Septuagint, Liber Ieremiae 4:

(70인역 성경, 예레미야서 4:)

ΕΑΝ ἐπιστραφῇ Ἰσραήλ, λέγει Κύριοσ, πρόσ με ἐπιστραφήσεται. καὶ ἐὰν περιέλῃ τὰ βδελύγματα αὐτοῦ ἐκ στόματοσ αὐτοῦ καὶ ἀπὸ τοῦ προσώπου μου εὐλαβηθῇ καὶ ὀμόσῃ. ζῇ Κύριοσ μετὰ ἀληθείασ ἐν κρίσει καὶ ἐν δικαιοσύνῃ, καὶ εὐλογήσουσιν ἐν αὐτῷ ἔθνη καὶ ἐν αὐτῷ αἰνέσουσι τῷ Θεῷ ἐν Ἱερουσαλήμ. ὅτι τάδε λέγει Κύριοσ τοῖσ ἀνδράσιν Ἰούδα καὶ τοῖσ κατοικοῦσιν Ἱερουσαλήμ. νεώσατε ἑαυτοῖσ νεώματα καὶ μὴ σπείρητε ἐπ’ ἀκάνθαισ. περιτμήθητε τῷ Θεῷ ὑμῶν καὶ περιτέμνεσθε τὴν σκληροκαρδίαν ὑμῶν, ἄνδρεσ Ἰούδα καὶ οἱ κατοικοῦντεσ Ἱερουσαλήμ, μὴ ἐξέλθῃ ὡσ πῦρ ὁ θυμόσ μου καὶ ἐκκαυθήσεται, καὶ οὐκ ἔσται ὁ σβέσων ἀπὸ προσώπου πονηρίασ ἐπιτηδευμάτων ὑμῶν. ‐ Ἀναγγείλατε ἐν τῷ Ἰούδᾳ, καὶ ἀκουσθήτω ἐν Ἱερουσαλήμ. εἴπατε. σημάνατε ἐπὶ τῆσ γῆσ σάλπιγγι καὶ κεκράξατε μέγα. εἴπατε. συνάχθητε καὶ εἰσέλθωμεν εἰσ τὰσ πόλεισ τὰσ τειχήρεισ. ἀναλαβόντεσ φεύγετε εἰσ Σιών. σπεύσατε, μὴ στῆτε, ὅτι κακὰ ἐγὼ ἐπάγω ἀπὸ βορρᾶ καὶ συντριβὴν μεγάλην. ἀνέβη λέων ἐκ τῆσ μάνδρασ αὐτοῦ, ἐξολοθρεύων ἔθνη ἐξῆρε καὶ ἐξῆλθεν ἐκ τοῦ τόπου αὐτοῦ τοῦ θεῖναι τὴν γῆν εἰσ ἐρήμωσιν, καὶ αἱ πόλεισ καθαιρεθήσονται παρὰ τὸ μὴ κατοικεῖσθαι αὐτάσ. ἐπὶ τούτοισ περιζώσασθε σάκκουσ καὶ κόπτεσθε καὶ ἀλαλάξατε, διότι οὐκ ἀπεστράφη ὁ θυμὸσ Κυρίου ἀφ’ ὑμῶν. καὶ ἔσται ἐν ἐκείνῃ τῇ ἡμέρᾳ, λέγει Κύριοσ, ἀπολεῖται ἡ καρδία τοῦ βασιλέωσ καὶ ἡ καρδία τῶν ἀρχόντων, καὶ οἱ ἱερεῖσ ἐκστήσονται, καὶ οἱ προφῆται θαυμάσονται. καὶ εἶπα. ὦ δέσποτα Κύριε, ἄρα γε ἀπατῶν ἠπάτησασ τὸν λαὸν τοῦτον καὶ τὴν Ἱερουσαλὴμ λέγων. εἰρήνη ἔσται ὑμῖν, καὶ ἰδοὺ ἥψατο ἡ μάχαιρα ἕωσ τῆσ ψυχῆσ αὐτῶν. ἐν τῷ καιρῷ ἐκείνῳ ἐροῦσι τῷ λαῷ τούτῳ καὶ τῇ Ἱερουσαλήμ. πνεῦμα πλανήσεωσ ἐν τῇ ἐρήμῳ, ὁδὸσ τῆσ θυγατρὸσ τοῦ λαοῦ μου οὐκ εἰσ καθαρὸν οὐδ’ εἰσ ἅγιον. πνεῦμα πληρώσεωσ ἥξει μοι. νῦν δὲ ἐγὼ λαλῶ κρίματά μου πρὸσ αὐτούσ. ἰδοὺ ὡσ νεφέλη ἀναβήσεται καὶ ὡσ καταιγὶσ τὰ ἅρματα αὐτοῦ, κουφότεροι ἀετῶν οἱ ἵπποι αὐτοῦ. οὐαὶ ἡμῖν, ὅτι ταλαιπωροῦμεν. ἀπόπλυνε ἀπὸ κακίασ τὴν καρδίαν σου, Ἱερουσαλήμ, ἵνα σωθῇσ. ἕωσ πότε ὑπάρχουσιν ἐν σοὶ διαλογισμοὶ πόνων σου̣ διότι φωνὴ ἀγγέλλοντοσ ἐκ Δὰν ἥξει, καὶ ἀκουσθήσεται