Septuagint, Liber Isaiae 11:

(70인역 성경, 이사야서 11:)

ΚΑΙ ἐξελεύσεται ράβδοσ ἐκ τῆσ ρίζησ Ἰεσσαί, καὶ ἄνθοσ ἐκ τῆσ ρίζησ ἀναβήσεται. καὶ ἀναπαύσεται ἐπ̓ αὐτὸν πνεῦμα τοῦ Θεοῦ, πνεῦμα σοφίασ καὶ συνέσεωσ, πνεῦμα βουλῆσ καὶ ἰσχύοσ, πνεῦμα γνώσεωσ καὶ εὐσεβείασ. ἐμπλήσει αὐτὸν πνεῦμα φόβου Θεοῦ. οὐ κατὰ τὴν δόξαν κρινεῖ οὐδὲ κατὰ τὴν λαλιὰν ἐλέγξει, ἀλλὰ κρινεῖ ταπεινῷ κρίσιν καὶ ἐλέγξει τοὺσ ταπεινοὺσ τῆσ γῆσ. καὶ πατάξει γῆν τῷ λόγῳ τοῦ στόματοσ αὐτοῦ καὶ ἐν πνεύματι διὰ χειλέων ἀνελεῖ ἀσεβῆ. καὶ ἔσται δικαιοσύνῃ ἐζωσμένοσ τὴν ὀσφὺν αὐτοῦ καὶ ἀληθείᾳ εἰλημένοσ τὰσ πλευράσ. καὶ συμβοσκηθήσεται λύκοσ μετ̓ ἀρνόσ, καὶ πάρδαλισ συναναπαύσεται ἐρίφω, καὶ μοσχάριον καὶ ταῦροσ καὶ λέων ἅμα βοσκηθήσονται, καὶ παιδίον μικρὸν ἄξει αὐτούσ. καὶ βοῦσ καὶ ἄρκοσ ἅμα βοσκηθήσονται, καὶ ἅμα τὰ παιδία αὐτῶν ἔσονται, καὶ λέων καὶ βοῦσ ἅμα φάγονται ἄχυρα. καὶ παιδίον νήπιον ἐπὶ τρώγλην ἀσπίδων καὶ ἐπὶ κοίτην ἐκγόνων ἀσπίδων τὴν χεῖρα ἐπιβαλεῖ. καὶ οὐ μὴ κακοποιήσουσιν, οὐδὲ μὴ δύνωνται ἀπολέσαι οὐδένα ἐπὶ τὸ ὄροσ τὸ ἅγιόν μου, ὅτι ἐνεπλήσθη ἡ σύμπασα τοῦ γνῶναι τὸν Κύριον ὡσ ὕδωρ πολὺ κατακαλύψαι θαλάσσασ. Καὶ ἔσται ἐν τῇ ἡμέρᾳ ἐκείνῃ ἡ ρίζα τοῦ Ἰεσσαὶ καὶ ὁ ἀνιστάμενοσ ἄρχειν ἐθνῶν, ἐπ̓ αὐτῷ ἔθνη ἐλπιοῦσι, καὶ ἔσται ἡ ἀνάπαυσισ αὐτοῦ τιμή. καὶ ἔσται τῇ ἡμέρᾳ ἐκείνη προσθήσει Κύριοσ τοῦ δεῖξαι τὴν χεῖρα αὐτοῦ τοῦ ζηλῶσαι τὸ καταλειφθὲν ὑπόλοιπον τοῦ λαοῦ, ὃ ἂν καταλειφθῇ ἀπὸ τῶν Ἀσσυρίων καὶ ἀπὸ Αἰγύπτου καὶ Βαβυλωνίασ καὶ Αἰθιοπίασ καὶ ἀπὸ Ἐλαμιτῶν καὶ ἀπὸ ἡλίου ἀνατολῶν καὶ ἐξ Ἀραβίασ. καὶ ἀρεῖ σημεῖον εἰσ τὰ ἔθνη καὶ συνάξει τοὺσ ἀπολομένουσ Ἰσραὴλ καὶ τοὺσ διεσπαρμένουσ τοῦ Ἰούδα συνάξει ἐκ τῶν τεσσάρων πτερύγων τῆσ γῆσ. ἀφαιρεθήσεται ὁ ζῆλοσ Ἐφραὶμ καὶ οἱ ἐχθροὶ Ἰούδα ἀπολοῦνται. Ἐφραὶμ οὐ ζηλώσει Ἰούδαν, καὶ Ἰούδασ οὐ θλίψει Ἐφραίμ. καὶ πετασθήσονται ἐν πλοίοισ ἀλλοφύλων θάλασσαν, ἅμα προνομεύσουσι καὶ τοὺσ ἀφ̓ ἡλίου ἀνατολῶν καὶ Ἰδουμαίαν. καὶ ἐπὶ Μωὰβ πρῶτον τὰσ χεῖρασ ἐπιβαλοῦσιν, οἱ δὲ υἱοὶ Ἀμμὼν πρῶτοι ὑπακούσονται. καὶ ἐρημώσει Κύριοσ τὴν θάλασσαν Αἰγύπτου καὶ ἐπιβαλεῖ τὴν χεῖρα αὐτοῦ ἐπὶ τὸν ποταμὸν πνεύματι βιαίῳ καὶ πατάξει ἑπτὰ φάραγγασ, ὥστε διαπορεύεσθαι αὐτὸν ἐν ὑποδήμασι. καὶ ἔσται δίοδοσ τῷ καταλειφθέντι μου λαῷ ἐν Αἰγύπτῳ, καὶ ἔσται τῷ Ἰσραὴλ ὡσ ἡ ἡμέρα ὅτε ἐξῆλθεν ἐκ γῆσ Αἰγύπτου.

목록

일치하는 문장이 없습니다.

SEARCH

MENU NAVIGATION