Septuagint, Liber Isaiae 49:

(70인역 성경, 이사야서 49:)

ΑΚΟΥΣΑΤΕ μου, νῆσοι, καὶ προσέχετε, ἔθνη. διὰ χρόνου πολλοῦ στήσεται, λέγει Κύριοσ. ἐκ κοιλίασ μητρόσ μου ἐκάλεσε τὸ ὄνομά μου καὶ ἔθηκε τὸ στόμα μου ὡσεὶ μάχαιραν ὀξεῖαν καὶ ὑπὸ τὴν σκέπην τῆσ χειρὸσ αὐτοῦ ἔκρυψέ με, ἔθηκέ με ὡσ βέλοσ ἐκλεκτὸν καὶ ἐν τῇ φαρέτρᾳ αὐτοῦ ἔκρυψέ με. καὶ εἶπέ μοι. δοῦλόσ μου εἶ σύ, Ἰσραήλ, καὶ ἐν σοὶ δοξασθήσομαι. καὶ ἐγὼ εἶπα. κενῶσ ἐκοπίασα, εἰσ μάταιον καὶ εἰσ οὐδὲν ἔδωκα τὴν ἰσχύν μου. διὰ τοῦτο ἡ κρίσισ μου παρὰ Κυρίῳ, καὶ ὁ πόνοσ μου ἐναντίον τοῦ Θεοῦ μου. καὶ νῦν οὕτωσ λέγει Κύριοσ ὁ πλάσασ με ἐκ κοιλίασ δοῦλον ἑαυτῷ τοῦ συναγαγεῖν τὸν Ἰακὼβ πρὸσ αὐτὸν καὶ Ἰσραὴλ ‐ συναχθήσομαι καὶ δοξασθήσομαι ἐναντίον Κυρίου, καὶ ὁ Θεόσ μου ἔσται μοι ἰσχὺσ ‐ καὶ εἶπέ μοι. μέγα σοί ἐστι τοῦ κληθῆναί σε παῖδά μου τοῦ στῆσαι τὰσ φυλὰσ Ἰακὼβ καὶ τὴν διασπορὰν τοῦ Ἰσραὴλ ἐπιστρέψαι. ἰδοὺ δέδωκά σε εἰσ διαθήκην γένουσ, εἰσ φῶσ ἐθνῶν τοῦ εἶναί σε εἰσ σωτηρίαν ἕωσ ἐσχάτου τῆσ γῆσ. ‐ Οὕτωσ λέγει Κύριοσ ὁ ρυσάμενόσ σε, ὁ Θεὸσ Ἰσραήλ. ἁγιάσατε τὸν φαυλίζοντα τὴν ψυχὴν αὐτοῦ, τὸν βδελυσσόμενον ὑπὸ τῶν ἐθνῶν τῶν δούλων τῶν ἀρχόντων. βασιλεῖσ ὄψονται αὐτὸν καὶ ἀναστήσονται, ἄρχοντεσ καὶ προσκυνήσουσιν αὐτῷ ἕνεκεν Κυρίου. ὅτι πιστόσ ἐστιν ὁ ἅγιοσ Ἰσραήλ, καὶ ἐξελεξάμην σε. οὕτωσ λέγει Κύριοσ. καιρῷ δεκτῷ ἐπήκουσά σου καὶ ἐν ἡμέρᾳ σωτηρίασ ἐβοήθησά σοι καὶ ἔπλασά σε καὶ ἔδωκά σε εἰσ διαθήκην ἐθνῶν τοῦ καταστῆσαι τὴν γῆν καὶ κληρονομῆσαι κληρονομίασ ἐρήμουσ, λέγοντα τοῖσ ἐν δεσμοῖσ. ἐξέλθετε, καὶ τοῖσ ἐν τῷ σκότει. ἀνακαλυφθῆναι. ἐν πάσαισ ταῖσ ὁδοῖσ βοσκηθήσονται, καὶ ἐν πάσαισ ταῖσ τρίβοισ ἡ νομὴ αὐτῶν. οὐ πεινάσουσιν οὐδὲ διψήσουσιν, οὐδὲ πατάξει αὐτοὺσ καύσων, οὐδὲ ὁ ἥλιοσ, ἀλλ̓ ὁ ἐλεῶν αὐτοὺσ παρακαλέσει καὶ διὰ πηγῶν ὑδάτων ἄξει αὐτούσ. καὶ θήσω πᾶν ὄροσ εἰσ ὁδὸν καὶ πᾶσαν τρίβον εἰσ βόσκημα αὐτοῖσ. ἰδοὺ οὗτοι πόρρωθεν ἔρχονται, οὗτοι ἀπὸ βορρᾶ καὶ οὗτοι ἀπὸ θαλάσσησ, ἄλλοι δὲ ἐκ γῆσ Περσῶν. εὐφραίνεσθαι, οὐρανοί, καὶ ἀγαλλιάσθω, ἡ γῆ, ρηξάτωσαν