Septuagint, Liber Isaiae 65:

(70인역 성경, 이사야서 65:)

ΕΜΦΑΝΗΣ ἐγενήθην τοῖσ ἐμὲ μὴ ἐπερωτῶσιν, εὑρέθην τοῖσ ἐμὲ μὴ ζητοῦσιν. εἶπα. ἰδού εἰμι τῷ ἔθνει, οἳ οὐκ ἐκάλεσάν μου τὸ ὄνομα. ἐξεπέτασα τὰσ χεῖράσ μου ὅλην τὴν ἡμέραν πρὸσ λαὸν ἀπειθοῦντα καὶ ἀντιλέγοντα, οἳ οὐκ ἐπορεύθησαν ὁδῷ ἀληθινῇ, ἀλλ̓ ὀπίσω τῶν ἁμαρτιῶν αὐτῶν. ὁ λαὸσ οὗτοσ ὁ παροξύνων με ἐναντίον ἐμοῦ διαπαντόσ, αὐτοὶ θυσιάζουσιν ἐν τοῖσ κήποισ καὶ θυμιῶσιν ἐπὶ ταῖσ πλίνθοισ τοῖσ δαιμονίοισ, ἃ οὐκ ἔστιν. ἐν τοῖσ μνήμασι καὶ ἐν τοῖσ σπηλαίοισ κοιμῶνται δἰ ἐνύπνια, οἱ ἔσθοντεσ κρέα ὕεια καὶ ζωμὸν θυσιῶν, μεμολυμμένα πάντα τὰ σκεύη αὐτῶν. οἱ λέγοντεσ. πόρρω ἀπ̓ ἐμοῦ, μὴ ἐγγίσῃσ μοι, ὅτι καθαρόσ εἰμι. οὗτοσ καπνὸσ τοῦ θυμοῦ μου, πῦρ καίεται ἐν αὐτῷ πάσασ τὰσ ἡμέρασ. ἰδοὺ γέγραπται ἐνώπιόν μου. οὐ σιωπήσω ἕωσ ἂν ἀποδώσω εἰσ τὸν κόλπον αὐτῶν. τὰσ ἁμαρτίασ αὐτῶν καὶ τῶν πατέρων αὐτῶν, λέγει Κύριοσ, οἳ ἐθυμίασαν ἐπὶ τῶν ὀρέων καὶ ἐπὶ τῶν βουνῶν ὠνείδισάν με, ἀποδώσω τὰ ἔργα αὐτῶν εἰσ τὸν κόλπον αὐτῶν. Οὕτωσ λέγει Κύριοσ. ὃν τρόπον εὑρεθήσεται ὁ ρὼξ ἐν τῷ βότρυϊ καὶ ἐροῦσι. μὴ λυμήνῃ αὐτόν, ὅτι εὐλογία ἐστὶν ἐν αὐτῷ, οὕτωσ ποιήσω ἕνεκεν τοῦ δουλεύοντόσ μοι, τούτου ἕνεκεν οὐ μὴ ἀπολέσω πάντασ. καὶ ἐξάξω τὸ ἐξ Ἰακὼβ σπέρμα καὶ τὸ ἐξ Ἰούδα, καὶ κληρονομήσει τὸ ὄροσ τὸ ἅγιόν μου, καὶ κληρονομήσουσιν οἱ ἐκλεκτοί μου καὶ οἱ δοῦλοί μου καὶ κατοικήσουσιν ἐκεῖ. καὶ ἔσονται ἐν τῷ δρυμῷ ἐπαύλεισ ποιμνίων καὶ φάραγξ Ἀχὼρ εἰσ ἀνάπαυσιν βουκολίων τῷ λαῷ μου, οἳ ἐζήτησάν με. ὑμεῖσ δὲ οἱ ἐγκαταλιπόντεσ με καὶ ἐπιλανθανόμενοι τὸ ὄροσ τὸ ἅγιόν μου καὶ ἑτοιμάζοντεσ τῷ δαιμονίῳ τράπεζαν καὶ πληροῦντεσ τῇ τύχῃ κέρασμα, ἐγὼ παραδώσω ὑμᾶσ εἰσ μάχαιραν, πάντεσ ἐν σφαγῇ πεσεῖσθε. ὅτι ἐλάλησα ὑμᾶσ, καὶ οὐχ ὑπηκούσατε, ἐλάλησα καὶ παρηκούσατε καὶ ἐποιήσατε τὸ πονηρὸν ἐναντίον ἐμοῦ καὶ ἃ οὐκ ἐβουλόμην, ἐξελέξασθε. ‐ Διὰ τοῦτο τάδε λέγει Κύριοσ. ἰδοὺ οἱ δουλεύσαντέσ μοι φάγονται, ὑμεῖσ δὲ πεινάσετε. ἰδοὺ οἱ δουλεύοντέσ μοι πίονται, ὑμεῖσ δὲ διψήσετε. ἰδοὺ οἱ δουλεύοντέσ μοι εὐφρανθήσονται, ὑμεῖσ δὲ αἰσχυνθήσεσθε. ἰδοὺ οἱ δουλεύοντέσ μοι ἀγαλλιάσονται ἐν εὐφροσύνῃ, ὑμεῖσ δὲ κεκράξεσθε διὰ τὸν πόνον τῆσ καρδίασ ὑμῶν καὶ ἀπὸ συντριβῆσ πνεύματοσ ὑμῶν ὀλολύξετε. καταλείψετε γὰρ τὸ ὄνομα ὑμῶν εἰσ πλησμονὴν τοῖσ ἐκλεκτοῖσ μου, ὑμᾶσ δὲ ἀνελεῖ Κύριοσ. τοῖσ δὲ δουλεύουσί μοι κληθήσεται ὄνομα καινόν, ὃ εὐλογηθήσεται ἐπὶ τῆσ γῆσ. εὐλογήσουσι γὰρ τὸν Θεὸν τὸν ἀληθινόν, καὶ οἱ ὀμνύοντεσ ἐπὶ τῆσ γῆσ ὁμοῦνται τὸν Θεὸν τὸν ἀληθινόν. ἐπιλήσονται γὰρ τὴν θλῖψιν αὐτῶν τὴν πρώτην, καὶ οὐκ ἀναβήσεται αὐτῶν ἐπὶ τὴν καρδίαν. ἔσται γὰρ ὁ οὐρανὸσ καινὸσ καὶ ἡ γῆ καινή, καὶ οὐ μὴ μνησθῶσι τῶν προτέρων, οὐδ̓ οὐ μὴ ἐπέλθῃ αὐτῶν ἐπὶ τὴν καρδίαν, ἀλλ̓ εὐφροσύνην καὶ ἀγαλλίαμα εὑρήσουσιν ἐν αὐτῇ. ὅτι ἰδοὺ ἐγὼ ποιῶ ἀγαλλίαμα Ἱερουσαλὴμ καὶ τὸν λαόν μου εὐφροσύνην. ἀγαλλιάσομαι ἐπὶ Ἱερουσαλὴμ καὶ εὐφρανθήσομαι ἐπὶ τῷ λαῷ μου καὶ οὐκέτι μὴ ἀκουσθῇ ἐν αὐτῇ φωνὴ κλαυθμοῦ οὐδὲ φωνὴ κραυγῆσ. καὶ οὐ μὴ γένηται ἔτι ἐκεῖ ἄωροσ καὶ πρεσβύτησ, ὃσ οὐκ ἐμπλήσει τὸν χρόνον αὐτοῦ. ἔσται γὰρ ὁ νέοσ ἑκατὸν ἐτῶν, ὁ δὲ ἀποθνήσκων ἁμαρτωλὸσ ἑκατὸν ἐτῶν καὶ ἐπικατάρατοσ ἔσται. καὶ οἰκοδομήσουσιν οἰκίασ καὶ αὐτοὶ ἐνοικήσουσι, καὶ καταφυτεύσουσι ἀμπελῶνασ καὶ αὐτοὶ φάγονται τὰ γεννήματα αὐτῶν. καὶ οὐ μὴ οἰκοδομήσουσι καὶ ἄλλοι ἐνοικήσουσι, καὶ οὐ μὴ φυτεύσουσι καὶ ἄλλοι φάγονται. κατὰ γὰρ τὰσ ἡμέρασ τοῦ ξύλου τῆσ ζωῆσ ἔσονται αἱ ἡμέραι τοῦ λαοῦ μου. τὰ γὰρ ἔργα τῶν πόνων αὐτῶν παλαιώσουσιν. οἱ δὲ ἐκλεκτοί μου οὐ κοπιάσουσιν εἰσ κενὸν οὐδὲ τεκνοποιήσουσιν εἰσ κατάραν, ὅτι σπέρμα εὐλογημένον ὑπὸ Θεοῦ ἐστι, καὶ τὰ ἔκγονα αὐτῶν μετ̓ αὐτῶν ἔσονται. καὶ ἔσται πρὶν ἢ κεκράξαι αὐτούσ, ἐγὼ ὑπακούσομαι αὐτῶν, ἔτι λαλούντων αὐτῶν ἐρῶ. τί ἐστι̣ τότε λύκοι καὶ ἄρνεσ βοσκηθήσονται ἅμα, καὶ λέων ὡσ βοῦσ φάγεται ἄχυρα, ὄφισ δὲ γῆν ὡσ ἄρτον. οὐκ ἀδικήσουσιν οὐδὲ μὴ λυμανοῦνται ἐπὶ τῷ ὄρει τῷ ἁγίῳ μου, λέγει Κύριοσ.

목록

일치하는 문장이 없습니다.

SEARCH

MENU NAVIGATION