Septuagint, Liber Ieremiae 2:

(70인역 성경, 예레미야서 2:)

ΚΑΙ εἶπε. τάδε λέγει Κύριοσ. ἐμνήσθην ἐλέουσ νεότητόσ σου καὶ ἀγάπησ τελειώσεώσ σου τοῦ ἐξακολουθῆσαί σε τῷ ἁγίῳ Ἰσραήλ, λέγει Κύριος ἅγιοσ Ἰσραήλ. τῷ Κυρίῳ ἀρχὴ γεννημάτων αὐτοῦ. πάντεσ οἱ ἔσθοντεσ αὐτὸν πλημμελήσουσι, κακὰ ἥξει ἐπ’ αὐτούσ, φησὶ Κύριοσ. ἀκούσατε λόγον Κυρίου, οἶκοσ Ἰακώβ, καὶ πᾶσα πατριὰ οἴκου Ἰσραήλ. τάδε λέγει Κύριοσ. τί εὕροσαν οἱ πατέρεσ ὑμῶν ἐν ἐμοὶ πλημμέλημα, ὅτι ἀπέστησαν μακρὰν ἀπ’ ἐμοῦ καὶ ἐπορεύθησαν ὀπίσω τῶν ματαίων καὶ ἐματαιώθησαν̣ καὶ οὐκ εἶπαν. ποῦ ἐστι Κύριοσ ὁ ἀναγαγὼν ἡμᾶσ ἐκ γῆσ Αἰγύπτου, ὁ καθοδηγήσασ ἡμᾶσ ἐν τῇ ἐρήμῳ, ἐν γῇ ἀπείρῳ καὶ ἀβάτῳ, ἐν γῇ ἀνύδρῳ καὶ ἀκάρπῳ, ἐν γῇ, ᾗ οὐ διώδευσεν ἐν αὐτῇ ἀνὴρ οὐθὲν καὶ οὐ κατῴκησεν ἐκεῖ υἱὸσ ἀνθρώπου̣ καὶ ἤγαγον ὑμᾶσ εἰσ τὸν Κάρμηλον τοῦ φαγεῖν ὑμᾶσ τοὺσ καρποὺσ αὐτοῦ καὶ τὰ ἀγαθὰ αὐτοῦ. καὶ εἰσήλθατε καὶ ἐμιάνατε τὴν γῆν μου καὶ τὴν κληρονομίαν μου ἔθεσθε εἰσ βδέλυγμα. οἱ ἱερεῖσ οὐκ εἶπαν. ποῦ ἐστι Κύριοσ̣ καὶ οἱ ἀντεχόμενοι τοῦ νόμου οὐκ ἠπίσταντό με, καὶ οἱ ποιμένεσ ἠσέβουν εἰσ ἐμέ, καὶ οἱ προφῆται ἐπροφήτευον τῇ Βάαλ καὶ ὀπίσω ἀνωφελοῦσ ἐπορεύθησαν. διὰ τοῦτο ἔτι κριθήσομαι πρὸσ ὑμᾶσ λέγει Κύριοσ, καὶ πρὸσ τοὺσ υἱοὺσ τῶν υἱῶν ὑμῶν κριθήσομαι. διότι διέλθετε εἰσ νήσουσ Χεττιεὶμ καὶ ἴδετε, καὶ εἰσ Κηδὰρ ἀποστείλατε καὶ νοήσατε σφόδρα, καὶ ἴδετε εἰ γέγονε τοιαῦτα. εἰ ἀλλάξωνται ἔθνη θεοὺσ αὐτῶν. καὶ οὗτοι οὐκ εἰσὶ θεοί. ὁ δὲ λαόσ μου ἠλλάξατο τὴν δόξαν αὐτοῦ, ἐξ ἧσ οὐκ ὠφεληθήσονται. ἐξέστη ὁ οὐρανὸσ ἐπὶ τούτῳ καὶ ἔφριξεν ἐπὶ πλεῖον σφόδρα, λέγει Κύριοσ. ὅτι δύο καὶ πονηρὰ ἐποίησεν ὁ λαόσ μου. ἐμὲ ἐγκατέλιπον πηγὴν ὕδατοσ ζωῆσ, καὶ ὤρυξαν ἑαυτοῖσ λάκκουσ συντετριμμένουσ, οἳ οὐ δυνήσονται ὕδωρ συνέχειν. Μὴ δοῦλόσ ἐστιν Ἰσραὴλ ἢ οἰκογενήσ ἐστι̣ διατί εἰσ προνομὴν ἐγένετο̣ ἐπ’ αὐτὸν ὠρύοντο λέοντεσ καὶ ἔδωκαν τὴν φωνὴν αὐτῶν, οἳ ἔταξαν τὴν γῆν αὐτοῦ εἰσ ἔρημον, καὶ αἱ πόλεισ αὐτοῦ κατεσκάφησαν παρὰ τὸ μὴ κατοικεῖσθαι. καὶ υἱοὶ Μέμφεωσ καὶ Τάφνασ ἔγνωσάν σε καὶ κατέπαιζόν σου. οὐχὶ ταῦτα ἐποίησέ σοι τὸ καταλιπεῖν σε ἐμέ̣ λέγει Κύριοσ ὁ Θεόσ σου. καὶ νῦν τί σοι καὶ τῇ ὁδῷ Αἰγύπτου τοῦ πιεῖν ὕδωρ Γηῶν̣ καὶ τί σοι καὶ τῇ ὁδῷ Ἀσσυρίων τοῦ πιεῖν ὕδωρ ποταμῶν̣ παιδεύσει σε ἡ ἀποστασία σου, καὶ ἡ κακία σου ἐλέγξει σε. καὶ γνῶθι καὶ ἰδέ, ὅτι πικρόν σοι τὸ καταλιπεῖν σε ἐμέ, λέγει Κύριοσ ὁ Θεόσ σου. καὶ οὐκ εὐδόκησα ἐπὶ σοί, λέγει Κύριοσ ὁ Θεόσ σου. ὅτι ἀπ’ αἰῶνοσ συνέτριψασ τὸν ζυγόν σου, διέσπασασ τοὺσ δεσμούσ σου καὶ εἶπασ. οὐ δουλεύσω σοι, ἀλλὰ πορεύσομαι ἐπὶ πάντα βουνὸν ὑψηλὸν καὶ ὑποκάτω παντὸσ ξύλου κατασκίου, ἐκεῖ διαχυθήσομαι ἐν τῇ πορνείᾳ μου. ἐγὼ δὲ ἐφύτευσά σε ἄμπελον καρποφόρον πᾶσαν ἀληθινήν. πῶσ ἐστράφησ εἰσ πικρίαν, ἡ ἄμπελοσ ἡ ἀλλοτρία̣ ἐὰν ἀποπλύνῃ ἐν νίτρῳ καὶ πληθύνῃσ σεαυτῇ πόαν, κεκηλίδωσαι ἐν ταῖσ ἀδικίαισ σου ἐναντίον ἐμοῦ, λέγει Κύριοσ. πῶσ ἐρεῖσ. οὐκ ἐμιάνθην καὶ ὀπίσω τῆσ Βάαλ οὐκ ἐπορεύθην̣ ἰδὲ τὰσ ὁδούσ σου ἐν τῷ πολυανδρίῳ καὶ γνῶθι τί ἐποίησασ. ὀψὲ φωνὴ αὐτῆσ ὠλόλυξε, τὰσ ὁδοὺσ αὐτῆσ ἐπλάτυνεν ἐφ’ ὕδατα ἐρήμου, ἐν ἐπιθυμίαισ ψυχῆσ αὐτῆσ ἐπνευματοφορεῖτο, παρεδόθη. τίσ ἐπιστρέψει αὐτήν̣ πάντεσ οἱ ζητοῦντεσ αὐτὴν οὐ κοπιάσουσιν, ἐν τῇ ταπεινώσει αὐτῆσ εὑρήσουσιν αὐτήν. ἀπόστρεψον τὸν πόδα σου ἀπὸ ὁδοῦ τραχείασ καὶ τὸν φάρυγγά σου ἀπὸ δίψουσ. ἡ δὲ εἶπεν. ἀνδριοῦμαι. ὅτι ἠγαπήκει ἀλλοτρίουσ καὶ ὀπίσω αὐτῶν ἐπορεύετο. ὡσ αἰσχύνη κλέπτου ὅταν ἁλῷ, οὕτωσ αἰσχυνθήσονται οἱ υἱοὶ Ἰσραήλ, αὐτοὶ καὶ οἱ βασιλεῖσ αὐτῶν καὶ οἱ ἄρχοντεσ αὐτῶν καὶ οἱ ἱερεῖσ αὐτῶν καὶ οἱ προφῆται αὐτῶν. τῷ ξύλῳ εἶπαν, ὅτι πατήρ μου εἶ σύ, καὶ τῷ λίθῳ. σὺ ἐγέννησάσ με, καὶ ἔστρεψαν ἐπ’ ἐμὲ νῶτα καὶ οὐ πρόσωπα αὐτῶν. καὶ ἐν τῷ καιρῷ τῶν κακῶν αὐτῶν ἐροῦσιν. ἀνάστα καὶ σῶσον ἡμᾶσ. καὶ ποῦ εἰσιν οἱ θεοί σου, οὓσ ἐποίησασ σεαυτῷ̣ εἰ ἀναστήσονται καὶ σώσουσί σε ἐν καιρῷ τῆσ κακώσεώσ σου̣ ὅτι κατ’ ἀριθμὸν τῶν πόλεών σου ἦσαν θεοί σου, Ἰούδα, καὶ κατ’ ἀριθμὸν διόδων τῆσ Ἱερουσαλὴμ ἔθυον τῇ Βάαλ. ἱνατί λαλεῖτε πρόσ με̣ πάντεσ ὑμεῖσ ἠσεβήσατε καὶ πάντεσ ὑμεῖσ ἠνομήσατε εἰσ ἐμέ, λέγει Κύριοσ. μάτην ἐπάταξα τὰ τέκνα ὑμῶν, παιδείαν οὐκ ἐδέξασθε. μάχαιρα κατέφαγε τοὺσ προφήτασ ὑμῶν ὡσ λέων ὀλοθρεύων, καὶ οὐκ ἐφοβήθητε. ἀκούσατε λόγον Κυρίου. τάδε λέγει Κύριοσ. μὴ ἔρημοσ ἐγενόμην τῷ Ἰσραὴλ ἢ γῆ κεχερσωμένη̣ διατί εἶπεν ὁ λαόσ μου. οὐ κυριευθησόμεθα καὶ οὐχ ἥξομεν πρόσ σε ἔτι̣ μὴ ἐπιλήσεται νύμφη τὸν κόσμον αὐτῆσ καὶ παρθένοσ τὴν στηθοδεσμίδα αὐτῆσ̣ ὁ δὲ λαόσ μου ἐπελάθετό μου ἡμέρασ, ὧν οὐκ ἔστιν ἀριθμόσ. τί ἔτι καλὸν ἐπιτηδεύσεισ ἐν ταῖσ ὁδοῖσ σου τοῦ ζητῆσαι ἀγάπησιν̣ οὐχ οὕτωσ. ἀλλὰ καὶ σὺ ἐπονηρεύσω τοῦ μιᾶναι τὰσ ὁδούσ σου. καὶ ἐν ταῖσ χερσί σου εὑρέθησαν αἵματα ψυχῶν ἀθώων. οὐκ ἐν διορύγμασιν εὗρον αὐτούσ, ἀλλ’ ἐπὶ πάσῃ δρυί̈. καὶ εἶπασ. ἀθῷόσ εἰμι, ἀλλὰ ἀποστραφήτω ὁ θυμὸσ αὐτοῦ ἀπ’ ἐμοῦ. ἰδοὺ ἐγὼ κρίνομαι πρὸσ σὲ ἐν τῷ λέγειν σε. οὐχ ἥμαρτον. τί κατεφρόνησασ σφόδρα τοῦ δευτερῶσαι τὰσ ὁδούσ σου̣ καὶ ἀπὸ Αἰγύπτου καταισχυνθήσῃ, καθὼσ κατῃσχύνθησ ἀπὸ Ἀσσούρ. ὅτι καὶ ἐντεῦθεν ἐξελεύσῃ, καὶ αἱ χεῖρέσ σου ἐπὶ τῆσ κεφαλῆσ σου. ὅτι ἀπώσατο Κύριοσ τὴν ἐλπίδα σου, καὶ οὐκ εὐοδωθήσῃ ἐν αὐτῇ.

목록

일치하는 문장이 없습니다.

SEARCH

MENU NAVIGATION