Septuagint, Liber Ieremiae 1:

(70인역 성경, 예레미야서 1:)

ΤΟ ρῆμα τοῦ Θεοῦ, ὃ ἐγένετο ἐπὶ Ἱερεμίαν τὸν τοῦ Χελκίου ἐκ τῶν ἱερέων, ὃσ κατῴκει ἐν Ἀναθὼθ ἐν γῇ Βενιαμείν. ὡσ ἐγενήθη λόγοσ τοῦ Θεοῦ πρὸσ αὐτὸν ἐν ταῖσ ἡμέραισ Ἰωσία υἱοῦ Ἀμὼσ βασιλέωσ Ἰούδα, ἔτουσ τρισκαιδεκάτου ἐν τῇ βασιλείᾳ αὐτοῦ. καὶ ἐγένετο ἐν ταῖσ ἡμέραισ Ἰωακεὶμ υἱοῦ Ἰωσία βασιλέωσ Ἰούδα ἕωσ ἑνδεκάτου ἔτουσ τοῦ Σεδεκία υἱοῦ Ἰωσία βασιλέωσ Ἰούδα, ἕωσ τῆσ αἰχμαλωσίασ Ἱερουσαλὴμ ἐν τῷ πέμπτῳ μηνί. Καὶ ἐγένετο λόγοσ Κυρίου πρόσ με. πρὸ τοῦ με πλάσαι σε ἐν κοιλίᾳ ἐπίσταμαί σε καὶ πρὸ τοῦ σε ἐξελθεῖν ἐκ μήτρασ ἡγίακά σε, προφήτην εἰσ ἔθνη τέθεικά σε. καὶ εἶπα. ὦ δέσποτα Κύριε, ἰδοὺ οὐκ ἐπίσταμαι λαλεῖν, ὅτι νεώτεροσ ἐγώ εἰμι. καὶ εἶπε Κύριοσ πρόσ με. μὴ λέγε ὅτι νεώτεροσ ἐγώ εἰμι, ὅτι πρὸσ πάντασ, οὓσ ἐὰν ἐξαποστείλω σε, πορεύσῃ, καὶ κατὰ πάντα, ὅσα ἐὰν ἐντείλωμαί σοι, λαλήσεισ. μὴ φοβηθῇσ ἀπὸ προσώπου αὐτῶν, ὅτι μετὰ σοῦ ἐγώ εἰμι τοῦ ἐξαιρεῖσθαί σε, λέγει Κύριοσ. καὶ ἐξέτεινε Κύριοσ τὴν χεῖρα αὐτοῦ πρόσ με καὶ ἥψατο τοῦ στόματόσ μου, καὶ εἶπε Κύριοσ πρόσ με. ἰδοὺ δέδωκα τοὺσ λόγουσ μου εἰσ τὸ στόμα σου. ἰδοὺ καθέστακά σε σήμερον ἐπὶ ἔθνη καὶ ἐπὶ βασιλείασ ἐκριζοῦν καὶ κατασκάπτειν καὶ ἀπολλύειν καὶ ἀνοικοδομεῖν καὶ καταφυτεύειν. ‐ Καὶ ἐγένετο λόγοσ Κυρίου πρόσ με λέγων. τί σὺ ὁρᾷσ Ἱερεμία̣ καὶ εἶπε. βακτηρίαν καρυί̈νην. καὶ εἶπε Κύριοσ πρόσ με. καλῶσ ἑώρακασ, διότι ἐγρήγορα ἐγὼ ἐπὶ τοὺσ λόγουσ μου τοῦ ποιῆσαι αὐτούσ. καὶ ἐγένετο λόγοσ Κυρίου ἐκ δευτέρου πρόσ με λέγων. τί σὺ ὁρᾷσ̣ καὶ εἶπα. λέβητα ὑποκαιόμενον, καὶ τὸ πρόσωπον αὐτοῦ ἀπὸ προσώπου βορρᾶ. καὶ εἶπε Κύριοσ πρόσ με. ἀπὸ προσώπου βορρᾶ ἐκκαυθήσεται τὰ κακὰ ἐπὶ πάντασ τοὺσ κατοικοῦντασ τὴν γῆν. διότι ἰδοὺ ἐγὼ συγκαλῶ πάσασ τὰσ βασιλείασ τῆσ γῆσ ἀπὸ βορρᾶ, λέγει Κύριοσ, καὶ ἥξουσι καὶ θήσουσιν ἕκαστοσ τὸν θρόνον αὐτοῦ ἐπὶ τὰ πρόθυρα τῶν πυλῶν Ἱερουσαλὴμ καὶ ἐπὶ πάντα τὰ τείχη τὰ κύκλῳ αὐτῆσ καὶ ἐπὶ πάσασ τὰσ πόλεισ Ἰούδα. καὶ λαλήσω πρὸσ αὐτοὺσ μετὰ κρίσεωσ περὶ πάσησ τῆσ κακίασ αὐτῶν, ὡσ ἐγκατέλιπόν με καὶ ἔθυσαν θεοῖσ ἀλλοτρίοισ καὶ προσεκύνησαν τοῖσ ἔργοισ τῶν χειρῶν αὐτῶν. καὶ σὺ περίζωσαι τὴν ὀσφύν σου καὶ ἀνάστηθι καὶ εἰπὸν πρὸσ αὐτοὺσ πάντα, ὅσα ἂν ἐντείλωμαί σοι. μὴ φοβηθῇσ ἀπὸ προσώπου αὐτῶν, μηδὲ πτοηθῇσ ἐναντίον αὐτῶν, ὅτι μετὰ σοῦ ἐγώ εἰμι τοῦ ἐξαιρεῖσθαί σε, λέγει Κύριοσ. ἰδοὺ τέθεικά σε ἐν τῇ σήμερον ἡμέρᾳ ὡσ πόλιν ὀχυρὰν καὶ ὡσ τεῖχοσ χαλκοῦν, ὀχυρὸν πᾶσι τοῖσ βασιλεῦσιν Ἰούδα καὶ τοῖσ ἄρχουσιν αὐτοῦ καὶ τῷ λαῷ τῆσ γῆσ, καὶ πολεμήσουσί σε καὶ οὐ μὴ δύνωνται πρόσ σε, διότι μετὰ σοῦ ἐγώ εἰμι τοῦ ἐξαιρεῖσθαί σε, εἶπε Κύριοσ.

목록

일치하는 문장이 없습니다.

SEARCH

MENU NAVIGATION