Septuagint, Liber Isaiae 32:

(70인역 성경, 이사야서 32:)

ΙΔΟΥ γὰρ βασιλεὺσ δίκαιοσ βασιλεύσει, καὶ ἄρχοντεσ μετὰ κρίσεωσ ἄρξουσι. καὶ ἔσται ὁ ἄνθρωποσ κρύπτων τοὺσ λόγουσ αὐτοῦ καὶ κρυβήσεται ὡσ ἀφ̓ ὕδατοσ φερομένου. καὶ φανήσεται ἐν Σιὼν ὡσ ποταμὸσ φερόμενοσ ἔνδοξοσ ἐν γῇ διψώσῃ. καὶ οὐκέτι ἔσονται πεποιθότεσ ἐπ̓ ἀνθρώποισ, ἀλλὰ τὰ ὦτα ἀκούειν δώσουσι. καὶ ἡ καρδία τῶν ἀσθενούντων προσέξει τοῦ ἀκούειν, καὶ αἱ γλῶσσαι αἱ ψελλίζουσαι ταχὺ μαθήσονται λαλεῖν εἰρήνην. καὶ οὐκέτι μὴ εἴπωσι τῷ μωρῷ ἄρχειν, καὶ οὐκέτι μὴ εἴπωσιν οἱ ὑπηρέται σου. σίγα. ὁ γὰρ μωρὸσ μωρὰ λαλήσει, καὶ ἡ καρδία αὐτοῦ μάταια νοήσει τοῦ συντελεῖν ἄνομα καὶ λαλεῖν πρὸσ Κύριον πλάνησιν, τοῦ διασπεῖραι ψυχὰσ πεινώσασ καὶ τὰσ ψυχὰσ τὰσ διψώσασ κενὰσ ποιῆσαι. ἡ γὰρ βουλὴ τῶν πονηρῶν ἄνομα βουλεύσεται καταφθεῖραι ταπεινοὺσ ἐν λόγοισ ἀδίκοισ καὶ διασκεδάσαι λόγουσ ταπεινῶν ἐν κρίσει. οἱ δὲ εὐσεβεῖσ συνετὰ ἐβουλεύσαντο, καὶ αὕτη ἡ βουλὴ μενεῖ. Γυναῖκεσ πλούσιαι, ἀνάστητε, καὶ ἀκούσατε τῆσ φωνῆσ μου. θυγατέρεσ ἐν ἐλπίδι, εἰσακούσατε λόγουσ μου. ἡμέρασ ἐνιαυτοῦ μνείαν ποιήσασθε ἐν ὀδύνῃ μετ̓ ἐλπίδοσ. ἀνήλωται ὁ τρυγητόσ, πέπαυται ὁ σπόροσ καὶ οὐκέτι μὴ ἔλθῃ. ἔκστητε, λυπήθητε, αἱ πεποιθυῖαι, ἐκδύσασθε, γυμναὶ γένεσθε, περιζώσασθε σάκκουσ τὰσ ὀσφύας καὶ ἐπὶ τῶν μαστῶν κόπτεσθε ἀπὸ ἀγροῦ ἐπιθυμήματοσ καὶ ἀμπέλου γεννήματοσ. ἡ γῆ τοῦ λαοῦ μου, ἄκανθα καὶ χόρτοσ ἀναβήσεται, καὶ ἐκ πάσησ οἰκίασ εὐφροσύνη ἀρθήσεται. πόλισ πλουσία, οἶκοι ἐγκαταλελειμμένοι πλοῦτον πόλεωσ καὶ οἴκουσ ἐπιθυμήματοσ ἀφήσουσι. καὶ ἔσονται αἱ κῶμαι σπήλαια ἕωσ τοῦ αἰῶνοσ, εὐφροσύνη ὄνων ἀγρίων, βοσκήματα ποιμένων, ἕωσ ἂν ἔλθῃ ἐφ̓ ὑμᾶσ πνεῦμα ἀφ̓ ὑψηλοῦ. καὶ ἔσται ἔρημοσ ὁ Χέρμελ, καὶ ὁ Χέρμελ εἰσ δρυμὸν λογισθήσεται. καὶ ἀναπαύσεται ἐν τῇ ἐρήμῳ κρίμα, καὶ δικαιοσύνη ἐν τῷ Καρμήλῳ κατοικήσει. καὶ ἔσται τὰ ἔργα τῆσ δικαιοσύνησ εἰρήνη, καὶ κρατήσει ἡ δικαιοσύνη ἀνάπαυσιν, καὶ πεποιθότεσ ἕωσ τοῦ αἰῶνοσ. καὶ κατοικήσει ὁ λαὸσ αὐτοῦ ἐν πόλει εἰρήνησ καὶ ἐνοικήσει πεποιθώσ, καὶ ἀναπαύσονται μετὰ πλούτου. ἡ δὲ χάλαζα ἐὰν καταβῇ, οὐκ ἐφ̓ ὑμᾶσ ἥξει. καὶ ἔσονται οἱ ἐνοικοῦντεσ ἐν τοῖσ δρυμοῖσ πεποιθότεσ ὡσ οἱ ἐν τῇ πεδινῇ. μακάριοι οἱ σπείροντεσ ἐπὶ πᾶν ὕδωρ, οὗ βοῦσ καὶ ὄνοσ πατεῖ.

목록

일치하는 문장이 없습니다.

SEARCH

MENU NAVIGATION