Septuagint, Liber Ieremiae 6:

(70인역 성경, 예레미야서 6:)

ΕΝΙΣΧΥΣΑΤΕ, υἱοὶ Βενιαμίν, ἐκ μέσου τῆσ Ἱερουσαλὴμ καὶ ἐν Θεκουὲ σημάνατε σάλπιγγι καὶ ὑπὲρ Βαιθαχαρμὰ ἄρατε σημεῖον, ὅτι κακὰ ἐκκέκυφεν ἀπὸ βορρᾶ, καὶ συντριβὴ μεγάλη γίνεται, καὶ ἀφαιρεθήσεται τὸ ὕψοσ σου, θύγατερ Σιών. εἰσ αὐτὴν ἥξουσι ποιμένεσ καὶ τὰ ποίμνια αὐτῶν καὶ πήξουσιν ἐπ’ αὐτὴν σκηνὰσ κύκλῳ καὶ ποιμανοῦσιν ἕκαστοσ τῇ χειρὶ αὐτοῦ. παρασκευάσασθε ἐπ’ αὐτὴν εἰσ πόλεμον, ἀνάστητε καὶ ἀναβῶμεν ἐπ’ αὐτὴν μεσημβρίασ. οὐαὶ ἡμῖν, ὅτι κέκλικεν ἡ ἡμέρα, ὅτι ἐκλείπουσιν αἱ σκιαὶ τῆσ ἑσπέρασ. ἀνάστητε καὶ ἀναβῶμεν ἐπ’ αὐτὴν νυκτὶ καὶ διαφθείρωμεν τὰ θεμέλια αὐτῆσ. ὅτι τάδε λέγει Κύριοσ. ἔκκοψον τὰ ξύλα αὐτῆσ, ἔκχεον ἐπὶ Ἱερουσαλὴμ δύναμιν. ὦ πόλισ ψευδήσ, ὅλη καταδυναστεία ἐν αὐτῇ. ὡσ ψύχει λάκκοσ ὕδωρ, οὕτω ψύχει κακία αὐτῆσ. ἀσέβεια καὶ ταλαιπωρία ἀκουσθήσεται ἐν αὐτῇ ἐπὶ πρόσωπον αὐτῆσ διαπαντόσ. πόνῳ καὶ μάστιγι παιδευθήσῃ Ἱερουσαλήμ, μὴ ἀποστῇ ἡ ψυχή μου ἀπὸ σοῦ, μὴ ποιήσω σε ἄβατον γῆν, ἥτισ οὐ κατοικηθήσεται. ὅτι τάδε λέγει Κύριοσ. καλαμᾶσθε, καλαμᾶσθε ὡσ ἄμπελον τὰ κατάλοιπα τοῦ Ἰσραήλ, ἐπιστρέψατε ὡσ ὁ τρυγῶν ἐπὶ τὸν κάρταλλον αὐτοῦ. πρὸσ τίνα λαλήσω καὶ διαμαρτύρωμαι, καὶ εἰσακούσεται̣ ἰδοὺ ἀπερίτμητα τὰ ὦτα αὐτῶν, καὶ οὐ δυνήσονται ἀκούειν. ἰδοὺ τὸ ρῆμα Κυρίου ἐγένετο αὐτοῖσ εἰσ ὀνειδισμόν, οὐ μὴ βουληθῶσιν αὐτὸ ἀκοῦσαι. καὶ τὸν θυμόν μου ἔπλησα καὶ ἐπέσχον καὶ οὐ συνετέλεσα αὐτούσ. ἐκχεῶ ἐπὶ νήπια ἔξωθεν καὶ ἐπὶ συναγωγὴν νεανίσκων ἅμα, ὅτι ἀνὴρ καὶ γυνὴ συλληφθήσονται, πρεσβύτεροσ μετὰ πλήρουσ ἡμερῶν. καὶ μεταστραφήσονται αἱ οἰκίαι αὐτῶν εἰσ ἑτέρουσ, ἀγροὶ καὶ αἱ γυναῖκεσ αὐτῶν ἐπὶ τὸ αὐτό, ὅτι ἐκτενῶ τὴν χεῖρά μου ἐπὶ τοὺσ κατοικοῦντασ τὴν γῆν ταύτην, λέγει Κύριοσ. ὅτι ἀπὸ μικροῦ αὐτῶν καὶ ἕωσ μεγάλου πάντεσ συνετελέσαντο ἄνομα, ἀπὸ ἱερέωσ καὶ ἕωσ ψευδοπροφήτου πάντεσ ἐποίησαν ψευδῆ. καὶ ἰῶντο σύντριμμα τοῦ λαοῦ μου ἐξουθενοῦντεσ καὶ λέγοντεσ. εἰρήνη ‐ εἰρήνη. καὶ ποῦ ἐστιν εἰρήνη̣ κατῃσχύνθησαν, ὅτι ἐξελίποσαν. καὶ οὐδ’ ὡσ καταισχυνόμενοι