Septuagint, Liber Isaiae 50:

(70인역 성경, 이사야서 50:)

ΟΥΤΩΣ λέγει Κύριοσ. ποῖον τὸ βιβλίον τοῦ ἀποστασίου τῆσ μητρὸσ ὑμῶν, ᾧ ἐξαπέστειλα αὐτήν̣ ἢ τίνι ὑπόχρεῳ πέπρακα ὑμᾶσ̣ ἰδοὺ ταῖσ ἁμαρτίαισ ὑμῶν ἐπράθητε, καὶ ταῖσ ἀνομίαισ ὑμῶν ἐξαπέστειλα τὴν μητέρα ὑμῶν. τί ὅτι ἦλθον καὶ οὐκ ἦν ἄνθρωποσ̣ ἐκάλεσα καὶ οὐκ ἦν ὁ ὑπακούων̣ μὴ οὐκ ἰσχύει ἡ χείρ μου τοῦ ρύσασθαι ἢ οὐκ ἰσχύω τοῦ ἐξελέσθαι̣ ἰδοὺ τῇ ἀπειλῇ μου ἐξερημώσω τὴν θάλασσαν καὶ θήσω ποταμοὺσ ἐρήμουσ, καὶ ξηρανθήσονται οἱ ἰχθύεσ αὐτῶν ἀπὸ τοῦ μὴ εἶναι ὕδωρ καὶ ἀποθανοῦνται ἐν δίψει. ἐνδύσω τὸν οὐρανὸν σκότοσ καὶ ὡσ σάκκον θήσω τὸ περιβόλαιον αὐτοῦ. Κύριοσ δίδωσί μοι γλῶσσαν παιδείασ τοῦ γνῶναι ἡνίκα δεῖ εἰπεῖν λόγον ἔθηκέ μοι πρωί̈ πρωί̈, προσέθηκέ μοι ὠτίον ἀκούειν. καὶ ἡ παιδεία Κυρίου Κυρίου ἀνοίγει μου τὰ ὦτα, ἐγὼ δὲ οὐκ ἀπειθῶ οὐδὲ ἀντιλέγω, τὸν νῶτόν μου ἔδωκα εἰσ μάστιγασ, τὰσ δὲ σιαγόνασ μου εἰσ ραπίσματα, τὸ δὲ πρόσωπόν μου οὐκ ἀπέστρεψα ἀπὸ αἰσχύνησ ἐμπτυσμάτων. καὶ Κύριοσ Κύριοσ βοηθόσ μοι ἐγενήθη, διὰ τοῦτο οὐκ ἐνετράπην, ἀλλὰ ἔθηκα τὸ πρόσωπόν μου ὡσ στερεὰν πέτραν καὶ ἔγνων ὅτι οὐ μὴ αἰσχυνθῶ. ὅτι ἐγγίζει ὁ δικαιώσασ με. τίσ ὁ κρινόμενόσ μοι̣ ἀντιστήτω μοι ἅμα. καὶ τίσ ὁ κρινόμενόσ μοι̣ ἐγγισάτω μοι. ἰδοὺ Κύριοσ Κύριοσ βοηθήσει μοι. τίσ κακώσει με̣ ἰδοὺ πάντεσ ὑμεῖσ ὡσ ἱμάτιον παλαιωθήσεσθε, καὶ ὡσ σὴσ καταφάγεται ὑμᾶσ. Τίσ ἐν ὑμῖν ὁ φοβούμενοσ τὸν Κύριον̣ ὑπακουσάτω τῆσ φωνῆσ τοῦ παιδὸσ αὐτοῦ. οἱ πορευόμενοι ἐν σκότει καὶ οὐκ ἔστιν αὐτοῖσ φῶσ, πεποίθατε ἐπὶ τῷ ὀνόματι Κυρίου καὶ ἀντιστηρίσασθε ἐπὶ τῷ Θεῷ. ἰδοὺ πάντεσ ὑμεῖσ πῦρ καίετε καὶ κατισχύετε φλόγα. πορεύεσθε τῷ φωτὶ τοῦ πυρὸσ ὑμῶν καὶ τῇ φλογί, ᾗ ἐξεκαύσατε. δἰ ἐμὲ ἐγένετο ταῦτα ὑμῖν, ἐν λύπῃ κοιμηθήσεσθε.

목록

일치하는 문장이 없습니다.

SEARCH

MENU NAVIGATION