Septuagint, Liber Isaiae 20:

ΤΟΥ ἔτουσ οὗ εἰσῆλθεν Τανάθαν εἰσ Ἄζωτον, ἡνίκα ἀπεστάλη ὑπὸ Ἀρνᾶ βασιλέωσ Ἀσσυρίων καὶ ἐπολέμησε τὴν Ἄζωτον καὶ ἔλαβεν αὐτήν, τότε ἐλάλησε Κύριοσ πρὸσ Ἠσαί̈αν υἱὸν Ἀμὼσ λέγων. πορεύου καὶ ἄφελε τὸν σάκκον ἀπὸ τῆσ ὀσφύοσ σου καὶ τὰ σανδάλιά σου ὑπόλυσαι ἀπὸ τῶν ποδῶν σου. καὶ ποίησον οὕτωσ πορευόμενοσ γυμνὸσ καὶ ἀνυπόδετοσ. καὶ εἶπε Κύριοσ. ὃν τρόπον πεπόρευται ὁ παῖσ μου Ἡσαί̈ασ γυμνὸσ καὶ ἀνυπόδετοσ τρία ἔτη, τρία ἔτη ἔσται εἰσ σημεῖα καὶ τέρατα τοῖσ Αἰγυπτίοισ καὶ Αἰθίοψιν. ὅτι οὕτωσ ἄξει βασιλεὺσ Ἀσσυρίων τὴν αἰχμαλωσίαν Αἰγύπτου καὶ Αἰθιόπων, νεανίσκουσ καὶ πρεσβύτασ, γυμνοὺσ καὶ ἀνυποδέτουσ, ἀνακεκαλυμμένουσ τὴν αἰσχύνην Αἰγύπτου. καὶ αἰσχυνθήσονται ἡττηθέντεσ οἱ Αἰγύπτιοι ἐπὶ τοῖσ Αἰθίοψιν, ἐφ̓ οἷσ ἦσαν πεποιθότεσ οἱ Αἰγύπτιοι, ἦσαν γὰρ αὐτοῖσ δόξα. καὶ ἐροῦσιν οἱ κατοικοῦντεσ ἐν τῇ νήσῳ ταύτῃ ἐν τῇ ἡμέρᾳ ἐκείνῃ. ἰδοὺ ἡμεῖσ ἦμεν πεποιθότεσ τοῦ φυγεῖν εἰσ αὐτοὺσ εἰσ βοήθειαν, οἳ οὐκ ἠδύναντο σωθῆναι ἀπὸ βασιλέωσ Ἀσσυρίων. καὶ πῶσ ἡμεῖσ σωθησόμεθα̣