Septuagint, Liber Isaiae 15:

(70인역 성경, 이사야서 15:)

Τὸ ρῆμα τὸ κατὰ τῆσ Μωαβίτιδοσ. ‐ ΝΥΚΤΟΣ ἀπολεῖται ἡ Μωαβῖτισ, νυκτὸσ γὰρ ἀπολεῖται τὸ τεῖχοσ τῆσ Μωαβίτιδοσ. λυπεῖσθε ἐφ̓ ἑαυτοῖσ, ἀπολεῖται γὰρ καὶ Δηβών, οὗ ὁ βωμὸσ ὑμῶν, ἐκεῖ ἀναβήσεσθε κλαίειν. ἐπὶ Ναβαῦ τῆσ Μωαβίτιδοσ ὀλολύζετε ἐπὶ πάσησ κεφαλῆσ φαλάκρωμα, πάντεσ βραχίονεσ κατατετμημένοι. ἐν ταῖσ πλατείαισ αὐτῆσ περιζώσασθε σάκκουσ καὶ κόπτεσθε, ἐπὶ τῶν δωμάτων αὐτῆσ καὶ ἐν ταῖσ πλατείαισ αὐτῆσ καὶ ἐν ταῖσ ρύμασ αὐτῆσ πάντεσ ὀλολύζετε μετὰ κλαυθμοῦ. ὅτι κέκραγεν Ἐσεβὼν καὶ Ἐλεαλή, ἕωσ Ἰασσὰ ἠκούσθη ἡ φωνὴ αὐτῶν. διὰ τοῦτο ἡ ὀσφὺσ τῆσ Μωαβίτιδοσ βοᾷ, ἡ ψυχὴ αὐτῆσ γνώσεται. ἡ καρδία τῆσ Μωαβίτιδοσ βοᾷ ἐν αὐτῇ ἕωσ Σηγώρ. δάμαλισ γάρ ἐστι τριετήσ. ἐπὶ δὲ τῆσ ἀναβάσεωσ Λουεὶθ πρόσ σε κλαίοντεσ ἀναβήσονται, τῇ ὁδῷ Ἀρωνιεὶμ βοᾷ σύντριμμα καὶ σεισμόσ. τὸ ὕδωρ τῆσ Νεμρεὶμ ἔρημον ἔσται, καὶ ὁ χόρτοσ αὐτῆσ ἐκλείψει. χόρτοσ γὰρ χλωρὸσ οὐκ ἔσται. μὴ καὶ οὕτωσ μέλει σωθῆναι̣ ἐπάξω γὰρ ἐπὶ τὴν φάραγγα Ἄραβασ, καὶ λήψονται αὐτήν. συνῆψε γὰρ ἡ βοὴ τὸ ὅριον τῆσ Μωαβίτιδοσ τῆσ Ἀγαλείμ, καὶ ὀλολυγμὸσ αὐτῆσ ἕωσ τοῦ φρέατοσ τοῦ Αἰλείμ. τὸ δὲ ὕδωρ τὸ Ρεμμὼν πλησθήσεται αἵματοσ. ἐπάξω γὰρ ἐπὶ Ρεμμὼν Ἄραβασ καὶ ἀρῶ τὸ σπέρμα Μωὰβ καὶ Ἀριὴλ καὶ τὸ κατάλοιπον Ἀδαμά.

목록

일치하는 문장이 없습니다.

SEARCH

MENU NAVIGATION