Septuagint, Liber Isaiae 59:

(70인역 성경, 이사야서 59:)

ΜΗ οὐκ ἰσχύει ἡ χεὶρ Κυρίου τοῦ σῶσαί̣ ἢ ἐβάρυνε τὸ οὖσ αὐτοῦ τοῦ μὴ εἰσακοῦσαι̣ ἀλλὰ τὰ ἁμαρτήματα ὑμῶν διϊστῶσιν ἀναμέσον ὑμῶν καὶ ἀναμέσον τοῦ Θεοῦ, καὶ διὰ τὰσ ἁμαρτίασ ὑμῶν ἀπέστρεψε τὸ πρόσωπον αὐτοῦ ἀφ̓ ὑμῶν τοῦ μὴ ἐλεῆσαι. αἱ γὰρ χεῖρεσ ὑμῶν μεμολυσμέναι αἵματι καὶ οἱ δάκτυλοι ὑμῶν ἐν ἁμαρτίαισ, τὰ δὲ χείλη ὑμῶν ἐλάλησεν ἀνομίαν, καὶ ἡ γλῶσσα ὑμῶν ἀδικίαν μελετᾷ. οὐθεὶσ λαλεῖ δίκαια, οὐδέ ἐστι κρίσισ ἀληθινή. πεποίθασιν ἐπὶ ματαίοισ καὶ λαλοῦσι κενά, ὅτι κύουσι πόνον καὶ τίκτουσιν ἀνομίαν. ὠὰ ἀσπίδων ἔρρηξαν καὶ ἱστὸν ἀράχνησ ὑφαίνουσι. καὶ ὁ μέλλων τῶν ὠῶν αὐτῶν φαγεῖν συντρίψασ οὔριον εὗρε, καὶ ἐν αὐτῷ βασιλίσκοσ. ὁ ἱστὸσ αὐτῶν οὐκ ἔσται εἰσ ἱμάτιον, οὐδὲ μὴ περιβάλωνται ἀπὸ τῶν ἔργων αὐτῶν. τὰ γὰρ ἔργα αὐτῶν ἔργα ἀνομίασ. οἱ δὲ πόδεσ αὐτῶν ἐπὶ πονηρίαν τρέχουσι, ταχινοὶ ἐκχέαι αἷμα. καὶ οἱ διαλογισμοὶ αὐτῶν διαλογισμοὶ ἀφρόνων, σύντριμμα καὶ ταλαιπωρία ἐν ταῖσ ὁδοῖσ αὐτῶν. καὶ ὁδὸν εἰρήνησ οὐκ οἴδασι, καὶ οὐκ ἔστι κρίσισ ἐν ταῖσ ὁδοῖσ αὐτῶν. αἱ γὰρ τρίβοι αὐτῶν διεστραμμέναι, ἃσ διοδεύουσι, καὶ οὐκ οἴδασιν εἰρήνην. διὰ τοῦτο ἀπέστη ἡ κρίσισ ἀπ̓ αὐτῶν, καὶ οὐ μὴ καταλάβῃ αὐτοὺσ δικαιοσύνη. ὑπομεινάντων αὐτῶν φῶσ ἐγένετο αὐτοῖσ σκότοσ, μείναντεσ αὐγὴν ἐν ἀωρίᾳ περιεπάτησαν. ψηλαφήσουσιν ὡσ τυφλοὶ τοῖχον καὶ ὡσ οὐχ ὑπαρχόντων ὀφθαλμῶν ψηλαφήσουσι. καὶ πεσοῦνται ἐν μεσημβρίᾳ ὡσ ἐν μεσονυκτίῳ, ὡσ ἀποθνήσκοντεσ στενάξουσιν, ὡσ ἄρκοσ καὶ ὡσ περιστερὰ ἅμα πορεύσονται. ἀνεμείναμεν κρίσιν, καὶ οὐκ ἔστι. σωτηρία μακρὰν ἀφέστηκεν ἀφ̓ ἡμῶν. πολλὴ γὰρ ἡ ἀνομία ἐναντίον σου, καὶ αἱ ἁμαρτίαι ἡμῶν ἀντέστησαν ἡμῖν. αἱ γὰρ ἀνομίαι ἡμῶν ἐν ἡμῖν, καὶ τὰ ἀδικήματα ἡμῶν ἔγνωμεν. ἠσεβήσαμεν καὶ ἐψευσάμεθα καὶ ἀπέστημεν ἀπὸ ὄπισθεν τοῦ Θεοῦ ἡμῶν. ἐλαλήσαμεν ἄδικα καὶ ἠπειθήσαμεν, ἐκύομεν καὶ ἐμελετήσαμεν ἀπὸ καρδίασ ἡμῶν λόγουσ ἀδίκουσ. καὶ ἀπεστήσαμεν ὀπίσω τὴν κρίσιν, καὶ ἡ δικαιοσύνη μακρὰν ἀφέστηκεν, ὅτι κατηναλώθη ἐν ταῖσ ὁδοῖσ αὐτῶν ἡ ἀλήθεια, καὶ δἰ εὐθείασ οὐκ ἐδύναντο διελθεῖν. καὶ ἡ ἀλήθεια ᾖρται, καὶ μετέστησαν τὴν διάνοιαν τοῦ συνιέναι. καὶ εἶδε Κύριοσ, καὶ οὐκ ἤρεσεν αὐτῷ, ὅτι οὐκ ἦν κρίσισ. καὶ εἶδε καὶ οὐκ ἦν ἀνήρ, καὶ κατενόησε καὶ οὐκ ἦν ὁ ἀντιληψόμενοσ, καὶ ἠμύνατο αὐτοὺσ τῷ βραχίονι αὐτοῦ καὶ τῇ ἐλεημοσύνῃ ἐστηρίσατο. καὶ ἐνεδύσατο δικαιοσύνην ὡσ θώρακα καὶ περιέθετο περικεφαλαίαν σωτηρίου ἐπὶ τῆσ κεφαλῆσ καὶ περιεβάλετο ἱμάτιον ἐκδικήσεωσ καὶ τὸ περιβόλαιον ὡσ ἀνταποδώσων ἀνταπόδοσιν ὄνειδοσ τοῖσ ὑπεναντίοισ. καὶ φοβηθήσονται οἱ ἀπὸ δυσμῶν τὸ ὄνομα Κυρίου καὶ οἱ ἀπ̓ ἀνατολῶν ἡλίου τὸ ὄνομα τὸ ἔνδοξον. ἥξει γὰρ ὡσ ποταμὸσ βίαιοσ ἡ ὀργὴ παρὰ Κυρίου, ἥξει μετὰ θυμοῦ. καὶ ἥξει ἕνεκεν Σιὼν ὁ ρυόμενοσ καὶ ἀποστρέψει ἀσεβείασ ἀπὸ Ἰακώβ. καὶ αὕτη αὐτοῖσ ἡ παῤ ἐμοῦ διαθήκη, εἶπε Κύριοσ. τὸ πνεῦμα τὸ ἐμόν, ὅ ἐστιν ἐπὶ σοί, καὶ τὰ ρήματα, ἃ ἔδωκα εἰσ τὸ στόμα σου, οὐ μὴ ἐκλίπῃ ἐκ τοῦ στόματόσ σου καὶ ἐκ τοῦ στόματοσ τοῦ σπέρματόσ σου. εἶπε γὰρ Κύριοσ, ἀπὸ τοῦ νῦν καὶ εἰσ τὸν αἰῶνα.

목록

일치하는 문장이 없습니다.

SEARCH

MENU NAVIGATION