Septuagint, Liber Isaiae 10:

(70인역 성경, 이사야서 10:)

ΟΥΑΙ τοῖσ γράφουσι πονηρίαν. γράφοντεσ γὰρ πονηρίαν γράφουσιν ἐκκλίνοντεσ κρίσιν πτωχῶν, ἁρπάζοντεσ κρίμα πενήτων τοῦ λαοῦ μου, ὥστε εἶναι αὐτοῖσ χήραν εἰσ διαρπαγὴν καὶ ὀρφανὸν εἰσ προνομήν. καὶ τί ποιήσουσιν ἐν τῇ ἡμέρᾳ τῆσ ἐπισκοπῆσ̣ ἡ γὰρ θλῖψισ ὑμῖν πόρρωθεν ἥξει. καὶ πρὸσ τίνα καταφεύξεσθε τοῦ βοηθηθῆναι̣ καὶ ποῦ καταλείψετε τὴν δόξαν ὑμῶν τοῦ μὴ ἐμπεσεῖν εἰσ ἐπαγωγήν̣ ἐπὶ πᾶσι τούτοισ οὐκ ἀπεστράφη ὁ θυμόσ, ἀλλ̓ ἔτι ἡ χεὶρ ὑψηλή. οὐαὶ Ἀσσυρίοισ. ἡ ράβδοσ τοῦ θυμοῦ μου καὶ ὀργῆσ ἐστιν ἐν ταῖσ χερσὶν αὐτῶν. τὴν ὀργήν μου εἰσ ἔθνοσ ἄνομον ἀποστελῶ καὶ τῷ ἐμῷ λαῷ συντάξω ποιῆσαι σκῦλα καὶ προνομὴν καὶ καταπατεῖν τὰσ πόλεισ καὶ θεῖναι αὐτὰσ εἰσ κονιορτόν. αὐτὸσ δὲ οὐχ οὕτωσ ἐνεθυμήθη καὶ τῇ ψυχῇ οὐχ οὕτωσ λελόγισται, ἀλλὰ ἀπαλλάξει ὁ νοῦσ αὐτοῦ καὶ τοῦ ἔθνη ἐξολοθρεῦσαι οὐκ ὀλίγα. καὶ ἐὰν εἴπωσιν αὐτῷ. σὺ μόνοσ εἶ ἄρχων, καὶ ἐρεῖ. οὐκ ἔλαβον τὴν χώραν τὴν ἐπάνω Βαβυλῶνοσ καὶ Χαλάνησ, οὗ ὁ πύργοσ ᾠκοδομήθη̣ καὶ ἔλαβον Ἀραβίαν καὶ Δαμασκὸν καὶ Σαμάρειαν. ὃν τρόπον ταύτασ ἔλαβον ἐν τῇ χειρί μου, καὶ πάσασ τὰσ ἀρχὰσ λήψομαι. ὀλολύξατε, τὰ γλυπτὰ ἐν Ἱερουσαλὴμ καὶ ἐν Σαμαρείᾳ. ὃν τρόπον γὰρ ἐποίησα Σαμαρείᾳ καὶ τοῖσ χειροποιήτοισ αὐτῆσ, οὕτω ποιήσω καὶ Ἱερουσαλὴμ καὶ τοῖσ εἰδώλοισ αὐτῆσ. καὶ ἔσται, ὅταν συντελέσῃ Κύριοσ πάντα ποιῶν ἐν τῷ ὄρει Σιὼν καὶ ἐν Ἱερουσαλήμ, ἐπάξει ἐπὶ τὸν νοῦν τὸν μέγαν, τὸν ἄρχοντα τῶν Ἀσσυρίων, καὶ ἐπὶ τὸ ὕψοσ τῆσ δόξησ τῶν ὀφθαλμῶν αὐτοῦ. εἶπε γάρ. ἐν τῇ ἰσχύϊ ποιήσω καὶ ἐν τῇ σοφίᾳ τῆσ συνέσεωσ, ἀφελῶ ὅρια ἐθνῶν καὶ τὴν ἰσχὺν αὐτῶν προνομεύσω καὶ σείσω πόλεισ κατοικουμένασ καὶ τὴν οἰκουμένην ὅλην καταλήψομαι τῇ χειρὶ ὡσ νοσσιὰν καὶ ὡσ καταλελειμμένα ὠὰ ἀρῶ, καὶ οὐκ ἔστιν ὃσ διαφεύξεταί με ἢ ἀντείπῃ μοι. μὴ δοξασθήσεται ἀξίνη ἄνευ τοῦ κόπτοντοσ ἐν αὐτῇ̣ ἢ ὑψωθήσεται πρίων ἄνευ τοῦ ἕλκοντοσ αὐτόν̣ ὡσαύτωσ ἐάν τισ ἄρῃ ράβδον ἢ ξύλον. καὶ οὐχ οὕτωσ, ἀλλὰ ἀποστελεῖ Κύριοσ σαβαὼθ εἰσ τὴν σὴν τιμὴν ἀτιμίαν, καὶ εἰσ τὴν σὴν δόξαν πῦρ καιόμενον καυθήσεται. καὶ ἔσται τὸ φῶσ τοῦ Ἰσραὴλ εἰσ πῦρ καὶ ἁγιάσει αὐτὸν ἐν πυρὶ καιομένῳ καὶ φάγεται ὡσεὶ χόρτον τὴν ὕλην. τῇ ἡμέρᾳ ἐκείνῃ ἀποσβεσθήσεται τὰ ὅρη καὶ οἱ βουνοὶ καὶ οἱ δρυμοί, καὶ καταφάγεται ἀπὸ ψυχῆσ ἕωσ σαρκῶν. καὶ ἔσται ὁ φεύγων ὡσ ὁ φεύγων ἀπὸ φλογόσ καιομένησ. καὶ οἱ καταλειφθέντεσ ἀπ̓ αὐτῶν ἀριθμὸσ ἔσονται, καὶ παιδίον γράψει αὐτούσ. Καὶ ἔσται ἐν τῇ ἡμέρᾳ ἐκείνῃ οὐκέτι προστεθήσεται τὸ καταλειφθὲν Ἰσραήλ, καὶ οἱ σωθέντεσ τοῦ Ἰακὼβ οὐκέτι μὴ πεποιθότεσ ὦσιν ἐπὶ τοὺσ ἀδικήσαντασ αὐτούσ, ἀλλὰ ἔσονται πεποιθότεσ ἐπὶ τὸν Θεὸν τὸν ἅγιον τοῦ Ἰσραὴλ τῇ ἀληθείᾳ, καὶ ἔσται τὸ καταλειφθὲν τοῦ Ἰακὼβ ἐπὶ Θεὸν ἰσχύοντα. καὶ ἐὰν γένηται ὁ λαὸσ Ἰσραὴλ ὡσ ἡ ἄμμοσ τῆσ θαλάσσησ, τὸ κατάλειμμα αὐτῶν σωθήσεται. λόγον συντελῶν καὶ συντέμνων ἐν δικαιοσύνῃ, ὅτι λόγον συντετμημένον Κύριοσ ποιήσει ἐν τῇ οἰκουμένῃ ὅλῃ. Διὰ τοῦτο τάδε λέγει Κύριοσ σαβαώθ. μὴ φοβοῦ, ὁ λαόσ μου, οἱ κατοικοῦντεσ ἐν Σιών, ἀπὸ Ἀσσυρίων, ὅτι ἐν ράβδῳ πατάξει σε. πληγὴν γὰρ ἐπάγω ἐπὶ σὲ τοῦ ἰδεῖν ὁδὸν Αἰγύπτου. ἔτι γὰρ μικρὸν καὶ παύσεται ἡ ὀργή, ὁ δὲ θυμόσ μου ἐπὶ τὴν βουλὴν αὐτῶν. καὶ ἐγερεῖ ὁ Θεὸσ ἐπ̓ αὐτοὺσ κατὰ τὴν πληγὴν Μαδιὰμ ἐν τόπῳ θλίψεωσ, καὶ ὁ θυμὸσ αὐτοῦ τῇ ὁδῷ τῇ κατὰ θάλασσαν εἰσ τὴν ὁδὸν τὴν κατ̓ Αἴγυπτον. καὶ ἔσται ἐν τῇ ἡμέρᾳ ἐκείνῃ ἀφαιρεθήσεται ὁ ζυγὸσ αὐτοῦ ἀπὸ τοῦ ὤμου σου καὶ ὁ φόβοσ αὐτοῦ ἀπὸ σοῦ, καὶ καταφθαρήσεται ὁ ζυγὸσ ἀπὸ τῶν ὤμων ὑμῶν. ἥξει γὰρ εἰσ τὴν πόλιν Ἀγγαὶ καὶ παρελεύσεται εἰσ Μαγγεδὼ καὶ εἰσ Μαχμὰσ θήσει τὰ σκεύη αὐτοῦ. καὶ παρελεύσεται φάραγγα καὶ ἥξει εἰσ Ἀγγαί, φόβοσ λήψεται Ραμᾶ πόλιν Σαούλ. φεύξεται ἡ θυγάτηρ Γαλλείμ, ἐπακούσεται Λαϊσά, ἐπακούσεται Ἀναθώθ. καὶ ἐξέστη Μαδεβηνὰ καὶ οἱ κατοικοῦντεσ Γιββεί̈ρ. παρακαλεῖται σήμερον ἐν ὁδῷ τοῦ μεῖναι, τῇ χειρὶ παρακαλεῖτε, τὸ ὄροσ, τὴν θυγατέρα Σιών, καὶ οἱ βουνοὶ οἱ ἐν Ἱερουσαλήμ. ἰδοὺ γὰρ ὁ δεσπότησ Κύριοσ σαβαὼθ συνταράσσει τοὺσ ἐνδόξουσ μετὰ ἰσχύοσ, καὶ οἱ ὑψηλοὶ τῇ ὕβρει συντριβήσονται, καὶ οἱ ὑψηλοὶ ταπεινωθήσονται, καὶ πεσοῦνται οἱ ὑψηλοὶ μαχαίρᾳ, ὁ δὲ Λίβανοσ σὺν τοῖσ ὑψηλοῖσ πεσεῖται.

목록

일치하는 문장이 없습니다.

SEARCH

MENU NAVIGATION