헬라어 문장 검색 - Σεπτύ044́003́

(70인역 성경, 예레미야서 3:)

ΕΑΝ ἐξαποστείλῃ ἀνὴρ τὴν γυναῖκα αὐτοῦ, καὶ ἀπέλθῃ ἀπ’ αὐτοῦ καὶ γένηται ἀνδρί ἑτέρῳ, μὴ ἀνακάμπτουσα ἀνακάμψει πρὸσ αὐτὸν ἔτι̣ οὐ μιαινομένη μιανθήσεται ἡ γυνὴ ἐκείνη̣ καὶ σὺ ἐξεπόρνευσασ ἐν ποιμέσι πολλοῖσ. καὶ ἀνέκαμπτεσ πρόσ με̣ λέγει Κύριοσ. ἆρον τοὺσ ὀφθαλμούσ σου εἰσ εὐθεῖαν καὶ ἰδέ. πῶσ οὐχὶ ἐξεφύρθησ̣ ἐπὶ ταῖσ ὁδοῖσ ἐκάθισασ αὐτοῖσ ὡσεὶ κορώνη ἐρημουμένη καὶ ἐμίανασ τὴν γῆν ἐν ταῖσ πορνείαισ σου καὶ ἐν ταῖσ κακίαισ σου. καὶ ἔσχεσ ποιμένασ πολλοὺσ εἰσ πρόσκομμα σεαυτῇ. ὄψισ πόρνησ ἐγένετό σοι, ἀπηναισχύντησασ πρὸσ πάντασ. οὐχ ὡσ οἶκόν με ἐκάλεσασ καὶ πατέρα καὶ ἀρχηγὸν τῆσ παρθενίασ σου̣ μὴ διαμενεῖ εἰσ τὸν αἰῶνα ἢ φυλαχθήσεται εἰσ νῖκοσ̣ ἰδοὺ ἐλάλησασ καὶ ἐποίησασ τὰ πονηρὰ ταῦτα καὶ ἠδυνάσθησ. Καὶ εἶπε Κύριοσ πρόσ με ἐν ταῖσ ἡμέραισ Ἰωσίου τοῦ βασιλέωσ. εἶδεσ ἃ ἐποίησέ μοι ἡ κατοικία τοῦ Ἰσραήλ̣ ἐπορεύθησαν ἐπὶ πᾶν ὄροσ ὑψηλὸν καὶ ὑποκάτω παντὸσ ξύλου ἀλσώδουσ, καὶ ἐπόρνευσαν ἐκεῖ. καὶ εἶπα μετὰ τὸ πορνεῦσαι αὐτὴν ταῦτα πάντα. πρόσ με ἀνάστρεψον, καὶ οὐκ ἀνέστρεψε. καὶ εἶδε τὴν ἀσυνθεσίαν αὐτῆσ ἡ ἀσύνθετοσ Ἰούδα. καὶ εἶδον διότι περὶ πάντων ὧν κατελήφθη, ἐν οἷσ ἐμοιχᾶτο ἡ κατοικία Ἰσραήλ, καὶ ἐξαπέστειλα αὐτὴν καὶ ἔδωκα αὐτῇ βιβλίον ἀποστασίου εἰσ τὰσ χεῖρασ αὐτῆσ. καὶ οὐκ ἐφοβήθη ἡ ἀσύνθετοσ Ἰούδα καὶ ἐπορεύθη καὶ ἐπόρνευσε καὶ αὐτή. καὶ ἐγένετο εἰσ οὐθὲν ἡ πορνεία αὐτῆσ, καὶ ἐμοίχευσε τὸ ξύλον καὶ τὸν λίθον. καὶ ἐν πᾶσι τούτοισ οὐκ ἀπεστράφη πρόσ με ἡ ἀσύνθετοσ Ἰούδα ἐξ ὅλησ τῆσ καρδίασ αὐτῆσ, ἀλλ’ ἐπὶ ψεύδει. καὶ εἶπε Κύριοσ πρόσ με. ἐδικαίωσε τὴν ψυχὴν αὐτοῦ Ἰσραὴλ ἀπὸ τῆσ ἀσυνθέτου Ἰούδα. πορεύου καὶ ἀνάγνωθι τοὺσ λόγουσ τούτουσ πρὸσ βορρᾶν καὶ ἐρεῖσ. ἐπιστράφηθι πρόσ με, ἡ κατοικία τοῦ Ἰσραήλ, λέγει Κύριοσ, καὶ οὐ στηριῶ τὸ πρόσωπόν μου ἐφ’ ὑμᾶσ. ὅτι ἐλεήμων ἐγώ εἰμι, λέγει Κύριοσ, καὶ οὐ μηνιῶ ὑμῖν εἰσ τὸν αἰῶνα. πλήν, γνῶθι τὴν ἀδικίαν σου, ὅτι εἰσ Κύριον τὸν Θεόν σου ἠσέβησασ καὶ διέχεασ τὰσ ὁδούσ σου εἰσ ἀλλοτρίουσ ὑποκάτω παντὸσ ξύλου ἀλσώδουσ, τῆσ δὲ φωνῆσ μου οὐχ ὑπήκουσασ, λέγει