Septuagint, Liber Isaiae 55:

(70인역 성경, 이사야서 55:)

ΟΙ διψῶντεσ, πορεύεσθε ἐφ̓ ὕδωρ, καὶ ὅσοι μὴ ἔχετε ἀργύριον, βαδίσαντεσ ἀγοράσατε, καὶ φάγετε καὶ πίεσθε ἄνευ ἀργυρίου καὶ τιμῆσ οἶνον καὶ στέαρ. ἱνατί τιμᾶσθε ἀργυρίου ἐν οὐκ ἄρτοισ καὶ τὸν μόχθον ὑμῶν οὐκ εἰσ πλησμονήν̣ ἀκούσατέ μου καὶ φάγεσθε ἀγαθά, καὶ ἐντρυφήσει ἐν ἀγαθοῖσ ἡ ψυχὴ ὑμῶν. προσέχετε τοῖσ ὠσὶν ὑμῶν καὶ ἐπακουλουθήσατε ταῖσ ὁδοῖσ μου. εἰσακούσατέ μου, καὶ ζήσεται ἐν ἀγαθοῖσ ἡ ψυχὴ ὑμῶν. καὶ διαθήσομαι ὑμῖν διαθήκην αἰώνιον, τὰ ὅσια Δαυὶδ τὰ πιστά. ἰδοὺ μαρτύριον ἐν ἔθνεσιν ἔδωκα αὐτόν, ἄρχοντα καὶ προστάσσοντα ἔθνεσιν. ἰδοὺ ἔθνη, ἃ οὐκ οἴδασί σε, ἐπικαλέσονταί σε, καὶ λαοί, οἳ οὐκ ἐπίστανταί σε, ἐπὶ σὲ καταφεύξονται ἕνεκεν Κυρίου τοῦ Θεοῦ σου, τοῦ ἁγίου Ἰσραήλ, ὅτι ἐδόξασέ σε. ‐ Ζητήσατε τὸν Κύριον καὶ ἐν τῷ εὑρίσκειν αὐτὸν ἐπικαλέσασθε. ἡνίκα δ̓ ἂν ἐγγίζη ὑμῖν, ἀπολιπέτω ὁ ἀσεβὴσ τὰσ ὁδοὺσ αὐτοῦ καὶ ἀνὴρ ἄνομοσ τὰσ βουλὰσ αὐτοῦ καὶ ἐπιστραφήτω ἐπὶ Κύριον, καὶ ἐλεηθήσεται, ὅτι ἐπὶ πολὺ ἀφήσει τὰσ ἁμαρτίασ ὑμῶν. οὐ γάρ εἰσιν αἱ βουλαί μου ὥσπερ αἱ βουλαὶ ὑμῶν, οὐδ̓ ὥσπερ αἱ ὁδοὶ ὑμῶν αἱ ὁδοί μου, λέγει Κύριοσ. ἀλλ̓ ὡσ ἀπέχει ὁ οὐρανὸσ ἀπὸ τῆσ γῆσ, οὕτωσ ἀπέχει ἡ ὁδόσ μου ἀπὸ τῶν ὁδῶν ὑμῶν καὶ τὰ διανοήματα ὑμῶν ἀπὸ τῆσ διανοίασ μου. ὡσ γὰρ ἂν καταβῇ ὁ ὑετὸσ ἢ χιὼν ἐκ τοῦ οὐρανοῦ καὶ οὐ μὴ ἀποστραφῇ, ἕωσ ἂν μεθύσῃ τὴν γῆν, καὶ ἐκτέκῃ καὶ ἐκβλαστήσῃ καὶ δῷ σπέρμα τῷ σπείραντι καὶ ἄρτον εἰσ βρῶσιν, οὕτωσ ἔσται τὸ ρῆμά μου, ὃ ἐὰν ἐξέλθῃ ἐκ τοῦ στόματόσ μου, οὐ μὴ ἀποστραφῇ, ἕωσ ἂν τελεσθῇ ὅσα ἂν ἠθέλησα καὶ εὐοδώσω τὰσ ὁδούσ μου καὶ τὰ ἐντάλματά μου. ἐν γὰρ εὐφροσύνῃ ἐξελεύσεσθε καὶ ἐν χαρᾷ διδαχθήσεσθε. τὰ γὰρ ὄρη καὶ οἱ βουνοὶ ἐξαλοῦνται προσδεχόμενοι ὑμᾶσ ἐν χαρᾷ, καὶ πάντα τὰ ξύλα τοῦ ἀγροῦ ἐπικροτήσει τοῖσ κλάδοισ, καὶ ἀντὶ τῆσ στοιβῆσ ἀναβήσεται κυπάρισσοσ, ἀντὶ δὲ τῆσ κονύζησ ἀναβήσεται μυρσίνη. και ἔσται Κύριοσ εἰσ ὄνομα καὶ εἰσ σημεῖον αἰώνιον καὶ οὐκ ἐκλείψει.

목록

일치하는 문장이 없습니다.

SEARCH

MENU NAVIGATION