Septuagint, Liber Isaiae 60:

(70인역 성경, 이사야서 60:)

ΦΩΤΙΖΟΥ φωτίζου Ἱερουσαλήμ, ἥκει γάρ σου τὸ φῶσ, καὶ ἡ δόξα Κυρίου ἐπὶ σὲ ἀνατέταλκεν. ἰδοὺ σκότοσ καλύψει γῆν ὡσ γνόφοσ ἐπ̓ ἔθνη. ἐπὶ δὲ σὲ φανήσεται Κύριοσ, καὶ ἡ δόξα αὐτοῦ ἐπὶ σὲ ὀφθήσεται. καὶ πορεύσονται βασιλεῖσ τῷ φωτί σου καὶ ἔθνη τῇ λαμπρότητί σου. ἆρον κύκλῳ τοὺσ ὀφθαλμούσ σου καὶ ἰδὲ συνηγμένα τὰ τέκνα σου. ἰδοὺ ἥκασι πάντεσ οἱ υἱοί σου μακρόθεν, καὶ αἱ θυγατέρεσ σου ἐπ̓ ὤμων ἀρθήσονται. τότε ὄψῃ καὶ φοβηθήσῃ καὶ ἐκστήσῃ τῇ καρδίᾳ, ὅτι μεταβαλεῖ εἰσ σὲ πλοῦτοσ θαλάσσησ καὶ ἐθνῶν καὶ λαῶν. καὶ ἥξουσί σοι ἀγέλαι καμήλων, καὶ καλύψουσί σε κάμηλοι Μαδιὰμ καὶ Γαιφά. πάντεσ ἐκ Σαβὰ ἥξουσι φέροντεσ χρυσίον καὶ λίβανον οἴσουσι καὶ λίθον τίμιον καὶ τὸ σωτήριον Κυρίου εὐαγγελιοῦνται. καὶ πάντα τὰ πρόβατα Κηδὰρ συναχθήσονταί σοι καὶ κριοὶ Ναβαιὼθ ἥξουσί σοι, καὶ ἀνενεχθήσεται δεκτὰ ἐπὶ τὸ θυσιαστήριόν μου, καὶ ὁ οἶκοσ τῆσ προσευχῆσ μου δοξασθήσεται. τίνεσ οἵδε ὡσ νεφέλαι πέτανται καὶ ὡσεὶ περιστεραὶ σὺν νεοσσοῖσ̣ ἐμὲ αἱ νῆσοι ὑπέμειναν καὶ πλοῖα Θαρσὶσ ἐν πρώτοισ, ἀγαγεῖν τὰ τέκνα σου μακρόθεν καὶ τὸν ἄργυρον καὶ τὸ χρυσὸν αὐτῶν μετ̓ αὐτῶν διὰ τὸ ὄνομα Κυρίου τὸ ἅγιον καὶ διὰ τὸ τὸν ἅγιον τοῦ Ἰσραὴλ ἔνδοξον εἶναι. καὶ οἰκοδομήσουσιν ἀλλογενεῖσ τὰ τείχη σου, καὶ οἱ βασιλεῖσ αὐτῶν παραστήσονταί σοι. διὰ γὰρ ὀργήν μου ἐπάταξά σε καὶ διὰ ἔλεον ἠγάπησά σε. καὶ ἀνοιχθήσονται αἱ πύλαι σου διαπαντόσ, ἡμέρασ καὶ νυκτὸσ οὐ κλεισθήσονται, εἰσαγαγεῖν πρὸσ σὲ δύναμιν ἐθνῶν καὶ βασιλεῖσ αὐτῶν ἀγομένουσ. τὰ γὰρ ἔθνη καὶ οἱ βασιλεῖσ, οἵτινεσ οὐ δουλεύσουσί σοι, ἀπολοῦνται καὶ τὰ ἔθνη ἐρημίᾳ ἐρημωθήσεται. καὶ ἡ δόξα τοῦ Λιβάνου πρὸσ σὲ ἥξει ἐν κυπαρίσσῳ καὶ πεύκῃ καὶ κέδρῳ ἅμα, δοξάσαι τὸν τόπον τὸν ἅγιόν μου καὶ τὸν τόπον τῶν ποδῶν μου δοξάσω. καὶ πορεύσονται πρόσ σε δεδοικότεσ υἱοὶ τῶν ταπεινωσάντων σε καὶ παροξυνάντων σε, καὶ κληθήσῃ Πόλισ Κυρίου Σιὼν ἁγίου Ἰσραήλ. διὰ τὸ γεγενῆσθαί σε ἐγκαταλελειμμένην καὶ μεμισημένην, καὶ οὐκ ἦν ὁ βοηθῶν, καὶ θήσω σε ἀγαλλίαμα αἰώνιον, εὐφροσύνην γενεῶν γενεαῖσ. καὶ θηλάσεισ γάλα ἐθνῶν καὶ πλοῦτον βασιλέων φάγεσαι. καὶ γνώσῃ, ὅτι ἐγὼ Κύριοσ ὁ σῴζων σε καὶ ἐξαιρούμενόσ σε ὁ Θεὸσ Ἰσραήλ. καὶ ἀντὶ χαλκοῦ οἴσω σοι χρυσίον, ἀντὶ δὲ σιδήρου οἴσω σοι ἀργύριον, ἀντὶ δὲ ξύλων οἴσω σοι χαλκόν, ἀντὶ δὲ λίθων σίδηρον. καὶ δώσω τοὺσ ἄρχοντάσ σου ἐν εἰρήνῃ καὶ τοὺσ ἐπισκόπουσ σου ἐν δικαιοσύνῃ. καὶ οὐκ ἀκουσθήσεται ἔτι ἀδικία ἐν τῇ γῇ σου, οὐδὲ σύντριμμα οὐδὲ ταλαιπωρία ἐν τοῖσ ὁρίοισ σου, ἀλλὰ κληθήσεται Σωτήριον τὰ τείχη σου, καὶ αἱ πύλαι σου Γλύμμα. καὶ οὐκ ἔσται σοι ἔτι ὁ ἥλιοσ εἰσ φῶσ ἡμέρασ, οὐδὲ ἀνατολὴ σελήνησ φωτιεῖ σου τὴν νύκτα, ἀλλ̓ ἔσται σοι Κύριοσ φῶσ αἰώνιον καὶ ὁ Θεὸσ δόξα σου. οὐ γὰρ δύσεται ὁ ἥλιόσ σοι, καὶ ἡ σελήνη σοι οὐκ ἐκλείψει. ἔσται γάρ σοι Κύριοσ φῶσ αἰώνιον, καὶ ἀναπληρωθήσονται αἱ ἡμέραι τοῦ πένθουσ σου. καὶ ὁ λαόσ σου πᾶσ δίκαιοσ, δἰ αἰῶνοσ κληρονομήσουσι τὴν γῆν, φυλάσσων τὸ φύτευμα, ἔργα χειρῶν αὐτοῦ εἰσ δόξαν. ὁ ὀλιγοστὸσ ἔσται εἰσ χιλιάδασ καὶ ὁ ἐλάχιστοσ εἰσ ἔθνοσ μέγα. ἐγὼ Κύριοσ κατὰ καιρὸν συνάξω αὐτούσ.

목록

일치하는 문장이 없습니다.

SEARCH

MENU NAVIGATION