Septuagint, Liber Isaiae 40:

(70인역 성경, 이사야서 40:)

ΠΑΡΑΚΑΛΕΙΤΕ παρακαλεῖτε τὸν λαόν μου, λέγει ὁ Θεόσ. ἱερεῖσ, λαλήσατε εἰσ τὴν καρδίαν Ἱερουσαλήμ, παρακαλέσατε αὐτήν. ὅτι ἐπλήσθη ἡ ταπείνωσισ αὐτῆσ, λέλυται αὐτῆσ ἡ ἁμαρτία. ὅτι ἐδέξατο ἐκ χειρὸσ Κυρίου διπλᾶ τὰ ἁμαρτήματα αὐτῆσ. φωνὴ βοῶντοσ ἐν τῇ ἐρήμῳ. ἑτοιμάσατε τὴν ὁδὸν Κυρίου. εὐθείασ ποιεῖτε τὰσ τρίβουσ τοῦ Θεοῦ ἡμῶν. πᾶσα φάραγξ πληρωθήσεται καὶ πᾶν ὄροσ καὶ βουνὸσ ταπεινωθήσεται, καὶ ἔσται πάντα τὰ σκολιὰ εἰσ εὐθεῖαν καὶ ἡ τραχεῖα εἰσ ὁδοὺσ λείασ. καὶ ὀφθήσεται ἡ δόξα Κυρίου, καὶ ὄψεται πᾶσα σάρξ τὸ σωτήριον τοῦ Θεοῦ, ὅτι Κύριοσ ἐλάλησε. φωνὴ λέγοντοσ. βόησον. καὶ εἶπα. τί βοήσω̣ πᾶσα σάρξ χόρτοσ, καὶ πᾶσα δόξα ἀνθρώπου ὡσ ἄνθοσ χόρτου. ἐξηράνθη ὁ χόρτοσ, καὶ τὸ ἄνθοσ ἐξέπεσε, τὸ δὲ ρῆμα τοῦ Θεοῦ ἡμῶν μένει εἰσ τὸν αἰῶνα. ἐπ̓ ὄροσ ὑψηλὸν ἀνάβηθι, ὁ εὐαγγελιζόμενοσ Σιών. ὕψωσον ἐν ἰσχύϊ τὴν φωνή σου, ὁ εὐαγγελιζόμενοσ Ἱερουσαλήμ. ὑψώσατε, μὴ φοβεῖσθε. εἰπὸν ταῖσ πόλεσιν Ἰούδα. ἰδοὺ ὁ Θεὸσ ὑμῶν. ἰδοὺ Κύριοσ Κύριοσ μετὰ ἰσχύοσ ἔρχεται καὶ ὁ βραχίων μετὰ κυρίασ. ἰδοὺ ὁ μισθὸσ αὐτοῦ μετ̓ αὐτοῦ καὶ τὸ ἔργον ἐναντίον αὐτοῦ. ὡσ ποιμὴν ποιμανεῖ τὸ ποίμνιον αὐτοῦ καὶ τῷ βραχίονι αὐτοῦ συνάξει ἄρνασ καὶ ἐν γαστρὶ ἐχούσασ παρακαλέσει. Τί ἐμέτρησε τῇ χειρὶ τὸ ὕδωρ καὶ τὸν οὐρανὸν σπιθαμῇ καὶ πᾶσαν τὴν γῆν δρακί̣ τίσ ἔστησε τὰ ὄρη σταθμῷ καὶ τὰσ νάπασ ζυγῷ̣ τίσ ἔγνω νοῦν Κυρίου, καὶ τίσ αὐτοῦ σύμβουλοσ ἐγένετο, ὃσ συμβιβᾷ αὐτόν̣ ἢ πρὸσ τίνα συνεβουλεύσατο καὶ συνεβίβασεν αὐτόν̣ ἢ τίσ ἔδειξεν αὐτῷ κρίσιν̣ ἢ ὁδὸν συνέσεωσ τίσ ἔδειξεν αὐτῷ̣ εἰ πάντα τὰ ἔθνη ὡσ σταγὼν ἀπὸ κάδου καὶ ὡσ ροπὴ ζυγοῦ ἐλογίσθησαν καὶ ὡσ σίελοσ λογισθήσονται. ὁ δὲ Λίβανοσ οὐχ ἱκανὸσ εἰσ καῦσιν, καὶ πάντα τὰ τετράποδα οὐχ ἱκανὰ εἰσ ὁλοκάρπωσιν, καὶ πάντα τὰ ἔθνη ὡσ οὐδέν εἰσι καὶ εἰσ οὐθὲν ἐλογίσθησαν. τίνι ὡμοιώσατε Κύριον καὶ τίνι ὁμοιώματι ὡμοιώσατε αὐτόν̣ μὴ εἰκόνα ἐποίησε τέκτων, ἢ χρυσοχόοσ χωνεύσασ χρυσίον περιεχρύσωσεν αὐτόν, ὁμοίωμα κατεσκεύασεν αὐτόν̣ ξύλον γὰρ ἄσηπτον ἐκλέγεται τέκτων καὶ σοφῶσ ζητεῖ πῶσ στήσει εἰκόνα αὐτοῦ καὶ ἵνα μὴ σαλεύητε. οὐ γνώσεσθε̣ οὐκ ἀκούσεσθε̣ οὐκ ἀνηγγέλη ἐξ ἀρχῆσ ὑμῖν̣ οὐκ ἔγνωτε τὰ θεμέλια τῆσ γῆσ̣ ὁ κατέχων τὸν γῦρον τῆσ γῆσ, καὶ οἱ ἐνοικοῦντεσ ἐν αὐτῇ ὡσ ἀκρίδεσ, ὁ στήσασ ὡσ καμάραν τὸν οὐρανὸν καὶ διατείνασ ὡσ σκηνὴν κατοικεῖν, ὁ διδοὺσ ἄρχοντασ ὡσ οὐδὲν ἄρχειν, τὴν δὲ γῆν ὡσ οὐδὲν ἐποίησεν. οὐ γὰρ μὴ φυτεύσωσιν, οὐδὲ μὴ σπείρωσιν, οὐδὲ μὴ ριζωθῇ εἰσ τὴν γῆν ἡ ρίζα αὐτῶν. ἔπνευσεν ἐπ̓ αὐτοὺσ καὶ ἐξηράνθησαν, καὶ καταιγὶσ ὡσ φρύγανα λήψεται αὐτούσ. νῦν οὖν τίνι με ὡμοιώσατε καὶ ὑψωθήσομαι̣ εἶπεν ὁ ἅγιοσ. ἀναβλέψατε εἰσ ὕψοσ τοὺσ ὀφθαλμοὺσ ὑμῶν καὶ ἴδετε, τίσ κατέδειξε ταῦτα πάντα̣ ὁ ἐκφέρων κατ̓ ἀριθμὸν τὸν κόσμον αὐτοῦ πάντασ ἐπ̓ ὀνόματι καλέσει. ἀπὸ πολλῆσ δόξησ καὶ ἐν κράτει ἰσχύοσ αὐτοῦ οὐδέν σε ἔλαθε. Μὴ γὰρ εἶπῃσ, Ἰακώβ, καὶ τί ἐλάλησασ, Ἰσραήλ. ἀπεκρύβη ἡ ὁδόσ μου ἀπὸ τοῦ Θεοῦ, καὶ ὁ Θεόσ μου τὴν κρίσιν ἀφεῖλε καὶ ἀπέστη̣ καὶ νῦν οὐκ ἔγνωσ εἰ μὴ ἤκουσασ̣ Θεὸσ αἰώνιοσ ὁ Θεὸσ ὁ κατασκευάσασ τὰ ἄκρα τῆσ γῆσ, οὐ πεινάσει, οὐδὲ κοπιάσει, οὐδέ ἐστιν ἐξεύρεσισ τῆσ φρονήσεωσ αὐτοῦ. διδοὺσ τοῖσ πεινῶσιν ἰσχὺν καὶ τοῖσ μὴ ὀδυνωμένοισ λύπην. πεινάσουσι γὰρ νεώτεροι, καὶ κοπιάσουσι νεανίσκοι, καὶ ἐκλεκτοὶ ἀνίσχυεσ ἔσονται. οἱ δὲ ὑπομένοντεσ τὸν Θεὸν ἀλλάξουσιν ἰσχύν, πτεροφυήσουιν ὡσ ἀετοί, δραμοῦνται καὶ οὐ κοπιάσουσι, βαδιοῦνται καὶ οὐ πεινάσουσιν.

목록

일치하는 문장이 없습니다.

SEARCH

MENU NAVIGATION