Septuagint, Liber Isaiae 16:

(70인역 성경, 이사야서 16:)

ΑΠΟΣΤΕΛΩ ὡσ ἑρπετὰ ἐπὶ τὴν γῆν. μὴ πέτρα ἔρημόσ ἐστι τὸ ὄροσ θυγατρὸσ Σιών̣ ἔσῃ γὰρ ὡσ πετεινοῦ ἀνιπταμένου νεοσσὸσ ἀφηρημένοσ, θύγατερ Μωάβ. ἔπειτα δέ, Ἀρνῶν, πλείονα βουλεύου, ποίει τε σκέπην πένθουσ αὐτῇ διὰ παντόσ. ἐν μεσημβρινῇ σκοτίᾳ φεύγουσιν, ἐξέστησαν, μὴ ἀπαχθῇσ. παροικήσουσί σοι οἱ φυγάδεσ Μωάβ, ἔσονται σκέπη ὑμῖν ἀπὸ προσώπου διώκοντοσ, ὅτι ᾔρθη ἡ συμμαχία σου, καὶ ὁ ἄρχων ἀπώλετο ὁ καταπατῶν ἐπὶ τῆσ γῆσ. καὶ διορθωθήσεται μετ̓ ἐλέουσ θρόνοσ, καὶ καθιεῖται ἐπ̓ αὐτοῦ μετὰ ἀληθείασ ἐν σκηνῇ Δαυὶδ κρίνων καὶ ἐκζητῶν κρίμα καὶ σπεύδων δικαιοσύνην. Ἠκούσαμεν τὴν ὕβριν Μωάβ, ὑβριστὴσ σφόδρα, τὴν ὑπερηφανίαν ἐξῇρασ. οὐχ οὕτωσ ἡ μαντεία σου, οὐχ οὕτωσ. ὀλολύξει Μωάβ, ἐν γὰρ τῇ Μωαβίτιδι πάντεσ ὀλολύξουσι. τοῖσ κατοικοῦσι δὲ Σὲθ μελετήσεισ. καὶ οὐκ ἐντραπήσῃ. τὰ πεδία Ἐσεβὼν πενθήσει, ἄμπελοσ Σεβαμά. καταπίνοντεσ τὰ ἔθνη, καταπατήσατε τὰσ ἀμπέλουσ αὐτῆσ ἕωσ Ἰαζήρ. οὐ μὴ συνάψητε, πλανήθητε τὴν ἔρημον. οἱ ἀπεσταλμένοι ἐγκατελείφθησαν, διέβησαν γὰρ τὴν ἔρημον. διὰ τοῦτο κλαύσομαι ὡσ τὸν κλαυθμὸν Ἰαζὴρ ἄμπελον Σεβαμά. τὰ δένδρα σου κατέβαλεν, Ἐσεβὼν καὶ Ἐλεαλή, ὅτι ἐπὶ τῷ θερισμῷ καὶ ἐπὶ τῷ τρυγητῷ σου καταπατήσω, καὶ πάντα πεσοῦνται. καὶ ἀρθήσεται εὐφροσύνη καὶ ἀγαλλίαμα ἐκ τῶν ἀμπελώνων σου, καὶ ἐν τοῖσ ἀμπελῶσί σου οὐ μὴ εὐφρανθήσονται καὶ οὐ μὴ πατήσουσιν οἶνον εἰσ τὰ ὑπολήνια, πέπαυται γάρ. διὰ τοῦτο ἡ κοιλία μου ἐπὶ Μωὰβ ὡσ κιθάρα ἠχήσει, καὶ τὰ ἐντόσ μου ὡσεὶ τεῖχοσ, ὃ ἐνεκαίνισασ. καὶ ἔσται εἰσ τὸ ἐντραπῆναί σε, ὅτι ἐκοπίασε Μωὰβ ἐπὶ τοῖσ βωμοῖσ καὶ εἰσελεύσεται εἰσ τὰ χειροποίητα αὐτῆσ ὥστε προσεύξασθαι, καὶ οὐ μὴ δύνηται ἐξελέσθαι αὐτόν. Τοῦτο τὸ ρῆμα ὃ ἐλάλησε Κύριοσ ἐπὶ Μωάβ, ὁπότε καὶ ἐλάλησε. καὶ νῦν λέγω. ἐν τρισὶν ἔτεσιν ἐτῶν μισθωτοῦ ἀτιμασθήσεται ἡ δόξα Μωὰβ ἐν παντὶ τῷ πλούτῳ τῷ πολλῷ, καὶ καταλειφθήσεται ὀλιγοστὸσ καὶ οὐκ ἔντιμοσ.

목록

일치하는 문장이 없습니다.

SEARCH

MENU NAVIGATION