Κύριοσ. ἐπιστράφητε, υἱοὶ ἀφεστηκότεσ, λέγει Κύριοσ, διότι ἐγὼ κατακυριεύσω ὑμῶν καὶ λήψομαι ὑμᾶσ ἕνα ἐκ πόλεωσ καὶ δύο ἐκ πατριᾶσ καὶ εἰσάξω ὑμᾶσ εἰσ Σιὼν καὶ δώσω ὑμῖν ποιμένασ κατὰ τὴν καρδίαν μου, καὶ ποιμανοῦσιν ὑμᾶσ ποιμαίνοντεσ μετ’ ἐπιστήμησ. καὶ ἔσται ἐὰν πληθυνθῆτε καὶ αὐξηθῆτε ἐπὶ τῆσ γῆσ, λέγει Κύριοσ, ἐν ταῖσ ἡμέραισ ἐκείναισ, οὐκ ἐροῦσιν ἔτι. κιβωτὸσ διαθήκησ ἁγίου Ἰσραήλ, οὐκ ἀναβήσεται ἐπὶ καρδίαν, οὐκ ὀνομασθήσεται οὐδὲ ἐπισκεφθήσεται καὶ οὐ ποιηθήσεται ἔτι. ἐν ταῖσ ἡμέραισ ἐκείναισ καὶ ἐν τῷ καιρῷ ἐκείνῳ καλέσουσι τὴν Ἱερουσαλὴμ Θρόνον Κυρίου, καὶ συναχθήσονται πάντα τὰ ἔθνη εἰσ αὐτὴν καὶ οὐ πορεύσονται ἔτι ὀπίσω τῶν ἐνθυμημάτων τῆσ καρδίασ αὐτῶν τῆσ πονηρᾶσ. ἐν ταῖσ ἡμέραισ ἐκείναισ συνελεύσονται ὁ οἶκοσ Ἰούδα ἐπὶ τὸν οἶκον τοῦ Ἰσραήλ, καὶ ἥξουσιν ἐπὶ τὸ αὐτὸ ἀπὸ γῆσ βορρᾶ καὶ ἀπὸ πασῶν τῶν χωρῶν ἐπὶ τὴν γῆν, ἣν κατεκληρονόμησα τοὺσ πατέρασ αὐτῶν. καὶ ἐγὼ εἶπα. γένοιτο, Κύριε. ὅτι τάξω σε εἰσ τέκνα καὶ δώσω σοι γῆν ἐκλεκτήν, κληρονομίαν Θεοῦ παντοκράτοροσ ἐθνῶν. καὶ εἶπα. πατέρα καλέσετέ με καὶ ἀπ’ ἐμοῦ οὐκ ἀποστραφήσεσθε. πλὴν ὡσ ἀθετεῖ γυνὴ εἰσ τὸν συνόντα αὐτῇ, οὕτωσ ἠθέτησεν εἰσ ἐμὲ ὁ οἶκοσ Ἰσραήλ, λέγει Κύριοσ. φωνὴ ἐκ χειλέων ἠκούσθη κλαυθμοῦ καὶ δεήσεωσ υἱῶν Ἰσραήλ, ὅτι ἠδίκησαν ἐν ταῖσ ὁδοῖσ αὐτῶν, ἐπελάθοντο Θεοῦ ἁγίου αὐτῶν. ἐπιστράφητε, υἱοί, ἐπιστρέφοντεσ, καὶ ἰάσομαι τὰ συντρίμματα ὑμῶν. ἰδοὺ δοῦλοι ἡμεῖσ ἐσόμεθά σοι, ὅτι σὺ Κύριοσ ὁ Θεὸσ ἡμῶν εἶ. ὄντωσ εἰσ ψεῦδοσ ἦσαν οἱ βουνοὶ καὶ ἡ δύναμισ τῶν ὀρέων, πλὴν διὰ Κυρίου Θεοῦ ἡμῶν ἡ σωτηρία τοῦ Ἰσραήλ. ἡ δὲ αἰσχύνη κατηνάλωσε τοὺσ μόχθουσ τῶν πατέρων ἡμῶν ἀπὸ νεότητοσ ἡμῶν, τὰ πρόβατα αὐτῶν καὶ τοὺσ μόσχουσ αὐτῶν καὶ τοὺσ υἱοὺσ αὐτῶν καὶ τὰσ θυγατέρασ αὐτῶν. ἐκοιμήθημεν ἐν τῇ αἰσχύνῃ ἡμῶν, καὶ ἐπεκάλυψεν ἡμᾶσ ἡ ἀτιμία ἡμῶν, διότι ἔναντι τοῦ Θεοῦ ἡμῶν ἡμάρτομεν ἡμεῖσ καὶ οἱ πατέρεσ ἡμῶν ἀπὸ νεότητοσ ἡμῶν ἕωσ τῆσ ἡμέρασ ταύτησ καὶ οὐχ ὑπηκούσαμεν τῆσ φωνῆσ Κυρίου τοῦ Θεοῦ ἡμῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ieremiae 3:

(70인역 성경, 예레미야서 3:)

목록

SEARCH

MENU NAVIGATION