Septuagint, Liber Isaiae 18:

ΟΥΑΙ γῆσ πλοίων πτέρυγεσ ἐπέκεινα ποταμῶν Αἰθιοπίασ, ὁ ἀποστέλλων ἐν θαλάσσῃ ὅμηρα καὶ ἐπιστολὰσ βιβλίνασ ἐπάνω τοῦ ὕδατοσ. πορεύσονται γὰρ ἄγγελοι κοῦφοι πρὸσ ἔθνοσ μετέωρον καὶ ξένον λαὸν καὶ χαλεπόν, τίσ αὐτοῦ ἐπέκεινα̣ ἔθνοσ ἀνέλπιστον καὶ καταπεπατημένον. νῦν οἱ ποταμοὶ τῆσ γῆς πάντεσ ὡσ χώρα κατοικουμένη. κατοικηθήσεται ἡ χώρα αὐτῶν ὡσεὶ σημεῖον ἀπὸ ὄρουσ ἀρθῇ, ὡσ σάλπιγγοσ φωνὴ ἀκουστὸν ἔσται. διότι οὕτωσ εἶπέ μοι Κύριοσ. ἀσφάλεια ἔσται ἐν τῇ ἐμῇ πόλει ὡσ φῶσ καύματοσ μεσημβρίασ, καὶ ὡσ νεφέλη δρόσου ἡμέρασ ἀμήτου ἔσται. πρὸ τοῦ θερισμοῦ, ὅταν συντελεσθῇ ἄνθοσ καὶ ὄμφαξ ἐξανθήσῃ ἄνθοσ ὀμφακίζουσα, καὶ ἀφελεῖ τὰ βοτρύδια τὰ μικρὰ τοῖσ δρεπάνοισ καὶ τὰσ κληματίδασ ἀφελεῖ καὶ ἀποκόψει καὶ καταλείψει ἅμα τοῖσ πετεινοῖσ τοῦ οὐρανοῦ καὶ τοῖσ θηρίοισ τῆσ γῆσ. καὶ συναχθήσεται ἐπ̓ αὐτοὺσ τὰ πετεινὰ τοῦ οὐρανοῦ, καὶ πάντα τὰ θηρία τῆσ γῆσ ἐπ̓ αὐτὸν ἥξει. ἐν τῷ καιρῷ ἐκείνῳ ἀνενεχθήσεται δῶρα Κυρίῳ σαβαὼθ ἐκ λαοῦ τεθλιμμένου καὶ τετιλμένου καὶ ἀπὸ λαοῦ μεγάλου ἀπὸ τοῦ νῦν καὶ εἰσ τὸν αἰῶνα χρόνον. ἔθνοσ ἐλπίζον καὶ καταπεπατημένον, ὅ ἐστιν ἐν μέρει ποταμοῦ τῆσ χώρασ αὐτοῦ, εἰσ τὸν τόπον, οὗ τὸ ὄνομα Κυρίου σαβαὼθ ἐπεκλήθη, ὄροσ Σιών.