Septuagint, Liber Isaiae 23:

(70인역 성경, 이사야서 23:)

Τὸ ὅραμα Τύρου. ‐ ΟΛΟΛΥΞΑΤΕ, πλοῖα Καρχηδόνοσ, ὅτι ἀπώλετο, καὶ οὐκέτι ἔρχονται ἐκ γῆσ Κιτιαίων. ἦκται αἰχμάλωτοσ. τίνι ὅμοιοι γεγόνασιν οἱ ἐνοικοῦντεσ ἐν τῇ νήσῳ μετάβολοι Φοινίκησ διαπερῶντεσ τὴν θάλασσαν ἐν ὕδατι πολλῷ, σπέρμα μεταβόλων̣ ὡσ ἀμητοῦ εἰσφερομένου οἱ μετάβολοι τῶν ἐθνῶν. αἰσχύνθητι, Σιδών, εἶπεν ἡ θάλασσα. ἡ δὲ ἰσχὺσ τῆσ θαλάσσησ εἶπεν. οὐκ ὤδινον οὐδὲ ἔτεκον οὐδὲ ἐξέθρεψα νεανίσκουσ οὐδὲ ὕψωσα παρθένουσ. ὅταν δὲ ἀκουστὸν γένηται Αἰγύπτῳ, λήψεται αὐτοὺσ ὀδύνη περὶ Τύρου. ἀπέλθατε εἰσ Καρχηδόνα, ὀλολύξατε, οἱ κατοικοῦντεσ ἐν τῇ νήσῳ ταύτῃ. οὐχ αὕτη ἦν ὑμῶν ἡ ὕβρισ ἀπ̓ ἀρχῆσ πρὶν ἢ παραδοθῆναι αὐτήν̣ τίσ ταῦτα ἐβούλευσεν ἐπὶ Τύρον̣ μὴ ἥσσων ἐστὶν ἢ οὐκ ἰσχύει̣ οἱ ἔμποροι αὐτῆσ ἔνδοξοι, ἄρχοντεσ τῆσ γῆσ. Κύριοσ σαβαὼθ ἐβουλεύσατο παραλῦσαι πᾶσαν τὴν ὕβριν τῶν ἐνδόξων καὶ ἀτιμάσαι πᾶν ἔνδοξον ἐπὶ τῆσ γῆσ. ἐργάζου τὴν γῆν σου, καὶ γὰρ πλοῖα οὐκέτι ἔρχεται ἐκ Καρχηδόνοσ. ἡ δὲ χείρ σου οὐκέτι ἰσχύει κατὰ θάλασσαν, ἡ παροξύνουσα βασιλεῖσ. Κύριοσ σαβαὼθ ἐνετείλατο περὶ Χαναὰν ἀπολέσαι αὐτῆσ τὴν ἰσχύν. καὶ ἐροῦσιν. οὐκέτι οὐ μὴ προσθῆτε τοῦ ὑβρίζειν καὶ ἀδικεῖν τὴν θυγατέρα Σιδῶνοσ. καὶ ἐὰν ἀπέλθῃσ εἰσ Κιτιεῖσ, οὐδὲ ἐκεῖ ἀνάπαυσισ ἔσται σοι. καὶ εἰσ γῆν Χαλδαίων, καὶ αὕτη ἠρήμωται ἀπὸ τῶν Ἀσσυρίων, οὐδὲ ἐκεῖ σοι ἀνάπαυσισ ἔσται, ὅτι ὁ τοῖχοσ αὐτῆσ πέπτωκεν. ὀλολύξατε, πλοῖα Καρχηδόνοσ, ὅτι ἀπόλωλε τὸ ὀχύρωμα ὑμῶν. καὶ ἔσται ἐν τῇ ἡμέρᾳ ἐκείνῃ καταλειφθήσεται Τύροσ ἔτη ἑβδομήκοντα ὡσ χρόνοσ βασιλέωσ, ὡσ χρόνοσ ἀνθρώπου. καὶ ἔσται μετὰ ἑβδομήκοντα ἔτη, ἔσται Τύροσ ὡσ ᾆσμα πόρνησ. λαβὲ κιθάραν, ρέμβευσον, πόλισ πόρνη ἐπιλελησμένη. καλῶσ κιθάρισον, πολλὰ ᾆσον, ἵνα σου μνεία γένηται. καὶ ἔσται μετὰ τὰ ἑβδομήκοντα ἔτη, ἐπισκοπὴν ποιήσει ὁ Θεὸσ Τύρου, καὶ πάλιν ἀποκατασταθήσεται εἰσ τὸ ἀρχαῖον. καὶ ἔσται ἐμπόριον πάσαισ ταῖσ βασιλείασ τῆσ οἰκουμένησ. καὶ ἔσται αὐτῆσ ἡ ἐμπορία καὶ ὁ μισθὸσ ἅγιον Κυρίῳ. οὐκ αὐτοῖσ συναχθήσεται, ἀλλὰ τοῖσ κατοικοῦσιν ἔναντι Κυρίου πᾶσα ἡ ἐμπορία αὐτῆσ φαγεῖν καὶ πιεῖν καὶ ἐμπλησθῆναι εἰσ συμβολὴν μνημόσυνον ἔναντι Κυρίου.

목록

일치하는 문장이 없습니다.

SEARCH

MENU NAVIGATION