헬라어 문장 검색 - Σεπτύ044́006́

(70인역 성경, 예레미야서 6:)

ΕΝΙΣΧΥΣΑΤΕ, υἱοὶ Βενιαμίν, ἐκ μέσου τῆσ Ἱερουσαλὴμ καὶ ἐν Θεκουὲ σημάνατε σάλπιγγι καὶ ὑπὲρ Βαιθαχαρμὰ ἄρατε σημεῖον, ὅτι κακὰ ἐκκέκυφεν ἀπὸ βορρᾶ, καὶ συντριβὴ μεγάλη γίνεται, καὶ ἀφαιρεθήσεται τὸ ὕψοσ σου, θύγατερ Σιών. εἰσ αὐτὴν ἥξουσι ποιμένεσ καὶ τὰ ποίμνια αὐτῶν καὶ πήξουσιν ἐπ’ αὐτὴν σκηνὰσ κύκλῳ καὶ ποιμανοῦσιν ἕκαστοσ τῇ χειρὶ αὐτοῦ. παρασκευάσασθε ἐπ’ αὐτὴν εἰσ πόλεμον, ἀνάστητε καὶ ἀναβῶμεν ἐπ’ αὐτὴν μεσημβρίασ. οὐαὶ ἡμῖν, ὅτι κέκλικεν ἡ ἡμέρα, ὅτι ἐκλείπουσιν αἱ σκιαὶ τῆσ ἑσπέρασ. ἀνάστητε καὶ ἀναβῶμεν ἐπ’ αὐτὴν νυκτὶ καὶ διαφθείρωμεν τὰ θεμέλια αὐτῆσ. ὅτι τάδε λέγει Κύριοσ. ἔκκοψον τὰ ξύλα αὐτῆσ, ἔκχεον ἐπὶ Ἱερουσαλὴμ δύναμιν. ὦ πόλισ ψευδήσ, ὅλη καταδυναστεία ἐν αὐτῇ. ὡσ ψύχει λάκκοσ ὕδωρ, οὕτω ψύχει κακία αὐτῆσ. ἀσέβεια καὶ ταλαιπωρία ἀκουσθήσεται ἐν αὐτῇ ἐπὶ πρόσωπον αὐτῆσ διαπαντόσ. πόνῳ καὶ μάστιγι παιδευθήσῃ Ἱερουσαλήμ, μὴ ἀποστῇ ἡ ψυχή μου ἀπὸ σοῦ, μὴ ποιήσω σε ἄβατον γῆν, ἥτισ οὐ κατοικηθήσεται. ὅτι τάδε λέγει Κύριοσ. καλαμᾶσθε, καλαμᾶσθε ὡσ ἄμπελον τὰ κατάλοιπα τοῦ Ἰσραήλ, ἐπιστρέψατε ὡσ ὁ τρυγῶν ἐπὶ τὸν κάρταλλον αὐτοῦ. πρὸσ τίνα λαλήσω καὶ διαμαρτύρωμαι, καὶ εἰσακούσεται̣ ἰδοὺ ἀπερίτμητα τὰ ὦτα αὐτῶν, καὶ οὐ δυνήσονται ἀκούειν. ἰδοὺ τὸ ρῆμα Κυρίου ἐγένετο αὐτοῖσ εἰσ ὀνειδισμόν, οὐ μὴ βουληθῶσιν αὐτὸ ἀκοῦσαι. καὶ τὸν θυμόν μου ἔπλησα καὶ ἐπέσχον καὶ οὐ συνετέλεσα αὐτούσ. ἐκχεῶ ἐπὶ νήπια ἔξωθεν καὶ ἐπὶ συναγωγὴν νεανίσκων ἅμα, ὅτι ἀνὴρ καὶ γυνὴ συλληφθήσονται, πρεσβύτεροσ μετὰ πλήρουσ ἡμερῶν. καὶ μεταστραφήσονται αἱ οἰκίαι αὐτῶν εἰσ ἑτέρουσ, ἀγροὶ καὶ αἱ γυναῖκεσ αὐτῶν ἐπὶ τὸ αὐτό, ὅτι ἐκτενῶ τὴν χεῖρά μου ἐπὶ τοὺσ κατοικοῦντασ τὴν γῆν ταύτην, λέγει Κύριοσ. ὅτι ἀπὸ μικροῦ αὐτῶν καὶ ἕωσ μεγάλου πάντεσ συνετελέσαντο ἄνομα, ἀπὸ ἱερέωσ καὶ ἕωσ ψευδοπροφήτου πάντεσ ἐποίησαν ψευδῆ. καὶ ἰῶντο σύντριμμα τοῦ λαοῦ μου ἐξουθενοῦντεσ καὶ λέγοντεσ. εἰρήνη ‐ εἰρήνη. καὶ ποῦ ἐστιν εἰρήνη̣ κατῃσχύνθησαν, ὅτι ἐξελίποσαν. καὶ οὐδ’ ὡσ καταισχυνόμενοι κατῃσχύνθησαν καὶ τὴν ἀτιμίαν αὐτῶν οὐκ ἔγνωσαν. διὰ τοῦτο πεσοῦνται ἐν τῇ πτώσει αὐτῶν καὶ ἐν καιρῷ ἐπισκοπῆσ ἀπολοῦνται, εἶπε Κύριοσ. τάδε λέγει Κύριοσ. στῆτε ἐπὶ ταῖσ ὁδοῖσ καὶ ἴδετε, καὶ ἐρωτήσατε τρίβουσ Κυρίου αἰωνίουσ καὶ ἴδετε ποία ἐστὶν ἡ ὁδὸσ ἡ ἀγαθή, καὶ βαδίζετε ἐν αὐτῇ, καὶ εὑρήσετε ἁγνισμὸν ταῖσ ψυχαῖσ ὑμῶν. καὶ εἶπαν. οὐ πορευσόμεθα. καθέστακα ἐφ’ ὑμᾶσ σκοπούσ, ἀκούσατε τῆσ φωνῆσ τῆσ σάλπιγγοσ. καὶ εἶπαν. οὐκ ἀκουσόμεθα. διὰ τοῦτο ἤκουσαν τὰ ἔθνη καὶ οἱ ποιμαίνοντεσ τὰ ποίμνια αὐτῶν. ἄκουε, γῆ. ἰδοὺ ἐγὼ ἐπάγω ἐπὶ τὸν λαὸν τοῦτον κακά, τὸν καρπὸν ἀποστροφῆσ αὐτῶν, ὅτι τῶν λόγων μου οὐ προσέσχον καὶ τὸν νόμον μου ἀπώσαντο. ἱνατί μοι λίβανον ἐκ Σαβὰ φέρετε καὶ κινάμωμον ἐκ γῆσ μακρόθεν̣ τὰ ὁλοκαυτώματα ὑμῶν οὐκ εἰσὶ δεκτά, καὶ αἱ θυσίαι ὑμῶν οὐχ ἥδυνάν μοι. διὰ τοῦτο τάδε λέγει Κύριοσ. ἰδοὺ ἐγὼ δίδωμι ἐπὶ τὸν λαὸν τοῦτον ἀσθένειαν, καὶ ἀσθενήσουσιν ἐν αὐτῷ πατέρεσ καὶ υἱοὶ ἅμα, γείτων καὶ ὁ πλησίον αὐτοῦ ἀπολοῦνται. τάδε λέγει Κύριοσ. ἰδοὺ λαὸσ ἔρχεται ἀπὸ βορρᾶ, καὶ ἔθνη ἐξεγερθήσονται ἀπ’ ἐσχάτου τῆσ γῆσ. τόξον καὶ ζιβύνην κρατήσουσιν, ἰταμόσ ἐστι καὶ οὐκ ἐλεήσει, φωνὴ αὐτοῦ ὡσ θάλασσα κυμαίνουσα, ἐφ’ ἵπποισ καὶ ἅρμασι παρατάξεται ὡσ πῦρ εἰσ πόλεμον πρὸσ σέ, θύγατερ Σιών. ἠκούσαμεν τὴν ἀκοὴν αὐτῶν, παρελύθησαν αἱ χεῖρεσ ἡμῶν, θλίψισ κατέσχεν ἡμᾶσ, ὠδῖνεσ ὡσ τικτούσησ. μὴ ἐκπορεύεσθε εἰσ ἀγρὸν καὶ ἐν ταῖσ ὁδοῖσ μὴ βαδίζετε, ὅτι ρομφαία τῶν ἐχθρῶν παροικεῖ κυκλόθεν. θύγατερ λαοῦ μου, περίζωσαι σάκκον, κατάπασσε ἐν σποδῷ, πένθοσ ἀγαπητοῦ ποίησαι σεαυτῇ, κοπετὸν οἰκτρόν, ὅτι ἐξαίφνησ ἥξει ταλαιπωρία ἐφ’ ὑμᾶσ. δοκιμαστὴν δέδωκά σε ἐν λαοῖσ δεδοκιμασμένοισ, καὶ γνώσῃ με ἐν τῷ δοκιμάσαι με τὴν ὁδὸν αὐτῶν. πάντεσ ἀνήκοοι, πορευόμενοι σκολιῶσ, χαλκὸσ καὶ σίδηροσ, πάντεσ διεφθαρμένοι εἰσίν. ἐξέλιπε φυσητὴρ ἀπὸ πυρόσ, ἐξέλιπε μόλυβδοσ. εἰσ κενὸν ἀργυροκόποσ ἀργυροκοπεῖ, πονηρία αὐτῶν οὐκ ἐτάκη. ἀργύριον ἀποδεδοκιμασμένον καλέσατε αὐτούσ, ὅτι ἀπεδοκίμασεν αὐτοὺσ Κύριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ieremiae 6:

(70인역 성경, 예레미야서 6:)

목록

SEARCH

MENU NAVIGATION