Septuagint, Liber Isaiae 52:

(70인역 성경, 이사야서 52:)

ΕΞΕΓΕΙΡΟΥ ἐξεγείρου, Σιών, ἔνδυσαι τὴν ἰσχύν σου, Σιών, καὶ ἔνδυσαι τὴν δόξαν σου, Ἱερουσαλὴμ πόλισ ἡ ἁγία. οὐκέτι προστεθήσεται διελθεῖν διὰ σοῦ ἀπερίτμητοσ καὶ ἀκάθαρτοσ. ἐκτίναξαι τὸν χοῦν καὶ ἀνάστηθι, κάθισον, Ἱερουσαλήμ. ἔκδυσαι τὸν δεσμὸν τοῦ τραχήλου σου, ἡ αἰχμάλωτοσ θυγάτηρ Σιών. ὅτι τάδε λέγει Κύριοσ. δωρεὰν ἐπράθητε καὶ οὐ μετὰ ἀργυρίου λυτρωθήσεσθε. οὕτωσ λέγει Κύριοσ. εἰσ Αἴγυπτον κατέβη ὁ λαόσ μου τὸ πρότερον παροικῆσαι ἐκεῖ, καὶ εἰσ Ἀσσυρίουσ βίᾳ ἤχθησαν. καὶ νῦν τί ἐστε ὦδε̣ τάδε λέγει Κύριοσ. ὅτι ἐλήφθη ὁ λαόσ μου δωρεάν, θαυμάζετε καὶ ὀλολύζετε. τάδε λέγει Κύριοσ. δἰ ὑμᾶσ διαπαντὸσ τὸ ὄνομά μου βλασφημεῖται ἐν τοῖσ ἔθνεσι. διὰ τοῦτο γνώσεται ὁ λαόσ μου τὸ ὄνομά μου ἐν τῇ ἡμέρᾳ ἐκείνῃ, ὅτι ἐγώ εἰμι αὐτὸσ ὁ λαλῶν. πάρειμι ὡσ ὥρα ἐπὶ τῶν ὀρέων, ὡσ πόδεσ εὐαγγελιζομένου ἀκοὴν εἰρήνησ, ὡσ εὐαγγελιζόμενοσ ἀγαθά, ὅτι ἀκουστὴν ποιήσω τὴν σωτηρίαν σου λέγων Σιών. βασιλεύσει σου ὁ Θεόσ. ὅτι φωνὴ τῶν φυλασσόντων σε ὑψώθη, καὶ τῇ φωνῇ ἅμα εὐφρανθήσονται. ὅτι ὀφθαλμοὶ πρὸσ ὀφθαλμοὺσ ὄψονται, ἡνίκα ἂν ἐλεήσῃ Κύριοσ τὴν Σιών. ρηξάτω εὐφροσύνην ἅμα τὰ ἔρημα Ἱερουσαλήμ, ὅτι ἠλέησε Κύριοσ αὐτὴν καὶ ἐρρύσατο Ἱερουσαλήμ. καὶ ἀποκαλύψει Κύριοσ τὸν βραχίονα τὸν ἅγιον αὐτοῦ ἐνώπιον πάντων τῶν ἐθνῶν, καὶ ὄψονται πάντα ἄκρα τῆσ γῆσ τὴν σωτηρίαν τὴν παρὰ τοῦ Θεοῦ ἡμῶν. ἀπόστητε, ἀπόστητε, ἐξέλθατε ἐκεῖθεν καὶ ἀκαθάρτου μὴ ἅπτεσθε, ἐξέλθετε ἐκ μέσου αὐτῆσ, ἀφορίσθητε, οἱ φέροντεσ τὰ σκεύη Κυρίου. ὅτι οὐ μετὰ ταραχῆσ ἐξελεύσεσθε, οὐδὲ φυγῇ πορεύσεσθε, προπορεύσεται γὰρ πρότεροσ ὑμῶν Κύριοσ καὶ ὁ ἐπισυνάγων ὑμᾶσ Θεὸσ Ἰσραήλ. Ἰδοὺ συνήσει ὁ παῖσ μου καὶ ὑψωθήσεται καὶ δοξασθήσεται καὶ μετεωρισθήσεται σφόδρα. ὃν τρόπον ἐκστήσονται ἐπὶ σὲ πολλοὶ ‐ οὕτωσ ἀδοξήσει ἀπὸ τῶν ἀνθρώπων τὸ εἶδόσ σου καὶ ἡ δόξα σου ἀπὸ υἱῶν ἀνθρώπων ‐ οὕτω θαυμάσονται ἔθνη πολλὰ ἐπ̓ αὐτῷ, καὶ συνέξουσι βασιλεῖσ τὸ στόμα αὐτῶν. ὅτι οἷσ οὐκ ἀνηγγέλη περὶ αὐτοῦ, ὄψονται, καὶ οἳ οὐκ ἀκηκόασι, συνήσουσι.

목록

일치하는 문장이 없습니다.

SEARCH

MENU NAVIGATION