Septuagint, Liber Isaiae 30:

(70인역 성경, 이사야서 30:)

ΟΥΑΙ τέκνα ἀποστάται, τάδε λέγει Κύριοσ. ἐποιήσατε βουλήν οὐ δἰ ἐμοῦ καὶ συνθήκασ οὐ διὰ τοῦ πνεύματόσ μου προσθεῖναι ἁμαρτίασ ἐφ̓ ἁμαρτίασ, οἱ πορευόμενοι καταβῆναι εἰσ Αἴγυπτον, ἐμὲ δὲ οὐκ ἐπηρώτησαν, τοῦ βοηθηθῆναι ὑπὸ Φαραὼ καὶ σκεπασθῆναι ὑπὸ Αἰγυπτίων. ἔσται γὰρ ὑμῖν σκέπη Φαραὼ εἰσ αἰσχύνην καὶ τοῖσ πεποιθόσιν ἐπ̓ Αἴγυπτον ὄνειδοσ. ὅτι εἰσὶν ἐν Τάνει ἀρχηγοὶ ἄγγελοι πονηροί. μάτην κοπιάσουσι πρὸσ λαόν, ὃσ οὐκ ὠφελήσει αὐτοὺσ οὔτε εἰσ βοήθειαν, οὔτε εἰσ ὠφέλειαν, ἀλλὰ εἰσ αἰσχύνην καὶ ὄνειδοσ. Ἡ ὅρασισ τῶν τετραπόδων τῶν ἐν τῇ ἐρήμῳ. ‐ Ἐν τῇ θλίψει καὶ τῇ στενοχωρίᾳ, λέων καὶ σκύμνοσ λέοντοσ ἐκεῖθεν καὶ ἀσπίδεσ καὶ ἔκγονα ἀσπίδων πετομένων, οἳ ἔφερον ἐπὶ ὄνων καὶ καμήλων τὸν πλοῦτον αὐτῶν πρὸσ ἔθνοσ, ὃ οὐκ ὠφελήσει αὐτούσ. Αἰγύπτιοι μάταια καὶ κενὰ ὠφελήσουσιν ὑμᾶσ. ἀπάγγειλον αὐτοῖσ, ὅτι ματαία ἡ παράκλησισ ὑμῶν αὕτη. ‐ Νῦν οὖν καθίσασ γράψον ἐπὶ πυξίου ταῦτα καὶ εἰσ βιβλίον, ὅτι ἔσται εἰσ ἡμέρασ καιρὸν ταῦτα καὶ ἕωσ εἰσ τὸν αἰῶνα. ὅτι λαὸσ ἀπειθήσ ἐστιν, υἱοὶ ψευδεῖσ, οἳ οὐκ ἠβούλοντο ἀκούειν τὸν νόμον τοῦ Θεοῦ, οἱ λέγοντεσ τοῖσ προφήταισ. μὴ ἀναγγέλλετε ἡμῖν, καὶ τοῖσ τὰ ὁράματα ὁρῶσι. μὴ λαλεῖτε ἡμῖν, ἀλλὰ ἡμῖν λαλεῖτε καὶ ἀναγγέλλετε ἡμῖν ἑτέραν πλάνησιν. καὶ ἀποστρέψατε ἡμᾶσ ἀπὸ τῆσ ὁδοῦ ταύτησ, ἀφέλετε ἀφ̓ ἡμῶν τὸν τρίβον τοῦτον καὶ ἀφέλετε ἀφ̓ ἡμῶν τὸν ἅγιον τοῦ Ἰσραήλ, διὰ τοῦτο τάδε λέγει ὁ ἅγιοσ τοῦ Ἰσραήλ. ὅτι ἠπειθήσατε τοῖσ λόγοισ τούτοισ καὶ ἠλπίσατε ἐπὶ ψεύδει καὶ ὅτι ἐγόγγυσασ καὶ πεποιθὼσ ἐγένου ἐπὶ τῷ λόγῳ τούτῳ, διὰ τοῦτο ἔσται ὑμῖν ἡ ἁμαρτία αὕτη ὡσ τεῖχοσ πῖπτον παραχρῆμα πόλεωσ ὀχυρᾶσ ἑαλωκυίασ, ἧσ παραχρῆμα πάρεστι τὸ πτῶμα, καὶ τὸ πτῶμα αὐτῆσ ἔσται ὡσ σύντριμμα ἀγγείου ὀστρακίνου, ἐκ κεραμίου λεπτὰ ὥστε μὴ εὑρεῖν ἐν αὐτοῖσ ὄστρακον, ἐν ᾧ πῦρ ἀρεῖσ καὶ ἐν ᾧ ἀποσυριεῖσ ὕδωρ μικρόν. οὕτω λέγει Κύριοσ Κύριοσ ὁ ἅγιοσ τοῦ Ἰσραήλ. ὅταν ἀποστραφεὶσ στενάξῃσ, τότε σωθήσῃ καὶ γνώσῃ ποῦ ἦσθα. ὅτε ἐπεποίθεισ ἐπὶ τοῖσ ματαίοισ, ματαία ἡ ἰσχὺσ ὑμῶν ἐγενήθη. καὶ οὐκ ἠβούλεσθε ἀκούειν, ἀλλ̓ εἴπατε. ἐφ̓ ἵππων φευξόμεθα. διὰ τοῦτο φεύξεσθε. καὶ εἴπατε. ἐπὶ κούφοισ ἀναβάται ἐσόμεθα. διὰ τοῦτο κοῦφοι ἔσονται οἱ διώκοντεσ ὑμᾶσ. χίλιοι διὰ φωνὴν ἑνὸσ φεύξονται, καὶ διὰ φωνὴν πέντε φεύξονται πολλοί, ἕωσ ἂν καταλειφθῆτε ὡσ ἱστὸσ ἐπ̓ ὄρουσ, καὶ ὡσ σημαίαν φέρων ἐπὶ βουνοῦ. καὶ πάλιν μενεῖ ὁ Θεὸσ τοῦ οἰκτειρῆσαι ὑμᾶσ καὶ διὰ τοῦτο ὑψωθήσεται τοῦ ἐλεῆσαι ὑμᾶσ. διότι κριτὴσ Κύριοσ ὁ Θεὸσ ὑμῶν ἐστι, καὶ ποῦ καταλείψεται τὴν δόξαν ὑμῶν̣ μακάριοι οἱ ἐμμένοντεσ ἐπ̓ αὐτῷ. Διότι λαὸσ ἅγιοσ ἐν Σιὼν οἰκήσει, καὶ Ἱερουσαλὴμ κλαυθμῷ ἔκλαυσεν. ἐλέησόν με. ἐλεήσει σε τὴν φωνὴν τῆσ κραυγῆσ σου. ἡνίκα εἶδεν, ἐπήκουσέ σου. καὶ δώσει Κύριοσ ὑμῖν ἄρτον θλίψεωσ καὶ ὕδωρ στενόν, καὶ οὐκέτι μὴ ἐγγίσωσί σοι οἱ πλανῶντέσ σε. ὅτι οἱ ὀφθαλμοί σου ὄψονται τοὺσ πλανῶντάσ σε, καὶ τὰ ὦτά σου ἀκούσονται τοὺσ λόγουσ τῶν ὀπίσω σε πλανησάντων, οἱ λέγοντεσ. αὕτη ἡ ὁδόσ, πορευθῶμεν ἐν αὐτῇ εἴτε δεξιὰ εἴτε ἀριστερά. καὶ ἐξαρεῖσ τὰ εἴδωλα τὰ περιηργυρωμένα καὶ τὰ περικεχρυσωμένα, λεπτὰ ποιήσεισ καὶ λικμήσεισ ὡσ ὕδωρ ἀποκαθημένησ καὶ ὡσ κόπρον ὤσεισ αὐτά. τότε ἔσται ὁ ὑετὸσ τῷ σπέρματι τῆσ γῆσ σου, καὶ ὁ ἄρτοσ τοῦ γεννήματοσ τῆσ γῆσ σου ἔσται πλησμονὴ καὶ λιπαρόσ. καὶ βοσκηθήσεταί σου τὰ κτήνη τῇ ἡμέρᾳ ἐκείνῃ τόπον πίονα καὶ εὐρύχωρον, οἱ ταῦροι ὑμῶν καὶ οἱ βόεσ οἱ ἐργαζόμενοι τὴν γῆν φάγονται ἄχυρα ἀναπεποιημένα ἐν κριθῇ λελικμημένα. καὶ ἔσται ἐπὶ παντὸσ ὄρουσ ὑψηλοῦ καὶ ἐπὶ παντὸσ βουνοῦ μετεώρου ὕδωρ διαπορευόμενον ἐν τῇ ἡμέρᾳ ἐκείνῃ, ὅταν ἀπόλωνται πολλοὶ καὶ ὅταν πέσωσι πύργοι. καὶ ἔσται τὸ φῶσ τῆσ σελήνησ ὡσ τὸ φῶσ τοῦ ἡλίου καὶ τὸ φῶσ τοῦ ἡλίου ἔσται ἑπταπλάσιον ἐν τῇ ἡμέρᾳ, ὅταν ἰάσηται Κύριοσ τὸ σύντριμμα τοῦ λαοῦ αὐτοῦ, καὶ τὴν ὀδύνην τῆσ πληγῆσ σου ἰάσεται. Ἰδοὺ τὸ ὄνομα Κυρίου ἔρχεται διὰ χρόνου πολλοῦ, καιόμενοσ ὁ θυμόσ, μετὰ δόξησ τὸ λόγιον τῶν χειλέων αὐτοῦ, λόγιον ὀργῆσ πλῆρεσ, καὶ ἡ ὀργὴ τοῦ θυμοῦ ὡσ πῦρ ἔδεται. καὶ τὸ πνεῦμα αὐτοῦ ὡσ ὕδωρ ἐν φάραγγι σῦρον ἥξει ἕωσ τοῦ τραχήλου καὶ διαιρεθήσεται τοῦ ταράξαι ἔθνη ἐπὶ πλανήσει ματαίᾳ, καὶ διώξεται αὐτοὺσ πλάνησισ καὶ λήψεται αὐτοὺσ κατὰ πρόσωπον αὐτῶν. μὴ διαπαντὸσ δεῖ ὑμᾶσ εὐφραίνεσθαι καὶ εἰσπορεύεσθαι εἰσ τὰ ἅγιά μου διαπαντὸσ ὡσεὶ ἑορτάζοντασ καὶ ὡσεὶ εὐφραινομένουσ εἰσελθεῖν μετὰ αὐλοῦ εἰσ τὸ ὄροσ Κυρίου πρὸσ τὸν Θεὸν τοῦ Ἰσραήλ̣ καὶ ἀκουστὴν ποιήσει Κύριοσ τὴν δόξαν τῆσ φωνῆσ αὐτοῦ, καὶ τὸν θυμὸν τοῦ βραχίονοσ αὐτοῦ δείξει μετὰ θυμοῦ καὶ ὀργῆσ καὶ φλογὸσ κατεσθιούσησ. κεραυνώσει βιαίωσ καὶ ὡσ ὕδωρ καὶ χάλαζα συγκαταφερομένη βίᾳ. διὰ γὰρ τῆσ φωνῆσ Κυρίου ἡττηθήσονται Ἀσσύριοι τῇ πληγῇ, ᾗ ἂν πατάξῃ αὐτούσ. καὶ ἔσται αὐτῷ κυκλόθεν, ὅθεν ἦν αὐτῶν ἡ ἐλπὶσ τῆσ βοηθείασ, ἐφ̓ ᾗ αὐτὸσ ἐπεποίθει. αὐτοὶ μετὰ αὐλῶν καὶ κιθάρασ πολεμήσουσιν αὐτὸν ἐκ μεταβολῆσ. σὺ γὰρ πρὸ ἡμερῶν ἀπαιτηθήσῃ. μὴ καὶ σοὶ ἡτοιμάσθη βασιλεύειν, φάραγγα βαθεῖαν. ξύλα κείμενα, πῦρ καὶ ξύλα πολλά̣ ὁ θυμὸσ Κυρίου ὡσ φάραγξ ὑπὸ θείου καιομένη.

목록

일치하는 문장이 없습니다.

SEARCH

MENU NAVIGATION