Septuagint, Liber Ieremiae 7:

(70인역 성경, 예레미야서 7:)

ΑΚΟΥΣΑΤΕ λόγον Κυρίου πᾶσα Ἰουδαία. τάδε λέγει Κύριοσ ὁ Θεὸσ Ἰσραήλ. διορθώσατε τὰσ ὁδοὺσ ὑμῶν καὶ τὰ ἐπιτηδεύματα ὑμῶν, καὶ κατοικιῶ ὑμᾶσ ἐν τῷ τόπῳ τούτῳ. μὴ πεποίθατε ἐφ’ ἑαυτοῖσ ἐπὶ λόγοισ ψευδέσιν, ὅτι τὸ παράπαν οὐκ ὠφελήσουσιν ὑμᾶσ λέγοντεσ. ναὸσ Κυρίου, ναὸσ Κυρίου ἐστίν. ὅτι ἐὰν διορθοῦντεσ διορθώσητε τὰσ ὁδοὺσ ὑμῶν καὶ τὰ ἐπιτηδεύματα ὑμῶν καὶ ποιοῦντεσ ποιήσητε κρίσιν ἀνὰ μέσον ἀνδρὸσ καὶ ἀνὰ μέσον τοῦ πλησίον αὐτοῦ καὶ προσήλυτον καὶ ὀρφανὸν καὶ χήραν μὴ καταδυναστεύσητε καὶ αἷμα ἀθῷον μὴ ἐκχέητε ἐν τῷ τόπῳ τούτῳ καὶ ὀπίσω θεῶν ἀλλοτρίων μὴ πορεύησθε εἰσ κακὸν ὑμῖν, καὶ κατοικιῶ ὑμᾶσ ἐν τῷ τόπῳ τούτῳ, ἐν γῇ, ᾗ ἔδωκα τοῖσ πατράσιν ὑμῶν ἐξ αἰῶνοσ καὶ ἕωσ αἰῶνοσ. εἰ δὲ ὑμεῖσ πεποίθατε ἐπὶ λόγοισ ψευδέσιν, ὅθεν οὐκ ὠφεληθήσεσθε, καὶ φονεύετε καὶ μοιχᾶσθε καὶ κλέπτετε καὶ ὀμνύετε ἐπ’ ἀδίκῳ καὶ θυμιᾶτε τῇ Βάαλ καὶ ἐπορεύεσθε ὀπίσω θεῶν ἀλλοτρίων, ὧν οὐκ οἴδατε, τοῦ κακῶσ εἶναι ὑμῖν καὶ ἤλθετε καὶ ἔστητε ἐνώπιον ἐμοῦ ἐν τῷ οἴκῳ, οὗ ἐπικέκληται τὸ ὄνομά μου ἐπ’ αὐτῷ, καὶ εἴπατε. ἀπεσχήμεθα τοῦ μὴ ποιεῖν πάντα τὰ βδελύγματα ταῦτα, μὴ σπήλαιον λῃστῶν ὁ οἶκόσ μου, οὗ ἐπικέκληται τὸ ὄνομά μου ἐπ’ αὐτῷ ἐκεῖ, ἐνώπιον ὑμῶν̣ καὶ ἰδοὺ ἐγὼ ἑώρακα, λέγει Κύριοσ, ὅτι πορεύθητε εἰσ τὸν τόπον μου τὸν ἐν Σηλώ, οὗ κατεσκήνωσα τὸ ὄνομά μου ἐκεῖ ἔμπροσθεν, καὶ ἴδετε ἃ ἐποίησα αὐτῷ ἀπὸ προσώπου κακίασ λαοῦ μου Ἰσραήλ. καὶ νῦν ἀνθ’ ὧν ἐποιήσατε πάντα τὰ ἔργα ταῦτα, καὶ ἐλάλησα πρὸσ ὑμᾶσ καὶ οὐκ ἠκούσατέ μου, καὶ ἐκάλεσα ὑμᾶσ καὶ οὐκ ἀπεκρίθητε, τοίνυν κἀγὼ ποιήσω τῷ οἴκῳ τούτῳ, ᾧ ἐπικέκληται τὸ ὄνομά μου ἐπ’ αὐτῷ, ἐφ’ ᾧ ὑμεῖσ πεποίθατε ἐπ’ αὐτῷ, καὶ τῷ τόπῳ, ᾧ ἔδωκα ὑμῖν καὶ τοῖσ πατράσιν ὑμῶν, καθὼσ ἐποίησα τῇ Σηλώ. καὶ ἀπορρίψω ὑμᾶσ ἀπὸ προσώπου μου, καθὼσ ἀπέρριψα τοὺσ ἀδελφοὺσ ὑμῶν, πᾶν τὸ σπέρμα Ἐφραίμ. καὶ σύ μὴ προσεύχου περὶ τοῦ λαοῦ τούτου καὶ μὴ ἀξιοῦ τοῦ ἐλεηθῆναι αὐτοὺσ καὶ μὴ εὔχου καὶ μὴ προσέλθῃσ μοι περὶ αὐτῶν, ὅτι οὐκ εἰσακούσομαι. ἦ οὐχ ὁρᾷσ τί αὐτοὶ ποιοῦσιν ἐν ταῖσ πόλεσιν Ἰούδα καὶ ἐν ταῖσ ὁδοῖσ Ἱερουσαλήμ̣ οἱ υἱοὶ αὐτῶν συλλέγουσι ξύλα, καὶ οἱ πατέρεσ αὐτῶν καίουσι πῦρ, καὶ αἱ γυναῖκεσ αὐτῶν τρίβουσι σταῖσ τοῦ ποιῆσαι χαυῶνασ τῇ στρατιᾷ τοῦ οὐρανοῦ, καὶ ἔσπεισαν σπονδὰσ θεοῖσ ἀλλοτρίοισ, ἵνα παροργίσωσί με. μὴ ἐμὲ αὐτοὶ παροργίζουσι̣ λέγει Κύριοσ. οὐχὶ ἑαυτούσ, ὅπωσ καταισχυνθῇ τὰ πρόσωπα αὐτῶν̣ διὰ τοῦτο τάδε λέγει Κύριοσ. ἰδοὺ ὀργὴ καὶ θυμόσ μου χεῖται ἐπὶ τὸν τόπον τοῦτον καὶ ἐπὶ τοὺσ ἀνθρώπουσ καὶ ἐπὶ τὰ κτήνη καὶ ἐπὶ πᾶν ξύλον τοῦ ἀγροῦ αὐτῶν καὶ ἐπὶ τὰ γεννήματα τῆσ γῆσ, καὶ καυθήσεται καὶ οὐ σβεσθήσεται. τάδε λέγει Κύριοσ. τὰ ὁλοκαυτώματα ὑμῶν συναγάγετε μετὰ τῶν θυσιῶν ὑμῶν καὶ φάγετε κρέα. ὅτι οὐκ ἐλάλησα πρὸσ τοὺσ πατέρασ ὑμῶν καὶ οὐκ ἐνετειλάμην αὐτοῖσ ἐν ἡμέρᾳ, ᾗ ἀνήγαγον αὐτοὺσ ἐκ γῆσ Αἰγύπτου, περὶ ὁλοκαυτωμάτων καὶ θυσίασ. ἀλλ’ ἢ τὸ ρῆμα τοῦτο ἐνετειλάμην αὐτοῖσ, λέγων. ἀκούσατε τῆσ φωνῆσ μου, καὶ ἔσομαι ὑμῖν εἰσ Θεόν, καὶ ὑμεῖσ ἔσεσθέ μοι εἰσ λαόν. καὶ πορεύεσθε ἐν πάσαισ ταῖσ ὁδοῖσ μου, αἷσ ἂν ἐντείλωμαι ὑμῖν, ὅπωσ ἂν εὖ ᾖ ὑμῖν. καὶ οὐκ ἤκουσάν μου, καὶ οὐ προσέσχε τὸ οὖσ αὐτῶν, ἀλλ’ ἐπορεύθησαν ἐν τοῖσ ἐνθυμήμασι τῆσ καρδίασ αὐτῶν τῆσ κακῆσ καὶ ἐγενήθησαν εἰσ τὰ ὄπισθεν καὶ οὐκ εἰσ τὰ ἔμπροσθεν. ἀφ’ ἧσ ἡμέρασ ἐξήλθοσαν οἱ πατέρεσ αὐτῶν ἐκ γῆσ Αἰγύπτου καὶ ἕωσ τῆσ ἡμέρασ ταύτησ, καὶ ἐξαπέστειλα πρὸσ ὑμᾶσ πάντασ τοὺσ δούλουσ μου, τοὺσ προφήτασ, ἡμέρασ καὶ ὄρθρου, καὶ ἀπέστειλα, καὶ οὐκ εἰσήκουσάν μου, καὶ οὐ προσέσχε τὸ οὖσ αὐτῶν, καὶ ἐσκλήρυναν τὸν τράχηλον αὐτῶν ὑπὲρ τοὺσ πατέρασ αὐτῶν. καὶ ἐρεῖσ αὐτοῖσ τοῦτον τὸν λόγον. τοῦτο τὸ ἔθνοσ, ὃ οὐκ ἤκουσε τῆσ φωνῆσ Κυρίου οὐδὲ ἐδέξατο παιδείαν, ἐξέλιπεν ἡ πίστισ ἐκ στόματοσ αὐτῶν. ‐ Κεῖραι τὴν κεφαλήν σου καὶ ἀπόρριπτε καὶ ἀνάλαβε ἐπὶ χειλέων θρῆνον, ὅτι ἀπεδοκίμασε Κύριοσ καὶ ἀπώσατο τὴν γενεὰν τὴν ποιοῦσαν ταῦτα. ὅτι ἐποίησαν οἱ υἱοὶ Ἰούδα τὸ πονηρὸν ἐναντίον ἐμοῦ, λέγει Κύριοσ. ἔταξαν τὰ βδελύγματα αὐτῶν ἐν τῷ οἴκῳ, οὗ ἐπικέκληται τὸ ὄνομά μου ἐπ’ αὐτόν, τοῦ μιᾶναι αὐτόν. καὶ ᾠκοδόμησαν τὸν βωμὸν τοῦ Ταφέθ, ὅσ ἐστιν ἐν φάραγγι υἱοῦ Ἐννόμ, τοῦ κατακαίειν τοὺσ υἱοὺσ αὐτῶν καὶ τὰσ θυγατέρασ αὐτῶν ἐν πυρί, ὃ οὐκ ἐνετειλάμην αὐτοῖσ καὶ οὐ διενοήθην ἐν τῇ καρδίᾳ μου. διὰ τοῦτο ἰδοὺ ἡμέραι ἔρχονται, λέγει Κύριοσ, καὶ οὐκ ἐροῦσιν ἔτι. Βωμὸσ τοῦ Ταφὲθ καὶ φάραγξ υἱοῦ Ἐννόμ, ἀλλ’ ἢ Φάραγξ τῶν ἀνῃρημένων, καὶ θάψουσιν ἐν τῷ Ταφὲθ διὰ τὸ μὴ ὑπάρχειν τόπον. καὶ ἔσονται οἱ νεκροὶ τοῦ λαοῦ τούτου εἰσ βρῶσιν τοῖσ πετεινοῖσ τοῦ οὐρανοῦ καὶ τοῖσ θηρίοισ τῆσ γῆσ, καὶ οὐκ ἔσται ὁ ἀποσοβῶν. καὶ καταλύσω ἐκ πόλεων Ἰούδα καὶ ἐκ διόδων Ἱερουσαλὴμ φωνὴν εὐφραινομένων καὶ φωνὴν χαιρόντων, φωνὴν νυμφίου καὶ φωνὴν νύμφησ, ὅτι εἰσ ἐρήμωσιν ἔσται πᾶσα ἡ γῆ.

목록

일치하는 문장이 없습니다.

SEARCH

MENU NAVIGATION