τὰ ὄρη εὐφροσύνην, ὅτι ἠλέησεν ὁ Θεὸσ τὸν λαὸν αὐτοῦ καὶ τοὺσ ταπεινοὺσ τοῦ λαοῦ αὐτοῦ παρεκάλεσεν. ‐ Εἶπε δὲ Σιών. ἐγκατέλιπέ με Κύριοσ, καὶ ὁ Κύριοσ ἐπελάθετό μου. μὴ ἐπιλήσεται γυνὴ τοῦ παιδίου αὐτῆσ τοῦ μὴ ἐλεῆσαι τὰ ἔκγονα τῆσ κοιλίασ αὐτῆσ̣ εἰ δὲ καὶ ταῦτα ἐπιλάθοιτο γυνή, ἀλλ̓ ἐγὼ οὐκ ἐπιλήσομαί σου, εἶπε Κύριοσ. ἰδοὺ ἐπὶ τῶν χειρῶν μου ἐζωγράφηκά σου τὰ τείχη, καὶ ἐνώπιόν μου εἶ διαπαντόσ. καὶ ταχὺ οἰκοδομηθήσῃ ὑφ̓ ὧν καθῃρέθησ, καὶ οἱ ἐρημώσαντέσ σε ἐξελεύσονται ἐκ σοῦ. ἆρον κύκλῳ τοὺσ ὀφθαλμούσ σου καὶ ἰδὲ πάντασ, ἰδοὺ συνήχθησαν καὶ ἤλθοσαν πρόσ σε. ζῶ ἐγώ, λέγει Κύριοσ, ὅτι πάντασ αὐτοὺσ ὡσ κόσμον ἐνδύσῃ καὶ περιθήσῃ αὐτοὺσ ὡσ κόσμον νύμφησ. ὅτι τὰ ἔρημά σου καὶ τὰ διεφθαρμένα καὶ τὰ πεπτωκότα νῦν στενοχωρήσει ἀπὸ τῶν κατοικούντων, καὶ μακρυνθήσονται ἀπὸ σοῦ οἱ καταπίνοντέσ σε. ἐροῦσι γὰρ εἰσ τὰ ὦτά σου οἱ υἱοί σου, οὓσ ἀπολώλεκασ. στενόσ μοι ὁ τόποσ, ποίησόν μοι τόπον, ἵνα κατοικήσω. καὶ ἐρεῖσ ἐν τῇ καρδίᾳ σου. τίσ ἐγέννησέ μοι τούτουσ̣ ἐγὼ δὲ ἄτεκνοσ καὶ χήρα, τούτουσ δὲ τίσ ἐξέθρεψέ μοι̣ ἐγὼ δὲ κατελείφθην μόνη, οὗτοι δέ μοι ποῦ ἦσαν̣ Οὕτωσ λέγει Κύριοσ Κύριοσ. ἰδοὺ αἴρω εἰσ τὰ ἔθνη τὴν χεῖρά μου καὶ εἰσ τὰσ νήσουσ ἀρῶ σύσσημόν μου, καὶ ἄξουσι τοὺσ υἱούσ σου ἐν κόλπῳ, τὰσ δὲ θυγατέρασ σου ἐπ̓ ὤμων ἀροῦσι, καὶ ἔσονται βασιλεῖσ τιθηνοί σου, αἱ δὲ ἄρχουσαι τροφοί σου. ἐπὶ πρόσωπον τῆσ γῆσ προσκυνήσουσί σε καὶ τὸν χοῦν τῶν ποδῶν σου λείξουσι. καὶ γνώσῃ ὅτι ἐγὼ Κύριοσ, καὶ οὐκ αἰσχυνθήσονται οἱ ὑπομένοντέσ με. μὴ λήψεταί τισ παρὰ γίγαντοσ σκῦλα̣ καὶ ἐὰν αἰχμαλωτεύσῃ τισ ἀδίκωσ, σωθήσεται̣ οὕτωσ λέγει Κύριοσ. ἐάν τισ αἰχμαλωτεύσῃ γίγαντα, λήψεται σκύλα. λαμβάνων δὲ παρὰ ἰσχύοντοσ σωθήσεται. ἐγὼ δὲ τὴν κρίσιν σου κρινῶ, καὶ ἐγὼ τοὺσ υἱούσ σου ρύσομαι. καὶ φάγονται οἱ θλίψαντέσ σε τὰσ σάρκασ αὐτῶν καὶ πίονται ὡσ οἶνον νέον τὸ αἷμα αὐτῶν καὶ μεθυσθήσονται, καὶ αἰσθανθήσεται πᾶσα σάρξ ὅτι ἐγὼ Κύριοσ ὁ ρυσάμενόσ σε καὶ ἀντιλαμβανόμενοσ ἰσχύοσ Ἰακώβ.

목록

일치하는 문장이 없습니다.

SEARCH

MENU NAVIGATION