Septuagint, Liber Isaiae 24:

(70인역 성경, 이사야서 24:)

ΙΔΟΥ Κύριοσ καταφθείρει τὴν οἰκουμένην καὶ ἐρημώσει αὐτὴν καὶ ἀνακαλύψει τὸ πρόσωπον αὐτῆσ καὶ διασπερεῖ τοὺσ ἐνοικοῦντασ ἐν αὐτῇ. καὶ ἔσται ὁ λαὸσ ὡσ ὁ ἱερεὺσ καὶ ὁ παῖσ ὡσ ὁ κύριοσ καὶ ἡ θεράπαινα ὡσ ἡ κυρία. ἔσται ὁ ἀγοράζων ὡσ ὁ πωλῶν, ὁ δανείζων ὡσ ὁ δανειζόμενοσ καὶ ὁ ὀφείλων ὡσ ᾧ ὀφείλει. φθορᾷ φθαρήσεται ἡ γῆ, καὶ προνομῇ προνομευθήσεται ἡ γῆ. τὸ γὰρ στόμα Κυρίου ἐλάλησε ταῦτα. ἐπένθησεν ἡ γῆ, καὶ ἐφθάρη ἡ οἰκουμένη, ἐπένθησαν οἱ ὑψηλοὶ τῆσ γῆσ. ἡ δὲ γῆ ἠνόμησε διὰ τοὺσ κατοικοῦντασ αὐτήν, διότι παρήλθοσαν τὸν νόμον καὶ ἤλλαξαν τὰ προστάγματα, διαθήκην αἰώνιον. διὰ τοῦτο ἀρὰ ἔδεται τὴν γῆν, ὅτι ἡμάρτοσαν οἱ κατοικοῦντεσ αὐτήν. διὰ τοῦτο πτωχοὶ ἔσονται οἱ ἐνοικοῦντεσ ἐν τῇ γῇ, καὶ καταλειφθήσονται ἄνθρωποι ὀλίγοι. πενθήσει οἶνοσ, πενθήσει ἄμπελοσ, στενάξουσι πάντεσ οἱ εὐφραινόμενοι τὴν ψυχήν. πέπαυται εὐφροσύνη τυμπάνων, πέπαυται αὐθαδεία καὶ πλοῦτοσ ἀσεβῶν, πέπαυται φωνὴ κιθάρασ. ἠσχύνθησαν οὐκ ἔπιον οἶνον, πικρὸν ἐγένετο τὸ σίκερα τοῖσ πίνουσιν. ἠρημώθη πᾶσα πόλισ, κλείσει οἰκίαν τοῦ μὴ εἰσελθεῖν. ὀλολύζεται περὶ τοῦ οἴνου πανταχῆ. πέπαυται πᾶσα εὐφροσύνη τῆσ γῆσ, ἀπῆλθε πᾶσα εὐφροσύνη τῆσ γῆσ. καὶ καταλειφθήσονται πόλεισ ἔρημοι, καὶ οἶκοι ἐγκαταλελειμμένοι ἀπολοῦνται. ταῦτα πάντα ἔσται ἐν τῇ γῆ ἐν μέσῳ τῶν ἐθνῶν, ὃν τρόπον ἐάν τισ καλαμήσηται ἐλαίαν, οὕτωσ καλαμήσονται αὐτούσ, καὶ ἐὰν παύσηται ὁ τρύγητοσ. οὗτοι φωνῇ βοήσονται, οἱ δὲ καταλειφθέντεσ ἐπὶ τῆσ γῆσ εὐφρανθήσονται ἅμα τῇ δόξῃ Κυρίου. ταραχθήσεται τὸ ὕδωρ τῆσ θαλάσσησ. διὰ τοῦτο ἡ δόξα Κυρίου ἐν ταῖσ νήσοισ ἔσται τῆσ θαλάσσησ, τὸ ὄνομα Κυρίου ἔνδοξον ἔσται, Κύριε ὁ Θεὸσ Ἰσραήλ. ἀπὸ τῶν πτερύγων τῆσ γῆσ τέρατα ἠκούσαμεν, ἐλπὶσ τῷ εὐσεβεῖ. καὶ ἐροῦσιν. οὐαὶ τοῖσ ἀθετοῦσιν, οἱ ἀθετοῦντεσ τὸν νόμον. φόβοσ καὶ βόθυνοσ καὶ παγὶσ ἐφ̓ ὑμᾶσ τοὺσ ἐνοικοῦντασ ἐπὶ τῆσ γῆσ. καὶ ἔσται ὁ φεύγων τὸν φόβον ἐμπεσεῖται εἰσ τὸν βόθυνον, ὁ δὲ ἐκβαίνων ἐκ τοῦ βοθύνου ἁλώσεται ὑπὸ τῆσ παγίδοσ, ὅτι θυρίδεσ ἐκ τοῦ οὐρανοῦ ἠνεῴχθησαν, καὶ σεισθήσεται τὰ θεμέλια τῆσ γῆσ. ταραχῇ ταραχθήσεται ἡ γῆ, καὶ ἀπορίᾳ ἀπορηθήσεται ἡ γῆ. ἔκλινεν ὡσ ὁ μεθύων καὶ κραιπαλῶν, καὶ σεισθήσεται ὡσ ὀπωροφυλάκιον ἡ γῆ, καὶ πεσεῖται καὶ οὐ μὴ δύνηται ἀναστῆναι, κατίσχυσε γὰρ ἐπ̓ αὐτῆσ ἡ ἀνομία. καὶ ἐπάξει ὁ Θεὸσ ἐπὶ τὸν κόσμον τοῦ οὐρανοῦ τὴν χεῖρα καὶ ἐπὶ τοὺσ βασιλεῖσ τῆσ γῆσ. καὶ συνάξουσι καὶ ἀποκλείσουσιν εἰσ ὀχύρωμα καὶ εἰσ δεσμωτήριον, διὰ πολλῶν γενεῶν ἐπισκοπὴ ἔσται αὐτῶν. καὶ τακήσεται ἡ πλίνθοσ, καὶ πεσεῖται τὸ τεῖχοσ, ὅτι βασιλεύσει Κύριοσ ἐν Σιὼν καὶ ἐν Ἱερουσαλήμ, καὶ ἐνώπιον τῶν πρεσβυτέρων δοξασθήσεται.

목록

일치하는 문장이 없습니다.

SEARCH

MENU NAVIGATION