Septuagint, Liber Ieremiae 3:

(70인역 성경, 예레미야서 3:)

ΕΑΝ ἐξαποστείλῃ ἀνὴρ τὴν γυναῖκα αὐτοῦ, καὶ ἀπέλθῃ ἀπ’ αὐτοῦ καὶ γένηται ἀνδρί ἑτέρῳ, μὴ ἀνακάμπτουσα ἀνακάμψει πρὸσ αὐτὸν ἔτι̣ οὐ μιαινομένη μιανθήσεται ἡ γυνὴ ἐκείνη̣ καὶ σὺ ἐξεπόρνευσασ ἐν ποιμέσι πολλοῖσ. καὶ ἀνέκαμπτεσ πρόσ με̣ λέγει Κύριοσ. ἆρον τοὺσ ὀφθαλμούσ σου εἰσ εὐθεῖαν καὶ ἰδέ. πῶσ οὐχὶ ἐξεφύρθησ̣ ἐπὶ ταῖσ ὁδοῖσ ἐκάθισασ αὐτοῖσ ὡσεὶ κορώνη ἐρημουμένη καὶ ἐμίανασ τὴν γῆν ἐν ταῖσ πορνείαισ σου καὶ ἐν ταῖσ κακίαισ σου. καὶ ἔσχεσ ποιμένασ πολλοὺσ εἰσ πρόσκομμα σεαυτῇ. ὄψισ πόρνησ ἐγένετό σοι, ἀπηναισχύντησασ πρὸσ πάντασ. οὐχ ὡσ οἶκόν με ἐκάλεσασ καὶ πατέρα καὶ ἀρχηγὸν τῆσ παρθενίασ σου̣ μὴ διαμενεῖ εἰσ τὸν αἰῶνα ἢ φυλαχθήσεται εἰσ νῖκοσ̣ ἰδοὺ ἐλάλησασ καὶ ἐποίησασ τὰ πονηρὰ ταῦτα καὶ ἠδυνάσθησ. Καὶ εἶπε Κύριοσ πρόσ με ἐν ταῖσ ἡμέραισ Ἰωσίου τοῦ βασιλέωσ. εἶδεσ ἃ ἐποίησέ μοι ἡ κατοικία τοῦ Ἰσραήλ̣ ἐπορεύθησαν ἐπὶ πᾶν ὄροσ ὑψηλὸν καὶ ὑποκάτω παντὸσ ξύλου ἀλσώδουσ, καὶ ἐπόρνευσαν ἐκεῖ. καὶ εἶπα μετὰ τὸ πορνεῦσαι αὐτὴν ταῦτα πάντα. πρόσ με ἀνάστρεψον, καὶ οὐκ ἀνέστρεψε. καὶ εἶδε τὴν ἀσυνθεσίαν αὐτῆσ ἡ ἀσύνθετοσ Ἰούδα. καὶ εἶδον διότι περὶ πάντων ὧν κατελήφθη, ἐν οἷσ ἐμοιχᾶτο ἡ κατοικία Ἰσραήλ, καὶ ἐξαπέστειλα αὐτὴν καὶ ἔδωκα αὐτῇ βιβλίον ἀποστασίου εἰσ τὰσ χεῖρασ αὐτῆσ. καὶ οὐκ ἐφοβήθη ἡ ἀσύνθετοσ Ἰούδα καὶ ἐπορεύθη καὶ ἐπόρνευσε καὶ αὐτή. καὶ ἐγένετο εἰσ οὐθὲν ἡ πορνεία αὐτῆσ, καὶ ἐμοίχευσε τὸ ξύλον καὶ τὸν λίθον. καὶ ἐν πᾶσι τούτοισ οὐκ ἀπεστράφη πρόσ με ἡ ἀσύνθετοσ Ἰούδα ἐξ ὅλησ τῆσ καρδίασ αὐτῆσ, ἀλλ’ ἐπὶ ψεύδει. καὶ εἶπε Κύριοσ πρόσ με. ἐδικαίωσε τὴν ψυχὴν αὐτοῦ Ἰσραὴλ ἀπὸ τῆσ ἀσυνθέτου Ἰούδα. πορεύου καὶ ἀνάγνωθι τοὺσ λόγουσ τούτουσ πρὸσ βορρᾶν καὶ ἐρεῖσ. ἐπιστράφηθι πρόσ με, ἡ κατοικία τοῦ Ἰσραήλ, λέγει Κύριοσ, καὶ οὐ στηριῶ τὸ πρόσωπόν μου ἐφ’ ὑμᾶσ. ὅτι ἐλεήμων ἐγώ εἰμι, λέγει Κύριοσ, καὶ οὐ μηνιῶ ὑμῖν εἰσ τὸν αἰῶνα. πλήν, γνῶθι τὴν ἀδικίαν σου, ὅτι εἰσ Κύριον τὸν Θεόν σου ἠσέβησασ καὶ διέχεασ τὰσ ὁδούσ σου εἰσ ἀλλοτρίουσ ὑποκάτω παντὸσ ξύλου ἀλσώδουσ, τῆσ δὲ φωνῆσ μου οὐχ ὑπήκουσασ, λέγει Κύριοσ. ἐπιστράφητε, υἱοὶ ἀφεστηκότεσ, λέγει Κύριοσ, διότι ἐγὼ κατακυριεύσω ὑμῶν καὶ λήψομαι ὑμᾶσ ἕνα ἐκ πόλεωσ καὶ δύο ἐκ πατριᾶσ καὶ εἰσάξω ὑμᾶσ εἰσ Σιὼν καὶ δώσω ὑμῖν ποιμένασ κατὰ τὴν καρδίαν μου, καὶ ποιμανοῦσιν ὑμᾶσ ποιμαίνοντεσ μετ’ ἐπιστήμησ. καὶ ἔσται ἐὰν πληθυνθῆτε καὶ αὐξηθῆτε ἐπὶ τῆσ γῆσ, λέγει Κύριοσ, ἐν ταῖσ ἡμέραισ ἐκείναισ, οὐκ ἐροῦσιν ἔτι. κιβωτὸσ διαθήκησ ἁγίου Ἰσραήλ, οὐκ ἀναβήσεται ἐπὶ καρδίαν, οὐκ ὀνομασθήσεται οὐδὲ ἐπισκεφθήσεται καὶ οὐ ποιηθήσεται ἔτι. ἐν ταῖσ ἡμέραισ ἐκείναισ καὶ ἐν τῷ καιρῷ ἐκείνῳ καλέσουσι τὴν Ἱερουσαλὴμ Θρόνον Κυρίου, καὶ συναχθήσονται πάντα τὰ ἔθνη εἰσ αὐτὴν καὶ οὐ πορεύσονται ἔτι ὀπίσω τῶν ἐνθυμημάτων τῆσ καρδίασ αὐτῶν τῆσ πονηρᾶσ. ἐν ταῖσ ἡμέραισ ἐκείναισ συνελεύσονται ὁ οἶκοσ Ἰούδα ἐπὶ τὸν οἶκον τοῦ Ἰσραήλ, καὶ ἥξουσιν ἐπὶ τὸ αὐτὸ ἀπὸ γῆσ βορρᾶ καὶ ἀπὸ πασῶν τῶν χωρῶν ἐπὶ τὴν γῆν, ἣν κατεκληρονόμησα τοὺσ πατέρασ αὐτῶν. καὶ ἐγὼ εἶπα. γένοιτο, Κύριε. ὅτι τάξω σε εἰσ τέκνα καὶ δώσω σοι γῆν ἐκλεκτήν, κληρονομίαν Θεοῦ παντοκράτοροσ ἐθνῶν. καὶ εἶπα. πατέρα καλέσετέ με καὶ ἀπ’ ἐμοῦ οὐκ ἀποστραφήσεσθε. πλὴν ὡσ ἀθετεῖ γυνὴ εἰσ τὸν συνόντα αὐτῇ, οὕτωσ ἠθέτησεν εἰσ ἐμὲ ὁ οἶκοσ Ἰσραήλ, λέγει Κύριοσ. φωνὴ ἐκ χειλέων ἠκούσθη κλαυθμοῦ καὶ δεήσεωσ υἱῶν Ἰσραήλ, ὅτι ἠδίκησαν ἐν ταῖσ ὁδοῖσ αὐτῶν, ἐπελάθοντο Θεοῦ ἁγίου αὐτῶν. ἐπιστράφητε, υἱοί, ἐπιστρέφοντεσ, καὶ ἰάσομαι τὰ συντρίμματα ὑμῶν. ἰδοὺ δοῦλοι ἡμεῖσ ἐσόμεθά σοι, ὅτι σὺ Κύριοσ ὁ Θεὸσ ἡμῶν εἶ. ὄντωσ εἰσ ψεῦδοσ ἦσαν οἱ βουνοὶ καὶ ἡ δύναμισ τῶν ὀρέων, πλὴν διὰ Κυρίου Θεοῦ ἡμῶν ἡ σωτηρία τοῦ Ἰσραήλ. ἡ δὲ αἰσχύνη κατηνάλωσε τοὺσ μόχθουσ τῶν πατέρων ἡμῶν ἀπὸ νεότητοσ ἡμῶν, τὰ πρόβατα αὐτῶν καὶ τοὺσ μόσχουσ αὐτῶν καὶ τοὺσ υἱοὺσ αὐτῶν καὶ τὰσ θυγατέρασ αὐτῶν. ἐκοιμήθημεν ἐν τῇ αἰσχύνῃ ἡμῶν, καὶ ἐπεκάλυψεν ἡμᾶσ ἡ ἀτιμία ἡμῶν, διότι ἔναντι τοῦ Θεοῦ ἡμῶν ἡμάρτομεν ἡμεῖσ καὶ οἱ πατέρεσ ἡμῶν ἀπὸ νεότητοσ ἡμῶν ἕωσ τῆσ ἡμέρασ ταύτησ καὶ οὐχ ὑπηκούσαμεν τῆσ φωνῆσ Κυρίου τοῦ Θεοῦ ἡμῶν.

목록

일치하는 문장이 없습니다.

SEARCH

MENU NAVIGATION