헬라어 문장 검색 - Σεπτύ043́065́

(70인역 성경, 이사야서 65:)

ΕΜΦΑΝΗΣ ἐγενήθην τοῖσ ἐμὲ μὴ ἐπερωτῶσιν, εὑρέθην τοῖσ ἐμὲ μὴ ζητοῦσιν. εἶπα. ἰδού εἰμι τῷ ἔθνει, οἳ οὐκ ἐκάλεσάν μου τὸ ὄνομα. ἐξεπέτασα τὰσ χεῖράσ μου ὅλην τὴν ἡμέραν πρὸσ λαὸν ἀπειθοῦντα καὶ ἀντιλέγοντα, οἳ οὐκ ἐπορεύθησαν ὁδῷ ἀληθινῇ, ἀλλ̓ ὀπίσω τῶν ἁμαρτιῶν αὐτῶν. ὁ λαὸσ οὗτοσ ὁ παροξύνων με ἐναντίον ἐμοῦ διαπαντόσ, αὐτοὶ θυσιάζουσιν ἐν τοῖσ κήποισ καὶ θυμιῶσιν ἐπὶ ταῖσ πλίνθοισ τοῖσ δαιμονίοισ, ἃ οὐκ ἔστιν. ἐν τοῖσ μνήμασι καὶ ἐν τοῖσ σπηλαίοισ κοιμῶνται δἰ ἐνύπνια, οἱ ἔσθοντεσ κρέα ὕεια καὶ ζωμὸν θυσιῶν, μεμολυμμένα πάντα τὰ σκεύη αὐτῶν. οἱ λέγοντεσ. πόρρω ἀπ̓ ἐμοῦ, μὴ ἐγγίσῃσ μοι, ὅτι καθαρόσ εἰμι. οὗτοσ καπνὸσ τοῦ θυμοῦ μου, πῦρ καίεται ἐν αὐτῷ πάσασ τὰσ ἡμέρασ. ἰδοὺ γέγραπται ἐνώπιόν μου. οὐ σιωπήσω ἕωσ ἂν ἀποδώσω εἰσ τὸν κόλπον αὐτῶν. τὰσ ἁμαρτίασ αὐτῶν καὶ τῶν πατέρων αὐτῶν, λέγει Κύριοσ, οἳ ἐθυμίασαν ἐπὶ τῶν ὀρέων καὶ ἐπὶ τῶν βουνῶν ὠνείδισάν με, ἀποδώσω τὰ ἔργα αὐτῶν εἰσ τὸν κόλπον αὐτῶν. Οὕτωσ λέγει Κύριοσ. ὃν τρόπον εὑρεθήσεται ὁ ρὼξ ἐν τῷ βότρυϊ καὶ ἐροῦσι. μὴ λυμήνῃ αὐτόν, ὅτι εὐλογία ἐστὶν ἐν αὐτῷ, οὕτωσ ποιήσω ἕνεκεν τοῦ δουλεύοντόσ μοι, τούτου ἕνεκεν οὐ μὴ ἀπολέσω πάντασ. καὶ ἐξάξω τὸ ἐξ Ἰακὼβ σπέρμα καὶ τὸ ἐξ Ἰούδα, καὶ κληρονομήσει τὸ ὄροσ τὸ ἅγιόν μου, καὶ κληρονομήσουσιν οἱ ἐκλεκτοί μου καὶ οἱ δοῦλοί μου καὶ κατοικήσουσιν ἐκεῖ. καὶ ἔσονται ἐν τῷ δρυμῷ ἐπαύλεισ ποιμνίων καὶ φάραγξ Ἀχὼρ εἰσ ἀνάπαυσιν βουκολίων τῷ λαῷ μου, οἳ ἐζήτησάν με. ὑμεῖσ δὲ οἱ ἐγκαταλιπόντεσ με καὶ ἐπιλανθανόμενοι τὸ ὄροσ τὸ ἅγιόν μου καὶ ἑτοιμάζοντεσ τῷ δαιμονίῳ τράπεζαν καὶ πληροῦντεσ τῇ τύχῃ κέρασμα, ἐγὼ παραδώσω ὑμᾶσ εἰσ μάχαιραν, πάντεσ ἐν σφαγῇ πεσεῖσθε. ὅτι ἐλάλησα ὑμᾶσ, καὶ οὐχ ὑπηκούσατε, ἐλάλησα καὶ παρηκούσατε καὶ ἐποιήσατε τὸ πονηρὸν ἐναντίον ἐμοῦ καὶ ἃ οὐκ ἐβουλόμην, ἐξελέξασθε. ‐ Διὰ τοῦτο τάδε λέγει Κύριοσ. ἰδοὺ οἱ δουλεύσαντέσ μοι φάγονται, ὑμεῖσ δὲ πεινάσετε. ἰδοὺ οἱ δουλεύοντέσ μοι πίονται, ὑμεῖσ δὲ διψήσετε. ἰδοὺ οἱ δουλεύοντέσ μοι εὐφρανθήσονται, ὑμεῖσ δὲ αἰσχυνθήσεσθε. ἰδοὺ οἱ δουλεύοντέσ μοι ἀγαλλιάσονται ἐν εὐφροσύνῃ, ὑμεῖσ δὲ κεκράξεσθε διὰ τὸν πόνον τῆσ καρδίασ ὑμῶν καὶ ἀπὸ συντριβῆσ πνεύματοσ ὑμῶν ὀλολύξετε. καταλείψετε γὰρ τὸ ὄνομα ὑμῶν εἰσ πλησμονὴν τοῖσ ἐκλεκτοῖσ μου, ὑμᾶσ δὲ ἀνελεῖ Κύριοσ. τοῖσ δὲ δουλεύουσί μοι κληθήσεται ὄνομα καινόν, ὃ εὐλογηθήσεται ἐπὶ τῆσ γῆσ. εὐλογήσουσι γὰρ τὸν Θεὸν τὸν ἀληθινόν, καὶ οἱ ὀμνύοντεσ ἐπὶ τῆσ γῆσ ὁμοῦνται τὸν Θεὸν τὸν ἀληθινόν. ἐπιλήσονται γὰρ τὴν θλῖψιν αὐτῶν τὴν πρώτην, καὶ οὐκ ἀναβήσεται αὐτῶν ἐπὶ τὴν καρδίαν. ἔσται γὰρ ὁ οὐρανὸσ καινὸσ καὶ ἡ γῆ καινή, καὶ οὐ μὴ μνησθῶσι τῶν προτέρων, οὐδ̓ οὐ μὴ ἐπέλθῃ αὐτῶν ἐπὶ τὴν καρδίαν, ἀλλ̓ εὐφροσύνην καὶ ἀγαλλίαμα εὑρήσουσιν ἐν αὐτῇ. ὅτι ἰδοὺ ἐγὼ ποιῶ ἀγαλλίαμα Ἱερουσαλὴμ καὶ τὸν λαόν μου εὐφροσύνην. ἀγαλλιάσομαι ἐπὶ Ἱερουσαλὴμ καὶ εὐφρανθήσομαι ἐπὶ τῷ λαῷ μου καὶ οὐκέτι μὴ ἀκουσθῇ ἐν αὐτῇ φωνὴ κλαυθμοῦ οὐδὲ φωνὴ κραυγῆσ. καὶ οὐ μὴ γένηται ἔτι ἐκεῖ ἄωροσ καὶ πρεσβύτησ, ὃσ οὐκ ἐμπλήσει τὸν χρόνον αὐτοῦ. ἔσται γὰρ ὁ νέοσ ἑκατὸν ἐτῶν, ὁ δὲ ἀποθνήσκων ἁμαρτωλὸσ ἑκατὸν ἐτῶν καὶ ἐπικατάρατοσ ἔσται. καὶ οἰκοδομήσουσιν οἰκίασ καὶ αὐτοὶ ἐνοικήσουσι, καὶ καταφυτεύσουσι ἀμπελῶνασ καὶ αὐτοὶ φάγονται τὰ γεννήματα αὐτῶν. καὶ οὐ μὴ οἰκοδομήσουσι καὶ ἄλλοι ἐνοικήσουσι, καὶ οὐ μὴ φυτεύσουσι καὶ ἄλλοι φάγονται. κατὰ γὰρ τὰσ ἡμέρασ τοῦ ξύλου τῆσ ζωῆσ ἔσονται αἱ ἡμέραι τοῦ λαοῦ μου. τὰ γὰρ ἔργα τῶν πόνων αὐτῶν παλαιώσουσιν. οἱ δὲ ἐκλεκτοί μου οὐ κοπιάσουσιν εἰσ κενὸν οὐδὲ τεκνοποιήσουσιν εἰσ κατάραν, ὅτι σπέρμα εὐλογημένον ὑπὸ Θεοῦ ἐστι, καὶ τὰ ἔκγονα αὐτῶν μετ̓ αὐτῶν ἔσονται. καὶ ἔσται πρὶν ἢ κεκράξαι αὐτούσ, ἐγὼ ὑπακούσομαι αὐτῶν, ἔτι λαλούντων αὐτῶν ἐρῶ. τί ἐστι̣ τότε λύκοι καὶ ἄρνεσ βοσκηθήσονται ἅμα, καὶ λέων ὡσ βοῦσ φάγεται ἄχυρα, ὄφισ δὲ γῆν ὡσ ἄρτον. οὐκ ἀδικήσουσιν οὐδὲ μὴ λυμανοῦνται ἐπὶ τῷ ὄρει τῷ ἁγίῳ μου, λέγει Κύριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Isaiae 65:

(70인역 성경, 이사야서 65:)

목록

SEARCH

MENU NAVIGATION