Septuagint, Liber Isaiae 33:

(70인역 성경, 이사야서 33:)

ΟΥΑΙ τοῖσ ταλαιπωροῦσιν ὑμᾶσ, ὑμᾶσ δὲ οὐδεὶσ ποιεῖ ταλαιπώρουσ, καὶ ὁ ἀθετῶν ὑμᾶσ οὐκ ἀθετεῖ. ἁλώσονται οἱ ἀθετοῦντεσ καὶ παραδοθήσονται καὶ ὡσ σὴσ ἐφ̓ ἱματίου, οὕτωσ ἡττηθήσονται. Κύριε, ἐλέησον ἡμᾶσ, ἐπὶ σοὶ γὰρ πεποίθαμεν. ἐγενήθη τὸ σπέρμα τῶν ἀπειθούντων εἰσ ἀπώλειαν, ἡ δὲ σωτηρία ἡμῶν ἐν καιρῷ θλίψεωσ. διὰ φωνὴν τοῦ φόβου ἐξέστησαν λαοὶ ἀπὸ τοῦ φόβου σου, καὶ διεσπάρησαν τὰ ἔθνη. νῦν δὲ συναχθήσεται τὰ σκῦλα ὑμῶν μικροῦ καὶ μεγάλου. ὃν τρόπον ἐάν τισ συναγάγη ἀκρίδασ, οὕτωσ ἐμπαίξουσιν ὑμῖν. ἅγιοσ ὁ Θεὸσ ὁ κατοικῶν ἐν ὑψηλοῖσ, ἐνεπλήσθη Σιὼν κρίσεωσ καὶ δικαιοσύνησ. ἐν νόμῳ παραδοθήσονται, ἐν θησαυροῖσ ἡ σωτηρία ἡμῶν, ἐκεῖ σοφία καὶ ἐπιστήμη καὶ εὐσέβεια πρὸσ τὸν Κύριον. οὗτοί εἰσι θησαυροὶ δικαιοσύνησ. ἰδοὺ δὴ ἐν τῷ φόβῳ ὑμῶν αὐτοὶ φοβηθήσονται. οὓσ ἐφοβεῖσθε, φοβηθήσονται ἀφ̓ ὑμῶν. ἄγγελοι γὰρ ἀποσταλήσονται πικρῶσ κλαίοντεσ, παρακαλοῦντεσ εἰρήνην. ἐρημωθήσονται γὰρ αἱ τούτων ὁδοί. πέπαυται ὁ φόβοσ τῶν ἐθνῶν, καὶ ἡ πρὸσ τούτουσ διαθήκη αἴρεται, καὶ οὐ μὴ λογίσησθε αὐτοὺσ ἀνθρώπουσ. ἐπένθησεν ἡ γῆ, ᾐσχύνθη ὁ Λίβανοσ, ἕλη ἐγένετο ὁ Σάρων. φανερὰ ἔσται ἡ Γαλιλαία καὶ ὁ Κάρμηλοσ. νῦν ἀναστήσομαι, λέγει Κύριοσ, νῦν δοξασθήσομαι, νῦν ὑψωθήσομαι. νῦν ὄψεσθε, νῦν αἰσθηθήσεσθε. ματαία ἔσται ἡ ἰσχὺσ τοῦ πνεύματοσ ὑμῶν, πῦρ κατέδεται ὑμᾶσ. καὶ ἔσονται ἔθνη κατακεκαυμένα ὡσ ἄκανθα ἐν ἀγρῷ ἐρριμμένη καὶ κατακεκαυμένη. ἀκούσονται οἱ πόρρωθεν ἃ ἐποίησα, γνώσονται οἱ ἐγγίζοντεσ τὴν ἰσχύν μου. ἀπέστησαν οἱ ἐν Σιὼν ἄνομοι, λήψεται τρόμοσ τοὺσ ἀσεβεῖσ. τίσ ἀναγγελεῖ ὑμῖν, ὅτι πῦρ καίεται̣ τίσ ἀναγγελεῖ ὑμῖν τὸν τόπον τὸν αἰώνιον̣ πορευόμενοσ ἐν διακαιοσύνῃ, λαλῶν εὐθεῖαν ὁδόν, μισῶν ἀνομίαν καὶ ἀδικίαν καὶ τὰσ χεῖρασ ἀποσειόμενοσ ἀπὸ δώρων, βαρύνων τὰ ὦτα, ἵνα μὴ ἀκούσῃ κρίσιν αἵματοσ, καμμύων τοὺσ ὀφθαλμούσ, ἵνα μὴ ἴδῃ ἀδικίαν, οὗτοσ οἰκήσει ἐν ὑψηλῷ σπηλαίῳ πέτρασ ἰσχυρᾶσ. ἄρτοσ αὐτῷ δοθήσεται, καὶ τὸ ὕδωρ αὐτοῦ πιστόν. βασιλέα μετὰ δόξησ ὄψεσθε, καὶ οἱ ὀφθαλμοὶ ὑμῶν ὄψονται γῆ πόρρωθεν. ἡ ψυχὴ ἡμῶν μελετήσει φόβον. ποῦ εἰσιν οἱ γραμματικοί̣ ποῦ εἰσιν οἱ συμβουλεύοντεσ̣ ποῦ ἔστιν ὁ ἀριθμῶν τοὺσ στρεφομένους μικρὸν καὶ μέγα λαόν̣ ᾧ οὐ συνεβουλεύσατο, οὐδὲ ᾔδει βαθύφωνον ὥστε μὴ ἀκοῦσαι λαὸσ πεφαυλισμένοσ καὶ οὐκ ἔστι τῷ ἀκούοντι σύνεσισ. ἰδοὺ Σιὼν ἡ πόλισ, τὸ σωτήριον ἡμῶν. οἱ ὀφθαλμοί σου ὄψονται Ἱερουσαλήμ, πόλισ πλουσία, σκηναί, αἳ οὐ μὴ σεισθῶσιν, οὐδὲ μὴ κινηθῶσιν οἱ πάσσαλοι τῆσ σκηνῆσ αὐτῆσ εἰσ τὸν αἰῶνα χρόνον, οὐδὲ τὰ σχοινία αὐτῆσ οὐ μὴ διαρραγῶσιν. ὅτι τὸ ὄνομα Κυρίου μέγα ὑμῖν. τόποσ ὑμῖν ἔσται, ποταμοὶ καὶ διώρυχεσ πλατεῖσ καὶ εὐρύχωροι. οὐ πορεύσῃ ταύτην τὴν ὁδόν, οὐδὲ πορεύσεται πλοῖον ἐλαῦνον. ὁ γὰρ Θεόσ μου μέγασ ἐστίν, οὐ παρελεύσεταί με Κύριοσ. κριτὴσ ἡμῶν Κύριοσ, ἄρχων ἡμῶν Κύριοσ, βασιλεὺσ ἡμῶν Κύριοσ, οὗτοσ ἡμᾶσ σώσει. ἐρράγησαν τὰ σχοινία σου, ὅτι οὐκ ἐνίσχυσαν. ὁ ἱστόσ σου ἔκλινεν, οὐ χαλάσει τὰ ἱστία. οὐκ ἀρεῖ σημεῖον, ἕωσ οὗ παραδοθῇ εἰσ προνομήν. τοίνυν πολλοὶ χωλοὶ προνομὴν ποιήσουσι. καὶ οὐ μὴ εἴπῃ. κοπιῶ, ὁ λαὸσ ἐνοικῶν ἐν αὐτοῖσ. ἀφέθη γὰρ αὐτοῖσ ἡ ἁμαρτία.

목록

일치하는 문장이 없습니다.

SEARCH

MENU NAVIGATION