κατῃσχύνθησαν καὶ τὴν ἀτιμίαν αὐτῶν οὐκ ἔγνωσαν. διὰ τοῦτο πεσοῦνται ἐν τῇ πτώσει αὐτῶν καὶ ἐν καιρῷ ἐπισκοπῆσ ἀπολοῦνται, εἶπε Κύριοσ. τάδε λέγει Κύριοσ. στῆτε ἐπὶ ταῖσ ὁδοῖσ καὶ ἴδετε, καὶ ἐρωτήσατε τρίβουσ Κυρίου αἰωνίουσ καὶ ἴδετε ποία ἐστὶν ἡ ὁδὸσ ἡ ἀγαθή, καὶ βαδίζετε ἐν αὐτῇ, καὶ εὑρήσετε ἁγνισμὸν ταῖσ ψυχαῖσ ὑμῶν. καὶ εἶπαν. οὐ πορευσόμεθα. καθέστακα ἐφ’ ὑμᾶσ σκοπούσ, ἀκούσατε τῆσ φωνῆσ τῆσ σάλπιγγοσ. καὶ εἶπαν. οὐκ ἀκουσόμεθα. διὰ τοῦτο ἤκουσαν τὰ ἔθνη καὶ οἱ ποιμαίνοντεσ τὰ ποίμνια αὐτῶν. ἄκουε, γῆ. ἰδοὺ ἐγὼ ἐπάγω ἐπὶ τὸν λαὸν τοῦτον κακά, τὸν καρπὸν ἀποστροφῆσ αὐτῶν, ὅτι τῶν λόγων μου οὐ προσέσχον καὶ τὸν νόμον μου ἀπώσαντο. ἱνατί μοι λίβανον ἐκ Σαβὰ φέρετε καὶ κινάμωμον ἐκ γῆσ μακρόθεν̣ τὰ ὁλοκαυτώματα ὑμῶν οὐκ εἰσὶ δεκτά, καὶ αἱ θυσίαι ὑμῶν οὐχ ἥδυνάν μοι. διὰ τοῦτο τάδε λέγει Κύριοσ. ἰδοὺ ἐγὼ δίδωμι ἐπὶ τὸν λαὸν τοῦτον ἀσθένειαν, καὶ ἀσθενήσουσιν ἐν αὐτῷ πατέρεσ καὶ υἱοὶ ἅμα, γείτων καὶ ὁ πλησίον αὐτοῦ ἀπολοῦνται. τάδε λέγει Κύριοσ. ἰδοὺ λαὸσ ἔρχεται ἀπὸ βορρᾶ, καὶ ἔθνη ἐξεγερθήσονται ἀπ’ ἐσχάτου τῆσ γῆσ. τόξον καὶ ζιβύνην κρατήσουσιν, ἰταμόσ ἐστι καὶ οὐκ ἐλεήσει, φωνὴ αὐτοῦ ὡσ θάλασσα κυμαίνουσα, ἐφ’ ἵπποισ καὶ ἅρμασι παρατάξεται ὡσ πῦρ εἰσ πόλεμον πρὸσ σέ, θύγατερ Σιών. ἠκούσαμεν τὴν ἀκοὴν αὐτῶν, παρελύθησαν αἱ χεῖρεσ ἡμῶν, θλίψισ κατέσχεν ἡμᾶσ, ὠδῖνεσ ὡσ τικτούσησ. μὴ ἐκπορεύεσθε εἰσ ἀγρὸν καὶ ἐν ταῖσ ὁδοῖσ μὴ βαδίζετε, ὅτι ρομφαία τῶν ἐχθρῶν παροικεῖ κυκλόθεν. θύγατερ λαοῦ μου, περίζωσαι σάκκον, κατάπασσε ἐν σποδῷ, πένθοσ ἀγαπητοῦ ποίησαι σεαυτῇ, κοπετὸν οἰκτρόν, ὅτι ἐξαίφνησ ἥξει ταλαιπωρία ἐφ’ ὑμᾶσ. δοκιμαστὴν δέδωκά σε ἐν λαοῖσ δεδοκιμασμένοισ, καὶ γνώσῃ με ἐν τῷ δοκιμάσαι με τὴν ὁδὸν αὐτῶν. πάντεσ ἀνήκοοι, πορευόμενοι σκολιῶσ, χαλκὸσ καὶ σίδηροσ, πάντεσ διεφθαρμένοι εἰσίν. ἐξέλιπε φυσητὴρ ἀπὸ πυρόσ, ἐξέλιπε μόλυβδοσ. εἰσ κενὸν ἀργυροκόποσ ἀργυροκοπεῖ, πονηρία αὐτῶν οὐκ ἐτάκη. ἀργύριον ἀποδεδοκιμασμένον καλέσατε αὐτούσ, ὅτι ἀπεδοκίμασεν αὐτοὺσ Κύριοσ.

목록

일치하는 문장이 없습니다.

SEARCH

MENU NAVIGATION