Septuagint, Liber Isaiae 61:

(70인역 성경, 이사야서 61:)

ΠΝΕΥΜΑ Κυρίου ἐπ̓ ἐμέ, οὗ εἵνεκεν ἔχρισέ με. εὐαγγελίσασθαι πτωχοῖσ ἀπέσταλκέ με, ἰάσασθαι τοὺσ συντετριμένουσ τὴν καρδίαν, κηρύξαι αἰχμαλώτοισ ἄφεσιν καὶ τυφλοῖσ ἀνάβλεψιν, καλέσαι ἐνιαυτὸν Κυρίου δεκτὸν καὶ ἡμέραν ἀνταποδόσεωσ τῷ Θεῷ ἡμῶν, παρακαλέσαι πάντασ τοὺσ πενθοῦντασ, δοθῆναι τοῖσ πενθοῦσι Σιὼν δόξαν ἀντὶ σποδοῦ, ἄλειμμα εὐφροσύνησ τοῖσ πενθοῦσι, καταστολὴν δόξησ ἀντὶ πνεύματοσ ἀκηδίασ. καὶ κληθήσονται γενεαὶ δικαιοσύνησ, φύτευμα Κυρίου εἰσ δόξαν. καὶ οἰκοδομήσουσιν ἐρήμουσ αἰωνίασ, ἐξηρημωμένασ πρότερον ἐξαναστήσουσι. καὶ καινιοῦσι πόλεισ ἐρήμουσ ἐξηρωμένασ εἰσ γενεάσ. καὶ ἥξουσι ἀλλογενεῖσ ποιμαίνοντεσ τὰ πρόβατά σου, καὶ ἀλλόφυλοι ἀροτῆρεσ καὶ ἀμπελουργοί. ὑμεῖσ δὲ ἱερεῖσ Κυρίου κληθήσεσθε, λειτουργοὶ Θεοῦ. ἰσχὺν ἐθνῶν κατέδεσθε καὶ ἐν τῷ πλούτῳ αὐτῶν θαυμασθήσεσθε. [ἀντὶ τῆσ αἰσχύνησ ὑμῶν τῆσ διπλῆσ καὶ ἀντὶ τῆσ ἐντροπῆσ ἀγαλλιάσεται ἡ μερὶσ αὐτῶν]. οὕτωσ ἐκ δευτέρασ κληρονομήσουσι τὴν γῆν, καὶ εὐφροσύνη αἰώνιοσ ὑπὲρ κεφαλῆσ αὐτῶν. ἐγὼ γάρ εἰμι Κύριοσ ὁ ἀγαπῶν δικαιοσύνην καὶ μισῶν ἁρπάγματα ἐξ ἀδικίασ. καὶ δώσω τὸν μόχθον αὐτῶν δικαίοισ καὶ διαθήκην αἰώνιον διαθήσομαι αὐτοῖσ. καὶ γνωσθήσεται ἐν τοῖσ ἔθνεσι τὸ σπέρμα αὐτῶν καὶ τὰ ἔκγονα αὐτῶν ἐν μέσῳ τῶν λαῶν. πᾶσ ὁ ὁρῶν αὐτοὺσ ἐπιγνώσεται αὐτούσ, ὅτι οὗτοί εἰσι σπέρμα ηὐλογημένον ὑπὸ Θεοῦ καὶ εὐφροσύνῃ εὐφρανθήσονται ἐπὶ Κύριον. ‐̓Αγαλλιάσθω ἡ ψυχή μου ἐπὶ τῷ Κυρίῳ. ἐνέδυσε γάρ με ἱμάτιον σωτηρίου καὶ χιτῶνα εὐφροσύνησ, ὡσ νυμφίῳ περιέθηκέ μοι μίτραν καὶ ὡσ νύμφην κατεκόσμησέ με κόσμῳ. καὶ ὡσ γῆ αὔξουσα τὸ ἄνθοσ αὐτῆσ καὶ ὡσ κῆποσ τὰ σπέρματα αὐτοῦ, οὕτωσ ἀνατελεῖ Κύριοσ δικαιοσύνην καὶ ἀγαλλίαμα ἐναντίον πάντων τῶν ἐθνῶν.

목록

일치하는 문장이 없습니다.

SEARCH

MENU NAVIGATION