούτου καὶ μὴ ἀξίου περὶ αὐτῶν ἐν δεήσει καὶ προσευχῇ, ὅτι οὐκ εἰσακούσομαι ἐν τῷ καιρῷ, ἐν ᾧ ἐπικαλοῦνταί με, ἐν καιρῷ κακώσεωσ αὐτῶν. τί ἡ ἠγαπημένη ἐν τῷ οἴκῳ μου ἐποίησε βδέλυγμα̣ μὴ εὐχαὶ καὶ κρέα ἅγια ἀφελοῦσιν ἀπὸ σοῦ τὰσ κακίασ σου, ἢ τούτοισ διαφεύξῃ̣ ἐλαίαν ὡραίαν, εὔσκιον τῷ εἴδει ἐκάλεσε Κύριοσ τὸ ὄνομά σου. εἰσ φωνὴν περιτομῆσ αὐτῆσ ἀνήφθη πῦρ ἐπ’ αὐτήν, μεγάλη ἡ θλῖψισ ἐπὶ σέ, ἠχρεώθησαν οἱ κλάδοι αὐτῆσ. καὶ Κύριοσ ὁ καταφυτεύσασ σε ἐλάλησεν ἐπὶ σὲ κακὰ ἀντὶ τῆσ κακίασ οἴκου Ἰσραὴλ καὶ οἴκου Ἰούδα, ὅτι ἐποίησαν ἑαυτοῖσ τοῦ παροργίσαι με ἐν τῷ θυμιᾶν αὐτοὺσ τῇ Βάαλ. Κύριε, γνώρισόν μοι, καὶ γνώσομαι. τότε εἶδον τὰ ἐπιτηδεύματα αὐτῶν. ἐγὼ δὲ ὡσ ἀρνίον ἄκακον ἀγόμενον τοῦ θύεσθαι οὐκ ἔγνων. ἐπ’ ἐμὲ ἐλογίσαντο λογισμὸν πονηρὸν λέγοντεσ. δεῦτε καὶ ἐμβάλωμεν ξύλον εἰσ τὸν ἄρτον αὐτοῦ καὶ ἐκτρίψωμεν αὐτὸν ἀπὸ γῆσ ζώντων, καὶ τὸ ὄνομα αὐτοῦ οὐ μὴ μνησθῇ οὐκέτι. Κύριε κρίνων δίκαια, δοκιμάζων νεφροὺσ καὶ καρδίασ, ἴδοιμι τὴν παρὰ σοῦ ἐκδίκησιν ἐξ αὐτῶν, ὅτι πρὸσ σὲ ἀπεκάλυψα τὸ δικαίωμά μου. διὰ τοῦτο τάδε λέγει Κύριοσ ἐπὶ τοὺσ ἄνδρασ Ἀναθὼθ τοὺσ ζητοῦντασ τὴν ψυχήν μου, τοὺσ λέγοντασ. οὐ μὴ προφητεύσεισ ἐπὶ τῷ ὀνόματι Κυρίου, εἰ δὲ μή, ἀποθάνῃ ἐν ταῖσ χερσὶν ἡμῶν. ἰδοὺ ἐγὼ ἐπισκέψομαι ἐπ’ αὐτούσ. οἱ νεανίσκοι αὐτῶν ἐν μαχαίρᾳ ἀποθανοῦνται, καὶ οἱ υἱοὶ αὐτῶν καὶ αἱ θυγατέρεσ αὐτῶν τελευτήσουσιν ἐν λιμῷ, καὶ ἐγκατάλειμμα οὐκ ἔσται αὐτῶν, ὅτι ἐπάξω κακὰ ἐπὶ τοὺσ κατοικοῦντασ ἐν Ἀναθώθ, ἐν ἐνιαυτῷ ἐπισκέψεωσ αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ieremiae 11:

(70인역 성경, 예레미야서 11:)

목록

SEARCH

MENU NAVIGATION