Septuagint, Liber Isaiae 21:

(70인역 성경, 이사야서 21:)

Τὸ ὅραμα τῆσ ἐρήμου. ‐ ΩΣ καταιγὶσ δἰ ἐρήμου διέλθοι ἐξ ἐρήμου ἐρχομένη ἐκ γῆσ, φοβερὸν τὸ ὅραμα καὶ σκληρὸν ἀνηγγέλη μοι. ὁ ἀθετῶν ἀθετεῖ, ὁ ἀνομῶν ἀνομεῖ. ἐπ̓ ἐμοὶ οἱ Ἐλαμῖται, καὶ οἱ πρέσβεισ τῶν Περσῶν ἐπ̓ ἐμὲ ἔρχονται. νῦν στενάξω καὶ παρακαλέσω ἐμαυτόν. διὰ τοῦτο ἐνεπλήσθη ἡ ὀσφύσ μου ἐκλύσεωσ, καὶ ὠδῖνεσ ἔλαβόν με ὡσ τὴν τίκτουσαν. ἠδίκησα τοῦ μὴ ἀκοῦσαι, ἐσπούδασα τοῦ μὴ βλέπειν. ἡ καρδία μου πλανᾶται, καὶ ἡ ἀνομία με βαπτίζει, ἡ ψυχή μου ἐφέστηκεν εἰσ φόβον. ἑτοίμασον τὴν τράπεζαν. φάγετε, πίετε. ἀναστάντεσ, οἱ ἄρχοντεσ, ἑτοιμάσατε θυρεούσ. ὅτι οὕτωσ εἶπε πρόσ με Κύριοσ. βαδίσασ σεαυτῷ στῆσον σκοπὸν καὶ ὃ ἂν ἴδῃσ ἀνάγγειλον. καὶ εἶδον ἀναβάτασ ἱππεῖσ δύο καὶ ἀναβάτην ὄνου καὶ ἀναβάτην καμήλου. ἀκρόασαι ἀκρόασιν πολλὴν καὶ κάλεσον Οὐρίαν εἰσ τὴν σκοπιὰν Κυρίου. καὶ εἶπεν. ἔστην διαπαντὸσ ἡμέρασ καὶ ἐπὶ τῆσ παρεμβολῆσ ἐγὼ ἔστην ὅλην τὴν νύκτα, καὶ ἰδοὺ αὐτὸσ ἔρχεται ἀναβάτησ ξυνωρίδοσ. καὶ ἀποκριθεὶσ εἶπε. πέπτωκε πέπτωκε Βαβυλών, καὶ πάντα τὰ ἀγάλματα αὐτῆσ, καὶ τὰ χειροποίητα αὐτῆσ συνετρίβησαν εἰσ τὴν γῆν. ἀκούσατε, οἱ καταλελειμμένοι καὶ οἱ ὀδυνώμενοι, ἀκούσατε ἃ ἤκουσα παρὰ Κυρίου σαβαώθ. ὁ Θεὸσ τοῦ Ἰσραὴλ ἀνήγγειλεν ἡμῖν. Τὸ ὅραμα τῆσ Ἰδουμαίασ. ‐ Πρὸσ ἐμὲ καλεῖ παρὰ τοῦ Σηείρ. φυλάσσετε ἐπάλξεισ. φυλάσσω τὸ πρωί̈ καὶ τὴν νύκτα. ἐὰν ζητῇσ, ζήτει καὶ παῤ ἐμοὶ οἴκει. ἐν τῷ δρυμῷ ἑσπέρασ κοιμηθήσῃ ἐν τῇ ὁδῷ Δαιδάν. εἰσ συνάντησιν διψῶντι ὕδωρ φέρετε, οἱ ἐνοικοῦντεσ ἐν χώρᾳ Θαιμάν, ἄρτοισ συναντᾶτε τοῖσ φεύγουσι διὰ τὸ πλῆθοσ τῶν πεφονευμένων καὶ διὰ τὸ πλῆθοσ τῶν πλανωμένων καὶ διὰ τὸ πλῆθοσ τῆσ μαχαίρασ καὶ διὰ τὸ πλῆθοσ τῶν τοξευμάτων τῶν διατεταμένων καὶ διὰ τὸ πλῆθοσ τῶν πεπτωκότων ἐν τῷ πολέμῳ. διότι οὕτωσ εἶπέ μοι Κύριοσ. ἔτι ἐνιαυτὸσ ὡσ ἐνιαυτὸσ μισθωτοῦ, ἐκλείψει ἡ δόξα τῶν υἱῶν Κηδάρ, καὶ τὸ κατάλοιπον τῶν τοξευμάτων τῶν ἰσχυρῶν υἱῶν Κηδὰρ ἔσται ὀλίγον, ὅτι Κύριοσ ὁ Θεὸσ Ἰσραὴλ ἐλάλησεν.

목록

일치하는 문장이 없습니다.

SEARCH

MENU NAVIGATION