πόνοσ ἐξ ὄρουσ Ἐφραίμ. ἀναμνήσατε ἔθνη, ἰδοὺ ἥκασιν. ἀναγγείλατε ἐν Ἱερουσαλήμ, συντροφαὶ ἔρχονται ἐκ γῆσ μακρόθεν καὶ ἔδωκαν ἐπὶ τὰσ πόλεισ Ἰούδα φωνὴν αὐτῶν. ὡσ φυλάσσοντεσ ἀγρὸν ἐγένοντο ἐπ’ αὐτὴν κύκλῳ, ὅτι ἐμοῦ ἠμέλησασ, λέγει Κύριοσ. αἱ ὁδοί σου καὶ τὰ ἐπιτηδεύματά σου ἐποίησαν ταῦτά σοι. αὕτη ἡ κακία σου, ὅτι πικρά, ὅτι ἥψατο ἕωσ τῆσ καρδίασ σου. τὴν κοιλίαν μου, τὴν κοιλίαν μου ἀλγῶ, καὶ τὰ αἰσθητήρια τῆσ καρδίασ μου. μαιμάσσει ἡ ψυχή μου, σπαράσσεται ἡ καρδία μου, οὐ σιωπήσομαι, ὅτι φωνὴν σάλπιγγοσ ἤκουσεν ἡ ψυχή μου, κραυγὴν πολέμου. καὶ ταλαιπωρίαν συντριμμὸν ἐπικαλεῖται, ὅτι τεταλαιπώρηκε πᾶσα ἡ γῆ. ἄφνω τεταλαιπώρηκεν ἡ σκηνή, διεσπάσθησαν αἱ δέρρεισ μου. ἕωσ πότε ὄψομαι φεύγοντασ ἀκούων φωνὴν σαλπίγγων̣ διότι οἱ ἡγούμενοι τοῦ λαοῦ μου ἐμὲ οὐκ ᾔδεισαν, υἱοὶ ἄφρονέσ εἰσι καὶ οὐ συνετοί. σοφοί εἰσι τοῦ κακοποιῆσαι, τὸ δὲ καλῶσ ποιῆσαι οὐκ ἐπέγνωσαν. ἐπέβλεψα ἐπὶ τὴν γῆν, καὶ ἰδοὺ οὐθέν, καὶ εἰσ τὸν οὐρανόν, καὶ οὐκ ἦν τὰ φῶτα αὐτοῦ. εἶδον τὰ ὄρη, καὶ ἦν τρέμοντα, καὶ πάντασ τοὺσ βουνοὺσ ταρασσομένουσ. ἐπέβλεψα, καὶ ἰδοὺ οὐκ ἦν ἄνθρωποσ, καὶ πάντα τὰ πετεινὰ τοῦ οὐρανοῦ ἐπτοεῖτο. εἶδον, καὶ ἰδοὺ ὁ Κάρμηλοσ ἔρημοσ, καὶ πᾶσαι αἱ πόλεισ ἐμπεπυρισμέναι πυρὶ ἀπὸ προσώπου Κυρίου, καὶ ἀπὸ προσώπου ὀργῆσ θυμοῦ αὐτοῦ ἠφανίσθησαν. τάδε λέγει Κύριοσ. ἔρημοσ ἔσται πᾶσα ἡ γῆ, συντέλειαν δὲ οὐ μὴ ποιήσω. ἐπὶ τούτοισ πενθείτω ἡ γῆ, καὶ συσκοτασάτω ὁ οὐρανὸσ ἄνωθεν, διότι ἐλάλησα καὶ οὐ μετανοήσω, ὥρμησα καὶ οὐκ ἀποστρέψω ἀπ’ αὐτῆσ. ἀπὸ φωνῆσ ἱππέωσ καὶ ἐντεταμένου τόξου ἀνεχώρησε πᾶσα ἡ χώρα. εἰσέδυσαν εἰσ τὰ σπήλαια καὶ εἰσ τὰ ἄλση ἐκρύβησαν καὶ ἐπὶ τὰσ πέτρασ ἀνέβησαν. πᾶσα πόλισ ἐγκατελείφθη, οὐ κατοικεῖ ἐν αὐταῖσ ἄνθρωποσ. καὶ σὺ τί ποιήσεισ, ἐὰν περιβάλῃ κόκκινον καὶ κοσμήσῃ κόσμῳ χρυσῷ, ἐὰν ἐγχρίσῃ στίβι τοὺσ ὀφθαλμούσ σου̣ εἰ μάταιον ὡραϊσμόσ σου. ἀπώσαντό σε οἱ ἐρασταί σου, τὴν ψυχήν σου ζητοῦσιν. ὅτι φωνὴν ὡσ ὠδινούσησ ἤκουσα, τοῦ στεναγμοῦ σου ὡσ πρωτοτοκούσησ, φωνὴ θυγατρὸσ Σιών. ἐκλυθήσεται καὶ παρήσει τὰσ χεῖρασ αὐτῆσ. οἴμοι ἐγώ, ὅτι ἐκλείπει ἡ ψυχή μου ἐπὶ τοῖσ ἀνῃρημένοισ.

목록

일치하는 문장이 없습니다.

SEARCH

MENU NAVIGATION