Septuagint, Liber Isaiae 19:

(70인역 성경, 이사야서 19:)

Ὅρασισ Αἰγύπτου. ‐ ΙΔΟΥ Κύριοσ κάθηται ἐπὶ νεφέλησ κούφησ καὶ ἥξει εἰσ Αἴγυπτον, καὶ σεισθήσεται τὰ χειροποίητα Αἰγύπτου ἀπὸ προσώπου αὐτοῦ, καὶ ἡ καρδία αὐτῶν ἡττηθήσεται ἐν αὐτοῖσ. καὶ ἐπεγερθήσονται Αἰγύπτιοι ἐπ̓ Αἰγυπτίουσ, καὶ πολεμήσει ἄνθρωποσ τὸν ἀδελφὸν αὐτοῦ καὶ ἄνθρωποσ τὸν πλησίον αὐτοῦ, πόλισ ἐπὶ πόλιν καὶ νομὸσ ἐπὶ νομόν. καὶ ταραχθήσεται τὸ πνεῦμα τῶν Αἰγυπτίων ἐν αὐτοῖσ, καὶ τὴν βουλὴν αὐτῶν διασκεδάσω, καὶ ἐπερωτήσουσι τοὺσ θεοὺσ αὐτῶν καὶ τὰ ἀγάλματα αὐτῶν καὶ τοὺσ ἐκ τῆσ γῆσ φωνοῦντασ καὶ τοὺσ ἐγγαστριμύθουσ. καὶ παραδώσω τὴν Αἴγυπτον εἰσ χεῖρασ ἀνθρώπων κυρίων σκληρῶν, καὶ βασιλεῖσ σκληροὶ κυριεύσουσιν αὐτῶν. τάδε λέγει Κύριοσ σαβαώθ. καὶ πίονται οἱ Αἰγύπτιοι ὕδωρ τὸ παρὰ θάλασσαν, ὁ δὲ ποταμὸσ ἐκλείψει καὶ ξηρανθήσεται. καὶ ἐκλείψουσιν οἱ ποταμοὶ καὶ αἱ διώρυγεσ τοῦ ποταμοῦ, καὶ ξηρανθήσεται πᾶσα συναγωγὴ ὕδατοσ καὶ ἐν παντὶ ἕλει καλάμου καὶ παπύρου. καὶ τὸ ἄχι τὸ χλωρὸν πᾶν τὸ κύκλῳ τοῦ ποταμοῦ, καὶ πᾶν τὸ σπειρόμενον διὰ τοῦ ποταμοῦ ξηρανθήσεται ἀνεμόφθορον. καὶ στενάξουσιν οἱ ἁλιεῖσ, καὶ στενάξουσι πάντεσ οἱ βάλλοντεσ ἄγκιστρον εἰσ τὸν ποταμόν, καὶ οἱ βάλλοντεσ σαγήνασ καὶ οἱ ἀμφιβολεῖσ πενθήσουσι. καὶ αἰσχύνη λήψεται τοὺσ ἐργαζομένουσ τὸ λίνον τὸ σχιστὸν καὶ τοὺσ ἐργαζομένουσ τὴν βύσσον, καὶ ἔσονται οἱ ἐργαζόμενοι αὐτὰ ἐν ὀδύνῃ, καὶ πάντεσ οἱ ποιοῦντεσ τὸν ζῦθον λυπηθήσονται καὶ τὰσ ψυχὰσ πονέσουσι. καὶ μωροὶ ἔσονται οἱ ἄρχοντεσ Τάνεωσ. οἱ σοφοὶ σύμβουλοι τοῦ βασιλέωσ, ἡ βουλὴ αὐτῶν μωρανθήσεται. πῶσ ἐρεῖτε τῷ βασιλεῖ. υἱοὶ συνετῶν ἡμεῖσ, υἱοὶ βασιλέων τῶν ἐξ ἀρχῆσ̣ ποῦ εἰσι νῦν οἱ σοφοί σου καὶ ἀναγγειλάτωσάν σοι καὶ εἰπάτωσαν, τί βεβούλευται Κύριοσ σαβαὼθ ἐπ̓ Αἴγυπτον̣ ἐξέλιπον οἱ ἄρχοντεσ Τάνεωσ, καὶ ὑψώθησαν οἱ ἄρχοντεσ Μέμφεωσ, καὶ πλανήσουσιν Αἴγυπτον κατὰ φυλάσ. Κύριοσ γὰρ ἐκέρασεν αὐτοῖσ πνεῦμα πλανήσεωσ, καὶ ἐπλάνησαν Αἴγυπτον ἐν πᾶσι τοῖσ ἔργοισ αὐτῶν, ὡσ πλανᾶται ὁ μεθύων καὶ ὁ ἐμῶν ἅμα. καὶ οὐκ ἔσται τοῖσ Αἰγυπτίοισ ἔργον, ὃ ποιήσει κεφαλὴν καὶ οὐράν, ἀρχὴν καὶ τέλοσ. Τῇ δὲ ἡμέρᾳ ἐκείνῃ ἔσονται οἱ Αἰγύπτιοι ὡσ γυναῖκεσ ἐν φόβῳ καὶ ἐν τρόμῳ ἀπὸ προσώπου τῆσ χειρὸσ Κυρίου σαβαώθ, ἣν αὐτὸσ ἐπιβαλεῖ αὐτοῖσ. καὶ ἔσται ἡ χώρα τῶν Ἰουδαίων τοῖσ Αἰγυπτίοισ εἰσ φόβητρον. πᾶσ, ὃσ ἐὰν ὀνομάσῃ αὐτὴν αὐτοῖσ, φοβηθήσονται διὰ τὴν βουλήν, ἣν βεβούλευται Κύριοσ σαβαὼθ ἐπ̓ αὐτήν. Τῇ ἡμέρᾳ ἐκείνῃ ἔσονται πέντε πόλεισ ἐν τῇ Αἰγύπτῳ λαλοῦσαι τῇ γλώσσῃ τῇ Χαναανίτιδι καὶ ὀμνύουσαι τῷ ὀνόματι Κυρίου σαβαώθ. πόλισ ἀσεδὲκ κληθήσεται ἡ μία πόλισ. Τῇ ἡμέρᾳ ἐκείνῃ ἔσται θυσιαστήριον τῷ Κυρίῳ ἐν χώρᾳ Αἰγυπτίων καὶ στήλη πρὸσ τὸ ὅριον αὐτῆσ τῷ Κυρίῳ καὶ ἔσται εἰσ σημεῖον εἰσ τὸν αἰῶνα Κυρίῳ ἐν χώρᾳ Αἰγύπτου, ὅτι κεκράξονται πρὸσ Κύριον διὰ τοὺσ θλίβοντασ αὐτούσ, καὶ ἀποστελεῖ αὐτοῖσ Κύριοσ ἄνθρωπον, ὃσ σώσει αὐτούσ, κρίνων σώσει αὐτούσ. καὶ γνωστὸσ ἔσται Κύριοσ τοῖσ Αἰγυπτίοισ, καὶ γνώσονται οἱ Αἰγύπτιοι τὸν Κύριον ἐν τῇ ἡμέρᾳ ἐκείνῃ καὶ ποιήσουσι θυσίασ καὶ εὔξονται εὐχὰσ τῷ Κυρίῳ καὶ ἀποδώσουσι. καὶ πατάξει Κύριοσ τοὺσ Αἰγυπτίουσ πληγῇ καὶ ἰάσεται αὐτοὺσ ἰάσει, καὶ ἐπιστραφήσονται πρὸσ Κύριον, καὶ εἰσακούσεται αὐτῶν καὶ ἰάσεται αὐτούσ. Τῇ ἡμέρᾳ ἐκείνη ἔσται ἡ ὁδὸσ ἀπὸ Αἰγύπτου πρὸσ Ἀσσυρίουσ καὶ εἰσελεύσονται Ἀσσύριοι εἰσ Αἴγυπτον, καὶ Αἰγύπτιοι πορεύσονται πρὸσ Ἀσσυρίουσ, καὶ δουλεύσουσιν Αἰγύπτιοι τοῖσ Ἀσσυρίοισ. Τῇ ἡμέρᾳ ἐκείνη ἔσται Ἰσραὴλ τρίτοσ ἐν τοῖσ Ἀσσυρίοισ καὶ ἐν τοῖσ Αἰγυπτίοισ εὐλογημένοσ ἐν τῇ γῇ, ἣν εὐλόγησε Κύριοσ σαβαὼθ λέγων. εὐλογημένοσ ὁ λαόσ μου ὁ ἐν Αἰγύπτῳ καὶ ὁ ἐν Ἀσσυρίοισ καὶ ἡ κληρονομία μου Ἰσραήλ.

목록

일치하는 문장이 없습니다.

SEARCH

MENU NAVIGATION